| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
3. д̇исаран̣аг̇аманияад̇т̇зраабад̣̇аанам̣
3. Tisaraṇagamaniyattheraapadānaṃ
106.
106.
анд̇хаа маад̇аа бид̇аа маяхам̣, д̇з босзми ахам̣ д̇ад̣̇аа.
Andhā mātā pitā mayhaṃ, te posemi ahaṃ tadā.
107.
107.
‘‘рахог̇ад̇о нисийд̣̇ид̇ваа, звам̣ жинд̇зсахам̣ д̇ад̣̇аа;
‘‘Rahogato nisīditvā, evaṃ cintesahaṃ tadā;
босзнд̇о маад̇аабид̇аро, баб̣б̣аж̇ж̇ам̣ на лабхаамахам̣.
Posento mātāpitaro, pabbajjaṃ na labhāmahaṃ.
108.
108.
‘‘маханд̇хагаарабихид̇аа 5, д̇ивид̇хаг̇г̇ийхи д̣аяхарз;
‘‘Mahandhakārapihitā 6, tividhaggīhi ḍayhare;
109.
109.
саггаа уд̣̇д̇харид̇ум̣ ад̇д̇аа, бун̃н̃агаамзна ж̇анд̇унаа.
Sakkā uddharituṃ attā, puññakāmena jantunā.
110.
110.
‘‘уг̇г̇аяха д̇ийн̣и саран̣з, барибун̣н̣аани г̇обаяим̣;
‘‘Uggayha tīṇi saraṇe, paripuṇṇāni gopayiṃ;
д̇зна гаммзна сугад̇зна, бадимогкаами д̣̇уг̇г̇ад̇им̣.
Tena kammena sukatena, paṭimokkhāmi duggatiṃ.
111.
111.
‘‘нисабхо наама саман̣о, б̣уд̣̇д̇хасса аг̇г̇асааваго;
‘‘Nisabho nāma samaṇo, buddhassa aggasāvako;
д̇амахам̣ убаг̇анд̇ваана, саран̣аг̇аманам̣ г̇ахим̣.
Tamahaṃ upagantvāna, saraṇagamanaṃ gahiṃ.
112.
112.
‘‘вассасад̇асахассаани, ааяу виж̇ж̇ад̇и д̇аавад̣̇з;
‘‘Vassasatasahassāni, āyu vijjati tāvade;
д̇аавад̇аа саран̣аг̇аманам̣, барибун̣н̣ам̣ аг̇обаяим̣.
Tāvatā saraṇagamanaṃ, paripuṇṇaṃ agopayiṃ.
113.
113.
‘‘жаримз вад̇д̇амаанамхи, саран̣ам̣ д̇ам̣ ануссарим̣;
‘‘Carime vattamānamhi, saraṇaṃ taṃ anussariṃ;
д̇зна гаммзна сугад̇зна, д̇аавад̇им̣сам̣ аг̇ажчахам̣.
Tena kammena sukatena, tāvatiṃsaṃ agacchahaṃ.
114.
114.
‘‘д̣̇звалогаг̇ад̇о санд̇о, бун̃н̃агаммасамаахид̇о;
‘‘Devalokagato santo, puññakammasamāhito;
115.
115.
‘‘д̣̇исаасу бууж̇ид̇о хоми, д̇игкабан̃н̃о бхаваамахам̣;
‘‘Disāsu pūjito homi, tikkhapañño bhavāmahaṃ;
саб̣б̣з д̣̇зваанувад̇д̇анд̇и, амид̇абхог̇ам̣ лабхаамахам̣.
Sabbe devānuvattanti, amitabhogaṃ labhāmahaṃ.
116.
116.
‘‘суван̣н̣аван̣н̣о саб̣б̣ад̇т̇а, бадиганд̇о бхаваамахам̣;
‘‘Suvaṇṇavaṇṇo sabbattha, paṭikanto bhavāmahaṃ;
мид̇д̇аанам̣ ажало хоми, яасо аб̣бхуг̇г̇ад̇о мамам̣.
Mittānaṃ acalo homi, yaso abbhuggato mamaṃ.
117.
117.
‘‘асийд̇игкад̇д̇у д̣̇звинд̣̇о, д̣̇звараж̇ж̇амагаараяим̣;
‘‘Asītikkhattu devindo, devarajjamakārayiṃ;
д̣̇иб̣б̣асукам̣ анубхавим̣, ажчараахи бурагкад̇о.
Dibbasukhaṃ anubhaviṃ, accharāhi purakkhato.
118.
118.
‘‘бан̃жасад̇д̇ад̇игкад̇д̇ун̃жа , жаггавад̇д̇ий ахосахам̣;
‘‘Pañcasattatikkhattuñca , cakkavattī ahosahaṃ;
бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣.
Padesarajjaṃ vipulaṃ, gaṇanāto asaṅkhiyaṃ.
119.
119.
‘‘бажчимз бхавз самбад̇д̇з, бун̃н̃агаммасамаахид̇о;
‘‘Pacchime bhave sampatte, puññakammasamāhito;
бурз саавад̇т̇ияам̣ ж̇аад̇о, махаасаалз суад̣дхагз.
Pure sāvatthiyaṃ jāto, mahāsāle suaḍḍhake.
120.
120.
‘‘наг̇араа нигкамид̇ваана, д̣̇аарагзхи бурагкад̇о;
‘‘Nagarā nikkhamitvāna, dārakehi purakkhato;
хасакид̣д̣асаман̇г̇ийхам̣ 17, сан̇гхаараамам̣ убааг̇амим̣.
Hasakhiḍḍasamaṅgīhaṃ 18, saṅghārāmaṃ upāgamiṃ.
121.
121.
