| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
4. д̇иссаат̇зрийг̇аат̇ааван̣н̣анаа
4. Tissātherīgāthāvaṇṇanā
д̇иссз сигкассу сигкааяаад̇и д̇иссааяа сигкамаанааяа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинид̇ваа самбхад̇агусалабажжаяаа имасмим̣ б̣уд̣̇д̇хуббаад̣̇з габилавад̇т̇усмим̣ сагяарааж̇агулз ниб̣б̣ад̇д̇ид̇ваа ваяаббад̇д̇аа б̣од̇хисад̇д̇асса ород̇хабхууд̇аа бажчаа махаабаж̇аабад̇иг̇од̇амияаа сад̣̇д̇хим̣ нигкамид̇ваа баб̣б̣аж̇ид̇ваа вибассанааяа гаммам̣ гарод̇и. д̇ассаа сад̇т̇аа хздтаа вуд̇д̇анаязнзва обхаасам̣ виссаж̇ж̇зд̇ваа –
Tisse sikkhassu sikkhāyāti tissāya sikkhamānāya gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinitvā sambhatakusalapaccayā imasmiṃ buddhuppāde kapilavatthusmiṃ sakyarājakule nibbattitvā vayappattā bodhisattassa orodhabhūtā pacchā mahāpajāpatigotamiyā saddhiṃ nikkhamitvā pabbajitvā vipassanāya kammaṃ karoti. Tassā satthā heṭṭhā vuttanayeneva obhāsaṃ vissajjetvā –
4.
4.
‘‘д̇иссз сигкассу сигкааяа, маа д̇ам̣ яог̇аа убажжаг̇ум̣;
‘‘Tisse sikkhassu sikkhāya, mā taṃ yogā upaccaguṃ;
саб̣б̣аяог̇ависам̣яуд̇д̇аа, жара логз анаасаваа’’д̇и. – г̇аат̇ам̣ абхааси;
Sabbayogavisaṃyuttā, cara loke anāsavā’’ti. – gāthaṃ abhāsi;
д̇ад̇т̇а д̇иссзд̇и д̇ассаа аалабанам̣. сигкассу сигкааяаад̇и ад̇хисийласигкаад̣̇игааяа д̇ивид̇хааяа сигкааяа сигка, маг̇г̇асамбаяуд̇д̇аа д̇иссо сигкааяо самбаад̣̇зхийд̇и ад̇т̇о. ид̣̇аани д̇аасам̣ самбаад̣̇анз гааран̣амааха ‘‘маа д̇ам̣ яог̇аа убажжаг̇у’’нд̇и мануссад̇д̇ам̣, инд̣̇рияаавзгаллам̣, б̣уд̣̇д̇хуббаад̣̇о, сад̣̇д̇хаабадилаабход̇и имз яог̇аа самаяаа д̣̇уллабхагкан̣аа д̇ам̣ маа ад̇иггамум̣. гаамаяог̇аад̣̇аяо зва ваа жад̇д̇ааро яог̇аа д̇ам̣ маа убажжаг̇ум̣ маа абхибхавзяяум̣. саб̣б̣аяог̇ависам̣яуд̇д̇аад̇и саб̣б̣зхи гаамаяог̇аад̣̇ийхи яог̇зхи вимуд̇д̇аа д̇ад̇о зва анаасаваа худ̇ваа логз жара, д̣̇идтасукавихаарзна вихараахийд̇и ад̇т̇о.
Tattha tisseti tassā ālapanaṃ. Sikkhassu sikkhāyāti adhisīlasikkhādikāya tividhāya sikkhāya sikkha, maggasampayuttā tisso sikkhāyo sampādehīti attho. Idāni tāsaṃ sampādane kāraṇamāha ‘‘mā taṃ yogā upaccagu’’nti manussattaṃ, indriyāvekallaṃ, buddhuppādo, saddhāpaṭilābhoti ime yogā samayā dullabhakkhaṇā taṃ mā atikkamuṃ. Kāmayogādayo eva vā cattāro yogā taṃ mā upaccaguṃ mā abhibhaveyyuṃ. Sabbayogavisaṃyuttāti sabbehi kāmayogādīhi yogehi vimuttā tato eva anāsavā hutvā loke cara, diṭṭhasukhavihārena viharāhīti attho.
саа д̇ам̣ г̇аат̇ам̣ суд̇ваа вибассанам̣ вад̣дхзд̇ваа арахад̇д̇ам̣ баабун̣ийд̇и аад̣̇инаяо хздтаа вуд̇д̇анаязнзва взд̣̇ид̇аб̣б̣о.
Sā taṃ gāthaṃ sutvā vipassanaṃ vaḍḍhetvā arahattaṃ pāpuṇīti ādinayo heṭṭhā vuttanayeneva veditabbo.
д̇иссаат̇зрийг̇аат̇ааван̣н̣анаа нидтид̇аа.
Tissātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 4. д̇иссаат̇зрийг̇аат̇аа • 4. Tissātherīgāthā
