| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[25] 5. д̇ид̇т̇аж̇аад̇агаван̣н̣анаа
[25] 5. Titthajātakavaṇṇanā
ан̃н̃аман̃н̃зхи д̇ид̇т̇зхийд̇и ид̣̇ам̣ сад̇т̇аа ж̇зд̇аванз вихаранд̇о д̇хаммасзнаабад̇исса сад̣̇д̇хивихааригам̣ згам̣ суван̣н̣агаарабуб̣б̣агам̣ бхигкум̣ аараб̣бха гат̇зси. аасаяаанусаяан̃аан̣ан̃хи б̣уд̣̇д̇хаанам̣язва ход̇и, на ан̃н̃зсам̣. д̇асмаа д̇хаммасзнаабад̇и ад̇д̇ано аасаяаанусаяан̃аан̣асса над̇т̇ид̇ааяа сад̣̇д̇хивихааригасса аасаяаанусаяам̣ аж̇аананд̇о асубхагаммадтаанамзва гат̇зси, д̇асса д̇ам̣ на саббааяамахоси. гасмаа? со гира бадибаадияаа бан̃жа ж̇аад̇исад̇аани суван̣н̣агаараг̇зхзязва бадисанд̇хим̣ г̇ан̣хи, ат̇асса д̣̇ийгхарад̇д̇ам̣ барисуд̣̇д̇хасуван̣н̣ад̣̇ассанавасзна барижид̇ад̇д̇аа асубхам̣ на саббааяамахоси. со д̇ад̇т̇а нимид̇д̇амад̇д̇амби уббаад̣̇зд̇ум̣ асаггонд̇о жад̇д̇ааро маасз кзбзси.
Aññamaññehititthehīti idaṃ satthā jetavane viharanto dhammasenāpatissa saddhivihārikaṃ ekaṃ suvaṇṇakārapubbakaṃ bhikkhuṃ ārabbha kathesi. Āsayānusayañāṇañhi buddhānaṃyeva hoti, na aññesaṃ. Tasmā dhammasenāpati attano āsayānusayañāṇassa natthitāya saddhivihārikassa āsayānusayaṃ ajānanto asubhakammaṭṭhānameva kathesi, tassa taṃ na sappāyamahosi. Kasmā? So kira paṭipāṭiyā pañca jātisatāni suvaṇṇakārageheyeva paṭisandhiṃ gaṇhi, athassa dīgharattaṃ parisuddhasuvaṇṇadassanavasena paricitattā asubhaṃ na sappāyamahosi. So tattha nimittamattampi uppādetuṃ asakkonto cattāro māse khepesi.
д̇хаммасзнаабад̇и ад̇д̇ано сад̣̇д̇хивихааригасса арахад̇д̇ам̣ д̣̇аад̇ум̣ асаггонд̇о ‘‘ад̣̇д̇хаа аяам̣ б̣уд̣̇д̇хавзнзяяо бхависсад̇и, д̇ат̇ааг̇ад̇асса санд̇игам̣ нзссаамий’’д̇и жинд̇зд̇ваа баад̇ова д̇ам̣ аад̣̇ааяа сад̇т̇у санд̇игам̣ аг̇амааси. сад̇т̇аа ‘‘гим̣ ну ко, саарибуд̇д̇а, згам̣ бхигкум̣ аад̣̇ааяа ааг̇ад̇осий’’д̇и бужчи. ‘‘ахам̣, бханд̇з, имасса гаммадтаанам̣ ад̣̇аасим̣, аяам̣ бана жад̇уухи маасзхи нимид̇д̇амад̇д̇амби на уббаад̣̇зси, сваахам̣ ‘б̣уд̣̇д̇хавзнзяяо зсо бхависсад̇ий’д̇и жинд̇зд̇ваа д̇умхаагам̣ санд̇игам̣ аад̣̇ааяа ааг̇ад̇о’’д̇и. ‘‘саарибуд̇д̇а, гад̇арам̣ бана д̇з гаммадтаанам̣ сад̣̇д̇хивихааригасса д̣̇инна’’нд̇и? ‘‘асубхагаммадтаанам̣ бхаг̇аваа’’д̇и. ‘‘саарибуд̇д̇а, над̇т̇и д̇ава санд̇аанз аасаяаанусаяан̃аан̣ам̣, г̇ажча, д̇вам̣ сааяанхасамаяз ааг̇анд̇ваа д̇ава сад̣̇д̇хивихааригам̣ аад̣̇ааяа г̇ажчзяяаасий’’д̇и. звам̣ сад̇т̇аа т̇зрам̣ уяяож̇зд̇ваа д̇асса бхигкусса манаабам̣ жийваран̃жа ниваасанан̃жа д̣̇аабзд̇ваа д̇ам̣ аад̣̇ааяа г̇аамам̣ бин̣д̣ааяа бависид̇ваа бан̣ийд̇ам̣ каад̣̇анийяабхож̇анийяам̣ д̣̇аабзд̇ваа махаабхигкусан̇гхабаривааро буна вихаарам̣ ааг̇анд̇ваа г̇анд̇хагудияам̣ д̣̇ивасабхааг̇ам̣ кзбзд̇ваа сааяанхасамаяз д̇ам̣ бхигкум̣ г̇ахзд̇ваа вихааражааригам̣ жарамаано амб̣аванз згам̣ богкаран̣им̣ маабзд̇ваа д̇ад̇т̇а маханд̇ам̣ бад̣̇уминиг̇ажчам̣, д̇ад̇рааби жа маханд̇ам̣ згам̣ бад̣̇умабубпам̣ маабзд̇ваа ‘‘бхигку имам̣ бубпам̣ ологзнд̇о нисийд̣̇аа’’д̇и нисийд̣̇аабзд̇ваа г̇анд̇хагудим̣ баависи.
