| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
51. ган̣игаараваг̇г̇о
51. Kaṇikāravaggo
1. д̇иган̣игаарабубпияад̇т̇зраабад̣̇аанам̣
1. Tikaṇikārapupphiyattheraapadānaṃ
1.
1.
‘‘сумзд̇хо наама самб̣уд̣̇д̇хо, б̣аад̇д̇им̣саваралагкан̣о;
‘‘Sumedho nāma sambuddho, bāttiṃsavaralakkhaṇo;
вивзгагаамо самб̣уд̣̇д̇хо, химаванд̇амубааг̇амим̣.
Vivekakāmo sambuddho, himavantamupāgamiṃ.
2.
2.
‘‘аж̇жхог̇аяха химаванд̇ам̣, аг̇г̇о гаарун̣иго муни;
‘‘Ajjhogayha himavantaṃ, aggo kāruṇiko muni;
баллан̇гамаабхуж̇ид̇ваана, нисийд̣̇и бурисуд̇д̇амо.
Pallaṅkamābhujitvāna, nisīdi purisuttamo.
3.
3.
‘‘виж̇ж̇аад̇харо д̇ад̣̇аа аасим̣, анд̇алигкажаро ахам̣;
‘‘Vijjādharo tadā āsiṃ, antalikkhacaro ahaṃ;
д̇исуулам̣ сугад̇ам̣ г̇аяха, г̇ажчаами амб̣арз д̇ад̣̇аа.
Tisūlaṃ sukataṃ gayha, gacchāmi ambare tadā.
4.
4.
‘‘баб̣б̣ад̇аг̇г̇з яат̇аа аг̇г̇и, бун̣н̣амааязва жанд̣̇имаа;
‘‘Pabbatagge yathā aggi, puṇṇamāyeva candimā;
ванз обхаасад̇з б̣уд̣̇д̇хо, сааларааж̇аава пуллид̇о.
Vane obhāsate buddho, sālarājāva phullito.
5.
5.
‘‘ванаг̇г̇аа нигкамид̇ваана, б̣уд̣̇д̇харам̣сийбхид̇хааварз;
‘‘Vanaggā nikkhamitvāna, buddharaṃsībhidhāvare;
нал̣аг̇г̇иван̣н̣асан̇гаасаа, д̣̇исваа жид̇д̇ам̣ басаад̣̇аяим̣.
Naḷaggivaṇṇasaṅkāsā, disvā cittaṃ pasādayiṃ.
6.
6.
‘‘вижинам̣ ад̣̇д̣̇асам̣ бубпам̣, ган̣игаарам̣ д̣̇зваг̇анд̇хигам̣;
‘‘Vicinaṃ addasaṃ pupphaṃ, kaṇikāraṃ devagandhikaṃ;
д̇ийн̣и бубпаани аад̣̇ааяа, б̣уд̣̇д̇хасздтамабууж̇аяим̣.
Tīṇi pupphāni ādāya, buddhaseṭṭhamapūjayiṃ.
7.
7.
‘‘б̣уд̣̇д̇хасса аанубхаавзна, д̇ийн̣и бубпаани мз д̇ад̣̇аа;
‘‘Buddhassa ānubhāvena, tīṇi pupphāni me tadā;
уд̣̇д̇хам̣ван̣даа ад̇хобад̇д̇аа, чааяам̣ губ̣б̣анд̇и сад̇т̇уно.
Uddhaṃvaṇṭā adhopattā, chāyaṃ kubbanti satthuno.
8.
8.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
9.
9.
‘‘д̇ад̇т̇а мз сугад̇ам̣ б̣яамхам̣, ган̣игаарийд̇и н̃ааяад̇и;
‘‘Tattha me sukataṃ byamhaṃ, kaṇikārīti ñāyati;
садтияож̇анамуб̣б̣зд̇хам̣, д̇им̣саяож̇анавид̇т̇ад̇ам̣.
Saṭṭhiyojanamubbedhaṃ, tiṃsayojanavitthataṃ.
10.
10.
‘‘сахассаган̣д̣ам̣ сад̇абхзн̣д̣у 1, д̇хаж̇аалухарид̇аамаяам̣;
‘‘Sahassakaṇḍaṃ satabheṇḍu 2, dhajāluharitāmayaṃ;
сад̇асахассанияяуухаа, б̣яамхз баад̇убхавим̣су мз.
