| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੦. ਤਿਪਦੁਮਿਯਤ੍ਥੇਰਅਪਦਾਨવਣ੍ਣਨਾ
10. Tipadumiyattheraapadānavaṇṇanā
ਪਦੁਮੁਤ੍ਤਰੋ ਨਾਮ ਜਿਨੋਤਿਆਦਿਕਂ ਆਯਸ੍ਮਤੋ ਤਿਪਦੁਮਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਹਂਸવਤਿਯਂ ਮਾਲਾਕਾਰਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਮਾਲਾਕਾਰਕਮ੍ਮਂ ਕਤ੍વਾ વਸਨ੍ਤੋ ਏਕਦਿવਸਂ ਅਨੇਕવਿਧਾਨਿ ਜਲਜਥਲਜਪੁਪ੍ਫਾਨਿ ਗਹੇਤ੍વਾ ਰਞ੍ਞੋ ਸਨ੍ਤਿਕਂ ਗਨ੍ਤੁਕਾਮੋ ਏવਂ ਚਿਨ੍ਤੇਸਿ – ‘‘ਰਾਜਾ ਇਮਾਨਿ ਤਾવ ਪੁਪ੍ਫਾਨਿ ਦਿਸ੍વਾ ਪਸਨ੍ਨੋ ਸਹਸ੍ਸਂ વਾ ਧਨਂ ਗਾਮਾਦਿਕਂ વਾ ਦਦੇਯ੍ਯ, ਲੋਕਨਾਥਂ ਪਨ ਪੂਜੇਤ੍વਾ ਨਿਬ੍ਬਾਨਾਮਤਧਨਂ ਲਭਾਮਿ, ਕਿਂ ਮੇ ਏਤੇਸੁ ਸੁਨ੍ਦਰ’’ਨ੍ਤਿ ਤੇਨ ‘‘ਭਗવਨ੍ਤਂ ਪੂਜੇਤ੍વਾ ਸਗ੍ਗਮੋਕ੍ਖਸਮ੍ਪਤ੍ਤਿਯੋ ਨਿਪ੍ਫਾਦੇਤੁਂ વਟ੍ਟਤੀ’’ਤਿ ਚਿਨ੍ਤੇਤ੍વਾ વਣ੍ਣવਨ੍ਤਂ ਅਤੀવ ਰਤ੍ਤਪੁਪ੍ਫਤ੍ਤਯਂ ਗਹੇਤ੍વਾ ਪੂਜੇਸਿ। ਤਾਨਿ ਗਨ੍ਤ੍વਾ ਆਕਾਸਂ ਛਾਦੇਤ੍વਾ ਪਤ੍ਥਰਿਤ੍વਾ ਅਟ੍ਠਂਸੁ। ਨਗਰવਾਸਿਨੋ ਅਚ੍ਛਰਿਯਬ੍ਭੁਤਚਿਤ੍ਤਜਾਤਾ ਚੇਲੁਕ੍ਖੇਪਸਹਸ੍ਸਾਨਿ ਪવਤ੍ਤਯਿਂਸੁ। ਤਂ ਦਿਸ੍વਾ ਭਗવਾ ਅਨੁਮੋਦਨਂ ਅਕਾਸਿ। ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਗਹਪਤਿਕੁਲੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਤ੍ਥਰਿ ਪਸੀਦਿਤ੍વਾ ਧਮ੍ਮਂ ਸੁਤ੍વਾ ਪਟਿਲਦ੍ਧਸਦ੍ਧੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Padumuttaro nāma jinotiādikaṃ āyasmato tipadumiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle haṃsavatiyaṃ mālākārakulagehe nibbatto vuddhippatto mālākārakammaṃ katvā vasanto ekadivasaṃ anekavidhāni jalajathalajapupphāni gahetvā rañño santikaṃ gantukāmo evaṃ cintesi – ‘‘rājā imāni tāva pupphāni disvā pasanno sahassaṃ vā dhanaṃ gāmādikaṃ vā dadeyya, lokanāthaṃ pana pūjetvā nibbānāmatadhanaṃ labhāmi, kiṃ me etesu sundara’’nti tena ‘‘bhagavantaṃ pūjetvā saggamokkhasampattiyo nipphādetuṃ vaṭṭatī’’ti cintetvā vaṇṇavantaṃ atīva rattapupphattayaṃ gahetvā pūjesi. Tāni gantvā ākāsaṃ chādetvā pattharitvā aṭṭhaṃsu. Nagaravāsino acchariyabbhutacittajātā celukkhepasahassāni pavattayiṃsu. Taṃ disvā bhagavā anumodanaṃ akāsi. So tena puññena devamanussesu sampattiyo anubhavitvā imasmiṃ buddhuppāde gahapatikule nibbatto vuddhimanvāya satthari pasīditvā dhammaṃ sutvā paṭiladdhasaddho pabbajitvā nacirasseva arahā ahosi.
੪੮. ਸੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਦੁਮੁਤ੍ਤਰੋ ਨਾਮ ਜਿਨੋਤਿਆਦਿਮਾਹ। ਤਸ੍ਸਤ੍ਥੋ ਹੇਟ੍ਠਾ વੁਤ੍ਤੋવ। ਸਬ੍ਬਧਮ੍ਮਾਨ ਪਾਰਗੂਤਿ ਸਬ੍ਬੇਸਂ ਨવਲੋਕੁਤ੍ਤਰਧਮ੍ਮਾਨਂ ਪਾਰਂ ਨਿਬ੍ਬਾਨਂ ਗਤੋ ਪਚ੍ਚਕ੍ਖਂ ਕਤੋਤਿ ਅਤ੍ਥੋ। ਦਨ੍ਤੋ ਦਨ੍ਤਪਰਿવੁਤੋਤਿ ਸਯਂ ਕਾਯવਾਚਾਦੀਹਿ ਦਨ੍ਤੋ ਏਤਦਗ੍ਗੇ ਠਪਿਤੇਹਿ ਸਾવਕੇਹਿ ਪਰਿવੁਤੋਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਸਮ੍ਬਨ੍ਧવਸੇਨ ਉਤ੍ਤਾਨਤ੍ਥਮੇવਾਤਿ।
48. So attano pubbakammaṃ saritvā somanassajāto pubbacaritāpadānaṃ pakāsento padumuttaronāma jinotiādimāha. Tassattho heṭṭhā vuttova. Sabbadhammāna pāragūti sabbesaṃ navalokuttaradhammānaṃ pāraṃ nibbānaṃ gato paccakkhaṃ katoti attho. Danto dantaparivutoti sayaṃ kāyavācādīhi danto etadagge ṭhapitehi sāvakehi parivutoti attho. Sesaṃ sabbattha sambandhavasena uttānatthamevāti.
ਤਿਪਦੁਮਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Tipadumiyattheraapadānavaṇṇanā samattā.
ਅਟ੍ਠਮવਗ੍ਗવਣ੍ਣਨਾ ਸਮਤ੍ਤਾ।
Aṭṭhamavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧੦. ਤਿਪਦੁਮਿਯਤ੍ਥੇਰਅਪਦਾਨਂ • 10. Tipadumiyattheraapadānaṃ
