| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੯. ਠਿਤਞ੍ਜਲਿਯਤ੍ਥੇਰਅਪਦਾਨવਣ੍ਣਨਾ
9. Ṭhitañjaliyattheraapadānavaṇṇanā
ਮਿਗਲੁਦ੍ਦੋ ਪੁਰੇ ਆਸਿਨ੍ਤਿਆਦਿਕਂ ਆਯਸ੍ਮਤੋ ਠਿਤਞ੍ਜਲਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥੁਪ੍ਪਨ੍ਨਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਤਿਸ੍ਸਸ੍ਸ ਭਗવਤੋ ਕਾਲੇ ਪੁਰਾਕਤੇਨ ਏਕੇਨ ਕਮ੍ਮਚ੍ਛਿਦ੍ਦੇਨ ਨੇਸਾਦਯੋਨਿਯਂ ਨਿਬ੍ਬਤ੍ਤਿਤ੍વਾ વਿਞ੍ਞੁਤਂ ਪਤ੍ਤੋ ਮਿਗਸੂਕਰਾਦਯੋ ਮਾਰੇਤ੍વਾ ਨੇਸਾਦਕਮ੍ਮੇਨ ਅਰਞ੍ਞੇ વਾਸਂ ਕਪ੍ਪੇਸਿ। ਤਸ੍ਮਿਂ ਸਮਯੇ ਤਿਸ੍ਸੋ ਭਗવਾ ਤਸ੍ਸਾਨੁਕਮ੍ਪਾਯ ਹਿਮવਨ੍ਤਂ ਅਗਮਾਸਿ। ਸੋ ਤਂ ਦ੍વਤ੍ਤਿਂਸવਰਲਕ੍ਖਣੇਹਿ ਅਸੀਤਾਨੁਬ੍ਯਞ੍ਜਨਬ੍ਯਾਮਪ੍ਪਭਾਹਿ ਚ ਜਲਮਾਨਂ ਭਗવਨ੍ਤਂ ਦਿਸ੍વਾ ਸੋਮਨਸ੍ਸਜਾਤੋ ਪਣਾਮਂ ਕਤ੍વਾ ਗਨ੍ਤ੍વਾ ਪਣ੍ਣਸਨ੍ਥਰੇ ਨਿਸੀਦਿ। ਤਸ੍ਮਿਂ ਖਣੇ ਦੇવੋ ਗਜ੍ਜਨ੍ਤੋ ਅਸਨਿ ਪਤਿ, ਤਤੋ ਮਰਣਸਮਯੇ ਬੁਦ੍ਧਮਨੁਸ੍ਸਰਿਤ੍વਾ ਪੁਨਞ੍ਜਲਿਮਕਾਸਿ। ਸੋ ਤੇਨ ਪੁਞ੍ਞੇਨ ਸੁਖੇਤ੍ਤੇ ਕਤਕੁਸਲਤ੍ਤਾ ਅਕੁਸਲવਿਪਾਕਂ ਪਟਿਬਾਹਿਤ੍વਾ ਸਗ੍ਗੇ ਨਿਬ੍ਬਤ੍ਤੋ ਕਾਮਾવਚਰਸਮ੍ਪਤ੍ਤਿਯੋ ਅਨੁਭવਿਤ੍વਾ ਮਨੁਸ੍ਸੇਸੁ ਮਨੁਸ੍ਸਸਮ੍ਪਤ੍ਤਿਯੋ ਚ ਅਨੁਭવਿਤ੍વਾ ਅਪਰਭਾਗੇ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਪੁਰਾਕਤવਾਸਨਾਯ ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਾ ਅਹੋਸਿ।
Migaluddo pure āsintiādikaṃ āyasmato ṭhitañjaliyattherassa apadānaṃ. Ayampi purimabuddhesu katādhikāro tattha tatthuppannabhave vivaṭṭūpanissayāni puññāni upacinanto tissassa bhagavato kāle purākatena ekena kammacchiddena nesādayoniyaṃ nibbattitvā viññutaṃ patto migasūkarādayo māretvā nesādakammena araññe vāsaṃ kappesi. Tasmiṃ samaye tisso bhagavā tassānukampāya himavantaṃ agamāsi. So taṃ dvattiṃsavaralakkhaṇehi asītānubyañjanabyāmappabhāhi ca jalamānaṃ bhagavantaṃ disvā somanassajāto paṇāmaṃ katvā gantvā paṇṇasanthare nisīdi. Tasmiṃ khaṇe devo gajjanto asani pati, tato maraṇasamaye buddhamanussaritvā punañjalimakāsi. So tena puññena sukhette katakusalattā akusalavipākaṃ paṭibāhitvā sagge nibbatto kāmāvacarasampattiyo anubhavitvā manussesu manussasampattiyo ca anubhavitvā aparabhāge imasmiṃ buddhuppāde ekasmiṃ kulagehe nibbatto vuddhimanvāya purākatavāsanāya satthari pasīditvā pabbajito nacirasseva arahā ahosi.