Satasahassaniyyūhā, byamhe pātubhaviṃsu me.
11.
11.
‘‘сон̣н̣амаяаа ман̣имаяаа, лохид̇ан̇г̇амаяааби жа;
‘‘Soṇṇamayā maṇimayā, lohitaṅgamayāpi ca;
12.
12.
‘‘махаарахан̃жа саяанам̣, д̇уулигаавигад̇ийяуд̇ам̣;
‘‘Mahārahañca sayanaṃ, tūlikāvikatīyutaṃ;
13.
13.
‘‘бхаванаа нигкамид̇ваана, жаранд̇о д̣̇зважааригам̣;
‘‘Bhavanā nikkhamitvāna, caranto devacārikaṃ;
яад̣̇аа ижчаами г̇аманам̣, д̣̇звасан̇гхабурагкад̇о.
Yadā icchāmi gamanaṃ, devasaṅghapurakkhato.
14.
14.
‘‘бубпасса хздтаа д̇идтаами, убарижчад̣̇анам̣ мама;
‘‘Pupphassa heṭṭhā tiṭṭhāmi, uparicchadanaṃ mama;
саманд̇аа яож̇анасад̇ам̣, ган̣игаарзхи чаад̣̇ид̇ам̣.
Samantā yojanasataṃ, kaṇikārehi chāditaṃ.
15.
15.
‘‘садтид̇урияасахассаани, сааяабаад̇амубадтахум̣;
‘‘Saṭṭhituriyasahassāni, sāyapātamupaṭṭhahuṃ;
бариваарзнд̇и мам̣ нижжам̣, рад̇д̇инд̣̇ивамад̇анд̣̇ид̇аа.
Parivārenti maṃ niccaṃ, rattindivamatanditā.
16.
16.
‘‘д̇ад̇т̇а нажжзхи г̇ийд̇зхи, д̇аал̣зхи ваад̣̇ид̇зхи жа;
‘‘Tattha naccehi gītehi, tāḷehi vāditehi ca;
рамаами кид̣д̣аарад̇ияаа, мод̣̇аами гаамагаамихам̣.
Ramāmi khiḍḍāratiyā, modāmi kāmakāmihaṃ.
17.
17.
‘‘д̇ад̇т̇а бхуд̇ваа бивид̇ваа жа, мод̣̇аами д̇ид̣̇асз д̇ад̣̇аа;
‘‘Tattha bhutvā pivitvā ca, modāmi tidase tadā;
наарийг̇ан̣зхи сахид̇о, мод̣̇аами б̣яамхамуд̇д̇амз.
Nārīgaṇehi sahito, modāmi byamhamuttame.
18.
18.
‘‘сад̇аанам̣ бан̃жагкад̇д̇ун̃жа, д̣̇звараж̇ж̇амагаараяим̣;
‘‘Satānaṃ pañcakkhattuñca, devarajjamakārayiṃ;
сад̇аанам̣ д̇ийн̣игкад̇д̇ун̃жа, жаггавад̇д̇ий ахосахам̣;
Satānaṃ tīṇikkhattuñca, cakkavattī ahosahaṃ;
бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣.
Padesarajjaṃ vipulaṃ, gaṇanāto asaṅkhiyaṃ.
19.
19.
‘‘бхаваабхавз сам̣саранд̇о, махаабхог̇ам̣ лабхаамахам̣;
‘‘Bhavābhave saṃsaranto, mahābhogaṃ labhāmahaṃ;
бхог̇з мз уунад̇аа над̇т̇и, б̣уд̣̇д̇хабууж̇ааяид̣̇ам̣ палам̣.
Bhoge me ūnatā natthi, buddhapūjāyidaṃ phalaṃ.
20.
20.
‘‘д̣̇увз бхавз сам̣сараами, д̣̇звад̇д̇з ат̇а маанусз;
‘‘Duve bhave saṃsarāmi, devatte atha mānuse;
ан̃н̃ам̣ г̇ад̇им̣ на ж̇аанаами, б̣уд̣̇д̇хабууж̇ааяид̣̇ам̣ палам̣.