Dhammasenāpati attano saddhivihārikassa arahattaṃ dātuṃ asakkonto ‘‘addhā ayaṃ buddhaveneyyo bhavissati, tathāgatassa santikaṃ nessāmī’’ti cintetvā pātova taṃ ādāya satthu santikaṃ agamāsi. Satthā ‘‘kiṃ nu kho, sāriputta, ekaṃ bhikkhuṃ ādāya āgatosī’’ti pucchi. ‘‘Ahaṃ, bhante, imassa kammaṭṭhānaṃ adāsiṃ, ayaṃ pana catūhi māsehi nimittamattampi na uppādesi, svāhaṃ ‘buddhaveneyyo eso bhavissatī’ti cintetvā tumhākaṃ santikaṃ ādāya āgato’’ti. ‘‘Sāriputta, kataraṃ pana te kammaṭṭhānaṃ saddhivihārikassa dinna’’nti? ‘‘Asubhakammaṭṭhānaṃ bhagavā’’ti. ‘‘Sāriputta, natthi tava santāne āsayānusayañāṇaṃ, gaccha, tvaṃ sāyanhasamaye āgantvā tava saddhivihārikaṃ ādāya gaccheyyāsī’’ti. Evaṃ satthā theraṃ uyyojetvā tassa bhikkhussa manāpaṃ cīvarañca nivāsanañca dāpetvā taṃ ādāya gāmaṃ piṇḍāya pavisitvā paṇītaṃ khādanīyabhojanīyaṃ dāpetvā mahābhikkhusaṅghaparivāro puna vihāraṃ āgantvā gandhakuṭiyaṃ divasabhāgaṃ khepetvā sāyanhasamaye taṃ bhikkhuṃ gahetvā vihāracārikaṃ caramāno ambavane ekaṃ pokkharaṇiṃ māpetvā tattha mahantaṃ paduminigacchaṃ, tatrāpi ca mahantaṃ ekaṃ padumapupphaṃ māpetvā ‘‘bhikkhu imaṃ pupphaṃ olokento nisīdā’’ti nisīdāpetvā gandhakuṭiṃ pāvisi.
