| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. д̇иган̣н̣асуд̇д̇ам̣
8. Tikaṇṇasuttaṃ
59. ат̇а ко д̇иган̣н̣о б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣…бз… згаманд̇ам̣ нисинно ко д̇иган̣н̣о б̣раахман̣о бхаг̇авад̇о саммукаа д̇звиж̇ж̇аанам̣ суд̣̇ам̣ б̣раахман̣аанам̣ ван̣н̣ам̣ бхаасад̇и – ‘‘звамби д̇звиж̇ж̇аа б̣раахман̣аа, ид̇иби д̇звиж̇ж̇аа б̣раахман̣аа’’д̇и.
59. Atha kho tikaṇṇo brāhmaṇo yena bhagavā tenupasaṅkami; upasaṅkamitvā bhagavatā saddhiṃ…pe… ekamantaṃ nisinno kho tikaṇṇo brāhmaṇo bhagavato sammukhā tevijjānaṃ sudaṃ brāhmaṇānaṃ vaṇṇaṃ bhāsati – ‘‘evampi tevijjā brāhmaṇā, itipi tevijjā brāhmaṇā’’ti.
‘‘яат̇аа гат̇ам̣ бана, б̣раахман̣а, б̣раахман̣аа б̣раахман̣ам̣ д̇звиж̇ж̇ам̣ бан̃н̃аабзнд̇ий’’д̇и? ‘‘ид̇ха, бхо г̇од̇ама, б̣раахман̣о убхад̇о суж̇аад̇о ход̇и маад̇ид̇о жа бид̇ид̇о жа, сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа, агкид̇д̇о анубаггудто ж̇аад̇иваад̣̇зна, аж̇жхааяаго, манд̇ад̇харо, д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣, бад̣̇аго, взяяаагаран̣о, логааяад̇амахаабурисалагкан̣зсу анаваяод̇и. звам̣ ко, бхо г̇од̇ама, б̣раахман̣аа д̇звиж̇ж̇ам̣ бан̃н̃аабзнд̇ий’’д̇и.
‘‘Yathā kathaṃ pana, brāhmaṇa, brāhmaṇā brāhmaṇaṃ tevijjaṃ paññāpentī’’ti? ‘‘Idha, bho gotama, brāhmaṇo ubhato sujāto hoti mātito ca pitito ca, saṃsuddhagahaṇiko yāva sattamā pitāmahayugā, akkhitto anupakkuṭṭho jātivādena, ajjhāyako, mantadharo, tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ, padako, veyyākaraṇo, lokāyatamahāpurisalakkhaṇesu anavayoti. Evaṃ kho, bho gotama, brāhmaṇā tevijjaṃ paññāpentī’’ti.
‘‘ан̃н̃ат̇аа ко, б̣раахман̣а, б̣раахман̣аа б̣раахман̣ам̣ д̇звиж̇ж̇ам̣ бан̃н̃абзнд̇и, ан̃н̃ат̇аа жа бана арияасса винаяз д̇звиж̇ж̇о ход̇ий’’д̇и. ‘‘яат̇аа гат̇ам̣ бана, бхо г̇од̇ама, арияасса винаяз д̇звиж̇ж̇о ход̇и? саад̇ху мз бхавам̣ г̇од̇амо д̇ат̇аа д̇хаммам̣ д̣̇зсзд̇у яат̇аа арияасса винаяз д̇звиж̇ж̇о ход̇ий’’д̇и. ‘‘д̇зна хи, б̣раахман̣а, сун̣аахи, саад̇хугам̣ манаси гарохи; бхаасиссаамий’’д̇и. ‘‘звам̣, бхо’’д̇и ко д̇иган̣н̣о б̣раахман̣о бхаг̇авад̇о бажжассоси. бхаг̇аваа зд̇ад̣̇авожа –
‘‘Aññathā kho, brāhmaṇa, brāhmaṇā brāhmaṇaṃ tevijjaṃ paññapenti, aññathā ca pana ariyassa vinaye tevijjo hotī’’ti. ‘‘Yathā kathaṃ pana, bho gotama, ariyassa vinaye tevijjo hoti? Sādhu me bhavaṃ gotamo tathā dhammaṃ desetu yathā ariyassa vinaye tevijjo hotī’’ti. ‘‘Tena hi, brāhmaṇa, suṇāhi, sādhukaṃ manasi karohi; bhāsissāmī’’ti. ‘‘Evaṃ, bho’’ti kho tikaṇṇo brāhmaṇo bhagavato paccassosi. Bhagavā etadavoca –
‘‘ид̇ха , б̣раахман̣а, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. бийд̇ияаа жа вирааг̇аа убзгкаго жа вихарад̇и сад̇о жа самбаж̇аано, сукан̃жа гааязна бадисам̣взд̣̇зд̇и яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и. сукасса жа бахаанаа д̣̇угкасса жа бахаанаа, буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и.
‘‘Idha , brāhmaṇa, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Pītiyā ca virāgā upekkhako ca viharati sato ca sampajāno, sukhañca kāyena paṭisaṃvedeti yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharati. Sukhassa ca pahānā dukkhassa ca pahānā, pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з буб̣б̣зниваасаануссад̇ин̃аан̣ааяа жид̇д̇ам̣ абхининнаамзд̇и. со анзгавихид̇ам̣ буб̣б̣зниваасам̣ ануссарад̇и, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо д̣̇асаби ж̇аад̇ияо вийсамби ж̇аад̇ияо д̇им̣самби ж̇аад̇ияо жад̇д̇аарийсамби ж̇аад̇ияо бан̃н̃аасамби ж̇аад̇ияо ж̇аад̇исад̇амби ж̇аад̇исахассамби ж̇аад̇исад̇асахассамби, анзгзби сам̣ваддагаббз анзгзби виваддагаббз анзгзби сам̣ваддавиваддагаббз – ‘амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о амуд̇ра уд̣̇абаад̣̇им̣. д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о ид̇хуубабанно’д̇и. ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и. аяамасса батамаа виж̇ж̇аа ад̇хиг̇ад̇аа ход̇и; авиж̇ж̇аа вихад̇аа, виж̇ж̇аа уббаннаа; д̇амо вихад̇о, аалого уббанно яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṃ abhininnāmeti. So anekavihitaṃ pubbenivāsaṃ anussarati, seyyathidaṃ – ekampi jātiṃ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṃsampi jātiyo cattārīsampi jātiyo paññāsampi jātiyo jātisatampi jātisahassampi jātisatasahassampi, anekepi saṃvaṭṭakappe anekepi vivaṭṭakappe anekepi saṃvaṭṭavivaṭṭakappe – ‘amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto amutra udapādiṃ. Tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto idhūpapanno’ti. Iti sākāraṃ sauddesaṃ anekavihitaṃ pubbenivāsaṃ anussarati. Ayamassa paṭhamā vijjā adhigatā hoti; avijjā vihatā, vijjā uppannā; tamo vihato, āloko uppanno yathā taṃ appamattassa ātāpino pahitattassa viharato.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхининнаамзд̇и. со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з, суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаад̇и – ‘имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа…бз… манод̣̇ужжарид̇зна саманнааг̇ад̇аа арияаанам̣ убаваад̣̇агаа мижчаад̣̇идтигаа мижчаад̣̇идтигаммасамаад̣̇аанаа, д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа. имз ваа бана бхонд̇о сад̇д̇аа гааяасужарид̇зна саманнааг̇ад̇аа, важийсужарид̇зна саманнааг̇ад̇аа, маносужарид̇зна саманнааг̇ад̇аа арияаанам̣ анубаваад̣̇агаа саммаад̣̇идтигаа саммаад̣̇идтигаммасамаад̣̇аанаа, д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа’д̇и. ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з, суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаад̇и. аяамасса д̣̇уд̇ияаа виж̇ж̇аа ад̇хиг̇ад̇аа ход̇и; авиж̇ж̇аа вихад̇аа, виж̇ж̇аа уббаннаа; д̇амо вихад̇о, аалого уббанно яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṃ cutūpapātañāṇāya cittaṃ abhininnāmeti. So dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāti – ‘ime vata bhonto sattā kāyaduccaritena samannāgatā…pe… manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā, te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā. Ime vā pana bhonto sattā kāyasucaritena samannāgatā, vacīsucaritena samannāgatā, manosucaritena samannāgatā ariyānaṃ anupavādakā sammādiṭṭhikā sammādiṭṭhikammasamādānā, te kāyassa bhedā paraṃ maraṇā sugatiṃ saggaṃ lokaṃ upapannā’ti. Iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāti. Ayamassa dutiyā vijjā adhigatā hoti; avijjā vihatā, vijjā uppannā; tamo vihato, āloko uppanno yathā taṃ appamattassa ātāpino pahitattassa viharato.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхининнаамзд̇и. со ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и, ‘аяам̣ д̣̇угкасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и; ‘имз аасаваа’д̇и яат̇аабхууд̇ам̣ баж̇аанаад̇и, ‘аяам̣ аасавасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ аасаванирод̇хо’д̇и яат̇аабхууд̇ам̣ баж̇аанаад̇и, ‘аяам̣ аасаванирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. д̇асса звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжад̇и, бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇и; вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. аяамасса д̇ад̇ияаа виж̇ж̇аа ад̇хиг̇ад̇аа ход̇и; авиж̇ж̇аа вихад̇аа, виж̇ж̇аа уббаннаа; д̇амо вихад̇о, аалого уббанно яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о’’д̇и.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmeti. So ‘idaṃ dukkha’nti yathābhūtaṃ pajānāti, ‘ayaṃ dukkhasamudayo’ti yathābhūtaṃ pajānāti, ‘ayaṃ dukkhanirodho’ti yathābhūtaṃ pajānāti, ‘ayaṃ dukkhanirodhagāminī paṭipadā’ti yathābhūtaṃ pajānāti; ‘ime āsavā’ti yathābhūtaṃ pajānāti, ‘ayaṃ āsavasamudayo’ti yathābhūtaṃ pajānāti, ‘ayaṃ āsavanirodho’ti yathābhūtaṃ pajānāti, ‘ayaṃ āsavanirodhagāminī paṭipadā’ti yathābhūtaṃ pajānāti. Tassa evaṃ jānato evaṃ passato kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccati; vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Ayamassa tatiyā vijjā adhigatā hoti; avijjā vihatā, vijjā uppannā; tamo vihato, āloko uppanno yathā taṃ appamattassa ātāpino pahitattassa viharato’’ti.
‘‘анужжааважасийласса, нибагасса жа жхааяино;
‘‘Anuccāvacasīlassa, nipakassa ca jhāyino;
жид̇д̇ам̣ яасса васийбхууд̇ам̣, згаг̇г̇ам̣ сусамаахид̇ам̣.
Cittaṃ yassa vasībhūtaṃ, ekaggaṃ susamāhitaṃ.
‘‘д̇ам̣ вз д̇амонуд̣̇ам̣ д̇хийрам̣, д̇звиж̇ж̇ам̣ мажжухааяинам̣;
‘‘Taṃ ve tamonudaṃ dhīraṃ, tevijjaṃ maccuhāyinaṃ;
хид̇ам̣ д̣̇звамануссаанам̣, ааху саб̣б̣аббахааяинам̣.
Hitaṃ devamanussānaṃ, āhu sabbappahāyinaṃ.
‘‘д̇ийхи виж̇ж̇аахи самбаннам̣, асаммуул̣хавихааринам̣;
‘‘Tīhi vijjāhi sampannaṃ, asammūḷhavihārinaṃ;
б̣уд̣̇д̇хам̣ анд̇имад̣̇зхинам̣ 1, д̇ам̣ намассанд̇и г̇од̇амам̣.
Buddhaṃ antimadehinaṃ 2, taṃ namassanti gotamaṃ.
3 ‘‘буб̣б̣зниваасам̣ яо взд̣̇ий, саг̇г̇аабааяан̃жа бассад̇и;
4 ‘‘Pubbenivāsaṃ yo vedī, saggāpāyañca passati;
ат̇о ж̇аад̇игкаяам̣ бад̇д̇о, абхин̃н̃аавосид̇о муни.
Atho jātikkhayaṃ patto, abhiññāvosito muni.
‘‘зд̇аахи д̇ийхи виж̇ж̇аахи, д̇звиж̇ж̇о ход̇и б̣раахман̣о;
‘‘Etāhi tīhi vijjāhi, tevijjo hoti brāhmaṇo;
д̇амахам̣ вад̣̇аами д̇звиж̇ж̇ам̣, наан̃н̃ам̣ лабид̇алаабана’’нд̇и.
Tamahaṃ vadāmi tevijjaṃ, nāññaṃ lapitalāpana’’nti.
‘‘звам̣ ко, б̣раахман̣а, арияасса винаяз д̇звиж̇ж̇о ход̇ий’’д̇и. ‘‘ан̃н̃ат̇аа, бхо г̇од̇ама, б̣раахман̣аанам̣ д̇звиж̇ж̇о, ан̃н̃ат̇аа жа бана арияасса винаяз д̇звиж̇ж̇о ход̇и. имасса жа бана, бхо г̇од̇ама, арияасса винаяз д̇звиж̇ж̇асса б̣раахман̣аанам̣ д̇звиж̇ж̇о галам̣ нааг̇гхад̇и сол̣асим̣’’.
‘‘Evaṃ kho, brāhmaṇa, ariyassa vinaye tevijjo hotī’’ti. ‘‘Aññathā, bho gotama, brāhmaṇānaṃ tevijjo, aññathā ca pana ariyassa vinaye tevijjo hoti. Imassa ca pana, bho gotama, ariyassa vinaye tevijjassa brāhmaṇānaṃ tevijjo kalaṃ nāgghati soḷasiṃ’’.
‘‘абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. адтамам̣.
‘‘Abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. д̇иган̣н̣асуд̇д̇аван̣н̣анаа • 8. Tikaṇṇasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. д̇иган̣н̣асуд̇д̇аван̣н̣анаа • 8. Tikaṇṇasuttavaṇṇanā