Aññaṃ gatiṃ na jānāmi, buddhapūjāyidaṃ phalaṃ.
21.
21.
‘‘д̣̇увз гулз баж̇ааяаами, кад̇д̇ияз жааби б̣раахман̣з;
‘‘Duve kule pajāyāmi, khattiye cāpi brāhmaṇe;
нийжз гулз на ж̇ааяаами, б̣уд̣̇д̇хабууж̇ааяид̣̇ам̣ палам̣.
Nīce kule na jāyāmi, buddhapūjāyidaṃ phalaṃ.
22.
22.
‘‘хад̇т̇ияаанам̣ ассаяаанам̣, сивигам̣ санд̣̇амаанигам̣;
‘‘Hatthiyānaṃ assayānaṃ, sivikaṃ sandamānikaṃ;
лабхаами саб̣б̣амзвзд̇ам̣, б̣уд̣̇д̇хабууж̇ааяид̣̇ам̣ палам̣.
Labhāmi sabbamevetaṃ, buddhapūjāyidaṃ phalaṃ.
23.
23.
‘‘д̣̇аасийг̇ан̣ам̣ д̣̇аасаг̇ан̣ам̣, наарияо самалан̇гад̇аа;
‘‘Dāsīgaṇaṃ dāsagaṇaṃ, nāriyo samalaṅkatā;
лабхаами саб̣б̣амзвзд̇ам̣, б̣уд̣̇д̇хабууж̇ааяид̣̇ам̣ палам̣.
Labhāmi sabbamevetaṃ, buddhapūjāyidaṃ phalaṃ.
24.
24.
‘‘госзяяагамб̣алияаани, комагаббаасигаани жа;
‘‘Koseyyakambaliyāni, khomakappāsikāni ca;
лабхаами саб̣б̣амзвзд̇ам̣, б̣уд̣̇д̇хабууж̇ааяид̣̇ам̣ палам̣.
Labhāmi sabbamevetaṃ, buddhapūjāyidaṃ phalaṃ.
25.
25.
‘‘нававад̇т̇ам̣ навапалам̣, наваг̇г̇арасабхож̇анам̣;
‘‘Navavatthaṃ navaphalaṃ, navaggarasabhojanaṃ;
лабхаами саб̣б̣амзвзд̇ам̣, б̣уд̣̇д̇хабууж̇ааяид̣̇ам̣ палам̣.
Labhāmi sabbamevetaṃ, buddhapūjāyidaṃ phalaṃ.
26.
26.
‘‘имам̣ каад̣̇а имам̣ бхун̃ж̇а, имамхи саяанз саяа;
‘‘Imaṃ khāda imaṃ bhuñja, imamhi sayane saya;
лабхаами саб̣б̣амзвзд̇ам̣, б̣уд̣̇д̇хабууж̇ааяид̣̇ам̣ палам̣.
Labhāmi sabbamevetaṃ, buddhapūjāyidaṃ phalaṃ.
27.
27.
‘‘саб̣б̣ад̇т̇а бууж̇ид̇о хоми, яасо аб̣бхуг̇г̇ад̇о мама;
‘‘Sabbattha pūjito homi, yaso abbhuggato mama;
махаабагко сад̣̇аа хоми, абхзж̇ж̇абарисо сад̣̇аа;
Mahāpakkho sadā homi, abhejjapariso sadā;
н̃аад̇ийнам̣ уд̇д̇амо хоми, б̣уд̣̇д̇хабууж̇ааяид̣̇ам̣ палам̣.
Ñātīnaṃ uttamo homi, buddhapūjāyidaṃ phalaṃ.
28.
28.
‘‘сийд̇ам̣ ун̣хам̣ на ж̇аанаами, барил̣аахо на виж̇ж̇ад̇и;
‘‘Sītaṃ uṇhaṃ na jānāmi, pariḷāho na vijjati;
ат̇о жзд̇асигам̣ д̣̇угкам̣, хад̣̇аяз мз на виж̇ж̇ад̇и.
Atho cetasikaṃ dukkhaṃ, hadaye me na vijjati.
29.
29.
