| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૩. તિસ્સબ્રહ્માસુત્તવણ્ણના
3. Tissabrahmāsuttavaṇṇanā
૫૬. તતિયે ભિક્ખુનિયોતિ મહાપજાપતિયા પરિવારા પઞ્ચસતા ભિક્ખુનિયો. વિમુત્તાતિ પઞ્ચહિ વિમુત્તીહિ વિમુત્તા. અનુપાદિસેસાતિ ઉપાદાનસેસં અટ્ઠપેત્વા પઞ્ચહિ વિમુત્તીહિ અનવસેસાહિપિ વિમુત્તા. સઉપાદિસેસે વા સઉપાદિસેસોતિ સઉપાદાનસેસે પુગ્ગલે ‘‘સઉપાદાનસેસો અય’’ન્તિ. ઇતરસ્મિમ્પિ એસેવ નયો. તિસ્સોતિ થેરસ્સ સદ્ધિવિહારિકબ્રહ્મા. અનુલોમિકાનીતિ પટિપત્તિયા અનુલોમાનિ વિવિત્તાનિ અન્તિમપરિયન્તિમાનિ. ઇન્દ્રિયાનીતિ સદ્ધાદીનિ વિપસ્સનિન્દ્રિયાનિ. સમન્નાનયમાનોતિ સમન્નાહારે ઠપયમાનો. ન હિ પન તેતિ ઇદં કસ્મા આરભિ? સત્તમસ્સ પુગ્ગલસ્સ દસ્સનત્થં. સત્તમો હિ સદ્ધાનુસારિપુગ્ગલો ન દસ્સિતો. અથ ભગવા બલવવિપસ્સકવસેન તં દસ્સેન્તો એવમાહ. તત્થ સબ્બનિમિત્તાનન્તિ સબ્બેસં નિચ્ચનિમિત્તાદીનં. અનિમિત્તન્તિ બલવવિપસ્સનાસમાધિં.
56. Tatiye bhikkhuniyoti mahāpajāpatiyā parivārā pañcasatā bhikkhuniyo. Vimuttāti pañcahi vimuttīhi vimuttā. Anupādisesāti upādānasesaṃ aṭṭhapetvā pañcahi vimuttīhi anavasesāhipi vimuttā. Saupādisese vā saupādisesoti saupādānasese puggale ‘‘saupādānaseso aya’’nti. Itarasmimpi eseva nayo. Tissoti therassa saddhivihārikabrahmā. Anulomikānīti paṭipattiyā anulomāni vivittāni antimapariyantimāni. Indriyānīti saddhādīni vipassanindriyāni. Samannānayamānoti samannāhāre ṭhapayamāno. Na hi pana teti idaṃ kasmā ārabhi? Sattamassa puggalassa dassanatthaṃ. Sattamo hi saddhānusāripuggalo na dassito. Atha bhagavā balavavipassakavasena taṃ dassento evamāha. Tattha sabbanimittānanti sabbesaṃ niccanimittādīnaṃ. Animittanti balavavipassanāsamādhiṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૩. તિસ્સબ્રહ્માસુત્તં • 3. Tissabrahmāsuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૩. તિસ્સબ્રહ્માસુત્તવણ્ણના • 3. Tissabrahmāsuttavaṇṇanā
