| Library / Tipiṭaka / तिपिटक • Tipiṭaka / अपदानपाळि • Apadānapāḷi |
९. तिकिच्छकत्थेरअपदानं
9. Tikicchakattheraapadānaṃ
३९.
39.
‘‘नगरे बन्धुमतिया, वेज्जो आसिं सुसिक्खितो।
‘‘Nagare bandhumatiyā, vejjo āsiṃ susikkhito;
आतुरानं सदुक्खानं, महाजनसुखावहो॥
Āturānaṃ sadukkhānaṃ, mahājanasukhāvaho.
४०.
40.
‘‘ब्याधितं समणं दिस्वा, सीलवन्तं महाजुतिं।
‘‘Byādhitaṃ samaṇaṃ disvā, sīlavantaṃ mahājutiṃ;
पसन्नचित्तो सुमनो, भेसज्जमददिं तदा॥
Pasannacitto sumano, bhesajjamadadiṃ tadā.
४१.
41.
‘‘अरोगो आसि तेनेव, समणो संवुतिन्द्रियो।
‘‘Arogo āsi teneva, samaṇo saṃvutindriyo;
असोको नाम नामेन, उपट्ठाको विपस्सिनो॥
Asoko nāma nāmena, upaṭṭhāko vipassino.
४२.
42.
‘‘एकनवुतितो कप्पे, यं ओसधमदासहं।
‘‘Ekanavutito kappe, yaṃ osadhamadāsahaṃ;
दुग्गतिं नाभिजानामि, भेसज्जस्स इदं फलं॥
Duggatiṃ nābhijānāmi, bhesajjassa idaṃ phalaṃ.
४३.
43.
‘‘इतो च अट्ठमे कप्पे, सब्बोसधसनामको।
‘‘Ito ca aṭṭhame kappe, sabbosadhasanāmako;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
४४.
44.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा तिकिच्छको थेरो इमा गाथायो अभासित्थाति।
Itthaṃ sudaṃ āyasmā tikicchako thero imā gāthāyo abhāsitthāti.
तिकिच्छकत्थेरस्सापदानं नवमं।
Tikicchakattherassāpadānaṃ navamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ९. तिकिच्छकत्थेरअपदानवण्णना • 9. Tikicchakattheraapadānavaṇṇanā