‘‘суван̣н̣аван̣н̣о худ̇ваана, сам̣сараами бхаваабхавз;
‘‘Suvaṇṇavaṇṇo hutvāna, saṃsarāmi bhavābhave;
взван̣н̣ияам̣ на ж̇аанаами, б̣уд̣̇д̇хабууж̇ааяид̣̇ам̣ палам̣.
Vevaṇṇiyaṃ na jānāmi, buddhapūjāyidaṃ phalaṃ.
30.
30.
‘‘д̣̇звалогаа жавид̇ваана, суггамуулзна жод̣̇ид̇о;
‘‘Devalokā cavitvāna, sukkamūlena codito;
саавад̇т̇ияам̣ бурз ж̇аад̇о, махаасаалз суад̣дхагз.
Sāvatthiyaṃ pure jāto, mahāsāle suaḍḍhake.
31.
31.
‘‘бан̃жа гаамаг̇ун̣з хид̇ваа, баб̣б̣аж̇им̣ анаг̇аарияам̣;
‘‘Pañca kāmaguṇe hitvā, pabbajiṃ anagāriyaṃ;
ж̇аад̇ияаа сад̇д̇авассохам̣, арахад̇д̇амабаабун̣им̣.
Jātiyā sattavassohaṃ, arahattamapāpuṇiṃ.
32.
32.
‘‘убасамбаад̣̇аяий б̣уд̣̇д̇хо, г̇ун̣аман̃н̃ааяа жагкумаа;
‘‘Upasampādayī buddho, guṇamaññāya cakkhumā;
д̇арун̣о бууж̇анийяохам̣, б̣уд̣̇д̇хабууж̇ааяид̣̇ам̣ палам̣.
Taruṇo pūjanīyohaṃ, buddhapūjāyidaṃ phalaṃ.
33.
33.
‘‘д̣̇иб̣б̣ажагку висуд̣̇д̇хам̣ мз, самаад̇хигусало ахам̣;
‘‘Dibbacakkhu visuddhaṃ me, samādhikusalo ahaṃ;
абхин̃н̃аабаарамиббад̇д̇о, б̣уд̣̇д̇хабууж̇ааяид̣̇ам̣ палам̣.
Abhiññāpāramippatto, buddhapūjāyidaṃ phalaṃ.
34.
34.
‘‘бадисамбхид̣̇аа ануббад̇д̇о, ид̣̇д̇хибаад̣̇зсу говид̣̇о;
‘‘Paṭisambhidā anuppatto, iddhipādesu kovido;
д̇хаммзсу баарамиббад̇д̇о, б̣уд̣̇д̇хабууж̇ааяид̣̇ам̣ палам̣.
Dhammesu pāramippatto, buddhapūjāyidaṃ phalaṃ.
35.
35.
‘‘д̇им̣сагаббасахассамхи , яам̣ б̣уд̣̇д̇хамабхибууж̇аяим̣;
‘‘Tiṃsakappasahassamhi , yaṃ buddhamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
36.
36.
‘‘гилзсаа жхаабид̇аа маяхам̣, бхаваа саб̣б̣з самуухад̇аа;
‘‘Kilesā jhāpitā mayhaṃ, bhavā sabbe samūhatā;
нааг̇ова б̣анд̇ханам̣ чзд̇ваа, вихараами анаасаво.
Nāgova bandhanaṃ chetvā, viharāmi anāsavo.
37.
37.
‘‘свааг̇ад̇ам̣ вад̇а мз ааси, мама б̣уд̣̇д̇хасса санд̇игз;
‘‘Svāgataṃ vata me āsi, mama buddhassa santike;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
38.
38.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣.
Chaḷabhiññā sacchikatā, kataṃ buddhassa sāsanaṃ.
ид̇т̇ам̣ суд̣̇ам̣ ааяасмаа д̇иган̣игаарабубпияо т̇зро имаа
Itthaṃ sudaṃ āyasmā tikaṇikārapupphiyo thero imā
г̇аат̇ааяо абхаасид̇т̇аад̇и.
Gāthāyo abhāsitthāti.
д̇иган̣игаарабубпияад̇т̇зрассаабад̣̇аанам̣ батамам̣.
Tikaṇikārapupphiyattherassāpadānaṃ paṭhamaṃ.
Footnotes:
