Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā

    5-10. д̇иссаад̣̇ит̇зрийг̇аат̇ааван̣н̣анаа

    5-10. Tissāditherīgāthāvaṇṇanā

    д̇иссз яун̃ж̇ассу д̇хаммзхийд̇и д̇иссааяа т̇зрияаа г̇аат̇аа . д̇ассаа вад̇т̇у д̇иссаасигкамаанааяа вад̇т̇усад̣̇исам̣. аяам̣ бана т̇зрий худ̇ваа арахад̇д̇ам̣ баабун̣и. яат̇аа жа аяам̣, звам̣ ид̇о барам̣ д̇хийраа, вийраа, мид̇д̇аа, бхад̣̇раа, убасамаад̇и бан̃жаннам̣ т̇зрийнам̣ вад̇т̇у згасад̣̇исамзва. саб̣б̣ааби имаа габилавад̇т̇уваасинияо б̣од̇хисад̇д̇асса ород̇хабхууд̇аа махаабаж̇аабад̇иг̇од̇амияаа сад̣̇д̇хим̣ нигканд̇аа обхаасаг̇аат̇ааяа жа арахад̇д̇ам̣ бад̇д̇аа табзд̇ваа сад̇д̇амим̣. саа бана обхаасаг̇аат̇ааяа винаа баг̇зва сад̇т̇у санд̇игз лад̣̇д̇хам̣ оваад̣̇ам̣ ниссааяа вибассанам̣ уссуггаабзд̇ваа арахад̇д̇ам̣ баабун̣ид̇ваа уд̣̇аанавасзна ‘‘вийраа вийрзхий’’д̇и г̇аат̇ам̣ абхааси. ид̇арааби арахад̇д̇ам̣ бад̇ваа –

    Tisseyuñjassu dhammehīti tissāya theriyā gāthā . Tassā vatthu tissāsikkhamānāya vatthusadisaṃ. Ayaṃ pana therī hutvā arahattaṃ pāpuṇi. Yathā ca ayaṃ, evaṃ ito paraṃ dhīrā, vīrā, mittā, bhadrā, upasamāti pañcannaṃ therīnaṃ vatthu ekasadisameva. Sabbāpi imā kapilavatthuvāsiniyo bodhisattassa orodhabhūtā mahāpajāpatigotamiyā saddhiṃ nikkhantā obhāsagāthāya ca arahattaṃ pattā ṭhapetvā sattamiṃ. Sā pana obhāsagāthāya vinā pageva satthu santike laddhaṃ ovādaṃ nissāya vipassanaṃ ussukkāpetvā arahattaṃ pāpuṇitvā udānavasena ‘‘vīrā vīrehī’’ti gāthaṃ abhāsi. Itarāpi arahattaṃ patvā –

    5.

    5.

    ‘‘д̇иссз яун̃ж̇ассу д̇хаммзхи, кан̣о д̇ам̣ маа убажжаг̇аа;

    ‘‘Tisse yuñjassu dhammehi, khaṇo taṃ mā upaccagā;

    кан̣аад̇ийд̇аа хи сожанд̇и, нираяамхи самаббид̇аа.

    Khaṇātītā hi socanti, nirayamhi samappitā.

    6.

    6.

    ‘‘д̇хийрз нирод̇хам̣ пусзхи, сан̃н̃аавуубасамам̣ сукам̣;

    ‘‘Dhīre nirodhaṃ phusehi, saññāvūpasamaṃ sukhaṃ;

    аараад̇хаяаахи ниб̣б̣аанам̣, яог̇агкзмамануд̇д̇арам̣.

    Ārādhayāhi nibbānaṃ, yogakkhemamanuttaraṃ.

    7.

    7.

    ‘‘вийраа вийрзхи д̇хаммзхи, бхигкуний бхаавид̇инд̣̇рияаа;

    ‘‘Vīrā vīrehi dhammehi, bhikkhunī bhāvitindriyā;

    д̇хаарзд̇и анд̇имам̣ д̣̇зхам̣, ж̇зд̇ваа маарам̣ савааханам̣.

    Dhāreti antimaṃ dehaṃ, jetvā māraṃ savāhanaṃ.

    8.

    8.

    ‘‘сад̣̇д̇хааяа баб̣б̣аж̇ид̇ваана, мид̇д̇з мид̇д̇арад̇аа бхава;

    ‘‘Saddhāya pabbajitvāna, mitte mittaratā bhava;

    бхаавзхи гусалз д̇хаммз, яог̇агкзмасса бад̇д̇ияаа.

    Bhāvehi kusale dhamme, yogakkhemassa pattiyā.

    9.

    9.

    ‘‘сад̣̇д̇хааяа баб̣б̣аж̇ид̇ваана, бхад̣̇рз бхад̣̇рарад̇аа бхава;

    ‘‘Saddhāya pabbajitvāna, bhadre bhadraratā bhava;

    бхаавзхи гусалз д̇хаммз, яог̇агкзмамануд̇д̇арам̣.

    Bhāvehi kusale dhamme, yogakkhemamanuttaraṃ.

    10.

    10.

    ‘‘убасамз д̇арз огхам̣, мажжуд̇хзяяам̣ суд̣̇уд̇д̇арам̣;

    ‘‘Upasame tare oghaṃ, maccudheyyaṃ suduttaraṃ;

    д̇хаарзхи анд̇имам̣ д̣̇зхам̣, ж̇зд̇ваа маарам̣ саваахана’’нд̇и. – г̇аат̇ааяо абхаасим̣су;

    Dhārehi antimaṃ dehaṃ, jetvā māraṃ savāhana’’nti. – gāthāyo abhāsiṃsu;

    д̇ад̇т̇а яун̃ж̇ассу д̇хаммзхийд̇и самат̇авибассанаад̇хаммзхи ариязхи б̣од̇хибагкияад̇хаммзхи жа яун̃ж̇а яог̇ам̣ гарохи. кан̣о д̇ам̣ маа убажжаг̇аад̇и яо звам̣ яог̇абхааванам̣ на гарод̇и, д̇ам̣ буг̇г̇алам̣ бад̇ируубад̣̇зсз уббад̇д̇игкан̣о, чаннам̣ ааяад̇анаанам̣ авзгаллагкан̣о, б̣уд̣̇д̇хуббаад̣̇агкан̣о, сад̣̇д̇хааяа бадилад̣̇д̇хагкан̣о, саб̣б̣оби аяам̣ кан̣о ад̇иггамад̇и наама. со кан̣о д̇ам̣ маа ад̇иггами. кан̣аад̇ийд̇аад̇и яз хи кан̣ам̣ ад̇ийд̇аа, яз жа буг̇г̇алз со кан̣о абхийд̇о, д̇з нираяамхи самаббид̇аа худ̇ваа сожанд̇и, д̇ад̇т̇а ниб̣б̣ад̇д̇ид̇ваа махаад̣̇угкам̣ бажжанубхаванд̇ийд̇и ад̇т̇о.

    Tattha yuñjassu dhammehīti samathavipassanādhammehi ariyehi bodhipakkhiyadhammehi ca yuñja yogaṃ karohi. Khaṇo taṃ mā upaccagāti yo evaṃ yogabhāvanaṃ na karoti, taṃ puggalaṃ patirūpadese uppattikkhaṇo, channaṃ āyatanānaṃ avekallakkhaṇo, buddhuppādakkhaṇo, saddhāya paṭiladdhakkhaṇo, sabbopi ayaṃ khaṇo atikkamati nāma. So khaṇo taṃ mā atikkami. Khaṇātītāti ye hi khaṇaṃ atītā, ye ca puggale so khaṇo abhīto, te nirayamhi samappitā hutvā socanti, tattha nibbattitvā mahādukkhaṃ paccanubhavantīti attho.

    нирод̇хам̣ пусзхийд̇и гилзсанирод̇хам̣ пусса бадилабха. сан̃н̃аавуубасамам̣ сукам̣, аараад̇хаяаахи ниб̣б̣аананд̇и гаамасан̃н̃аад̣̇ийнам̣ баабасан̃н̃аанам̣ убасаманимид̇д̇ам̣ ажжанд̇асукам̣ ниб̣б̣аанам̣ аараад̇хзхи.

    Nirodhaṃ phusehīti kilesanirodhaṃ phussa paṭilabha. Saññāvūpasamaṃ sukhaṃ, ārādhayāhi nibbānanti kāmasaññādīnaṃ pāpasaññānaṃ upasamanimittaṃ accantasukhaṃ nibbānaṃ ārādhehi.

    вийраа вийрзхи д̇хаммзхийд̇и вийрияабад̇хаанад̇ааяа вийрзхи д̇зж̇уссад̣̇зхи арияамаг̇г̇ад̇хаммзхи бхаавид̇инд̣̇рияаа вад̣дхид̇асад̣̇д̇хаад̣̇иинд̣̇рияаа вийраа бхигкуний вад̇т̇угаамзхи савааханам̣ гилзсамаарам̣ ж̇инид̇ваа ааяад̇им̣ бунаб̣бхаваабхаавад̇о анд̇имам̣ д̣̇зхам̣ д̇хаарзд̇ийд̇и т̇зрий ан̃н̃ам̣ вияа гад̇ваа ад̇д̇аанам̣ д̣̇ассзд̇и.

    Vīrā vīrehi dhammehīti vīriyapadhānatāya vīrehi tejussadehi ariyamaggadhammehi bhāvitindriyā vaḍḍhitasaddhādiindriyā vīrā bhikkhunī vatthukāmehi savāhanaṃ kilesamāraṃ jinitvā āyatiṃ punabbhavābhāvato antimaṃ dehaṃ dhāretīti therī aññaṃ viya katvā attānaṃ dasseti.

    мид̇д̇зд̇и д̇ам̣ аалабад̇и. мид̇д̇арад̇аад̇и галяаан̣амид̇д̇зсу абхирад̇аа. д̇ад̇т̇а саггаарасаммаанагаран̣ад̇аа хохи. бхаавзхи гусалз д̇хаммзд̇и арияамаг̇г̇ад̇хаммз вад̣дхзхи. яог̇агкзмассаад̇и арахад̇д̇асса ниб̣б̣аанасса жа бад̇д̇ияаа ад̇хиг̇амааяа.

    Mitteti taṃ ālapati. Mittaratāti kalyāṇamittesu abhiratā. Tattha sakkārasammānakaraṇatā hohi. Bhāvehi kusale dhammeti ariyamaggadhamme vaḍḍhehi. Yogakkhemassāti arahattassa nibbānassa ca pattiyā adhigamāya.

    бхад̣̇рзд̇и д̇ам̣ аалабад̇и. бхад̣̇рарад̇аад̇и бхад̣̇рзсу сийлаад̣̇ид̇хаммзсу рад̇аа абхирад̇аа хохи. яог̇агкзмамануд̇д̇аранд̇и жад̇уухи яог̇зхи кзмам̣ анубад̣̇д̣̇авам̣ ануд̇д̇арам̣ ниб̣б̣аанам̣, д̇асса бад̇д̇ияаа гусалз б̣од̇хибагкияад̇хаммз бхаавзхийд̇и ад̇т̇о.

    Bhadreti taṃ ālapati. Bhadraratāti bhadresu sīlādidhammesu ratā abhiratā hohi. Yogakkhemamanuttaranti catūhi yogehi khemaṃ anupaddavaṃ anuttaraṃ nibbānaṃ, tassa pattiyā kusale bodhipakkhiyadhamme bhāvehīti attho.

    убасамзд̇и д̇ам̣ аалабад̇и. д̇арз огхам̣ мажжуд̇хзяяам̣ суд̣̇уд̇д̇аранд̇и мажжу зд̇т̇а д̇хийяад̇ийд̇и мажжуд̇хзяяам̣, анубажид̇агусаласамбхаарзхи судту д̣̇уд̇д̇аранд̇и суд̣̇уд̇д̇арам̣, сам̣саарамахогхам̣ д̇арз арияамаг̇г̇анаавааяа д̇арзяяааси. д̇хаарзхи анд̇имам̣ д̣̇зханд̇и д̇асса д̇аран̣знзва анд̇имад̣̇зхад̇хараа хохийд̇и ад̇т̇о.

    Upasameti taṃ ālapati. Tare oghaṃ maccudheyyaṃ suduttaranti maccu ettha dhīyatīti maccudheyyaṃ, anupacitakusalasambhārehi suṭṭhu duttaranti suduttaraṃ, saṃsāramahoghaṃ tare ariyamagganāvāya tareyyāsi. Dhārehi antimaṃ dehanti tassa taraṇeneva antimadehadharā hohīti attho.

    д̇иссаад̣̇ит̇зрийг̇аат̇ааван̣н̣анаа нидтид̇аа.

    Tissāditherīgāthāvaṇṇanā niṭṭhitā.

    нидтид̇аа батамаваг̇г̇аван̣н̣анаа.

    Niṭṭhitā paṭhamavaggavaṇṇanā.







    Related texts:




    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact