| Library / Tipiṭaka / д̇ибидага • Tipiṭaka / буг̇г̇алабан̃н̃ад̇д̇ибаал̣и • Puggalapaññattipāḷi |
3. д̇игабуг̇г̇алабан̃н̃ад̇д̇и
3. Tikapuggalapaññatti
91. гад̇амо жа буг̇г̇ало нираасо? ид̇хзгажжо буг̇г̇ало д̣̇уссийло ход̇и баабад̇хаммо асужи сан̇гассарасамаажааро бадижчаннагамманд̇о ассаман̣о саман̣абадин̃н̃о аб̣рахмажаарий б̣рахмажаарибадин̃н̃о анд̇обууд̇и авассуд̇о гасамб̣уж̇аад̇о. со сун̣аад̇и – ‘‘ид̇т̇аннаамо гира бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’’д̇и. д̇асса на звам̣ ход̇и – ‘‘гуд̣̇аассу наамаахамби аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссаамий’’д̇и. аяам̣ вужжад̇и буг̇г̇ало ‘‘нираасо’’.
91. Katamo ca puggalo nirāso? Idhekacco puggalo dussīlo hoti pāpadhammo asuci saṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti avassuto kasambujāto. So suṇāti – ‘‘itthannāmo kira bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’’ti. Tassa na evaṃ hoti – ‘‘kudāssu nāmāhampi āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharissāmī’’ti. Ayaṃ vuccati puggalo ‘‘nirāso’’.
92. гад̇амо жа буг̇г̇ало аасам̣со? ид̇хзгажжо буг̇г̇ало сийлаваа ход̇и галяаан̣ад̇хаммо. со сун̣аад̇и – ‘‘ид̇т̇аннаамо гира бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’’д̇и. д̇асса звам̣ ход̇и – ‘‘гуд̣̇аассу наамаахамби аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссаамий’’д̇и. аяам̣ вужжад̇и буг̇г̇ало ‘‘аасам̣со’’.
92. Katamo ca puggalo āsaṃso? Idhekacco puggalo sīlavā hoti kalyāṇadhammo. So suṇāti – ‘‘itthannāmo kira bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’’ti. Tassa evaṃ hoti – ‘‘kudāssu nāmāhampi āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharissāmī’’ti. Ayaṃ vuccati puggalo ‘‘āsaṃso’’.
93. гад̇амо жа буг̇г̇ало виг̇ад̇аасо? ид̇хзгажжо буг̇г̇ало аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. со сун̣аад̇и – ‘‘ид̇т̇аннаамо гира бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’’д̇и. д̇асса на звам̣ ход̇и – ‘‘гуд̣̇аассу наамаахамби аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссаамий’’д̇и. д̇ам̣ гисса хзд̇у? яаа хисса буб̣б̣з авимуд̇д̇асса вимуд̇д̇аасаа, саа бадиббассад̣̇д̇хаа. аяам̣ вужжад̇и буг̇г̇ало ‘‘виг̇ад̇аасо’’.
93. Katamo ca puggalo vigatāso? Idhekacco puggalo āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. So suṇāti – ‘‘itthannāmo kira bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’’ti. Tassa na evaṃ hoti – ‘‘kudāssu nāmāhampi āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharissāmī’’ti. Taṃ kissa hetu? Yā hissa pubbe avimuttassa vimuttāsā, sā paṭippassaddhā. Ayaṃ vuccati puggalo ‘‘vigatāso’’.
94. д̇ад̇т̇а гад̇амз д̇аяо г̇илаануубамаа буг̇г̇алаа? д̇аяо г̇илаанаа – ид̇хзгажжо г̇илаано лабханд̇о ваа саббааяаани бхож̇анаани алабханд̇о ваа саббааяаани бхож̇анаани, лабханд̇о ваа саббааяаани бхзсаж̇ж̇аани алабханд̇о ваа саббааяаани бхзсаж̇ж̇аани, лабханд̇о ваа бад̇ируубам̣ убадтаагам̣ алабханд̇о ваа бад̇ируубам̣ убадтаагам̣, нзва вудтаад̇и д̇амхаа ааб̣аад̇хаа. (1)
94. Tattha katame tayo gilānūpamā puggalā? Tayo gilānā – idhekacco gilāno labhanto vā sappāyāni bhojanāni alabhanto vā sappāyāni bhojanāni, labhanto vā sappāyāni bhesajjāni alabhanto vā sappāyāni bhesajjāni, labhanto vā patirūpaṃ upaṭṭhākaṃ alabhanto vā patirūpaṃ upaṭṭhākaṃ, neva vuṭṭhāti tamhā ābādhā. (1)
ид̇ха банзгажжо г̇илаано лабханд̇о ваа саббааяаани бхож̇анаани алабханд̇о ваа саббааяаани бхож̇анаани, лабханд̇о ваа саббааяаани бхзсаж̇ж̇аани алабханд̇о ваа саббааяаани бхзсаж̇ж̇аани, лабханд̇о ваа бад̇ируубам̣ убадтаагам̣ алабханд̇о ваа бад̇ируубам̣ убадтаагам̣, вудтаад̇и д̇амхаа ааб̣аад̇хаа. (2)
Idha panekacco gilāno labhanto vā sappāyāni bhojanāni alabhanto vā sappāyāni bhojanāni, labhanto vā sappāyāni bhesajjāni alabhanto vā sappāyāni bhesajjāni, labhanto vā patirūpaṃ upaṭṭhākaṃ alabhanto vā patirūpaṃ upaṭṭhākaṃ, vuṭṭhāti tamhā ābādhā. (2)
ид̇ха банзгажжо г̇илаано лабханд̇о саббааяаани бхож̇анаани но алабханд̇о, лабханд̇о саббааяаани бхзсаж̇ж̇аани но алабханд̇о, лабханд̇о бад̇ируубам̣ убадтаагам̣ но алабханд̇о, вудтаад̇и д̇амхаа ааб̣аад̇хаа. (3)
Idha panekacco gilāno labhanto sappāyāni bhojanāni no alabhanto, labhanto sappāyāni bhesajjāni no alabhanto, labhanto patirūpaṃ upaṭṭhākaṃ no alabhanto, vuṭṭhāti tamhā ābādhā. (3)
д̇ад̇ра явааяам̣ г̇илаано лабханд̇о саббааяаани бхож̇анаани но алабханд̇о, лабханд̇о саббааяаани бхзсаж̇ж̇аани но алабханд̇о, лабханд̇о бад̇ируубам̣ убадтаагам̣ но алабханд̇о, вудтаад̇и д̇амхаа ааб̣аад̇хаа, имам̣ г̇илаанам̣ бадижжа бхаг̇авад̇аа г̇илаанабхад̇д̇ам̣ анун̃н̃аад̇ам̣ г̇илаанабхзсаж̇ж̇ам̣ анун̃н̃аад̇ам̣ г̇илаанубадтааго анун̃н̃аад̇о. иман̃жа бана г̇илаанам̣ бадижжа ан̃н̃зби г̇илаанаа убадтаад̇аб̣б̣аа.
Tatra yvāyaṃ gilāno labhanto sappāyāni bhojanāni no alabhanto, labhanto sappāyāni bhesajjāni no alabhanto, labhanto patirūpaṃ upaṭṭhākaṃ no alabhanto, vuṭṭhāti tamhā ābādhā, imaṃ gilānaṃ paṭicca bhagavatā gilānabhattaṃ anuññātaṃ gilānabhesajjaṃ anuññātaṃ gilānupaṭṭhāko anuññāto. Imañca pana gilānaṃ paṭicca aññepi gilānā upaṭṭhātabbā.
звамзвам̣ 1 д̇аяо г̇илаануубамаа буг̇г̇алаа санд̇о сам̣виж̇ж̇амаанаа логасмим̣. гад̇амз д̇аяо? ид̇хзгажжо буг̇г̇ало лабханд̇о ваа д̇ат̇ааг̇ад̇ам̣ д̣̇ассанааяа алабханд̇о ваа д̇ат̇ааг̇ад̇ам̣ д̣̇ассанааяа, лабханд̇о ваа д̇ат̇ааг̇ад̇аббавзд̣̇ид̇ам̣ д̇хаммавинаяам̣ саван̣ааяа алабханд̇о ваа д̇ат̇ааг̇ад̇аббавзд̣̇ид̇ам̣ д̇хаммавинаяам̣ саван̣ааяа, нзва оггамад̇и нияаамам̣ гусалзсу д̇хаммзсу саммад̇д̇ам̣. (1)
Evamevaṃ 2 tayo gilānūpamā puggalā santo saṃvijjamānā lokasmiṃ. Katame tayo? Idhekacco puggalo labhanto vā tathāgataṃ dassanāya alabhanto vā tathāgataṃ dassanāya, labhanto vā tathāgatappaveditaṃ dhammavinayaṃ savaṇāya alabhanto vā tathāgatappaveditaṃ dhammavinayaṃ savaṇāya, neva okkamati niyāmaṃ kusalesu dhammesu sammattaṃ. (1)
ид̇ха банзгажжо буг̇г̇ало лабханд̇о ваа д̇ат̇ааг̇ад̇ам̣ д̣̇ассанааяа алабханд̇о ваа д̇ат̇ааг̇ад̇ам̣ д̣̇ассанааяа, лабханд̇о ваа д̇ат̇ааг̇ад̇аббавзд̣̇ид̇ам̣ д̇хаммавинаяам̣ саван̣ааяа алабханд̇о ваа д̇ат̇ааг̇ад̇аббавзд̣̇ид̇ам̣ д̇хаммавинаяам̣ саван̣ааяа, оггамад̇и нияаамам̣ гусалзсу д̇хаммзсу саммад̇д̇ам̣. (2)
Idha panekacco puggalo labhanto vā tathāgataṃ dassanāya alabhanto vā tathāgataṃ dassanāya, labhanto vā tathāgatappaveditaṃ dhammavinayaṃ savaṇāya alabhanto vā tathāgatappaveditaṃ dhammavinayaṃ savaṇāya, okkamati niyāmaṃ kusalesu dhammesu sammattaṃ. (2)
ид̇ха банзгажжо буг̇г̇ало лабханд̇о д̇ат̇ааг̇ад̇ам̣ д̣̇ассанааяа но алабханд̇о, лабханд̇о д̇ат̇ааг̇ад̇аббавзд̣̇ид̇ам̣ д̇хаммавинаяам̣ саван̣ааяа но алабханд̇о, оггамад̇и нияаамам̣ гусалзсу д̇хаммзсу саммад̇д̇ам̣. (3)
Idha panekacco puggalo labhanto tathāgataṃ dassanāya no alabhanto, labhanto tathāgatappaveditaṃ dhammavinayaṃ savaṇāya no alabhanto, okkamati niyāmaṃ kusalesu dhammesu sammattaṃ. (3)
д̇ад̇ра явааяам̣ буг̇г̇ало лабханд̇о д̇ат̇ааг̇ад̇ам̣ д̣̇ассанааяа но алабханд̇о, лабханд̇о д̇ат̇ааг̇ад̇аббавзд̣̇ид̇ам̣ д̇хаммавинаяам̣ саван̣ааяа но алабханд̇о , оггамад̇и нияаамам̣ гусалзсу д̇хаммзсу саммад̇д̇ам̣, имам̣ буг̇г̇алам̣ бадижжа бхаг̇авад̇аа д̇хаммад̣̇зсанаа анун̃н̃аад̇аа, иман̃жа буг̇г̇алам̣ бадижжа ан̃н̃зсамби д̇хаммо д̣̇зсзд̇аб̣б̣о. имз д̇аяо г̇илаануубамаа буг̇г̇алаа санд̇о сам̣виж̇ж̇амаанаа логасмим̣.
Tatra yvāyaṃ puggalo labhanto tathāgataṃ dassanāya no alabhanto, labhanto tathāgatappaveditaṃ dhammavinayaṃ savaṇāya no alabhanto , okkamati niyāmaṃ kusalesu dhammesu sammattaṃ, imaṃ puggalaṃ paṭicca bhagavatā dhammadesanā anuññātā, imañca puggalaṃ paṭicca aññesampi dhammo desetabbo. Ime tayo gilānūpamā puggalā santo saṃvijjamānā lokasmiṃ.
95. гад̇амо жа буг̇г̇ало гааяасагкий? ид̇хзгажжо буг̇г̇ало адта вимогкз гааязна пусид̇ваа вихарад̇и, бан̃н̃ааяа жасса д̣̇исваа згажжз аасаваа баригкийн̣аа хонд̇и – аяам̣ вужжад̇и буг̇г̇ало ‘‘гааяасагкий’’.
95. Katamo ca puggalo kāyasakkhī? Idhekacco puggalo aṭṭha vimokkhe kāyena phusitvā viharati, paññāya cassa disvā ekacce āsavā parikkhīṇā honti – ayaṃ vuccati puggalo ‘‘kāyasakkhī’’.
96. гад̇амо жа буг̇г̇ало д̣̇идтиббад̇д̇о? ид̇хзгажжо буг̇г̇ало ‘‘ид̣̇ам̣ д̣̇угка’’нд̇и яат̇аабхууд̇ам̣ баж̇аанаад̇и, ‘‘аяам̣ д̣̇угкасамуд̣̇аяо’’д̇и яат̇аабхууд̇ам̣ баж̇аанаад̇и, ‘‘аяам̣ д̣̇угканирод̇хо’’д̇и яат̇аабхууд̇ам̣ баж̇аанаад̇и, ‘‘аяам̣ д̣̇угканирод̇хаг̇ааминий бадибад̣̇аа’’д̇и яат̇аабхууд̇ам̣ баж̇аанаад̇и, д̇ат̇ааг̇ад̇аббавзд̣̇ид̇аа жасса д̇хаммаа бан̃н̃ааяа вод̣̇идтаа хонд̇и вожарид̇аа, бан̃н̃ааяа жасса д̣̇исваа згажжз аасаваа баригкийн̣аа хонд̇и – аяам̣ вужжад̇и буг̇г̇ало ‘‘д̣̇идтиббад̇д̇о’’.
96. Katamo ca puggalo diṭṭhippatto? Idhekacco puggalo ‘‘idaṃ dukkha’’nti yathābhūtaṃ pajānāti, ‘‘ayaṃ dukkhasamudayo’’ti yathābhūtaṃ pajānāti, ‘‘ayaṃ dukkhanirodho’’ti yathābhūtaṃ pajānāti, ‘‘ayaṃ dukkhanirodhagāminī paṭipadā’’ti yathābhūtaṃ pajānāti, tathāgatappaveditā cassa dhammā paññāya vodiṭṭhā honti vocaritā, paññāya cassa disvā ekacce āsavā parikkhīṇā honti – ayaṃ vuccati puggalo ‘‘diṭṭhippatto’’.
97. гад̇амо жа буг̇г̇ало сад̣̇д̇хаавимуд̇д̇о? ид̇хзгажжо буг̇г̇ало ‘‘ид̣̇ам̣ д̣̇угка’’нд̇и яат̇аабхууд̇ам̣ баж̇аанаад̇и…бз… д̇ат̇ааг̇ад̇аббавзд̣̇ид̇аа жасса д̇хаммаа бан̃н̃ааяа вод̣̇идтаа хонд̇и вожарид̇аа, бан̃н̃ааяа жасса д̣̇исваа згажжз аасаваа баригкийн̣аа хонд̇и, но жа ко яат̇аад̣̇идтиббад̇д̇асса – аяам̣ вужжад̇и буг̇г̇ало ‘‘сад̣̇д̇хаавимуд̇д̇о’’.
97. Katamo ca puggalo saddhāvimutto? Idhekacco puggalo ‘‘idaṃ dukkha’’nti yathābhūtaṃ pajānāti…pe… tathāgatappaveditā cassa dhammā paññāya vodiṭṭhā honti vocaritā, paññāya cassa disvā ekacce āsavā parikkhīṇā honti, no ca kho yathādiṭṭhippattassa – ayaṃ vuccati puggalo ‘‘saddhāvimutto’’.
98. гад̇амо жа буг̇г̇ало г̇уут̇абхаан̣ий? ид̇хзгажжо буг̇г̇ало мусааваад̣̇ий ход̇и сабхаг̇г̇ад̇о ваа барисаг̇г̇ад̇о ваа н̃аад̇имаж̇жхаг̇ад̇о ваа бууг̇амаж̇жхаг̇ад̇о ваа рааж̇агуламаж̇жхаг̇ад̇о ваа абхинийд̇о сагкибудто – ‘‘зхамбхо 3, буриса, яам̣ ж̇аанааси д̇ам̣ вад̣̇зхий’’д̇и, со аж̇аанам̣ ваа ааха – ‘‘ж̇аанаамий’’д̇и, ж̇аанам̣ ваа ааха – ‘‘на ж̇аанаамий’’д̇и, абассам̣ ваа ааха – ‘‘бассаамий’’д̇и, бассам̣ ваа ааха – ‘‘на бассаамий’’д̇и. ид̇и ад̇д̇ахзд̇у ваа барахзд̇у ваа аамисагин̃жигкахзд̇у ваа самбаж̇аанамусаа бхаасид̇аа ход̇и – аяам̣ вужжад̇и буг̇г̇ало ‘‘г̇уут̇абхаан̣ий’’.
98. Katamo ca puggalo gūthabhāṇī? Idhekacco puggalo musāvādī hoti sabhaggato vā parisaggato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho – ‘‘ehambho 4, purisa, yaṃ jānāsi taṃ vadehī’’ti, so ajānaṃ vā āha – ‘‘jānāmī’’ti, jānaṃ vā āha – ‘‘na jānāmī’’ti, apassaṃ vā āha – ‘‘passāmī’’ti, passaṃ vā āha – ‘‘na passāmī’’ti. Iti attahetu vā parahetu vā āmisakiñcikkhahetu vā sampajānamusā bhāsitā hoti – ayaṃ vuccati puggalo ‘‘gūthabhāṇī’’.
99. гад̇амо жа буг̇г̇ало бубпабхаан̣ий? ид̇хзгажжо буг̇г̇ало мусааваад̣̇ам̣ бахааяа мусааваад̣̇аа бадивирад̇о ход̇и сабхаг̇г̇ад̇о ваа барисаг̇г̇ад̇о ваа н̃аад̇имаж̇жхаг̇ад̇о ваа бууг̇амаж̇жхаг̇ад̇о ваа рааж̇агуламаж̇жхаг̇ад̇о ваа абхинийд̇о сагкибудто – ‘‘зхамбхо, буриса, яам̣ ж̇аанааси д̇ам̣ вад̣̇зхий’’д̇и, со аж̇аанам̣ ваа ааха – ‘‘на ж̇аанаамий’’д̇и, ж̇аанам̣ ваа ааха – ‘‘ж̇аанаамий’’д̇и, абассам̣ ваа ааха – ‘‘на бассаамий’’д̇и, бассам̣ ваа ааха – ‘‘бассаамий’’д̇и. ид̇и ад̇д̇ахзд̇у ваа барахзд̇у ваа аамисагин̃жигкахзд̇у ваа на самбаж̇аанамусаа бхаасид̇аа ход̇и – аяам̣ вужжад̇и буг̇г̇ало ‘‘бубпабхаан̣ий’’.
99. Katamo ca puggalo pupphabhāṇī? Idhekacco puggalo musāvādaṃ pahāya musāvādā paṭivirato hoti sabhaggato vā parisaggato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho – ‘‘ehambho, purisa, yaṃ jānāsi taṃ vadehī’’ti, so ajānaṃ vā āha – ‘‘na jānāmī’’ti, jānaṃ vā āha – ‘‘jānāmī’’ti, apassaṃ vā āha – ‘‘na passāmī’’ti, passaṃ vā āha – ‘‘passāmī’’ti. Iti attahetu vā parahetu vā āmisakiñcikkhahetu vā na sampajānamusā bhāsitā hoti – ayaṃ vuccati puggalo ‘‘pupphabhāṇī’’.
100. гад̇амо жа буг̇г̇ало мад̇хубхаан̣ий? ид̇хзгажжо буг̇г̇ало яаа саа ваажаа нзлаа ган̣н̣асукаа бзманияаа хад̣̇аяан̇г̇амаа борий б̣ахуж̇анаганд̇аа б̣ахуж̇анаманаабаа, д̇ат̇ааруубим̣ ваажам̣ бхаасид̇аа ход̇и – аяам̣ вужжад̇и буг̇г̇ало ‘‘мад̇хубхаан̣ий’’.
100. Katamo ca puggalo madhubhāṇī? Idhekacco puggalo yā sā vācā nelā kaṇṇasukhā pemaniyā hadayaṅgamā porī bahujanakantā bahujanamanāpā, tathārūpiṃ vācaṃ bhāsitā hoti – ayaṃ vuccati puggalo ‘‘madhubhāṇī’’.
101. гад̇амо жа буг̇г̇ало аругуубамажид̇д̇о? ид̇хзгажжо буг̇г̇ало год̇хано ход̇и убааяаасаб̣ахуло, аббамби вуд̇д̇о самаано абхисаж̇ж̇ад̇и губбад̇и б̣яаабаж̇ж̇ад̇и бад̇ид̇т̇ийяад̇и 5, гобан̃жа д̣̇осан̃жа аббажжаяан̃жа баад̇угарод̇и. сзяяат̇ааби наама д̣̇удтааруго гадтзна ваа гаталааяа 6 ваа гхаддид̇о бхияяосо мад̇д̇ааяа аасавам̣ д̣̇зд̇и 7, звамзвам̣ ид̇хзгажжо буг̇г̇ало год̇хано ход̇и убааяаасаб̣ахуло, аббамби вуд̇д̇о самаано абхисаж̇ж̇ад̇и губбад̇и б̣яаабаж̇ж̇ад̇и бад̇ид̇т̇ийяад̇и, гобан̃жа д̣̇осан̃жа аббажжаяан̃жа баад̇угарод̇и – аяам̣ вужжад̇и буг̇г̇ало ‘‘аругуубамажид̇д̇о’’.
101. Katamo ca puggalo arukūpamacitto? Idhekacco puggalo kodhano hoti upāyāsabahulo, appampi vutto samāno abhisajjati kuppati byāpajjati patitthīyati 8, kopañca dosañca appaccayañca pātukaroti. Seyyathāpi nāma duṭṭhāruko kaṭṭhena vā kaṭhalāya 9 vā ghaṭṭito bhiyyoso mattāya āsavaṃ deti 10, evamevaṃ idhekacco puggalo kodhano hoti upāyāsabahulo, appampi vutto samāno abhisajjati kuppati byāpajjati patitthīyati, kopañca dosañca appaccayañca pātukaroti – ayaṃ vuccati puggalo ‘‘arukūpamacitto’’.
102. гад̇амо жа буг̇г̇ало виж̇ж̇уубамажид̇д̇о? ид̇хзгажжо буг̇г̇ало ‘‘ид̣̇ам̣ д̣̇угка’’нд̇и яат̇аабхууд̇ам̣ баж̇аанаад̇и, ‘‘аяам̣ д̣̇угкасамуд̣̇аяо’’д̇и яат̇аабхууд̇ам̣ баж̇аанаад̇и, ‘‘аяам̣ д̣̇угканирод̇хо’’д̇и яат̇аабхууд̇ам̣ баж̇аанаад̇и, ‘‘аяам̣ д̣̇угканирод̇хаг̇ааминий бадибад̣̇аа’’д̇и яат̇аабхууд̇ам̣ баж̇аанаад̇и. сзяяат̇ааби наама жагкумаа бурисо рад̇д̇анд̇хагаарад̇имисааяа виж̇ж̇анд̇аригааяа руубаани бассзяяа, звамзвам̣ ид̇хзгажжо буг̇г̇ало ‘‘ид̣̇ам̣ д̣̇угка’’нд̇и яат̇аабхууд̇ам̣ баж̇аанаад̇и, ‘‘аяам̣ д̣̇угкасамуд̣̇аяо’’д̇и яат̇аабхууд̇ам̣ баж̇аанаад̇и, ‘‘аяам̣ д̣̇угканирод̇хо’’д̇и яат̇аабхууд̇ам̣ баж̇аанаад̇и , ‘‘аяам̣ д̣̇угканирод̇хаг̇ааминий бадибад̣̇аа’’д̇и яат̇аабхууд̇ам̣ баж̇аанаад̇и – аяам̣ вужжад̇и буг̇г̇ало ‘‘виж̇ж̇уубамажид̇д̇о’’.
102. Katamo ca puggalo vijjūpamacitto? Idhekacco puggalo ‘‘idaṃ dukkha’’nti yathābhūtaṃ pajānāti, ‘‘ayaṃ dukkhasamudayo’’ti yathābhūtaṃ pajānāti, ‘‘ayaṃ dukkhanirodho’’ti yathābhūtaṃ pajānāti, ‘‘ayaṃ dukkhanirodhagāminī paṭipadā’’ti yathābhūtaṃ pajānāti. Seyyathāpi nāma cakkhumā puriso rattandhakāratimisāya vijjantarikāya rūpāni passeyya, evamevaṃ idhekacco puggalo ‘‘idaṃ dukkha’’nti yathābhūtaṃ pajānāti, ‘‘ayaṃ dukkhasamudayo’’ti yathābhūtaṃ pajānāti, ‘‘ayaṃ dukkhanirodho’’ti yathābhūtaṃ pajānāti , ‘‘ayaṃ dukkhanirodhagāminī paṭipadā’’ti yathābhūtaṃ pajānāti – ayaṃ vuccati puggalo ‘‘vijjūpamacitto’’.
103. гад̇амо жа буг̇г̇ало важ̇ируубамажид̇д̇о? ид̇хзгажжо буг̇г̇ало аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. сзяяат̇ааби наама важ̇ирасса над̇т̇и гин̃жи абхзж̇ж̇ам̣ ман̣и ваа баасаан̣о ваа, звамзвам̣ ид̇хзгажжо буг̇г̇ало аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и – аяам̣ вужжад̇и буг̇г̇ало ‘‘важ̇ируубамажид̇д̇о’’.
103. Katamo ca puggalo vajirūpamacitto? Idhekacco puggalo āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Seyyathāpi nāma vajirassa natthi kiñci abhejjaṃ maṇi vā pāsāṇo vā, evamevaṃ idhekacco puggalo āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati – ayaṃ vuccati puggalo ‘‘vajirūpamacitto’’.
104. гад̇амо жа буг̇г̇ало анд̇хо? ид̇хзгажжасса буг̇г̇аласса д̇ат̇ааруубам̣ жагку на ход̇и яат̇ааруубзна жагкунаа анад̇хиг̇ад̇ам̣ ваа бхог̇ам̣ ад̇хиг̇ажчзяяа, ад̇хиг̇ад̇ам̣ ваа бхог̇ам̣ паад̇им̣ гарзяяа; д̇ат̇ааруубамбисса жагку на ход̇и яат̇ааруубзна жагкунаа гусалаагусалз д̇хаммз ж̇аанзяяа, сааваж̇ж̇аанаваж̇ж̇з д̇хаммз ж̇аанзяяа, хийнаббан̣ийд̇з д̇хаммз ж̇аанзяяа, ган̣хасуггасаббадибхааг̇з д̇хаммз ж̇аанзяяа – аяам̣ вужжад̇и буг̇г̇ало ‘‘анд̇хо’’.
104. Katamo ca puggalo andho? Idhekaccassa puggalassa tathārūpaṃ cakkhu na hoti yathārūpena cakkhunā anadhigataṃ vā bhogaṃ adhigaccheyya, adhigataṃ vā bhogaṃ phātiṃ kareyya; tathārūpampissa cakkhu na hoti yathārūpena cakkhunā kusalākusale dhamme jāneyya, sāvajjānavajje dhamme jāneyya, hīnappaṇīte dhamme jāneyya, kaṇhasukkasappaṭibhāge dhamme jāneyya – ayaṃ vuccati puggalo ‘‘andho’’.
105. гад̇амо жа буг̇г̇ало згажагку? ид̇хзгажжасса буг̇г̇аласса д̇ат̇ааруубам̣ жагку ход̇и , яат̇ааруубзна жагкунаа анад̇хиг̇ад̇ам̣ ваа бхог̇ам̣ ад̇хиг̇ажчзяяа, ад̇хиг̇ад̇ам̣ ваа бхог̇ам̣ паад̇им̣ гарзяяа; д̇ат̇ааруубамбисса жагку на ход̇и яат̇ааруубзна жагкунаа гусалаагусалз д̇хаммз ж̇аанзяяа, сааваж̇ж̇аанаваж̇ж̇з д̇хаммз ж̇аанзяяа, хийнаббан̣ийд̇з д̇хаммз ж̇аанзяяа, ган̣хасуггасаббадибхааг̇з д̇хаммз ж̇аанзяяа – аяам̣ вужжад̇и буг̇г̇ало ‘‘згажагку’’.
105. Katamo ca puggalo ekacakkhu? Idhekaccassa puggalassa tathārūpaṃ cakkhu hoti , yathārūpena cakkhunā anadhigataṃ vā bhogaṃ adhigaccheyya, adhigataṃ vā bhogaṃ phātiṃ kareyya; tathārūpampissa cakkhu na hoti yathārūpena cakkhunā kusalākusale dhamme jāneyya, sāvajjānavajje dhamme jāneyya, hīnappaṇīte dhamme jāneyya, kaṇhasukkasappaṭibhāge dhamme jāneyya – ayaṃ vuccati puggalo ‘‘ekacakkhu’’.
106. гад̇амо жа буг̇г̇ало д̣̇вижагку? ид̇хзгажжасса буг̇г̇аласса д̇ат̇ааруубам̣ жагку ход̇и яат̇ааруубзна жагкунаа анад̇хиг̇ад̇ам̣ ваа бхог̇ам̣ ад̇хиг̇ажчзяяа, ад̇хиг̇ад̇ам̣ ваа бхог̇ам̣ паад̇им̣ гарзяяа; д̇ат̇ааруубамбисса жагку ход̇и яат̇ааруубзна жагкунаа гусалаагусалз д̇хаммз ж̇аанзяяа, сааваж̇ж̇аанаваж̇ж̇з д̇хаммз ж̇аанзяяа, хийнаббан̣ийд̇з д̇хаммз ж̇аанзяяа, ган̣хасуггасаббадибхааг̇з д̇хаммз ж̇аанзяяа – аяам̣ вужжад̇и буг̇г̇ало ‘‘д̣̇вижагку’’.
106. Katamo ca puggalo dvicakkhu? Idhekaccassa puggalassa tathārūpaṃ cakkhu hoti yathārūpena cakkhunā anadhigataṃ vā bhogaṃ adhigaccheyya, adhigataṃ vā bhogaṃ phātiṃ kareyya; tathārūpampissa cakkhu hoti yathārūpena cakkhunā kusalākusale dhamme jāneyya, sāvajjānavajje dhamme jāneyya, hīnappaṇīte dhamme jāneyya, kaṇhasukkasappaṭibhāge dhamme jāneyya – ayaṃ vuccati puggalo ‘‘dvicakkhu’’.
107. гад̇амо жа буг̇г̇ало авагуж̇ж̇абан̃н̃о? ид̇хзгажжо буг̇г̇ало аараамам̣ г̇анд̇аа 11 ход̇и абхигкан̣ам̣ бхигкуунам̣ санд̇игз д̇хаммассаван̣ааяа 12. д̇асса бхигкуу д̇хаммам̣ д̣̇зсзнд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзнд̇и. со д̇асмим̣ аасанз нисинно д̇ассаа гат̇ааяа нзва аад̣̇им̣ манаси гарод̇и, на маж̇жхам̣ манаси гарод̇и, на барияосаанам̣ манаси гарод̇и. вудтид̇оби д̇амхаа аасанаа д̇ассаа гат̇ааяа нзва аад̣̇им̣ манаси гарод̇и, на маж̇жхам̣ манаси гарод̇и, на барияосаанам̣ манаси гарод̇и. сзяяат̇ааби наама гумбхо ниггуж̇ж̇о 13 д̇ад̇ра уд̣̇агам̣ аасид̇д̇ам̣ виваддад̇и, но сан̣таад̇и; звамзвам̣ ид̇хзгажжо буг̇г̇ало аараамам̣ г̇анд̇аа ход̇и абхигкан̣ам̣ бхигкуунам̣ санд̇игз д̇хаммассаван̣ааяа . д̇асса бхигкуу д̇хаммам̣ д̣̇зсзнд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзнд̇и. со д̇асмим̣ аасанз нисинно д̇ассаа гат̇ааяа нзва аад̣̇им̣ манаси гарод̇и, на маж̇жхам̣ манаси гарод̇и, на барияосаанам̣ манаси гарод̇и. вудтид̇оби д̇амхаа аасанаа д̇ассаа гат̇ааяа нзва аад̣̇им̣ манаси гарод̇и, на маж̇жхам̣ манаси гарод̇и, на барияосаанам̣ манаси гарод̇и – аяам̣ вужжад̇и буг̇г̇ало ‘‘авагуж̇ж̇абан̃н̃о’’.
