Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. д̇иссасуд̇д̇аван̣н̣анаа
2. Tissasuttavaṇṇanā
84. д̣̇уд̇ияз мад̇хурагаж̇аад̇о вияаад̇и сан̃ж̇аад̇аг̇арубхааво вияа агамман̃н̃о. д̣̇исааби мзд̇и аяам̣ бурад̇т̇имаа аяам̣ д̣̇агкин̣аад̇и звам̣ д̣̇исааби маяхам̣ на багкааяанд̇и, на баагадаа хонд̇ийд̇и вад̣̇ад̇и. д̇хаммааби мам̣ на бадибханд̇ийд̇и барияад̇д̇ид̇хаммааби маяхам̣ на убадтаханд̇и, уг̇г̇ахид̇ам̣ саж̇жхааяид̇ам̣ на д̣̇иссад̇ийд̇и вад̣̇ад̇и. вижигижчаад̇и но махаавижигижчаа. на хи д̇асса ‘‘саасанам̣ нияяаанигам̣ ну ко, на ну ко’’д̇и вимад̇и уббаж̇ж̇ад̇и. звам̣ банасса ход̇и ‘‘сагкиссаами ну ко саман̣ад̇хаммам̣ гаад̇ум̣, уд̣̇ааху бад̇д̇ажийварад̇хааран̣амад̇д̇амзва гариссаамий’’д̇и.
84. Dutiye madhurakajāto viyāti sañjātagarubhāvo viya akammañño. Disāpi meti ayaṃ puratthimā ayaṃ dakkhiṇāti evaṃ disāpi mayhaṃ na pakkhāyanti, na pākaṭā hontīti vadati. Dhammāpi maṃ na paṭibhantīti pariyattidhammāpi mayhaṃ na upaṭṭhahanti, uggahitaṃ sajjhāyitaṃ na dissatīti vadati. Vicikicchāti no mahāvicikicchā. Na hi tassa ‘‘sāsanaṃ niyyānikaṃ nu kho, na nu kho’’ti vimati uppajjati. Evaṃ panassa hoti ‘‘sakkhissāmi nu kho samaṇadhammaṃ kātuṃ, udāhu pattacīvaradhāraṇamattameva karissāmī’’ti.
гаамаанамзд̇ам̣ ад̇хиважананд̇и яат̇аа хи ниннам̣ баллалам̣ ологзнд̇асса д̣̇ассанарааман̣зяяагамад̇д̇ам̣ ад̇т̇и, яо банзд̇т̇а од̇арад̇и, д̇ам̣ жан̣д̣амийнаагулад̇ааяа аагад̣дхид̇ваа анаяаб̣яасанам̣ баабзд̇и, звамзвам̣ бан̃жасу гаамаг̇ун̣зсу жагкуд̣̇ваараад̣̇ийнам̣ аарамман̣з рааман̣зяяагамад̇д̇ам̣ ад̇т̇и, яо банзд̇т̇а г̇зд̇хам̣ аабаж̇ж̇ад̇и, д̇ам̣ аагад̣дхид̇ваа нираяаад̣̇ийсу зва багкибанд̇и. аббассаад̣̇аа хи гаамаа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяод̇и имам̣ ад̇т̇авасам̣ бадижжа ‘‘гаамаанамзд̇ам̣ ад̇хиважана’’нд̇и вуд̇д̇ам̣. ахамануг̇г̇ахзнаад̇и ахам̣ д̇хаммаамисаануг̇г̇ахзхи ануг̇г̇ан̣хаами. абхинанд̣̇ийд̇и самбадижчи. на гзвалан̃жа абхинанд̣̇и, имам̣ бана сад̇т̇у санд̇игаа ассаасам̣ лабхид̇ваа гхадзнд̇о вааяаманд̇о гад̇ибаахзна арахад̇д̇з бад̇идтааси. д̣̇уд̇ияам̣.
Kāmānametaṃ adhivacananti yathā hi ninnaṃ pallalaṃ olokentassa dassanarāmaṇeyyakamattaṃ atthi, yo panettha otarati, taṃ caṇḍamīnākulatāya ākaḍḍhitvā anayabyasanaṃ pāpeti, evamevaṃ pañcasu kāmaguṇesu cakkhudvārādīnaṃ ārammaṇe rāmaṇeyyakamattaṃ atthi, yo panettha gedhaṃ āpajjati, taṃ ākaḍḍhitvā nirayādīsu eva pakkhipanti. Appassādā hi kāmā bahudukkhā bahupāyāsā, ādīnavo ettha bhiyyoti imaṃ atthavasaṃ paṭicca ‘‘kāmānametaṃ adhivacana’’nti vuttaṃ. Ahamanuggahenāti ahaṃ dhammāmisānuggahehi anuggaṇhāmi. Abhinandīti sampaṭicchi. Na kevalañca abhinandi, imaṃ pana satthu santikā assāsaṃ labhitvā ghaṭento vāyamanto katipāhena arahatte patiṭṭhāsi. Dutiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. д̇иссасуд̇д̇ам̣ • 2. Tissasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. д̇иссасуд̇д̇аван̣н̣анаа • 2. Tissasuttavaṇṇanā