| Library / Tipiṭaka / તિપિટક • Tipiṭaka / સુત્તનિપાતપાળિ • Suttanipātapāḷi |
૨. તિસ્સમેત્તેય્યમાણવપુચ્છા
2. Tissametteyyamāṇavapucchā
૧૦૪૬.
1046.
‘‘કોધ સન્તુસિતો લોકે, (ઇચ્ચાયસ્મા તિસ્સમેત્તેય્યો)
‘‘Kodha santusito loke, (iccāyasmā tissametteyyo)
કસ્સ નો સન્તિ ઇઞ્જિતા;
Kassa no santi iñjitā;
કં બ્રૂસિ મહાપુરિસોતિ, કો ઇધ સિબ્બિનિમચ્ચગા’’.
Kaṃ brūsi mahāpurisoti, ko idha sibbinimaccagā’’.
૧૦૪૭.
1047.
‘‘કામેસુ બ્રહ્મચરિયવા, (મેત્તેય્યાતિ ભગવા)
‘‘Kāmesu brahmacariyavā, (metteyyāti bhagavā)
વીતતણ્હો સદા સતો;
Vītataṇho sadā sato;
સઙ્ખાય નિબ્બુતો ભિક્ખુ, તસ્સ નો સન્તિ ઇઞ્જિતા.
Saṅkhāya nibbuto bhikkhu, tassa no santi iñjitā.
૧૦૪૮.
1048.
‘‘સો ઉભન્તમભિઞ્ઞાય, મજ્ઝે મન્તા ન લિપ્પતિ;
‘‘So ubhantamabhiññāya, majjhe mantā na lippati;
તં બ્રૂમિ મહાપુરિસોતિ, સો ઇધ સિબ્બિનિમચ્ચગા’’તિ.
Taṃ brūmi mahāpurisoti, so idha sibbinimaccagā’’ti.
તિસ્સમેત્તેય્યમાણવપુચ્છા દુતિયા નિટ્ઠિતા.
Tissametteyyamāṇavapucchā dutiyā niṭṭhitā.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / સુત્તનિપાત-અટ્ઠકથા • Suttanipāta-aṭṭhakathā / ૨. તિસ્સમેત્તેય્યસુત્તવણ્ણના • 2. Tissametteyyasuttavaṇṇanā