107. Katamo ca puggalo avakujjapañño? Idhekacco puggalo ārāmaṃ gantā 14 hoti abhikkhaṇaṃ bhikkhūnaṃ santike dhammassavaṇāya 15. Tassa bhikkhū dhammaṃ desenti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsenti. So tasmiṃ āsane nisinno tassā kathāya neva ādiṃ manasi karoti, na majjhaṃ manasi karoti, na pariyosānaṃ manasi karoti. Vuṭṭhitopi tamhā āsanā tassā kathāya neva ādiṃ manasi karoti, na majjhaṃ manasi karoti, na pariyosānaṃ manasi karoti. Seyyathāpi nāma kumbho nikkujjo 16 tatra udakaṃ āsittaṃ vivaṭṭati, no saṇṭhāti; evamevaṃ idhekacco puggalo ārāmaṃ gantā hoti abhikkhaṇaṃ bhikkhūnaṃ santike dhammassavaṇāya . Tassa bhikkhū dhammaṃ desenti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsenti. So tasmiṃ āsane nisinno tassā kathāya neva ādiṃ manasi karoti, na majjhaṃ manasi karoti, na pariyosānaṃ manasi karoti. Vuṭṭhitopi tamhā āsanā tassā kathāya neva ādiṃ manasi karoti, na majjhaṃ manasi karoti, na pariyosānaṃ manasi karoti – ayaṃ vuccati puggalo ‘‘avakujjapañño’’.
108. гад̇амо жа буг̇г̇ало ужчан̇г̇абан̃н̃о? ид̇хзгажжо буг̇г̇ало аараамам̣ г̇анд̇аа ход̇и абхигкан̣ам̣ бхигкуунам̣ санд̇игз д̇хаммассаван̣ааяа. д̇асса бхигкуу д̇хаммам̣ д̣̇зсзнд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзнд̇и. со д̇асмим̣ аасанз нисинно д̇ассаа гат̇ааяа аад̣̇имби манаси гарод̇и, маж̇жхамби манаси гарод̇и, барияосаанамби манаси гарод̇и. вудтид̇о жа ко д̇амхаа аасанаа д̇ассаа гат̇ааяа нзва аад̣̇им̣ манаси гарод̇и, на маж̇жхам̣ манаси гарод̇и, на барияосаанам̣ манаси гарод̇и. сзяяат̇ааби наама бурисасса ужчан̇г̇з наанаакаж̇ж̇агаани аагин̣н̣аани – д̇илаа д̇ан̣д̣улаа 17 мод̣̇агаа б̣ад̣̇араа. со д̇амхаа аасанаа вудтаханд̇о сад̇исаммосаа багирзяяа. звамзвам̣ ид̇хзгажжо буг̇г̇ало аараамам̣ г̇анд̇аа ход̇и абхигкан̣ам̣ бхигкуунам̣ санд̇игз д̇хаммассаван̣ааяа. д̇асса бхигкуу д̇хаммам̣ д̣̇зсзнд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзнд̇и. со д̇асмим̣ аасанз нисинно д̇ассаа гат̇ааяа аад̣̇имби манаси гарод̇и, маж̇жхамби манаси гарод̇и, барияосаанамби манаси гарод̇и. вудтид̇о жа ко д̇амхаа аасанаа д̇ассаа гат̇ааяа нзва аад̣̇имби манаси гарод̇и, на маж̇жхамби манаси гарод̇и, на барияосаанамби манаси гарод̇и – аяам̣ вужжад̇и буг̇г̇ало ‘‘ужчан̇г̇абан̃н̃о’’.
108. Katamo ca puggalo ucchaṅgapañño? Idhekacco puggalo ārāmaṃ gantā hoti abhikkhaṇaṃ bhikkhūnaṃ santike dhammassavaṇāya. Tassa bhikkhū dhammaṃ desenti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsenti. So tasmiṃ āsane nisinno tassā kathāya ādimpi manasi karoti, majjhampi manasi karoti, pariyosānampi manasi karoti. Vuṭṭhito ca kho tamhā āsanā tassā kathāya neva ādiṃ manasi karoti, na majjhaṃ manasi karoti, na pariyosānaṃ manasi karoti. Seyyathāpi nāma purisassa ucchaṅge nānākhajjakāni ākiṇṇāni – tilā taṇḍulā 18 modakā badarā. So tamhā āsanā vuṭṭhahanto satisammosā pakireyya. Evamevaṃ idhekacco puggalo ārāmaṃ gantā hoti abhikkhaṇaṃ bhikkhūnaṃ santike dhammassavaṇāya. Tassa bhikkhū dhammaṃ desenti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsenti. So tasmiṃ āsane nisinno tassā kathāya ādimpi manasi karoti, majjhampi manasi karoti, pariyosānampi manasi karoti. Vuṭṭhito ca kho tamhā āsanā tassā kathāya neva ādimpi manasi karoti, na majjhampi manasi karoti, na pariyosānampi manasi karoti – ayaṃ vuccati puggalo ‘‘ucchaṅgapañño’’.
109. гад̇амо жа буг̇г̇ало бут̇убан̃н̃о? ид̇хзгажжо буг̇г̇ало аараамам̣ г̇анд̇аа ход̇и абхигкан̣ам̣ бхигкуунам̣ санд̇игз д̇хаммассаван̣ааяа. д̇асса бхигкуу д̇хаммам̣ д̣̇зсзнд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзнд̇и. со д̇асмим̣ аасанз нисинно д̇ассаа гат̇ааяа аад̣̇имби манаси гарод̇и, маж̇жхамби манаси гарод̇и, барияосаанамби манаси гарод̇и. вудтид̇оби д̇амхаа аасанаа д̇ассаа гат̇ааяа аад̣̇имби манаси гарод̇и, маж̇жхамби манаси гарод̇и, барияосаанамби манаси гарод̇и. сзяяат̇ааби наама гумбхо уггуж̇ж̇о д̇ад̇ра уд̣̇агам̣ аасид̇д̇ам̣ сан̣таад̇и, но виваддад̇и; звамзвам̣ ид̇хзгажжо буг̇г̇ало аараамам̣ г̇анд̇аа хонд̇и абхигкан̣ам̣ бхигкуунам̣ санд̇игз д̇хаммассаван̣ааяа. д̇асса бхигкуу д̇хаммам̣ д̣̇зсзнд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзнд̇и. со д̇асмим̣ аасанз нисинно д̇ассаа гат̇ааяа аад̣̇имби манаси гарод̇и, маж̇жхамби манаси гарод̇и, барияосаанамби манаси гарод̇и. вудтид̇оби д̇амхаа аасанаа д̇ассаа гат̇ааяа аад̣̇имби манаси гарод̇и, маж̇жхамби манаси гарод̇и, барияосаанамби манаси гарод̇и – аяам̣ вужжад̇и буг̇г̇ало ‘‘бут̇убан̃н̃о’’.
109. Katamo ca puggalo puthupañño? Idhekacco puggalo ārāmaṃ gantā hoti abhikkhaṇaṃ bhikkhūnaṃ santike dhammassavaṇāya. Tassa bhikkhū dhammaṃ desenti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsenti. So tasmiṃ āsane nisinno tassā kathāya ādimpi manasi karoti, majjhampi manasi karoti, pariyosānampi manasi karoti. Vuṭṭhitopi tamhā āsanā tassā kathāya ādimpi manasi karoti, majjhampi manasi karoti, pariyosānampi manasi karoti. Seyyathāpi nāma kumbho ukkujjo tatra udakaṃ āsittaṃ saṇṭhāti, no vivaṭṭati; evamevaṃ idhekacco puggalo ārāmaṃ gantā honti abhikkhaṇaṃ bhikkhūnaṃ santike dhammassavaṇāya. Tassa bhikkhū dhammaṃ desenti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsenti. So tasmiṃ āsane nisinno tassā kathāya ādimpi manasi karoti, majjhampi manasi karoti, pariyosānampi manasi karoti. Vuṭṭhitopi tamhā āsanā tassā kathāya ādimpi manasi karoti, majjhampi manasi karoti, pariyosānampi manasi karoti – ayaṃ vuccati puggalo ‘‘puthupañño’’.
110. гад̇амо жа буг̇г̇ало гаамзсу жа бхавзсу жа авийд̇арааг̇о? сод̇аабаннасагад̣̇ааг̇аамино – имз вужжанд̇и буг̇г̇алаа ‘‘гаамзсу жа бхавзсу жа авийд̇арааг̇аа’’.
110. Katamo ca puggalo kāmesu ca bhavesu ca avītarāgo? Sotāpannasakadāgāmino – ime vuccanti puggalā ‘‘kāmesu ca bhavesu ca avītarāgā’’.
111. гад̇амо жа буг̇г̇ало гаамзсу вийд̇арааг̇о, бхавзсу авийд̇арааг̇о? анааг̇аамий – аяам̣ вужжад̇и буг̇г̇ало ‘‘гаамзсу вийд̇арааг̇о, бхавзсу авийд̇арааг̇о’’.
111. Katamo ca puggalo kāmesu vītarāgo, bhavesu avītarāgo? Anāgāmī – ayaṃ vuccati puggalo ‘‘kāmesu vītarāgo, bhavesu avītarāgo’’.
112. гад̇амо жа буг̇г̇ало гаамзсу жа бхавзсу жа вийд̇арааг̇о? арахаа – аяам̣ вужжад̇и буг̇г̇ало ‘‘гаамзсу жа бхавзсу жа вийд̇арааг̇о’’.
112. Katamo ca puggalo kāmesu ca bhavesu ca vītarāgo? Arahā – ayaṃ vuccati puggalo ‘‘kāmesu ca bhavesu ca vītarāgo’’.
113. гад̇амо жа буг̇г̇ало баасаан̣алзкуубамо? ид̇хзгажжо буг̇г̇ало абхин̣хам̣ гуж̇жхад̇и. со жа квасса год̇хо жирам̣ д̣̇ийгхарад̇д̇ам̣ анусзд̇и. сзяяат̇ааби наама баасаан̣з лзкаа на киббам̣ луж̇ж̇ад̇и ваад̇зна ваа уд̣̇агзна ваа, жирадтид̇игаа ход̇и; звамзвам̣ ид̇хзгажжо буг̇г̇ало абхин̣хам̣ гуж̇жхад̇и. со жа квасса год̇хо жирам̣ д̣̇ийгхарад̇д̇ам̣ анусзд̇и – аяам̣ вужжад̇и буг̇г̇ало ‘‘баасаан̣алзкуубамо’’.
113. Katamo ca puggalo pāsāṇalekhūpamo? Idhekacco puggalo abhiṇhaṃ kujjhati. So ca khvassa kodho ciraṃ dīgharattaṃ anuseti. Seyyathāpi nāma pāsāṇe lekhā na khippaṃ lujjati vātena vā udakena vā, ciraṭṭhitikā hoti; evamevaṃ idhekacco puggalo abhiṇhaṃ kujjhati. So ca khvassa kodho ciraṃ dīgharattaṃ anuseti – ayaṃ vuccati puggalo ‘‘pāsāṇalekhūpamo’’.
114. гад̇амо жа буг̇г̇ало бат̇авилзкуубамо? ид̇хзгажжо буг̇г̇ало абхин̣хам̣ гуж̇жхад̇и. со жа квасса год̇хо на жирам̣ д̣̇ийгхарад̇д̇ам̣ анусзд̇и. сзяяат̇ааби наама бат̇авияаа 19 лзкаа киббам̣ луж̇ж̇ад̇и ваад̇зна ваа уд̣̇агзна ваа, на жирадтид̇игаа ход̇и; звамзвам̣ ид̇хзгажжо буг̇г̇ало абхин̣хам̣ гуж̇жхад̇и. со жа квасса год̇хо на жирам̣ д̣̇ийгхарад̇д̇ам̣ анусзд̇и – аяам̣ вужжад̇и буг̇г̇ало ‘‘бат̇авилзкуубамо’’.
114. Katamo ca puggalo pathavilekhūpamo? Idhekacco puggalo abhiṇhaṃ kujjhati. So ca khvassa kodho na ciraṃ dīgharattaṃ anuseti. Seyyathāpi nāma pathaviyā 20 lekhā khippaṃ lujjati vātena vā udakena vā, na ciraṭṭhitikā hoti; evamevaṃ idhekacco puggalo abhiṇhaṃ kujjhati. So ca khvassa kodho na ciraṃ dīgharattaṃ anuseti – ayaṃ vuccati puggalo ‘‘pathavilekhūpamo’’.
115. гад̇амо жа буг̇г̇ало уд̣̇агалзкуубамо? ид̇хзгажжо буг̇г̇ало ааг̇аал̣хзнаби вужжамаано парусзнаби вужжамаано аманаабзнаби вужжамаано сам̣санд̣̇ад̇имзва 21 санд̇хияад̇имзва 22 саммод̣̇ад̇имзва 23. сзяяат̇ааби наама уд̣̇агз лзкаа киббам̣ луж̇ж̇ад̇и, на жирадтид̇игаа ход̇и; звамзвам̣ ид̇хзгажжо буг̇г̇ало ааг̇аал̣хзнаби вужжамаано парусзнаби вужжамаано аманаабзнаби вужжамаано сам̣санд̣̇ад̇имзва санд̇хияад̇имзва саммод̣̇ад̇имзва – аяам̣ вужжад̇и буг̇г̇ало ‘‘уд̣̇агалзкуубамо’’.
115. Katamo ca puggalo udakalekhūpamo? Idhekacco puggalo āgāḷhenapi vuccamāno pharusenapi vuccamāno amanāpenapi vuccamāno saṃsandatimeva 24 sandhiyatimeva 25 sammodatimeva 26. Seyyathāpi nāma udake lekhā khippaṃ lujjati, na ciraṭṭhitikā hoti; evamevaṃ idhekacco puggalo āgāḷhenapi vuccamāno pharusenapi vuccamāno amanāpenapi vuccamāno saṃsandatimeva sandhiyatimeva sammodatimeva – ayaṃ vuccati puggalo ‘‘udakalekhūpamo’’.
116. д̇ад̇т̇а гад̇амз д̇аяо бод̇т̇агуубамаа буг̇г̇алаа? д̇аяо бод̇т̇агаа – навоби бод̇т̇аго д̣̇уб̣б̣ан̣н̣о жзва ход̇и д̣̇угкасампассо жа аббаг̇гхо жа, маж̇жхимоби бод̇т̇аго д̣̇уб̣б̣ан̣н̣о жзва ход̇и д̣̇угкасампассо жа аббаг̇гхо жа, ж̇ин̣н̣оби бод̇т̇аго д̣̇уб̣б̣ан̣н̣о жзва ход̇и д̣̇угкасампассо жа аббаг̇гхо жа. ж̇ин̣н̣амби бод̇т̇агам̣ угкалибаримаж̇ж̇анам̣ ваа гаронд̇и сан̇гаарагуудз ваа нам̣ чад̣д̣знд̇и. звамзвам̣ д̇аяомз бод̇т̇агуубамаа буг̇г̇алаа санд̇о сам̣виж̇ж̇амаанаа бхигкуусу. гад̇амз д̇аяо? наво жзби бхигку ход̇и д̣̇уссийло баабад̇хаммо, ид̣̇амасса д̣̇уб̣б̣ан̣н̣ад̇ааяа. сзяяат̇ааби со бод̇т̇аго д̣̇уб̣б̣ан̣н̣о, д̇ат̇уубамо аяам̣ буг̇г̇ало. яз ко банасса сзванд̇и бхаж̇анд̇и баяирубаасанд̇и д̣̇идтаануг̇ад̇им̣ аабаж̇ж̇анд̇и, д̇зсам̣ д̇ам̣ ход̇и д̣̇ийгхарад̇д̇ам̣ ахид̇ааяа д̣̇угкааяа. ид̣̇амасса д̣̇угкасампассад̇ааяа. сзяяат̇ааби со бод̇т̇аго д̣̇угкасампассо, д̇ат̇уубамо аяам̣ буг̇г̇ало. язсам̣ ко бана со бадиг̇г̇ан̣хаад̇и жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарам̣ , д̇зсам̣ д̇ам̣ на махабпалам̣ ход̇и на махаанисам̣сам̣. ид̣̇амасса аббаг̇гхад̇ааяа. сзяяат̇ааби со бод̇т̇аго аббаг̇гхо, д̇ат̇уубамо аяам̣ буг̇г̇ало.
116. Tattha katame tayo potthakūpamā puggalā? Tayo potthakā – navopi potthako dubbaṇṇo ceva hoti dukkhasamphasso ca appaggho ca, majjhimopi potthako dubbaṇṇo ceva hoti dukkhasamphasso ca appaggho ca, jiṇṇopi potthako dubbaṇṇo ceva hoti dukkhasamphasso ca appaggho ca. Jiṇṇampi potthakaṃ ukkhaliparimajjanaṃ vā karonti saṅkārakūṭe vā naṃ chaḍḍenti. Evamevaṃ tayome potthakūpamā puggalā santo saṃvijjamānā bhikkhūsu. Katame tayo? Navo cepi bhikkhu hoti dussīlo pāpadhammo, idamassa dubbaṇṇatāya. Seyyathāpi so potthako dubbaṇṇo, tathūpamo ayaṃ puggalo. Ye kho panassa sevanti bhajanti payirupāsanti diṭṭhānugatiṃ āpajjanti, tesaṃ taṃ hoti dīgharattaṃ ahitāya dukkhāya. Idamassa dukkhasamphassatāya. Seyyathāpi so potthako dukkhasamphasso, tathūpamo ayaṃ puggalo. Yesaṃ kho pana so paṭiggaṇhāti cīvarapiṇḍapātasenāsanagilānapaccayabhesajjaparikkhāraṃ , tesaṃ taṃ na mahapphalaṃ hoti na mahānisaṃsaṃ. Idamassa appagghatāya. Seyyathāpi so potthako appaggho, tathūpamo ayaṃ puggalo.
маж̇жхимо жзби бхигку ход̇и…бз… т̇зро жзби бхигку ход̇и д̣̇уссийло баабад̇хаммо, ид̣̇амасса д̣̇уб̣б̣ан̣н̣ад̇ааяа. сзяяат̇ааби со бод̇т̇аго д̣̇уб̣б̣ан̣н̣о, д̇ат̇уубамо аяам̣ буг̇г̇ало. яз ко банасса сзванд̇и бхаж̇анд̇и баяирубаасанд̇и д̣̇идтаануг̇ад̇им̣ аабаж̇ж̇анд̇и, д̇зсам̣ д̇ам̣ ход̇и д̣̇ийгхарад̇д̇ам̣ ахид̇ааяа д̣̇угкааяа. ид̣̇амасса д̣̇угкасампассад̇ааяа. сзяяат̇ааби со бод̇т̇аго д̣̇угкасампассо, д̇ат̇уубамо аяам̣ буг̇г̇ало. язсам̣ ко бана со бадиг̇г̇ан̣хаад̇и жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарам̣, д̇зсам̣ д̇ам̣ на махабпалам̣ ход̇и на махаанисам̣сам̣. ид̣̇амасса аббаг̇гхад̇ааяа. сзяяат̇ааби со бод̇т̇аго аббаг̇гхо, д̇ат̇уубамо аяам̣ буг̇г̇ало.
Majjhimo cepi bhikkhu hoti…pe… thero cepi bhikkhu hoti dussīlo pāpadhammo, idamassa dubbaṇṇatāya. Seyyathāpi so potthako dubbaṇṇo, tathūpamo ayaṃ puggalo. Ye kho panassa sevanti bhajanti payirupāsanti diṭṭhānugatiṃ āpajjanti, tesaṃ taṃ hoti dīgharattaṃ ahitāya dukkhāya. Idamassa dukkhasamphassatāya. Seyyathāpi so potthako dukkhasamphasso, tathūpamo ayaṃ puggalo. Yesaṃ kho pana so paṭiggaṇhāti cīvarapiṇḍapātasenāsanagilānapaccayabhesajjaparikkhāraṃ, tesaṃ taṃ na mahapphalaṃ hoti na mahānisaṃsaṃ. Idamassa appagghatāya. Seyyathāpi so potthako appaggho, tathūpamo ayaṃ puggalo.
зваруубо жз т̇зро бхигку сан̇гхамаж̇жхз бхан̣ад̇и. д̇амзнам̣ бхигкуу звамаахам̣су – ‘‘гим̣ ну ко д̇уяхам̣ б̣ааласса аб̣яад̇д̇асса бхан̣ид̇зна, д̇вамби наама бхан̣ид̇аб̣б̣ам̣ ман̃н̃асий’’д̇и! со губид̇о анад̇д̇амано д̇ат̇ааруубим̣ ваажам̣ нижчаарзд̇и яат̇ааруубааяа ваажааяа сан̇гхо д̇ам̣ угкибад̇и, сан̇гаарагуудзва нам̣ бод̇т̇агам̣. имз д̇аяо бод̇т̇агуубамаа буг̇г̇алаа санд̇о сам̣виж̇ж̇амаанаа бхигкуусу.
Evarūpo ce thero bhikkhu saṅghamajjhe bhaṇati. Tamenaṃ bhikkhū evamāhaṃsu – ‘‘kiṃ nu kho tuyhaṃ bālassa abyattassa bhaṇitena, tvampi nāma bhaṇitabbaṃ maññasī’’ti! So kupito anattamano tathārūpiṃ vācaṃ nicchāreti yathārūpāya vācāya saṅgho taṃ ukkhipati, saṅkārakūṭeva naṃ potthakaṃ. Ime tayo potthakūpamā puggalā santo saṃvijjamānā bhikkhūsu.
117. д̇ад̇т̇а гад̇амз д̇аяо гаасигавад̇т̇уубамаа буг̇г̇алаа? д̇ийн̣и гаасигавад̇т̇аани – навамби гаасигавад̇т̇ам̣ ван̣н̣аванд̇ан̃жзва ход̇и сукасампассан̃жа махаг̇гхан̃жа, маж̇жхимамби гаасигавад̇т̇ам̣ ван̣н̣аванд̇ан̃жзва ход̇и сукасампассан̃жа махаг̇гхан̃жа, ж̇ин̣н̣амби гаасигавад̇т̇ам̣ ван̣н̣аванд̇ан̃жзва ход̇и сукасампассан̃жа махаг̇гхан̃жа. ж̇ин̣н̣амби гаасигавад̇т̇ам̣ рад̇анабаливзтанам̣ ваа гаронд̇и г̇анд̇хагаран̣д̣агз ваа нам̣ нигкибанд̇и.
117. Tattha katame tayo kāsikavatthūpamā puggalā? Tīṇi kāsikavatthāni – navampi kāsikavatthaṃ vaṇṇavantañceva hoti sukhasamphassañca mahagghañca, majjhimampi kāsikavatthaṃ vaṇṇavantañceva hoti sukhasamphassañca mahagghañca, jiṇṇampi kāsikavatthaṃ vaṇṇavantañceva hoti sukhasamphassañca mahagghañca. Jiṇṇampi kāsikavatthaṃ ratanapaliveṭhanaṃ vā karonti gandhakaraṇḍake vā naṃ nikkhipanti.
звамзвам̣ д̇аяомз гаасигавад̇т̇уубамаа буг̇г̇алаа санд̇о сам̣виж̇ж̇амаанаа бхигкуусу. гад̇амз д̇аяо? наво жзби бхигку ход̇и сийлаваа галяаан̣ад̇хаммо , ид̣̇амасса суван̣н̣ад̇ааяа. сзяяат̇ааби д̇ам̣ гаасигавад̇т̇ам̣ ван̣н̣аванд̇ам̣, д̇ат̇уубамо аяам̣ буг̇г̇ало. яз ко банасса сзванд̇и бхаж̇анд̇и баяирубаасанд̇и д̣̇идтаануг̇ад̇им̣ аабаж̇ж̇анд̇и, д̇зсам̣ д̇ам̣ ход̇и д̣̇ийгхарад̇д̇ам̣ хид̇ааяа сукааяа. ид̣̇амасса сукасампассад̇ааяа. сзяяат̇ааби д̇ам̣ гаасигавад̇т̇ам̣ сукасампассам̣, д̇ат̇уубамо аяам̣ буг̇г̇ало. язсам̣ ко бана со 27 бадиг̇г̇ан̣хаад̇и 28 жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарам̣, д̇зсам̣ д̇ам̣ махабпалам̣ ход̇и махаанисам̣сам̣. ид̣̇амасса махаг̇гхад̇ааяа. сзяяат̇ааби д̇ам̣ гаасигавад̇т̇ам̣ махаг̇гхам̣, д̇ат̇уубамо аяам̣ буг̇г̇ало.
Evamevaṃ tayome kāsikavatthūpamā puggalā santo saṃvijjamānā bhikkhūsu. Katame tayo? Navo cepi bhikkhu hoti sīlavā kalyāṇadhammo , idamassa suvaṇṇatāya. Seyyathāpi taṃ kāsikavatthaṃ vaṇṇavantaṃ, tathūpamo ayaṃ puggalo. Ye kho panassa sevanti bhajanti payirupāsanti diṭṭhānugatiṃ āpajjanti, tesaṃ taṃ hoti dīgharattaṃ hitāya sukhāya. Idamassa sukhasamphassatāya. Seyyathāpi taṃ kāsikavatthaṃ sukhasamphassaṃ, tathūpamo ayaṃ puggalo. Yesaṃ kho pana so 29 paṭiggaṇhāti 30 cīvarapiṇḍapātasenāsanagilānapaccayabhesajjaparikkhāraṃ, tesaṃ taṃ mahapphalaṃ hoti mahānisaṃsaṃ. Idamassa mahagghatāya. Seyyathāpi taṃ kāsikavatthaṃ mahagghaṃ, tathūpamo ayaṃ puggalo.
маж̇жхимо жзби бхигку…бз… т̇зро жзби бхигку ход̇и сийлаваа галяаан̣ад̇хаммо, ид̣̇амасса суван̣н̣ад̇ааяа. сзяяат̇ааби д̇ам̣ гаасигавад̇т̇ам̣ ван̣н̣аванд̇ам̣, д̇ат̇уубамо аяам̣ буг̇г̇ало. яз ко банасса сзванд̇и бхаж̇анд̇и баяирубаасанд̇и д̣̇идтаануг̇ад̇им̣ аабаж̇ж̇анд̇и, д̇зсам̣ д̇ам̣ ход̇и д̣̇ийгхарад̇д̇ам̣ хид̇ааяа сукааяа. ид̣̇амасса сукасампассад̇ааяа. сзяяат̇ааби д̇ам̣ гаасигавад̇т̇ам̣ сукасампассам̣, д̇ат̇уубамо аяам̣ буг̇г̇ало. язсам̣ ко бана со бадиг̇г̇ан̣хаад̇и жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарам̣, д̇зсам̣ д̇ам̣ махабпалам̣ ход̇и махаанисам̣сам̣. ид̣̇амасса махаг̇гхад̇ааяа. сзяяат̇ааби д̇ам̣ гаасигавад̇т̇ам̣ махаг̇гхам̣, д̇ат̇уубамо аяам̣ буг̇г̇ало.
Majjhimo cepi bhikkhu…pe… thero cepi bhikkhu hoti sīlavā kalyāṇadhammo, idamassa suvaṇṇatāya. Seyyathāpi taṃ kāsikavatthaṃ vaṇṇavantaṃ, tathūpamo ayaṃ puggalo. Ye kho panassa sevanti bhajanti payirupāsanti diṭṭhānugatiṃ āpajjanti, tesaṃ taṃ hoti dīgharattaṃ hitāya sukhāya. Idamassa sukhasamphassatāya. Seyyathāpi taṃ kāsikavatthaṃ sukhasamphassaṃ, tathūpamo ayaṃ puggalo. Yesaṃ kho pana so paṭiggaṇhāti cīvarapiṇḍapātasenāsanagilānapaccayabhesajjaparikkhāraṃ, tesaṃ taṃ mahapphalaṃ hoti mahānisaṃsaṃ. Idamassa mahagghatāya. Seyyathāpi taṃ kāsikavatthaṃ mahagghaṃ, tathūpamo ayaṃ puggalo.
зваруубо жз т̇зро бхигку сан̇гхамаж̇жхз бхан̣ад̇и, д̇амзнам̣ бхигкуу звамаахам̣су – ‘‘аббасад̣̇д̣̇аа ааяасманд̇о хот̇а, т̇зро бхигку д̇хамман̃жа винаяан̃жа бхан̣ад̇ий’’д̇и. д̇асса д̇ам̣ важанам̣ аад̇хзяяам̣ г̇ажчад̇и, г̇анд̇хагаран̣д̣агзва нам̣ гаасигавад̇т̇ам̣. имз д̇аяо гаасигавад̇т̇уубамаа буг̇г̇алаа санд̇о сам̣виж̇ж̇амаанаа бхигкуусу.
Evarūpo ce thero bhikkhu saṅghamajjhe bhaṇati, tamenaṃ bhikkhū evamāhaṃsu – ‘‘appasaddā āyasmanto hotha, thero bhikkhu dhammañca vinayañca bhaṇatī’’ti. Tassa taṃ vacanaṃ ādheyyaṃ gacchati, gandhakaraṇḍakeva naṃ kāsikavatthaṃ. Ime tayo kāsikavatthūpamā puggalā santo saṃvijjamānā bhikkhūsu.
118. гад̇амо жа буг̇г̇ало суббамзяяо? ид̇хзгажжо буг̇г̇ало уд̣̇д̇хад̇о ход̇и уннал̣о жабало мукаро вигин̣н̣аваажо мудтассад̇и асамбаж̇аано асамаахид̇о виб̣бханд̇ажид̇д̇о баагадинд̣̇рияо – аяам̣ вужжад̇и буг̇г̇ало ‘‘суббамзяяо’’.
118. Katamo ca puggalo suppameyyo? Idhekacco puggalo uddhato hoti unnaḷo capalo mukharo vikiṇṇavāco muṭṭhassati asampajāno asamāhito vibbhantacitto pākaṭindriyo – ayaṃ vuccati puggalo ‘‘suppameyyo’’.
119. гад̇амо жа буг̇г̇ало д̣̇уббамзяяо? ид̇хзгажжо буг̇г̇ало ануд̣̇д̇хад̇о ход̇и ануннал̣о ажабало амукаро авигин̣н̣аваажо убадтид̇ассад̇и самбаж̇аано самаахид̇о згаг̇г̇ажид̇д̇о сам̣вуд̇инд̣̇рияо – аяам̣ вужжад̇и буг̇г̇ало ‘‘д̣̇уббамзяяо’’.
119. Katamo ca puggalo duppameyyo? Idhekacco puggalo anuddhato hoti anunnaḷo acapalo amukharo avikiṇṇavāco upaṭṭhitassati sampajāno samāhito ekaggacitto saṃvutindriyo – ayaṃ vuccati puggalo ‘‘duppameyyo’’.
120. гад̇амо жа буг̇г̇ало аббамзяяо? ид̇хзгажжо буг̇г̇ало аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и – аяам̣ вужжад̇и буг̇г̇ало ‘‘аббамзяяо’’.
120. Katamo ca puggalo appameyyo? Idhekacco puggalo āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati – ayaṃ vuccati puggalo ‘‘appameyyo’’.
121. гад̇амо жа буг̇г̇ало на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о? ид̇хзгажжо буг̇г̇ало хийно ход̇и сийлзна самаад̇хинаа бан̃н̃ааяа. зваруубо буг̇г̇ало на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о, ан̃н̃ад̇ра ануд̣̇д̣̇аяаа ан̃н̃ад̇ра анугамбаа.
121. Katamo ca puggalo na sevitabbo na bhajitabbo na payirupāsitabbo? Idhekacco puggalo hīno hoti sīlena samādhinā paññāya. Evarūpo puggalo na sevitabbo na bhajitabbo na payirupāsitabbo, aññatra anuddayā aññatra anukampā.
122. гад̇амо жа буг̇г̇ало сзвид̇аб̣б̣о бхаж̇ид̇аб̣б̣о баяирубаасид̇аб̣б̣о? ид̇хзгажжо буг̇г̇ало сад̣̇исо ход̇и сийлзна самаад̇хинаа бан̃н̃ааяа. зваруубо буг̇г̇ало сзвид̇аб̣б̣о бхаж̇ид̇аб̣б̣о баяирубаасид̇аб̣б̣о. д̇ам̣ гисса хзд̇у? ‘‘сийласааман̃н̃аг̇ад̇аанам̣ сад̇ам̣ сийлагат̇аа жа но бхависсад̇и, саа жа но паасу бхависсад̇и, саа жа но бавад̇д̇иний бхависсад̇и; самаад̇хисааман̃н̃аг̇ад̇аанам̣ сад̇ам̣ самаад̇хигат̇аа жа но бхависсад̇и, саа жа но паасу бхависсад̇и, саа жа но бавад̇д̇иний 31 бхависсад̇и; бан̃н̃аасааман̃н̃аг̇ад̇аанам̣ сад̇ам̣ бан̃н̃аагат̇аа жа но бхависсад̇и, саа жа но паасу бхависсад̇и, саа жа но бавад̇д̇иний бхависсад̇ий’’д̇и. д̇асмаа зваруубо буг̇г̇ало сзвид̇аб̣б̣о бхаж̇ид̇аб̣б̣о баяирубаасид̇аб̣б̣о.
122. Katamo ca puggalo sevitabbo bhajitabbo payirupāsitabbo? Idhekacco puggalo sadiso hoti sīlena samādhinā paññāya. Evarūpo puggalo sevitabbo bhajitabbo payirupāsitabbo. Taṃ kissa hetu? ‘‘Sīlasāmaññagatānaṃ sataṃ sīlakathā ca no bhavissati, sā ca no phāsu bhavissati, sā ca no pavattinī bhavissati; samādhisāmaññagatānaṃ sataṃ samādhikathā ca no bhavissati, sā ca no phāsu bhavissati, sā ca no pavattinī 32 bhavissati; paññāsāmaññagatānaṃ sataṃ paññākathā ca no bhavissati, sā ca no phāsu bhavissati, sā ca no pavattinī bhavissatī’’ti. Tasmā evarūpo puggalo sevitabbo bhajitabbo payirupāsitabbo.
123. гад̇амо жа буг̇г̇ало саггад̇ваа г̇арум̣ гад̇ваа сзвид̇аб̣б̣о бхаж̇ид̇аб̣б̣о баяирубаасид̇аб̣б̣о? ид̇хзгажжо буг̇г̇ало ад̇хиго ход̇и сийлзна самаад̇хинаа бан̃н̃ааяа. зваруубо буг̇г̇ало саггад̇ваа г̇арум̣ гад̇ваа сзвид̇аб̣б̣о бхаж̇ид̇аб̣б̣о баяирубаасид̇аб̣б̣о. д̇ам̣ гисса хзд̇у? ‘‘абарибуурам̣ ваа сийлагканд̇хам̣ барибуурзссаами, барибуурам̣ ваа сийлагканд̇хам̣ д̇ад̇т̇а д̇ад̇т̇а бан̃н̃ааяа ануг̇г̇ахзссаами; абарибуурам̣ ваа самаад̇хигканд̇хам̣ барибуурзссаами, барибуурам̣ ваа самаад̇хигканд̇хам̣ д̇ад̇т̇а д̇ад̇т̇а бан̃н̃ааяа ануг̇г̇ахзссаами; абарибуурам̣ ваа бан̃н̃аагканд̇хам̣ барибуурзссаами, барибуурам̣ ваа бан̃н̃аагканд̇хам̣ д̇ад̇т̇а д̇ад̇т̇а бан̃н̃ааяа ануг̇г̇ахзссаамий’’д̇и. д̇асмаа зваруубо буг̇г̇ало саггад̇ваа г̇арум̣ гад̇ваа сзвид̇аб̣б̣о бхаж̇ид̇аб̣б̣о баяирубаасид̇аб̣б̣о.
123. Katamo ca puggalo sakkatvā garuṃ katvā sevitabbo bhajitabbo payirupāsitabbo? Idhekacco puggalo adhiko hoti sīlena samādhinā paññāya. Evarūpo puggalo sakkatvā garuṃ katvā sevitabbo bhajitabbo payirupāsitabbo. Taṃ kissa hetu? ‘‘Aparipūraṃ vā sīlakkhandhaṃ paripūressāmi, paripūraṃ vā sīlakkhandhaṃ tattha tattha paññāya anuggahessāmi; aparipūraṃ vā samādhikkhandhaṃ paripūressāmi, paripūraṃ vā samādhikkhandhaṃ tattha tattha paññāya anuggahessāmi; aparipūraṃ vā paññākkhandhaṃ paripūressāmi, paripūraṃ vā paññākkhandhaṃ tattha tattha paññāya anuggahessāmī’’ti. Tasmā evarūpo puggalo sakkatvā garuṃ katvā sevitabbo bhajitabbo payirupāsitabbo.
124. гад̇амо жа буг̇г̇ало ж̇иг̇ужчид̇аб̣б̣о на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о? ид̇хзгажжо буг̇г̇ало д̣̇уссийло ход̇и баабад̇хаммо асужи сан̇гассарасамаажааро бадижчаннагамманд̇о ассаман̣о саман̣абадин̃н̃о аб̣рахмажаарий б̣рахмажаарибадин̃н̃о анд̇обууд̇и авассуд̇о гасамб̣уж̇аад̇о. зваруубо буг̇г̇ало ж̇иг̇ужчид̇аб̣б̣о на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о. д̇ам̣ гисса хзд̇у? гин̃жааби зваруубасса буг̇г̇аласса на д̣̇идтаануг̇ад̇им̣ аабаж̇ж̇ад̇и, ат̇а ко нам̣ баабаго гид̇д̇исад̣̇д̣̇о аб̣бхуг̇г̇ажчад̇и – ‘‘баабамид̇д̇о бурисабуг̇г̇ало баабасахааяо баабасамбаван̇го’’д̇и. сзяяат̇ааби наама ахи г̇уут̇аг̇ад̇о гин̃жааби на д̣ам̣сад̇и, ат̇а ко нам̣ магкзд̇и; звамзвам̣ гин̃жааби зваруубасса буг̇г̇аласса на д̣̇идтаануг̇ад̇им̣ аабаж̇ж̇ад̇и, ат̇а ко нам̣ баабаго гид̇д̇исад̣̇д̣̇о аб̣бхуг̇г̇ажчад̇и – ‘‘баабамид̇д̇о бурисабуг̇г̇ало баабасахааяо баабасамбаван̇го’’д̇и! д̇асмаа зваруубо буг̇г̇ало ж̇иг̇ужчид̇аб̣б̣о на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о.
124. Katamo ca puggalo jigucchitabbo na sevitabbo na bhajitabbo na payirupāsitabbo? Idhekacco puggalo dussīlo hoti pāpadhammo asuci saṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti avassuto kasambujāto. Evarūpo puggalo jigucchitabbo na sevitabbo na bhajitabbo na payirupāsitabbo. Taṃ kissa hetu? Kiñcāpi evarūpassa puggalassa na diṭṭhānugatiṃ āpajjati, atha kho naṃ pāpako kittisaddo abbhuggacchati – ‘‘pāpamitto purisapuggalo pāpasahāyo pāpasampavaṅko’’ti. Seyyathāpi nāma ahi gūthagato kiñcāpi na ḍaṃsati, atha kho naṃ makkheti; evamevaṃ kiñcāpi evarūpassa puggalassa na diṭṭhānugatiṃ āpajjati, atha kho naṃ pāpako kittisaddo abbhuggacchati – ‘‘pāpamitto purisapuggalo pāpasahāyo pāpasampavaṅko’’ti! Tasmā evarūpo puggalo jigucchitabbo na sevitabbo na bhajitabbo na payirupāsitabbo.
125. гад̇амо жа буг̇г̇ало аж̇жхубзгкид̇аб̣б̣о на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о? ид̇хзгажжо буг̇г̇ало год̇хано ход̇и убааяаасаб̣ахуло, аббамби вуд̇д̇о самаано абхисаж̇ж̇ад̇и губбад̇и б̣яаабаж̇ж̇ад̇и бад̇ид̇т̇ийяад̇и, гобан̃жа д̣̇осан̃жа аббажжаяан̃жа баад̇угарод̇и. сзяяат̇ааби наама д̣̇удтааруго гадтзна ваа гаталааяа ваа гхаддид̇о бхияяосо мад̇д̇ааяа аасавам̣ д̣̇зд̇и, звамзвам̣ ид̇хзгажжо буг̇г̇ало год̇хано ход̇и убааяаасаб̣ахуло, аббамби вуд̇д̇о самаано абхисаж̇ж̇ад̇и губбад̇и б̣яаабаж̇ж̇ад̇и бад̇ид̇т̇ийяад̇и, гобан̃жа д̣̇осан̃жа аббажжаяан̃жа баад̇угарод̇и. сзяяат̇ааби наама д̇инд̣̇угаалаад̇ам̣ гадтзна ваа гаталааяа ваа гхаддид̇ам̣ бхияяосо мад̇д̇ааяа жижжидааяад̇и жидижидааяад̇и, звамзвам̣ ид̇хзгажжо буг̇г̇ало год̇хано ход̇и убааяаасаб̣ахуло, аббамби вуд̇д̇о самаано абхисаж̇ж̇ад̇и губбад̇и б̣яаабаж̇ж̇ад̇и бад̇ид̇т̇ийяад̇и, гобан̃жа д̣̇осан̃жа аббажжаяан̃жа баад̇угарод̇и. сзяяат̇ааби наама г̇уут̇агуубо гадтзна ваа гаталааяа ваа гхаддид̇о бхияяосо мад̇д̇ааяа д̣̇уг̇г̇анд̇хо ход̇и, звамзвам̣ ид̇хзгажжо буг̇г̇ало год̇хано ход̇и убааяаасаб̣ахуло, аббамби вуд̇д̇о самаано абхисаж̇ж̇ад̇и губбад̇и б̣яаабаж̇ж̇ад̇и бад̇ид̇т̇ийяад̇и, гобан̃жа д̣̇осан̃жа аббажжаяан̃жа баад̇угарод̇и; зваруубо буг̇г̇ало аж̇жхубзгкид̇аб̣б̣о на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о. д̇ам̣ гисса хзд̇у? ‘‘аггосзяяаби мам̣ барибхаасзяяаби мам̣ анад̇т̇амби мз гарзяяаа’’д̇и! д̇асмаа зваруубо буг̇г̇ало аж̇жхубзгкид̇аб̣б̣о на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о.
125. Katamo ca puggalo ajjhupekkhitabbo na sevitabbo na bhajitabbo na payirupāsitabbo? Idhekacco puggalo kodhano hoti upāyāsabahulo, appampi vutto samāno abhisajjati kuppati byāpajjati patitthīyati, kopañca dosañca appaccayañca pātukaroti. Seyyathāpi nāma duṭṭhāruko kaṭṭhena vā kaṭhalāya vā ghaṭṭito bhiyyoso mattāya āsavaṃ deti, evamevaṃ idhekacco puggalo kodhano hoti upāyāsabahulo, appampi vutto samāno abhisajjati kuppati byāpajjati patitthīyati, kopañca dosañca appaccayañca pātukaroti. Seyyathāpi nāma tindukālātaṃ kaṭṭhena vā kaṭhalāya vā ghaṭṭitaṃ bhiyyoso mattāya cicciṭāyati ciṭiciṭāyati, evamevaṃ idhekacco puggalo kodhano hoti upāyāsabahulo, appampi vutto samāno abhisajjati kuppati byāpajjati patitthīyati, kopañca dosañca appaccayañca pātukaroti. Seyyathāpi nāma gūthakūpo kaṭṭhena vā kaṭhalāya vā ghaṭṭito bhiyyoso mattāya duggandho hoti, evamevaṃ idhekacco puggalo kodhano hoti upāyāsabahulo, appampi vutto samāno abhisajjati kuppati byāpajjati patitthīyati, kopañca dosañca appaccayañca pātukaroti; evarūpo puggalo ajjhupekkhitabbo na sevitabbo na bhajitabbo na payirupāsitabbo. Taṃ kissa hetu? ‘‘Akkoseyyapi maṃ paribhāseyyapi maṃ anatthampi me kareyyā’’ti! Tasmā evarūpo puggalo ajjhupekkhitabbo na sevitabbo na bhajitabbo na payirupāsitabbo.
126. гад̇амо жа буг̇г̇ало сзвид̇аб̣б̣о бхаж̇ид̇аб̣б̣о баяирубаасид̇аб̣б̣о? ид̇хзгажжо буг̇г̇ало сийлаваа ход̇и галяаан̣ад̇хаммо – зваруубо буг̇г̇ало сзвид̇аб̣б̣о бхаж̇ид̇аб̣б̣о баяирубаасид̇аб̣б̣о. д̇ам̣ гисса хзд̇у? гин̃жааби зваруубасса буг̇г̇аласса на д̣̇идтаануг̇ад̇им̣ аабаж̇ж̇ад̇и, ат̇а ко нам̣ галяаан̣о гид̇д̇исад̣̇д̣̇о аб̣бхуг̇г̇ажчад̇и – ‘‘галяаан̣амид̇д̇о бурисабуг̇г̇ало галяаан̣асахааяо галяаан̣асамбаван̇го’’д̇и! д̇асмаа зваруубо буг̇г̇ало сзвид̇аб̣б̣о бхаж̇ид̇аб̣б̣о баяирубаасид̇аб̣б̣о.
126. Katamo ca puggalo sevitabbo bhajitabbo payirupāsitabbo? Idhekacco puggalo sīlavā hoti kalyāṇadhammo – evarūpo puggalo sevitabbo bhajitabbo payirupāsitabbo. Taṃ kissa hetu? Kiñcāpi evarūpassa puggalassa na diṭṭhānugatiṃ āpajjati, atha kho naṃ kalyāṇo kittisaddo abbhuggacchati – ‘‘kalyāṇamitto purisapuggalo kalyāṇasahāyo kalyāṇasampavaṅko’’ti! Tasmā evarūpo puggalo sevitabbo bhajitabbo payirupāsitabbo.
127. гад̇амо жа буг̇г̇ало сийлзсу барибуурагаарий, самаад̇хисмим̣ мад̇д̇асо гаарий, бан̃н̃ааяа мад̇д̇асо гаарий? сод̇аабаннасагад̣̇ааг̇аамино – имз вужжанд̇и буг̇г̇алаа сийлзсу барибуурагаарино, самаад̇хисмим̣ мад̇д̇асо гаарино, бан̃н̃ааяа мад̇д̇асо гаарино.
127. Katamo ca puggalo sīlesu paripūrakārī, samādhismiṃ mattaso kārī, paññāya mattaso kārī? Sotāpannasakadāgāmino – ime vuccanti puggalā sīlesu paripūrakārino, samādhismiṃ mattaso kārino, paññāya mattaso kārino.
128. гад̇амо жа буг̇г̇ало сийлзсу жа барибуурагаарий, самаад̇хисмин̃жа барибуурагаарий, бан̃н̃ааяа мад̇д̇асо гаарий? анааг̇аамий – аяам̣ вужжад̇и буг̇г̇ало сийлзсу жа барибуурагаарий, самаад̇хисмин̃жа барибуурагаарий, бан̃н̃ааяа мад̇д̇асо гаарий.
128. Katamo ca puggalo sīlesu ca paripūrakārī, samādhismiñca paripūrakārī, paññāya mattaso kārī? Anāgāmī – ayaṃ vuccati puggalo sīlesu ca paripūrakārī, samādhismiñca paripūrakārī, paññāya mattaso kārī.
129. гад̇амо жа буг̇г̇ало сийлзсу жа барибуурагаарий, самаад̇хисмин̃жа барибуурагаарий, бан̃н̃ааяа жа барибуурагаарий? арахаа – аяам̣ вужжад̇и буг̇г̇ало сийлзсу жа барибуурагаарий, самаад̇хисмин̃жа барибуурагаарий, бан̃н̃ааяа жа барибуурагаарий.
129. Katamo ca puggalo sīlesu ca paripūrakārī, samādhismiñca paripūrakārī, paññāya ca paripūrakārī? Arahā – ayaṃ vuccati puggalo sīlesu ca paripūrakārī, samādhismiñca paripūrakārī, paññāya ca paripūrakārī.
130. д̇ад̇т̇а гад̇амз д̇аяо сад̇т̇ааро? ид̇хзгажжо сад̇т̇аа гаамаанам̣ барин̃н̃ам̣ бан̃н̃абзд̇и 33, на руубаанам̣ барин̃н̃ам̣ бан̃н̃абзд̇и, на взд̣̇анаанам̣ барин̃н̃ам̣ бан̃н̃абзд̇и. ид̇ха банзгажжо сад̇т̇аа гаамаанан̃жа барин̃н̃ам̣ бан̃н̃абзд̇и, руубаанан̃жа барин̃н̃ам̣ бан̃н̃абзд̇и, на взд̣̇анаанам̣ барин̃н̃ам̣ бан̃н̃абзд̇и. ид̇ха банзгажжо сад̇т̇аа гаамаанан̃жа барин̃н̃ам̣ бан̃н̃абзд̇и, руубаанан̃жа барин̃н̃ам̣ бан̃н̃абзд̇и, взд̣̇анаанан̃жа барин̃н̃ам̣ бан̃н̃абзд̇и.
130. Tattha katame tayo satthāro? Idhekacco satthā kāmānaṃ pariññaṃ paññapeti 34, na rūpānaṃ pariññaṃ paññapeti, na vedanānaṃ pariññaṃ paññapeti. Idha panekacco satthā kāmānañca pariññaṃ paññapeti, rūpānañca pariññaṃ paññapeti, na vedanānaṃ pariññaṃ paññapeti. Idha panekacco satthā kāmānañca pariññaṃ paññapeti, rūpānañca pariññaṃ paññapeti, vedanānañca pariññaṃ paññapeti.
д̇ад̇ра явааяам̣ сад̇т̇аа гаамаанам̣ барин̃н̃ам̣ бан̃н̃абзд̇и, на руубаанам̣ барин̃н̃ам̣ бан̃н̃абзд̇и, на взд̣̇анаанам̣ барин̃н̃ам̣ бан̃н̃абзд̇и, руубааважарасамаабад̇д̇ияаа лаабхий сад̇т̇аа д̇зна д̣̇адтаб̣б̣о. д̇ад̇ра явааяам̣ сад̇т̇аа гаамаанан̃жа барин̃н̃ам̣ бан̃н̃абзд̇и, руубаанан̃жа барин̃н̃ам̣ бан̃н̃абзд̇и, на взд̣̇анаанам̣ барин̃н̃ам̣ бан̃н̃абзд̇и, аруубааважарасамаабад̇д̇ияаа лаабхий сад̇т̇аа д̇зна д̣̇адтаб̣б̣о. д̇ад̇ра явааяам̣ сад̇т̇аа гаамаанан̃жа барин̃н̃ам̣ бан̃н̃абзд̇и, руубаанан̃жа барин̃н̃ам̣ бан̃н̃абзд̇и, взд̣̇анаанан̃жа барин̃н̃ам̣ бан̃н̃абзд̇и, саммаасамб̣уд̣̇д̇хо сад̇т̇аа д̇зна д̣̇адтаб̣б̣о. имз д̇аяо сад̇т̇ааро.
Tatra yvāyaṃ satthā kāmānaṃ pariññaṃ paññapeti, na rūpānaṃ pariññaṃ paññapeti, na vedanānaṃ pariññaṃ paññapeti, rūpāvacarasamāpattiyā lābhī satthā tena daṭṭhabbo. Tatra yvāyaṃ satthā kāmānañca pariññaṃ paññapeti, rūpānañca pariññaṃ paññapeti, na vedanānaṃ pariññaṃ paññapeti, arūpāvacarasamāpattiyā lābhī satthā tena daṭṭhabbo. Tatra yvāyaṃ satthā kāmānañca pariññaṃ paññapeti, rūpānañca pariññaṃ paññapeti, vedanānañca pariññaṃ paññapeti, sammāsambuddho satthā tena daṭṭhabbo. Ime tayo satthāro.
131. д̇ад̇т̇а гад̇амз абарзби д̇аяо сад̇т̇ааро? ид̇хзгажжо сад̇т̇аа д̣̇идтз жзва д̇хаммз ад̇д̇аанам̣ сажжад̇о т̇зд̇ад̇о бан̃н̃абзд̇и, абхисамбарааяан̃жа ад̇д̇аанам̣ сажжад̇о т̇зд̇ад̇о бан̃н̃абзд̇и. ид̇ха банзгажжо сад̇т̇аа д̣̇идтз жзва д̇хаммз ад̇д̇аанам̣ сажжад̇о т̇зд̇ад̇о бан̃н̃абзд̇и, но жа ко абхисамбарааяам̣ ад̇д̇аанам̣ сажжад̇о т̇зд̇ад̇о бан̃н̃абзд̇и. ид̇ха банзгажжо сад̇т̇аа д̣̇идтз жзва д̇хаммз ад̇д̇аанам̣ сажжад̇о т̇зд̇ад̇о на бан̃н̃абзд̇и, абхисамбарааяан̃жа ад̇д̇аанам̣ сажжад̇о т̇зд̇ад̇о на бан̃н̃абзд̇и.
131. Tattha katame aparepi tayo satthāro? Idhekacco satthā diṭṭhe ceva dhamme attānaṃ saccato thetato paññapeti, abhisamparāyañca attānaṃ saccato thetato paññapeti. Idha panekacco satthā diṭṭhe ceva dhamme attānaṃ saccato thetato paññapeti, no ca kho abhisamparāyaṃ attānaṃ saccato thetato paññapeti. Idha panekacco satthā diṭṭhe ceva dhamme attānaṃ saccato thetato na paññapeti, abhisamparāyañca attānaṃ saccato thetato na paññapeti.
д̇ад̇ра явааяам̣ сад̇т̇аа д̣̇идтз жзва д̇хаммз ад̇д̇аанам̣ сажжад̇о т̇зд̇ад̇о бан̃н̃абзд̇и, абхисамбарааяан̃жа ад̇д̇аанам̣ сажжад̇о т̇зд̇ад̇о бан̃н̃абзд̇и, сассад̇аваад̣̇о сад̇т̇аа д̇зна д̣̇адтаб̣б̣о. д̇ад̇ра явааяам̣ сад̇т̇аа д̣̇идтз жзва д̇хаммз ад̇д̇аанам̣ сажжад̇о т̇зд̇ад̇о бан̃н̃абзд̇и, но жа ко абхисамбарааяам̣ ад̇д̇аанам̣ сажжад̇о т̇зд̇ад̇о бан̃н̃абзд̇и, ужчзд̣̇аваад̣̇о сад̇т̇аа д̇зна д̣̇адтаб̣б̣о. д̇ад̇ра явааяам̣ сад̇т̇аа д̣̇идтз жзва д̇хаммз ад̇д̇аанам̣ сажжад̇о т̇зд̇ад̇о на бан̃н̃абзд̇и, абхисамбарааяан̃жа ад̇д̇аанам̣ сажжад̇о т̇зд̇ад̇о на бан̃н̃абзд̇и, саммаасамб̣уд̣̇д̇хо сад̇т̇аа д̇зна д̣̇адтаб̣б̣о. имз абарзби д̇аяо сад̇т̇ааро.
Tatra yvāyaṃ satthā diṭṭhe ceva dhamme attānaṃ saccato thetato paññapeti, abhisamparāyañca attānaṃ saccato thetato paññapeti, sassatavādo satthā tena daṭṭhabbo. Tatra yvāyaṃ satthā diṭṭhe ceva dhamme attānaṃ saccato thetato paññapeti, no ca kho abhisamparāyaṃ attānaṃ saccato thetato paññapeti, ucchedavādo satthā tena daṭṭhabbo. Tatra yvāyaṃ satthā diṭṭhe ceva dhamme attānaṃ saccato thetato na paññapeti, abhisamparāyañca attānaṃ saccato thetato na paññapeti, sammāsambuddho satthā tena daṭṭhabbo. Ime aparepi tayo satthāro.
д̇иганид̣̇д̣̇зсо.
Tikaniddeso.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 3. д̇иганид̣̇д̣̇зсаван̣н̣анаа • 3. Tikaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 3. д̇иганид̣̇д̣̇зсаван̣н̣анаа • 3. Tikaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 3. д̇иганид̣̇д̣̇зсаван̣н̣анаа • 3. Tikaniddesavaṇṇanā
