| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५३. तिणदायकवग्गो
53. Tiṇadāyakavaggo
१. तिणमुट्ठिदायकत्थेरअपदानं
1. Tiṇamuṭṭhidāyakattheraapadānaṃ
१.
1.
‘‘हिमवन्तस्साविदूरे , लम्बको नाम पब्बतो।
‘‘Himavantassāvidūre , lambako nāma pabbato;
२.
2.
‘‘मिगलुद्दो पुरे आसिं, अरञ्ञे कानने अहं।
‘‘Migaluddo pure āsiṃ, araññe kānane ahaṃ;
दिस्वान तं देवदेवं, तिणमुट्ठिमदासहं॥
Disvāna taṃ devadevaṃ, tiṇamuṭṭhimadāsahaṃ.
३.
3.
‘‘निसीदनत्थं बुद्धस्स, दत्वा चित्तं पसादयिं।
‘‘Nisīdanatthaṃ buddhassa, datvā cittaṃ pasādayiṃ;
४.
4.
५.
5.
‘‘आसन्ने मे कतं कम्मं, बुद्धसेट्ठे अनासवे।
‘‘Āsanne me kataṃ kammaṃ, buddhaseṭṭhe anāsave;
सुमुत्तो सरवेगोव, देवलोकमगच्छहं॥
Sumutto saravegova, devalokamagacchahaṃ.
६.
6.
‘‘यूपो तत्थ सुभो आसि, पुञ्ञकम्माभिनिम्मितो।
‘‘Yūpo tattha subho āsi, puññakammābhinimmito;
सहस्सकण्डो सतभेण्डु, धजालु हरितामयो॥
Sahassakaṇḍo satabheṇḍu, dhajālu haritāmayo.
७.
7.
‘‘पभा निद्धावते तस्स, सतरंसीव उग्गतो।
‘‘Pabhā niddhāvate tassa, sataraṃsīva uggato;
आकिण्णो देवकञ्ञाहि, आमोदिं कामकामिहं॥
Ākiṇṇo devakaññāhi, āmodiṃ kāmakāmihaṃ.
८.
8.
‘‘देवलोका चवित्वान, सुक्कमूलेन चोदितो।
‘‘Devalokā cavitvāna, sukkamūlena codito;
आगन्त्वान मनुस्सत्तं, पत्तोम्हि आसवक्खयं॥
Āgantvāna manussattaṃ, pattomhi āsavakkhayaṃ.
९.
9.
‘‘चतुन्नवुतितो कप्पे, निसीदनमदासहं।
‘‘Catunnavutito kappe, nisīdanamadāsahaṃ;
दुग्गतिं नाभिजानामि, तिणमुट्ठे इदं फलं॥
Duggatiṃ nābhijānāmi, tiṇamuṭṭhe idaṃ phalaṃ.
१०.
10.
‘‘किलेसा झापिता मय्हं, भवा सब्बे समूहता।
‘‘Kilesā jhāpitā mayhaṃ, bhavā sabbe samūhatā;
नागोव बन्धनं छेत्वा, विहरामि अनासवो॥
Nāgova bandhanaṃ chetvā, viharāmi anāsavo.
११.
11.
‘‘स्वागतं वत मे आसि, मम बुद्धस्स सन्तिके।
‘‘Svāgataṃ vata me āsi, mama buddhassa santike;
तिस्सो विज्जा अनुप्पत्ता, कतं बुद्धस्स सासनं॥
Tisso vijjā anuppattā, kataṃ buddhassa sāsanaṃ.
१२.
12.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा तिणमुट्ठिदायको थेरो इमा गाथायो
Itthaṃ sudaṃ āyasmā tiṇamuṭṭhidāyako thero imā gāthāyo
अभासित्थाति।
Abhāsitthāti.
तिणमुट्ठिदायकत्थेरस्सापदानं पठमं।
Tiṇamuṭṭhidāyakattherassāpadānaṃ paṭhamaṃ.
Footnotes:
