| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
41. мзд̇д̇зяяаваг̇г̇о
41. Metteyyavaggo
1. д̇иссамзд̇д̇зяяад̇т̇зраабад̣̇аанам̣
1. Tissametteyyattheraapadānaṃ
1.
1.
‘‘баб̣бхаарагуудам̣ ниссааяа, собхид̇о наама д̇аабасо;
‘‘Pabbhārakūṭaṃ nissāya, sobhito nāma tāpaso;
бавад̇д̇апалам̣ бхун̃ж̇ид̇ваа, васад̇и баб̣б̣ад̇анд̇арз.
Pavattaphalaṃ bhuñjitvā, vasati pabbatantare.
2.
2.
‘‘аг̇г̇им̣ д̣̇аарум̣ аахарид̇ваа, уж̇ж̇аалзсим̣ ахам̣ д̇ад̣̇аа;
‘‘Aggiṃ dāruṃ āharitvā, ujjālesiṃ ahaṃ tadā;
уд̇д̇амад̇т̇ам̣ г̇авзсанд̇о, б̣рахмалогуубабад̇д̇ияаа.
Uttamatthaṃ gavesanto, brahmalokūpapattiyā.
3.
3.
‘‘бад̣̇умуд̇д̇аро логавид̣̇уу, аахуд̇ийнам̣ бадиг̇г̇ахо;
‘‘Padumuttaro lokavidū, āhutīnaṃ paṭiggaho;
мамуд̣̇д̇харид̇угаамо со, ааг̇ажчи мама санд̇игз.
Mamuddharitukāmo so, āgacchi mama santike.
4.
4.
‘‘гим̣ гароси махаабун̃н̃а, д̣̇зхи мз аг̇г̇ид̣̇ааругам̣;
‘‘Kiṃ karosi mahāpuñña, dehi me aggidārukaṃ;
5.
5.
‘‘субхад̣̇д̣̇аго д̇вам̣ мануж̇з, д̣̇звад̇з д̇вам̣ баж̇аанаси;
‘‘Subhaddako tvaṃ manuje, devate tvaṃ pajānasi;
д̇увам̣ аг̇г̇им̣ барижара, ханд̣̇а д̇з аг̇г̇ид̣̇ааругам̣.
Tuvaṃ aggiṃ paricara, handa te aggidārukaṃ.
6.
6.
‘‘д̇ад̇о гадтам̣ г̇ахзд̇ваана, аг̇г̇им̣ уж̇ж̇аалаяий ж̇ино;
‘‘Tato kaṭṭhaṃ gahetvāna, aggiṃ ujjālayī jino;
на д̇ад̇т̇а гадтам̣ баж̇жхааяи, баадихзрам̣ махзсино.
Na tattha kaṭṭhaṃ pajjhāyi, pāṭiheraṃ mahesino.
7.
7.
‘‘на д̇з аг̇г̇и баж̇ж̇алад̇и, аахуд̇ий д̇з на виж̇ж̇ад̇и;
‘‘Na te aggi pajjalati, āhutī te na vijjati;
нирад̇т̇агам̣ вад̇ам̣ д̇уяхам̣, аг̇г̇им̣ барижарассу мз.
Niratthakaṃ vataṃ tuyhaṃ, aggiṃ paricarassu me.
8.
8.
маяхамби гат̇аяассзд̇ам̣, убхо барижараамасз.
Mayhampi kathayassetaṃ, ubho paricarāmase.
9.
9.
‘‘хзд̇уд̇хамманирод̇хааяа , гилзсасаман̣ааяа жа;
‘‘Hetudhammanirodhāya , kilesasamaṇāya ca;
иссаамажчарияам̣ хид̇ваа, д̇аяо зд̇з мамаахуд̇ий.
Issāmacchariyaṃ hitvā, tayo ete mamāhutī.
10.
10.
‘‘гийд̣̇исо д̇вам̣ махаавийра, гат̇ам̣ г̇од̇д̇оси маариса;
‘‘Kīdiso tvaṃ mahāvīra, kathaṃ gottosi mārisa;
аажаарабадибад̇д̇и д̇з, б̣аал̣хам̣ ко мама ружжад̇и.
Ācārapaṭipatti te, bāḷhaṃ kho mama ruccati.
11.
11.
‘‘кад̇д̇ияамхи гулз ж̇аад̇о, абхин̃н̃аабаарамим̣ г̇ад̇о;
‘‘Khattiyamhi kule jāto, abhiññāpāramiṃ gato;
саб̣б̣аасавабаригкийн̣о, над̇т̇и д̣̇аани бунаб̣бхаво.
Sabbāsavaparikkhīṇo, natthi dāni punabbhavo.
12.
12.
‘‘яад̣̇и б̣уд̣̇д̇хоси саб̣б̣ан̃н̃уу, бабхан̇гара д̇амонуд̣̇а;
‘‘Yadi buddhosi sabbaññū, pabhaṅkara tamonuda;
намассиссаами д̇ам̣ д̣̇зва, д̣̇угкассанд̇агаро д̇увам̣.
Namassissāmi taṃ deva, dukkhassantakaro tuvaṃ.
13.
13.
‘‘бад̇т̇арид̇вааж̇инажаммам̣, нисийд̣̇анамад̣̇аасахам̣;
‘‘Pattharitvājinacammaṃ, nisīdanamadāsahaṃ;
нисийд̣̇а наат̇а саб̣б̣ан̃н̃у, убадтиссаамахам̣ д̇увам̣.
Nisīda nātha sabbaññu, upaṭṭhissāmahaṃ tuvaṃ.
14.
14.
‘‘нисийд̣̇и бхаг̇аваа д̇ад̇т̇а, аж̇инамхи сувид̇т̇ад̇з;
‘‘Nisīdi bhagavā tattha, ajinamhi suvitthate;
ниманд̇аяид̇ваа самб̣уд̣̇д̇хам̣, баб̣б̣ад̇ам̣ аг̇амаасахам̣.
Nimantayitvā sambuddhaṃ, pabbataṃ agamāsahaṃ.
15.
15.
‘‘каарибхааран̃жа буурзд̇ваа, д̇инд̣̇угапаламаахарим̣;
‘‘Khāribhārañca pūretvā, tindukaphalamāhariṃ;
мад̇хунаа яож̇аяид̇ваана, палам̣ б̣уд̣̇д̇хассад̣̇аасахам̣.
Madhunā yojayitvāna, phalaṃ buddhassadāsahaṃ.
16.
16.
‘‘мама ниж̇жхааяамаанасса, барибхун̃ж̇и д̇ад̣̇аа ж̇ино;
‘‘Mama nijjhāyamānassa, paribhuñji tadā jino;
д̇ад̇т̇а жид̇д̇ам̣ басаад̣̇зсим̣, бзгканд̇о логанааяагам̣.
Tattha cittaṃ pasādesiṃ, pekkhanto lokanāyakaṃ.
17.
17.
‘‘бад̣̇умуд̇д̇аро логавид̣̇уу, аахуд̇ийнам̣ бадиг̇г̇ахо;
‘‘Padumuttaro lokavidū, āhutīnaṃ paṭiggaho;
мамассамз нисийд̣̇ид̇ваа, имаа г̇аат̇аа абхаасат̇а.
Mamassame nisīditvā, imā gāthā abhāsatha.
18.
18.
‘‘‘яо мам̣ палзна д̇аббзси, басанно сзхи баан̣ибхи;
‘‘‘Yo maṃ phalena tappesi, pasanno sehi pāṇibhi;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
19.
19.
‘‘‘бан̃жавийсад̇игкад̇д̇ум̣ со, д̣̇звараж̇ж̇ам̣ гариссад̇и;
‘‘‘Pañcavīsatikkhattuṃ so, devarajjaṃ karissati;
сахассагкад̇д̇ум̣ рааж̇аа жа, жаггавад̇д̇ий бхависсад̇и.
Sahassakkhattuṃ rājā ca, cakkavattī bhavissati.
20.
20.
‘‘‘д̇асса сан̇габбаман̃н̃ааяа, буб̣б̣агаммасаман̇г̇ино;
‘‘‘Tassa saṅkappamaññāya, pubbakammasamaṅgino;
аннам̣ баанан̃жа вад̇т̇ан̃жа, саяанан̃жа махаарахам̣.
Annaṃ pānañca vatthañca, sayanañca mahārahaṃ.
21.
21.
‘‘‘бун̃н̃агаммзна сам̣яуд̇д̇аа, ниб̣б̣ад̇д̇иссанд̇и д̇аавад̣̇з;
‘‘‘Puññakammena saṃyuttā, nibbattissanti tāvade;
сад̣̇аа бамуд̣̇ид̇о жааяам̣, бхависсад̇и анаамаяо.
Sadā pamudito cāyaṃ, bhavissati anāmayo.
22.
22.
‘‘‘убабаж̇ж̇ад̇и яам̣ яоним̣, д̣̇звад̇д̇ам̣ ат̇а маанусам̣;
‘‘‘Upapajjati yaṃ yoniṃ, devattaṃ atha mānusaṃ;
саб̣б̣ад̇т̇а сукид̇о худ̇ваа, мануссад̇д̇ам̣ г̇амиссад̇и.
Sabbattha sukhito hutvā, manussattaṃ gamissati.
23.
23.
‘‘‘аж̇жхааяаго манд̇ад̇харо, д̇ин̣н̣ам̣ взд̣̇аана баараг̇уу;
‘‘‘Ajjhāyako mantadharo, tiṇṇaṃ vedāna pāragū;
самб̣уд̣̇д̇хам̣ убаг̇анд̇ваана, арахаа со бхависсад̇и’.
Sambuddhaṃ upagantvāna, arahā so bhavissati’.
24.
24.
‘‘яад̇о сараами ад̇д̇аанам̣, яад̇о бад̇д̇осми вин̃н̃уд̇ам̣;
‘‘Yato sarāmi attānaṃ, yato pattosmi viññutaṃ;
бхог̇з мз уунад̇аа над̇т̇и, палад̣̇аанассид̣̇ам̣ палам̣.
Bhoge me ūnatā natthi, phaladānassidaṃ phalaṃ.
25.
25.
‘‘варад̇хаммамануббад̇д̇о, рааг̇ад̣̇осз самууханим̣;
‘‘Varadhammamanuppatto, rāgadose samūhaniṃ;
саб̣б̣аасавабаригкийн̣о, над̇т̇и д̣̇аани бунаб̣бхаво.
Sabbāsavaparikkhīṇo, natthi dāni punabbhavo.
26.
26.
‘‘гилзсаа жхаабид̇аа маяхам̣, бхаваа саб̣б̣з самуухад̇аа;
‘‘Kilesā jhāpitā mayhaṃ, bhavā sabbe samūhatā;
нааг̇ова б̣анд̇ханам̣ чзд̇ваа, вихараами анаасаво.
Nāgova bandhanaṃ chetvā, viharāmi anāsavo.
27.
27.
‘‘свааг̇ад̇ам̣ вад̇а мз ааси, мама б̣уд̣̇д̇хасса санд̇игз;
‘‘Svāgataṃ vata me āsi, mama buddhassa santike;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
28.
28.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа д̇иссамзд̇д̇зяяо т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā tissametteyyo thero imā gāthāyo abhāsitthāti.
д̇иссамзд̇д̇зяяад̇т̇зрассаабад̣̇аанам̣ батамам̣.
Tissametteyyattherassāpadānaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 1. д̇иссамзд̇д̇зяяад̇т̇зраабад̣̇аанаван̣н̣анаа • 1. Tissametteyyattheraapadānavaṇṇanā