੪੨. ਸੋ ਤਤੋ ਪਰਂ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਮਿਗਲੁਦ੍ਦੋ ਪੁਰੇ ਆਸਿਨ੍ਤਿਆਦਿਮਾਹ। ਤਤ੍ਥ ਮਿਗਲੁਦ੍ਦੋਤਿ ਮਿਗਾਨਂ ਮਾਰਣਂ ਉਪਗਚ੍ਛਤੀਤਿ ਮਿਗਲੁਦ੍ਦੋ। ਮਿਗਨ੍ਤਿ ਸੀਘਂ વਾਤવੇਗੇਨ ਗਚ੍ਛਨ੍ਤਿ ਧਾવਨ੍ਤੀਤਿ ਮਿਗਾ, ਤੇਸਂ ਮਿਗਾਨਂ ਮਾਰਣੇ ਲੁਦ੍ਦੋ ਦਾਰੁਣੋ ਲੋਭੀਤਿ ਮਿਗਲੁਦ੍ਦੋ। ਸੋ ਅਹਂ ਪੁਰੇ ਭਗવਤੋ ਦਸ੍ਸਨਸਮਯੇ ਮਿਗਲੁਦ੍ਦੋ ਆਸਿਂ ਅਹੋਸਿਨ੍ਤਿ ਅਤ੍ਥੋ । ਅਰਞ੍ਞੇ ਕਾਨਨੇਤਿ ਅਰਤਿ ਗਚ੍ਛਤਿ ਮਿਗਸਮੂਹੋ ਏਤ੍ਥਾਤਿ ਅਰਞ੍ਞਂ, ਅਥ વਾ ਆ ਸਮਨ੍ਤਤੋ ਰਜ੍ਜਨ੍ਤਿ ਤਤ੍ਥ વਿવੇਕਾਭਿਰਤਾ ਬੁਦ੍ਧਪਚ੍ਚੇਕਬੁਦ੍ਧਾਦਯੋ ਮਹਾਸਾਰਪ੍ਪਤ੍ਤਾ ਸਪ੍ਪੁਰਿਸਾਤਿ ਅਰਞ੍ਞਂ। ਕਾ ਕੁਚ੍ਛਿਤਾਕਾਰੇਨ વਾ ਭਯਾਨਕਾਕਾਰੇਨ વਾ ਨਦਨ੍ਤਿ ਸਦ੍ਦਂ ਕਰੋਨ੍ਤਿ, ਆਨਨ੍ਤਿ વਿਨ੍ਦਨ੍ਤੀਤਿ વਾ ਕਾਨਨਂ, ਤਸ੍ਮਿਂ ਅਰਞ੍ਞੇ ਕਾਨਨੇ ਮਿਗਲੁਦ੍ਦੋ ਪੁਰੇ ਆਸਿਨ੍ਤਿ ਸਮ੍ਬਨ੍ਧੋ। ਤਤ੍ਥ ਅਦ੍ਦਸਂ ਸਮ੍ਬੁਦ੍ਧਨ੍ਤਿ ਤਤ੍ਥ ਤਸ੍ਮਿਂ ਅਰਞ੍ਞੇ ਉਪਗਤਂ ਸਮ੍ਬੁਦ੍ਧਂ ਅਦ੍ਦਸਂ ਅਦ੍ਦਕ੍ਖਿਨ੍ਤਿ ਅਤ੍ਥੋ। ਦਸ੍ਸਨਂ ਪੁਰੇ ਅਹੋਸਿ ਅવਿਦੂਰੇ, ਤਸ੍ਮਾ ਮਨੋਦ੍વਾਰਾਨੁਸਾਰੇਨ ਚਕ੍ਖੁવਿਞ੍ਞਾਣਂ ਪੁਰੇਚਾਰਿਕਂ ਕਾਯવਿਞ੍ਞਾਣਸਮਙ੍ਗਿਂ ਪਾਪੇਤਿ ਅਪ੍ਪੇਤੀਤਿ ਅਤ੍ਥੋ।
42. So tato paraṃ attano pubbakammaṃ saritvā somanassajāto pubbacaritāpadānaṃ pakāsento migaluddo pure āsintiādimāha. Tattha migaluddoti migānaṃ māraṇaṃ upagacchatīti migaluddo. Miganti sīghaṃ vātavegena gacchanti dhāvantīti migā, tesaṃ migānaṃ māraṇe luddo dāruṇo lobhīti migaluddo. So ahaṃ pure bhagavato dassanasamaye migaluddo āsiṃ ahosinti attho . Araññe kānaneti arati gacchati migasamūho etthāti araññaṃ, atha vā ā samantato rajjanti tattha vivekābhiratā buddhapaccekabuddhādayo mahāsārappattā sappurisāti araññaṃ. Kā kucchitākārena vā bhayānakākārena vā nadanti saddaṃ karonti, ānanti vindantīti vā kānanaṃ, tasmiṃ araññe kānane migaluddo pure āsinti sambandho. Tattha addasaṃ sambuddhanti tattha tasmiṃ araññe upagataṃ sambuddhaṃ addasaṃ addakkhinti attho. Dassanaṃ pure ahosi avidūre, tasmā manodvārānusārena cakkhuviññāṇaṃ purecārikaṃ kāyaviññāṇasamaṅgiṃ pāpeti appetīti attho.
੪੪. ਤਤੋ ਮੇ ਅਸਨੀਪਾਤੋਤਿ ਆ ਸਮਨ੍ਤਤੋ ਸਨਨ੍ਤੋ ਗਜ੍ਜਨ੍ਤੋ ਪਤਤੀਤਿ ਅਸਨਿ, ਅਸਨਿਯਾ ਪਾਤੋ ਪਤਨਂ ਅਸਨੀਪਾਤੋ, ਦੇવਦਣ੍ਡੋਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
44.Tato me asanīpātoti ā samantato sananto gajjanto patatīti asani, asaniyā pāto patanaṃ asanīpāto, devadaṇḍoti attho. Sesaṃ sabbattha uttānatthamevāti.
ਠਿਤਞ੍ਜਲਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Ṭhitañjaliyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੯. ਠਿਤਞ੍ਜਲਿਯਤ੍ਥੇਰਅਪਦਾਨਂ • 9. Ṭhitañjaliyattheraapadānaṃ