‘‘д̇ад̇т̇ад̣̇д̣̇асаасим̣ 19 саман̣ам̣, виббамуд̇д̇ам̣ нируубад̇хим̣;
‘‘Tatthaddasāsiṃ 20 samaṇaṃ, vippamuttaṃ nirūpadhiṃ;
со мз д̇хаммамад̣̇зсзси, саран̣ан̃жа ад̣̇ааси мз.
So me dhammamadesesi, saraṇañca adāsi me.
122.
122.
‘‘сохам̣ суд̇ваана саран̣ам̣, саран̣ам̣ мз ануссарим̣;
‘‘Sohaṃ sutvāna saraṇaṃ, saraṇaṃ me anussariṃ;
згаасанз нисийд̣̇ид̇ваа, арахад̇д̇амабаабун̣им̣.
Ekāsane nisīditvā, arahattamapāpuṇiṃ.
123.
123.
‘‘ж̇аад̇ияаа сад̇д̇амз вассз, арахад̇д̇амабаабун̣им̣;
‘‘Jātiyā sattame vasse, arahattamapāpuṇiṃ;
убасамбаад̣̇аяи б̣уд̣̇д̇хо, г̇ун̣аман̃н̃ааяа жагкумаа.
Upasampādayi buddho, guṇamaññāya cakkhumā.
124.
124.
‘‘абаримзяяз ид̇о габбз, саран̣аани аг̇ажчахам̣;
‘‘Aparimeyye ito kappe, saraṇāni agacchahaṃ;
д̇ад̇о мз сугад̇ам̣ гаммам̣, палам̣ д̣̇ассзси мз ид̇ха.
Tato me sukataṃ kammaṃ, phalaṃ dassesi me idha.
125.
125.
‘‘суг̇обид̇ам̣ мз саран̣ам̣, маанасам̣ суббан̣ийхид̇ам̣;
‘‘Sugopitaṃ me saraṇaṃ, mānasaṃ suppaṇīhitaṃ;
анубход̇ваа яасам̣ саб̣б̣ам̣, бад̇д̇омхи ажалам̣ бад̣̇ам̣.
Anubhotvā yasaṃ sabbaṃ, pattomhi acalaṃ padaṃ.
126.
126.
‘‘язсам̣ сод̇аавад̇хаанад̇т̇и, сун̣от̇а мама бхаасад̇о;
‘‘Yesaṃ sotāvadhānatthi, suṇotha mama bhāsato;
ахам̣ 21 во гат̇аяиссаами, саамам̣ д̣̇идтам̣ бад̣̇ам̣ мама.
Ahaṃ 22 vo kathayissāmi, sāmaṃ diṭṭhaṃ padaṃ mama.
127.
127.
‘‘‘б̣уд̣̇д̇хо логз самуббанно, вад̇д̇ад̇з ж̇инасаасанам̣;
‘‘‘Buddho loke samuppanno, vattate jinasāsanaṃ;
амад̇аа ваад̣̇ид̇аа бхзрий, согасаллавинод̣̇анаа.
Amatā vāditā bherī, sokasallavinodanā.
128.
128.
‘‘‘яат̇аасагзна т̇аамзна, бун̃н̃агкзд̇д̇з ануд̇д̇арз;
‘‘‘Yathāsakena thāmena, puññakkhette anuttare;
ад̇хигаарам̣ гарзяяаат̇а, бассаяиссат̇а ниб̣б̣уд̇им̣.
Adhikāraṃ kareyyātha, passayissatha nibbutiṃ.
129.
129.
‘‘‘баг̇г̇аяха д̇ийн̣и саран̣з, бан̃жасийлаани г̇обияа;
‘‘‘Paggayha tīṇi saraṇe, pañcasīlāni gopiya;
б̣уд̣̇д̇хз жид̇д̇ам̣ басаад̣̇зд̇ваа, д̣̇угкассанд̇ам̣ гариссат̇а.
Buddhe cittaṃ pasādetvā, dukkhassantaṃ karissatha.
130.
130.
‘‘‘саммаа д̇хаммам̣ бхаавзд̇ваана 23, сийлаани бариг̇обияа;
‘‘‘Sammā dhammaṃ bhāvetvāna 24, sīlāni parigopiya;
ажирам̣ арахад̇д̇ам̣ во, саб̣б̣зби баабун̣иссат̇а.
Aciraṃ arahattaṃ vo, sabbepi pāpuṇissatha.
131.
131.
‘‘‘д̇звиж̇ж̇о ид̣̇д̇хибад̇д̇омхи, жзд̇обарияаговид̣̇о;
‘‘‘Tevijjo iddhipattomhi, cetopariyakovido;
сааваго д̇з махаавийра, саран̣о 25 ванд̣̇ад̇и сад̇т̇уно’.
Sāvako te mahāvīra, saraṇo 26 vandati satthuno’.
132.
132.
‘‘абаримзяяз ид̇о габбз, саран̣ам̣ б̣уд̣̇д̇хасса г̇ажчахам̣;
‘‘Aparimeyye ito kappe, saraṇaṃ buddhassa gacchahaṃ;
д̣̇уг̇г̇ад̇им̣ наабхиж̇аанаами, саран̣ам̣ г̇аманз палам̣.
Duggatiṃ nābhijānāmi, saraṇaṃ gamane phalaṃ.
133.
133.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа д̇исаран̣аг̇аманияо т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā tisaraṇagamaniyo thero imā gāthāyo abhāsitthāti.
д̇исаран̣аг̇аманияад̇т̇зрассаабад̣̇аанам̣ д̇ад̇ияам̣.
Tisaraṇagamaniyattherassāpadānaṃ tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 3. д̇исаран̣аг̇аманияад̇т̇зраабад̣̇аанаван̣н̣анаа • 3. Tisaraṇagamaniyattheraapadānavaṇṇanā
