| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. д̇иссасуд̇д̇ам̣
9. Tissasuttaṃ
243. саавад̇т̇ияам̣ вихарад̇и. ат̇а ко ааяасмаа д̇иссо бхаг̇авад̇о бид̇ужчаабуд̇д̇о язна бхаг̇аваа д̇знубасан̇гами ; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и д̣̇угкий д̣̇уммано ассууни бавад̇д̇аяамаано. ат̇а ко бхаг̇аваа ааяасманд̇ам̣ д̇иссам̣ зд̇ад̣̇авожа – ‘‘гим̣ ну ко д̇вам̣, д̇исса, згаманд̇ам̣ нисинно д̣̇угкий д̣̇уммано ассууни бавад̇д̇аяамаано’’д̇и? ‘‘д̇ат̇аа хи бана мам̣, бханд̇з, бхигкуу саманд̇аа ваажаасаннид̇од̣̇агзна 1 сан̃ж̇амбхаримагам̣суу’’д̇и 2. ‘‘д̇ат̇аахи бана д̇вам̣, д̇исса, вад̇д̇аа но жа важанагкамо; на ко д̇з д̇ам̣, д̇исса, бад̇ируубам̣ гулабуд̇д̇асса сад̣̇д̇хаа аг̇аарасмаа анаг̇аарияам̣ баб̣б̣аж̇ид̇асса, яам̣ д̇вам̣ вад̇д̇аа но жа важанагкамо. зд̇ам̣ ко д̇з, д̇исса, бад̇ируубам̣ гулабуд̇д̇асса сад̣̇д̇хаа аг̇аарасмаа анаг̇аарияам̣ баб̣б̣аж̇ид̇асса – ‘яам̣ д̇вам̣ вад̇д̇аа жа асса важанагкамо жаа’’’д̇и.
243. Sāvatthiyaṃ viharati. Atha kho āyasmā tisso bhagavato pitucchāputto yena bhagavā tenupasaṅkami ; upasaṅkamitvā bhagavantaṃ abhivādetvā ekamantaṃ nisīdi dukkhī dummano assūni pavattayamāno. Atha kho bhagavā āyasmantaṃ tissaṃ etadavoca – ‘‘kiṃ nu kho tvaṃ, tissa, ekamantaṃ nisinno dukkhī dummano assūni pavattayamāno’’ti? ‘‘Tathā hi pana maṃ, bhante, bhikkhū samantā vācāsannitodakena 3 sañjambharimakaṃsū’’ti 4. ‘‘Tathāhi pana tvaṃ, tissa, vattā no ca vacanakkhamo; na kho te taṃ, tissa, patirūpaṃ kulaputtassa saddhā agārasmā anagāriyaṃ pabbajitassa, yaṃ tvaṃ vattā no ca vacanakkhamo. Etaṃ kho te, tissa, patirūpaṃ kulaputtassa saddhā agārasmā anagāriyaṃ pabbajitassa – ‘yaṃ tvaṃ vattā ca assa vacanakkhamo cā’’’ti.
ид̣̇амавожа бхаг̇аваа. ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –
Idamavoca bhagavā. Idaṃ vatvāna sugato athāparaṃ etadavoca satthā –
‘‘гим̣ ну гуж̇жхаси маа гуж̇жхи, аггод̇хо д̇исса д̇з варам̣;
‘‘Kiṃ nu kujjhasi mā kujjhi, akkodho tissa te varaṃ;
год̇хамаанамагкавинаяад̇т̇ан̃хи, д̇исса б̣рахмажарияам̣ вуссад̇ий’’д̇и. навамам̣;
Kodhamānamakkhavinayatthañhi, tissa brahmacariyaṃ vussatī’’ti. navamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. д̇иссасуд̇д̇аван̣н̣анаа • 9. Tissasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. д̇иссасуд̇д̇аван̣н̣анаа • 9. Tissasuttavaṇṇanā
