| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੭. ਤਿਣਸੂਲਕਤ੍ਥੇਰਅਪਦਾਨવਣ੍ਣਨਾ
7. Tiṇasūlakattheraapadānavaṇṇanā
ਹਿਮવਨ੍ਤਸ੍ਸਾવਿਦੂਰੇਤਿਆਦਿਕਂ ਆਯਸ੍ਮਤੋ ਤਿਣਸੂਲਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਥੇਰੋ ਪੁਰਿਮਜਿਨવਰੇਸੁ ਕਤਪੁਞ੍ਞਸਮ੍ਭਾਰੋ ਉਪ੍ਪਨ੍ਨੁਪ੍ਪਨ੍ਨਭવੇ ਕੁਸਲਾਨਿ ਉਪਚਿਨਨ੍ਤੋ ਸਿਖਿਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ ਘਰਾવਾਸਂ ਸਣ੍ਠਪੇਤ੍વਾ ਤਤ੍ਥ ਦੋਸਂ ਦਿਸ੍વਾ ਤਂ ਪਹਾਯ ਤਾਪਸਪਬ੍ਬਜ੍ਜਂ ਪਬ੍ਬਜਿਤ੍વਾ વਸਨ੍ਤੋ ਹਿਮવਨ੍ਤਸਮੀਪੇ ਭੂਤਗਣੇ ਨਾਮ ਪਬ੍ਬਤੇ વਸਨ੍ਤਂ ਏਕਤਂ વਿવੇਕਮਨੁਬ੍ਰੂਹਨ੍ਤਂ ਸਿਖਿਂ ਸਮ੍ਬੁਦ੍ਧਂ ਦਿਸ੍વਾ ਪਸਨ੍ਨਮਾਨਸੋ ਤਿਣਸੂਲਪੁਪ੍ਫਂ ਗਹੇਤ੍વਾ ਪਾਦਮੂਲੇ ਪੂਜੇਸਿ। ਬੁਦ੍ਧੋਪਿ ਤਸ੍ਸ ਅਨੁਮੋਦਨਂ ਅਕਾਸਿ।
Himavantassāvidūretiādikaṃ āyasmato tiṇasūlakattherassa apadānaṃ. Ayampi thero purimajinavaresu katapuññasambhāro uppannuppannabhave kusalāni upacinanto sikhissa bhagavato kāle kulagehe nibbatto gharāvāsaṃ saṇṭhapetvā tattha dosaṃ disvā taṃ pahāya tāpasapabbajjaṃ pabbajitvā vasanto himavantasamīpe bhūtagaṇe nāma pabbate vasantaṃ ekataṃ vivekamanubrūhantaṃ sikhiṃ sambuddhaṃ disvā pasannamānaso tiṇasūlapupphaṃ gahetvā pādamūle pūjesi. Buddhopi tassa anumodanaṃ akāsi.
੩੫. ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ વਿਭવਸਮ੍ਪਨ੍ਨੇ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਾਸਨੇ ਪਸਨ੍ਨੋ ਪਬ੍ਬਜਿਤ੍વਾ ਉਪਨਿਸ੍ਸਯਸਮ੍ਪਨ੍ਨਤ੍ਤਾ ਨਚਿਰਸ੍ਸੇવ ਅਰਹਤ੍ਤਂ ਪਾਪੁਣਿਤ੍વਾ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਪ੍ਪਤ੍ਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਹਿਮવਨ੍ਤਸ੍ਸਾવਿਦੂਰੇਤਿਆਦਿਮਾਹ। ਭੂਤਗਣੋ ਨਾਮ ਪਬ੍ਬਤੋਤਿ ਭੂਤਗਣਾਨਂ ਦੇવਯਕ੍ਖਸਮੂਹਾਨਂ ਆવਾਸਭੂਤਤ੍ਤਾ ਭવਨਸਦਿਸਤ੍ਤਾ ਅવਿਰੂਲ਼੍ਹਭਾવੇਨ ਪવਤ੍ਤਤ੍ਤਾ ਚ ਭੂਤਗਣੋ ਨਾਮ ਪਬ੍ਬਤੋ, ਤਸ੍ਮਿਂ ਏਕੋ ਅਦੁਤਿਯੋ ਜਿਨੋ ਜਿਤਮਾਰੋ ਬੁਦ੍ਧੋ વਸਤੇ ਦਿਬ੍ਬਬ੍ਰਹ੍ਮਅਰਿਯਇਰਿਯਾਪਥવਿਹਾਰੇਹਿ વਿਹਰਤੀਤਿ ਅਤ੍ਥੋ।
35. So tena puññena devamanussesu saṃsaranto ubhayasampattiyo anubhavitvā imasmiṃ buddhuppāde sāvatthiyaṃ vibhavasampanne ekasmiṃ kule nibbatto vuddhimanvāya sāsane pasanno pabbajitvā upanissayasampannattā nacirasseva arahattaṃ pāpuṇitvā pubbakammaṃ saritvā somanassappatto pubbacaritāpadānaṃ pakāsento himavantassāvidūretiādimāha. Bhūtagaṇo nāma pabbatoti bhūtagaṇānaṃ devayakkhasamūhānaṃ āvāsabhūtattā bhavanasadisattā avirūḷhabhāvena pavattattā ca bhūtagaṇo nāma pabbato, tasmiṃ eko adutiyo jino jitamāro buddho vasate dibbabrahmaariyairiyāpathavihārehi viharatīti attho.
੩੬. ਏਕੂਨਸਤਸਹਸ੍ਸਂ , ਕਪ੍ਪਂ ਨ વਿਨਿਪਾਤਿਕੋਤਿ ਤੇਨ ਤਿਣਸੂਲਪੁਪ੍ਫਪੂਜਾਕਰਣਫਲੇਨ ਨਿਰਨ੍ਤਰਂ ਏਕੂਨਸਤਸਹਸ੍ਸਕਪ੍ਪਾਨਂ ਅવਿਨਿਪਾਤਕੋ ਚਤੁਰਾਪਾਯવਿਨਿਮੁਤ੍ਤੋ ਸਗ੍ਗਸਮ੍ਪਤ੍ਤਿਭવਮੇવ ਉਪਪਨ੍ਨੋਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
36.Ekūnasatasahassaṃ , kappaṃ na vinipātikoti tena tiṇasūlapupphapūjākaraṇaphalena nirantaraṃ ekūnasatasahassakappānaṃ avinipātako caturāpāyavinimutto saggasampattibhavameva upapannoti attho. Sesaṃ suviññeyyamevāti.
ਤਿਣਸੂਲਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Tiṇasūlakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੭. ਤਿਣਸੂਲਕਤ੍ਥੇਰਅਪਦਾਨਂ • 7. Tiṇasūlakattheraapadānaṃ
