| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
5. திகதிகபட்டா²னவண்ணனா
5. Tikatikapaṭṭhānavaṇṇanā
திகதிகபட்டா²னேபி குஸலங் ஸுகா²ய வேத³னாய ஸம்பயுத்தங் த⁴ம்மங் படிச்ச குஸலோ ஸுகா²ய வேத³னாய ஸம்பயுத்தோ த⁴ம்மோ உப்பஜ்ஜதி ஹேதுபச்சயாதி பஞ்ஹுத்³தா⁴ரவஸேனேவ ஸங்கே²பதோ தே³ஸனா கதா. எத்த² ச குஸலத்திகங் வேத³னாத்திகாதீ³ஹி, வேத³னாத்திகாத³யோ ச குஸலத்திகேனாதி ஏவங் திகேஸுயேவ திகா பக்கி²த்தா. யேன யேன ச பதே³ன ஸத்³தி⁴ங் யங் யங் பத³ங் யோஜனங் ந க³ச்ச²தி, தங் தங் ஹாபெத்வா லப்³ப⁴மானவஸேனேவ ஸப்³ப³பச்சயேஸு வாரா ச க³ணனநயா ச த³ஸ்ஸிதா, தஸ்மா தே ஸாது⁴கங் பாளிங் உபபரிக்கி²த்வா வேதி³தப்³பா³. யதா² ச குஸலத்திகங் வேத³னாத்திகாதீ³ஹி, வேத³னாத்திகாத³யோ ச தேன ஸத்³தி⁴ங் யோஜெத்வா வேதி³தப்³பா³; ததா² ஏகேகங் திகங் ஸேஸேஹி. ஸேஸா ச தேஹி ஸத்³தி⁴ங் யோஜெத்வா வேதி³தப்³பா³தி.
Tikatikapaṭṭhānepi kusalaṃ sukhāya vedanāya sampayuttaṃ dhammaṃ paṭicca kusalo sukhāya vedanāya sampayutto dhammo uppajjati hetupaccayāti pañhuddhāravaseneva saṅkhepato desanā katā. Ettha ca kusalattikaṃ vedanāttikādīhi, vedanāttikādayo ca kusalattikenāti evaṃ tikesuyeva tikā pakkhittā. Yena yena ca padena saddhiṃ yaṃ yaṃ padaṃ yojanaṃ na gacchati, taṃ taṃ hāpetvā labbhamānavaseneva sabbapaccayesu vārā ca gaṇananayā ca dassitā, tasmā te sādhukaṃ pāḷiṃ upaparikkhitvā veditabbā. Yathā ca kusalattikaṃ vedanāttikādīhi, vedanāttikādayo ca tena saddhiṃ yojetvā veditabbā; tathā ekekaṃ tikaṃ sesehi. Sesā ca tehi saddhiṃ yojetvā veditabbāti.
திகதிகபட்டா²னவண்ணனா.
Tikatikapaṭṭhānavaṇṇanā.
