| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੩. ਤਿਕਨਿਦ੍ਦੇਸવਣ੍ਣਨਾ
3. Tikaniddesavaṇṇanā
੯੧. ਸੇਸਸਂવਰਭੇਦੇਨਾਤਿ ਕਾਯਿਕવਾਚਸਿਕવੀਤਿਕ੍ਕਮਤੋ ਸੇਸੇਨ ਸਂવਰવਿਨਾਸੇਨ। ਸੋ ਪਨ ਦ੍વਾਰવਸੇਨ વੁਚ੍ਚਮਾਨੋ ਮਨੋਦ੍વਾਰਿਕੋ ਹੋਤੀਤਿ ਆਹ ‘‘ਮਨੋਸਂવਰਭੇਦੇਨਾ’’ਤਿ। ਇਦਾਨਿ ਤਂ ਪਕਾਰਭੇਦੇਨ ਦਸ੍ਸੇਨ੍ਤੋ ‘‘ਸਤਿਸਂવਰਾਦਿਭੇਦੇਨ વਾ’’ਤਿ ਆਹ, ਮੁਟ੍ਠਸਚ੍ਚਾਦਿਪ੍ਪવਤ੍ਤਿਯਾਤਿ ਅਤ੍ਥੋ। ਯਂ ਕਿਞ੍ਚਿ ਸਭਾવਭੂਤਂ ਚਰਿਤਮ੍ਪਿ ‘‘ਸੀਲ’’ਨ੍ਤਿ વੁਚ੍ਚਤੀਤਿ ਅਕੁਸਲਸ੍ਸਪਿ ਸੀਲਪਰਿਯਾਯੋ વੁਤ੍ਤੋ।
91. Sesasaṃvarabhedenāti kāyikavācasikavītikkamato sesena saṃvaravināsena. So pana dvāravasena vuccamāno manodvāriko hotīti āha ‘‘manosaṃvarabhedenā’’ti. Idāni taṃ pakārabhedena dassento ‘‘satisaṃvarādibhedena vā’’ti āha, muṭṭhasaccādippavattiyāti attho. Yaṃ kiñci sabhāvabhūtaṃ caritampi ‘‘sīla’’nti vuccatīti akusalassapi sīlapariyāyo vutto.
੯੪. ਸਮਾਨવਿਸਯਾਨਨ੍ਤਿ ਪਠਮਫਲਾਦਿਕੋ ਸਮਾਨੋ ਏવਰੂਪੋ વਿਸਯੋ ਏਤੇਸਨ੍ਤਿ ਸਮਾਨવਿਸਯਾ, ਤੇਸਂ।
94. Samānavisayānanti paṭhamaphalādiko samāno evarūpo visayo etesanti samānavisayā, tesaṃ.
੧੦੭. ਤਦਤ੍ਥੋ ਤਪ੍ਪਯੋਜਨੋ ਲੋਕੁਤ੍ਤਰਸਾਧਕੋਤਿ ਅਤ੍ਥੋ। ਤਸ੍ਸ ਪਰਮਤ੍ਥਸਾਸਨਸ੍ਸ। ਮੂਲੇਕਦੇਸਤ੍ਤਾਤਿ ਮੂਲਭਾવੇਨ ਏਕਦੇਸਤ੍ਤਾ।
107. Tadattho tappayojano lokuttarasādhakoti attho. Tassa paramatthasāsanassa. Mūlekadesattāti mūlabhāvena ekadesattā.
੧੧੮. ਉਨ੍ਨਲ਼ੋ ਉਗ੍ਗਤਤੁਚ੍ਛਮਾਨੋ।
118. Unnaḷo uggatatucchamāno.
੧੨੩. ਸੀਲਸ੍ਸ ਅਨੁਗ੍ਗਣ੍ਹਨਂ ਅਪਰਿਸੁਦ੍ਧਿਯਂ ਸੋਧਨਂ ਅਪਾਰਿਪੂਰਿਯਂ ਪੂਰਣਞ੍ਚਾਤਿ ਆਹ ‘‘ਸੋਧੇਤਬ੍ਬੇ ਚ વਡ੍ਢੇਤਬ੍ਬੇ ਚਾ’’ਤਿ। ਅਧਿਸੀਲਂ ਨਿਸ੍ਸਾਯਾਤਿ ਅਧਿਸੀਲਂ ਨਿਸ੍ਸਯਂ ਕਤ੍વਾ ਉਪ੍ਪਨ੍ਨਪਞ੍ਞਾਯ।
123. Sīlassa anuggaṇhanaṃ aparisuddhiyaṃ sodhanaṃ apāripūriyaṃ pūraṇañcāti āha ‘‘sodhetabbe ca vaḍḍhetabbe cā’’ti. Adhisīlaṃ nissāyāti adhisīlaṃ nissayaṃ katvā uppannapaññāya.
੧੨੪. ਗੂਥਸਦਿਸਤ੍ਤਮੇવ ਦਸ੍ਸੇਤਿ, ਨ ਗੂਥਕੂਪਸਦਿਸਤ੍ਤਨ੍ਤਿ ਅਧਿਪ੍ਪਾਯੋ। ਗੂਥવਸੇਨੇવ ਹਿ ਕੂਪਸ੍ਸਪਿ ਜਿਗੁਚ੍ਛਨੀਯਤਾਤਿ। ਅਯਞ੍ਚ ਅਤ੍ਥੋ ਗੂਥਰਾਸਿਯੇવ ਗੂਥਕੂਪੋਤਿ ਇਮਸ੍ਮਿਂ ਪਕ੍ਖੇ ਨવਤ੍ਤਬ੍ਬੋ ਸਿਯਾ।
124. Gūthasadisattameva dasseti, na gūthakūpasadisattanti adhippāyo. Gūthavaseneva hi kūpassapi jigucchanīyatāti. Ayañca attho gūtharāsiyeva gūthakūpoti imasmiṃ pakkhe navattabbo siyā.
੧੩੦. ਸਰਭਙ੍ਗਸਤ੍ਥਾਰਾਦਯੋ ਰੂਪਭવਾਦਿਕਾਮਾਦਿਪਰਿਞ੍ਞਂ ਕਤ੍વਾ ਪਞ੍ਞਪੇਨ੍ਤੋ ਲੋਕਿਯਂ ਪਰਿਞ੍ਞਂ ਸਮ੍ਮਦੇવ ਪਞ੍ਞਪੇਨ੍ਤੀਤਿ ਆਹ ‘‘ਯੇਭੁਯ੍ਯੇਨ ਨ ਸਕ੍ਕੋਨ੍ਤੀ’’ਤਿ। ਅਸਮਤ੍ਥਭਾવਂ વਾ ਸਨ੍ਧਾਯ ਨੋ ਚ ਪਞ੍ਞਾਪੇਤੁਂ ਸਕ੍ਕੋਨ੍ਤੀਤਿ વੁਤ੍ਤਨ੍ਤਿ ਯੋਜਨਾ।
130. Sarabhaṅgasatthārādayo rūpabhavādikāmādipariññaṃ katvā paññapento lokiyaṃ pariññaṃ sammadeva paññapentīti āha ‘‘yebhuyyena na sakkontī’’ti. Asamatthabhāvaṃ vā sandhāya no ca paññāpetuṃ sakkontīti vuttanti yojanā.
ਤਿਕਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Tikaniddesavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਪੁਗ੍ਗਲਪਞ੍ਞਤ੍ਤਿਪਾਲ਼ਿ • Puggalapaññattipāḷi / ੩. ਤਿਕਪੁਗ੍ਗਲਪਞ੍ਞਤ੍ਤਿ • 3. Tikapuggalapaññatti
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੩. ਤਿਕਨਿਦ੍ਦੇਸવਣ੍ਣਨਾ • 3. Tikaniddesavaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੩. ਤਿਕਨਿਦ੍ਦੇਸવਣ੍ਣਨਾ • 3. Tikaniddesavaṇṇanā
