| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४. तिचम्पकपुप्फियत्थेरअपदानं
4. Ticampakapupphiyattheraapadānaṃ
१३.
13.
तस्स वेमज्झे वसति, समणो भावितिन्द्रियो॥
Tassa vemajjhe vasati, samaṇo bhāvitindriyo.
१४.
14.
‘‘दिस्वान तस्सोपसमं, विप्पसन्नेन चेतसा।
‘‘Disvāna tassopasamaṃ, vippasannena cetasā;
तीणि चम्पकपुप्फानि, गहेत्वान समोकिरिं॥
Tīṇi campakapupphāni, gahetvāna samokiriṃ.
१५.
15.
‘‘एकनवुतितो कप्पे, यं पुप्फमभिपूजयिं।
‘‘Ekanavutito kappe, yaṃ pupphamabhipūjayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
१६.
16.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा तिचम्पकपुप्फियो थेरो इमा गाथायो अभासित्थाति।
Itthaṃ sudaṃ āyasmā ticampakapupphiyo thero imā gāthāyo abhāsitthāti.
तिचम्पकपुप्फियत्थेरस्सापदानं चतुत्थं।
Ticampakapupphiyattherassāpadānaṃ catutthaṃ.
Footnotes:
