| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੯. ਤਿਕਿਚ੍ਛਕਤ੍ਥੇਰਅਪਦਾਨવਣ੍ਣਨਾ
9. Tikicchakattheraapadānavaṇṇanā
ਨਗਰੇ ਬਨ੍ਧੁਮਤਿਯਾਤਿਆਦਿਕਂ ਆਯਸ੍ਮਤੋ ਤਿਕਿਚ੍ਛਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਾਯਸ੍ਮਾ ਪੁਰਿਮਜਿਨવਰੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਬਨ੍ਧੁਮਤੀਨਗਰੇ વੇਜ੍ਜਕੁਲੇ ਨਿਬ੍ਬਤ੍ਤੋ ਬਹੁਸ੍ਸੁਤੋ ਸੁਸਿਕ੍ਖਿਤੋ વੇਜ੍ਜਕਮ੍ਮੇ ਛੇਕੋ ਬਹੂ ਰੋਗਿਨੋ ਤਿਕਿਚ੍ਛਨ੍ਤੋ વਿਪਸ੍ਸਿਸ੍ਸ ਭਗવਤੋ ਉਪਟ੍ਠਾਕਸ੍ਸ ਅਸੋਕਨਾਮਤ੍ਥੇਰਸ੍ਸ ਰੋਗਂ ਤਿਕਿਚ੍ਛਿ। ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਅਪਰਾਪਰਂ ਸੁਖਂ ਅਨੁਭવਨ੍ਤੋ ਨਿਬ੍ਬਤ੍ਤਨਿਬ੍ਬਤ੍ਤਭવੇ ਅਰੋਗੋ ਦੀਘਾਯੁਕੋ ਸੁવਣ੍ਣવਣ੍ਣਸਰੀਰੋ ਅਹੋਸਿ।
Nagarebandhumatiyātiādikaṃ āyasmato tikicchakattherassa apadānaṃ. Ayampāyasmā purimajinavaresu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle bandhumatīnagare vejjakule nibbatto bahussuto susikkhito vejjakamme cheko bahū rogino tikicchanto vipassissa bhagavato upaṭṭhākassa asokanāmattherassa rogaṃ tikicchi. So tena puññena devamanussesu aparāparaṃ sukhaṃ anubhavanto nibbattanibbattabhave arogo dīghāyuko suvaṇṇavaṇṇasarīro ahosi.
੩੯. ਸੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ ਗਹਪਤਿਕੁਲੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਬ੍ਬਸਿਪ੍ਪੇਸੁ ਨਿਪ੍ਫਤ੍ਤਿਂ ਪਤ੍ਤੋ ਅਰੋਗੋ ਸੁਖਿਤੋ વਿਭવਸਮ੍ਪਨ੍ਨੋ ਰਤਨਤ੍ਤਯੇ ਪਸਨ੍ਨੋ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਪਟਿਲਦ੍ਧਸਦ੍ਧੋ ਘਰਾવਾਸਂ ਪਹਾਯ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਹੁਤ੍વਾ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਨਗਰੇ ਬਨ੍ਧੁਮਤਿਯਾਤਿਆਦਿਮਾਹ। ਤਂ ਸਬ੍ਬਂ ਹੇਟ੍ਠਾ વੁਤ੍ਤਨਯਤ੍ਤਾ ਉਤ੍ਤਾਨਤ੍ਥਮੇવਾਤਿ।
39. So imasmiṃ buddhuppāde sāvatthiyaṃ gahapatikule nibbatto vuddhimanvāya sabbasippesu nipphattiṃ patto arogo sukhito vibhavasampanno ratanattaye pasanno satthu dhammadesanaṃ sutvā paṭiladdhasaddho gharāvāsaṃ pahāya pabbajitvā nacirasseva arahā hutvā pubbakammaṃ saritvā somanassajāto pubbacaritāpadānaṃ pakāsento nagare bandhumatiyātiādimāha. Taṃ sabbaṃ heṭṭhā vuttanayattā uttānatthamevāti.
ਤਿਕਿਚ੍ਛਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Tikicchakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੯. ਤਿਕਿਚ੍ਛਕਤ੍ਥੇਰਅਪਦਾਨਂ • 9. Tikicchakattheraapadānaṃ
