| Library / Tipiṭaka / તિપિટક • Tipiṭaka / કઙ્ખાવિતરણી-અભિનવ-ટીકા • Kaṅkhāvitaraṇī-abhinava-ṭīkā |
૬. થેય્યસત્થસિક્ખાપદવણ્ણના
6. Theyyasatthasikkhāpadavaṇṇanā
રાજાનં વા વઞ્ચેત્વાતિ રાજાનં થેનેત્વા રઞ્ઞો સન્તકં કિઞ્ચિ ગહેત્વા, ‘‘ઇદાનિ તસ્સ ન દસ્સામા’’તિ મગ્ગપ્પટિપન્ના અકતકમ્મા ચેવ કતકમ્મા ચ ચોરાતિ વુત્તં હોતિ. એસ નયો સુઙ્કં પરિહરિતુકામાતિ એત્થાપિ.
Rājānaṃ vā vañcetvāti rājānaṃ thenetvā rañño santakaṃ kiñci gahetvā, ‘‘idāni tassa na dassāmā’’ti maggappaṭipannā akatakammā ceva katakammāca corāti vuttaṃ hoti. Esa nayo suṅkaṃ pariharitukāmāti etthāpi.
કાલવિસઙ્કેતેનાતિ કાલસ્સ વિસઙ્કેતેન, દિવસવિસઙ્કેતેનાતિ વુત્તં હોતિ. મગ્ગવિસઙ્કેતેન, પન અટવિવિસઙ્કેતેન વા ગચ્છતો આપત્તિયેવ.
Kālavisaṅketenāti kālassa visaṅketena, divasavisaṅketenāti vuttaṃ hoti. Maggavisaṅketena, pana aṭavivisaṅketena vā gacchato āpattiyeva.
થેય્યસત્થસિક્ખાપદવણ્ણના નિટ્ઠિતા.
Theyyasatthasikkhāpadavaṇṇanā niṭṭhitā.