со бхигку д̇ам̣ бубпам̣ бунаббунам̣ ологзд̇и. бхаг̇аваа д̇ам̣ бубпам̣ ж̇арам̣ баабзси, д̇ам̣ д̇асса бассанд̇ассзва ж̇арам̣ бад̇ваа виван̣н̣ам̣ ахоси. ат̇асса барияанд̇ад̇о бадтааяа бад̇д̇аани бад̇анд̇аани мухуд̇д̇зна саб̣б̣аани бад̇им̣су. д̇ад̇о гин̃ж̇агкам̣ бад̇и, ган̣н̣игаава авасисси. со бхигку д̇ам̣ бассанд̇о жинд̇зси ‘‘ид̣̇ам̣ бад̣̇умабубпам̣ ид̣̇аанзва абхируубам̣ ахоси д̣̇ассанийяам̣, ат̇асса ван̣н̣о барин̣ад̇о, бад̇д̇аани жа гин̃жагкан̃жа бад̇ид̇ам̣, ган̣н̣игаамад̇д̇амзва авасидтам̣, зваруубасса наама бад̣̇умасса ж̇араа бад̇д̇аа, маяхам̣ сарийрасса гим̣ на баабун̣иссад̇и, саб̣б̣з сан̇каараа анижжаа’’д̇и вибассанам̣ бадтабзси. сад̇т̇аа ‘‘д̇асса жид̇д̇ам̣ вибассанам̣ аарул̣ха’’нд̇и н̃ад̇ваа г̇анд̇хагудияам̣ нисиннова обхаасам̣ парид̇ваа имам̣ г̇аат̇амааха –
So bhikkhu taṃ pupphaṃ punappunaṃ oloketi. Bhagavā taṃ pupphaṃ jaraṃ pāpesi, taṃ tassa passantasseva jaraṃ patvā vivaṇṇaṃ ahosi. Athassa pariyantato paṭṭhāya pattāni patantāni muhuttena sabbāni patiṃsu. Tato kiñjakkhaṃ pati, kaṇṇikāva avasissi. So bhikkhu taṃ passanto cintesi ‘‘idaṃ padumapupphaṃ idāneva abhirūpaṃ ahosi dassanīyaṃ, athassa vaṇṇo pariṇato, pattāni ca kiñcakkhañca patitaṃ, kaṇṇikāmattameva avasiṭṭhaṃ, evarūpassa nāma padumassa jarā pattā, mayhaṃ sarīrassa kiṃ na pāpuṇissati, sabbe saṅkhārā aniccā’’ti vipassanaṃ paṭṭhapesi. Satthā ‘‘tassa cittaṃ vipassanaṃ āruḷha’’nti ñatvā gandhakuṭiyaṃ nisinnova obhāsaṃ pharitvā imaṃ gāthamāha –
‘‘ужчинд̣̇а синзхамад̇д̇ано, гумуд̣̇ам̣ саарад̣̇игам̣ва баан̣инаа;
‘‘Ucchinda sinehamattano, kumudaṃ sāradikaṃva pāṇinā;
санд̇имаг̇г̇амзва б̣руухаяа, ниб̣б̣аанам̣ суг̇ад̇зна д̣̇зсид̇а’’нд̇и. (д̇ха. ба. 285);
Santimaggameva brūhaya, nibbānaṃ sugatena desita’’nti. (dha. pa. 285);
со бхигку г̇аат̇аабарияосаанз арахад̇д̇ам̣ бад̇ваа ‘‘муд̇д̇о вад̇амхи саб̣б̣абхавзхий’’д̇и жинд̇зд̇ваа –
So bhikkhu gāthāpariyosāne arahattaṃ patvā ‘‘mutto vatamhi sabbabhavehī’’ti cintetvā –
‘‘со вуд̇т̇аваасо барибун̣н̣амаанасо, кийн̣аасаво анд̇имад̣̇зхад̇хаарий;
‘‘So vutthavāso paripuṇṇamānaso, khīṇāsavo antimadehadhārī;
висуд̣̇д̇хасийло сусамаахид̇инд̣̇рияо, жанд̣̇о яат̇аа раахумукаа бамуд̇д̇о.
Visuddhasīlo susamāhitindriyo, cando yathā rāhumukhā pamutto.
‘‘самод̇ад̇ам̣ мохамаханд̇хагаарам̣, винод̣̇аяим̣ саб̣б̣амалам̣ асзсам̣;
‘‘Samotataṃ mohamahandhakāraṃ, vinodayiṃ sabbamalaṃ asesaṃ;
аалогабаж̇ж̇од̇агаро бабхан̇гаро, сахассарам̣сий вияа бхаан̣умаа набхз’’д̇и. –
Ālokapajjotakaro pabhaṅkaro, sahassaraṃsī viya bhāṇumā nabhe’’ti. –
аад̣̇ийхи г̇аат̇аахи уд̣̇аанам̣ уд̣̇аанзси. уд̣̇аанзд̇ваа жа бана г̇анд̇ваа бхаг̇аванд̇ам̣ ванд̣̇и. т̇зроби ааг̇анд̇ваа сад̇т̇аарам̣ ванд̣̇ид̇ваа ад̇д̇ано сад̣̇д̇хивихааригам̣ г̇ахзд̇ваа аг̇амааси. аяам̣ бавад̇д̇и бхигкуунам̣ анд̇арз баагадаа ж̇аад̇аа. бхигкуу д̇хаммасабхааяам̣ д̣̇асаб̣аласса г̇ун̣з ван̣н̣аяамаанаа нисийд̣̇им̣су – ‘‘аавусо, саарибуд̇д̇ад̇т̇зро аасаяаанусаяан̃аан̣асса абхаавзна ад̇д̇ано сад̣̇д̇хивихааригасса аасаяам̣ на ж̇аанаад̇и, сад̇т̇аа бана н̃ад̇ваа згад̣̇ивасзнзва д̇асса саха бадисамбхид̣̇аахи арахад̇д̇ам̣ ад̣̇ааси, ахо б̣уд̣̇д̇хаа наама махаанубхааваа’’д̇и.
Ādīhi gāthāhi udānaṃ udānesi. Udānetvā ca pana gantvā bhagavantaṃ vandi. Theropi āgantvā satthāraṃ vanditvā attano saddhivihārikaṃ gahetvā agamāsi. Ayaṃ pavatti bhikkhūnaṃ antare pākaṭā jātā. Bhikkhū dhammasabhāyaṃ dasabalassa guṇe vaṇṇayamānā nisīdiṃsu – ‘‘āvuso, sāriputtatthero āsayānusayañāṇassa abhāvena attano saddhivihārikassa āsayaṃ na jānāti, satthā pana ñatvā ekadivaseneva tassa saha paṭisambhidāhi arahattaṃ adāsi, aho buddhā nāma mahānubhāvā’’ti.
сад̇т̇аа ааг̇анд̇ваа бан̃н̃ад̇д̇аасанз нисийд̣̇ид̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчи. ‘‘на бхаг̇аваа ан̃н̃ааяа гат̇ааяа, д̇умхааган̃н̃зва бана д̇хаммасзнаабад̇ино сад̣̇д̇хивихааригасса аасаяаанусаяан̃аан̣агат̇ааяаа’’д̇и. сад̇т̇аа ‘‘на, бхигкавз, зд̇ам̣ ажчарияам̣, сваахам̣ зд̇арахи б̣уд̣̇д̇хо худ̇ваа д̇асса аасаяам̣ ж̇аанаами, буб̣б̣збаахам̣ д̇асса аасаяам̣ ж̇аанаамиязваа’’д̇и вад̇ваа ад̇ийд̇ам̣ аахари.
Satthā āgantvā paññattāsane nisīditvā ‘‘kāya nuttha, bhikkhave, etarahi kathāya sannisinnā’’ti pucchi. ‘‘Na bhagavā aññāya kathāya, tumhākaññeva pana dhammasenāpatino saddhivihārikassa āsayānusayañāṇakathāyā’’ti. Satthā ‘‘na, bhikkhave, etaṃ acchariyaṃ, svāhaṃ etarahi buddho hutvā tassa āsayaṃ jānāmi, pubbepāhaṃ tassa āsayaṃ jānāmiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇о раж̇ж̇ам̣ гаарзси. д̇ад̣̇аа б̣од̇хисад̇д̇о д̇ам̣ рааж̇аанам̣ ад̇т̇з жа д̇хаммз жа анусаасад̇и. д̇ад̣̇аа ран̃н̃о ман̇г̇алаассанхаанад̇ид̇т̇з ан̃н̃ад̇арам̣ вал̣авам̣ кал̣ун̇гассам̣ нхаабзсум̣. ман̇г̇алассо вал̣авзна нхаанад̇ид̇т̇ам̣ од̇аарияамаано ж̇иг̇ужчид̇ваа од̇арид̇ум̣ на ижчи. ассаг̇обаго г̇анд̇ваа ран̃н̃о аарожзси ‘‘д̣̇зва, ман̇г̇алассо д̇ид̇т̇ам̣ од̇арид̇ум̣ на ижчад̇ий’’д̇и. рааж̇аа б̣од̇хисад̇д̇ам̣ бзсзси – ‘‘г̇ажча, бан̣д̣ид̇а, ж̇аанаахи гзна гааран̣зна ассо д̇ид̇т̇ам̣ од̇аарияамаано на од̇арад̇ий’’д̇и. б̣од̇хисад̇д̇о ‘‘саад̇ху, д̣̇зваа’’д̇и над̣̇ийд̇ийрам̣ г̇анд̇ваа ассам̣ ологзд̇ваа нирог̇абхаавамасса н̃ад̇ваа ‘‘гзна ну ко гааран̣зна аяам̣ имам̣ д̇ид̇т̇ам̣ на од̇арад̇ий’’д̇и убад̇хаарзнд̇о ‘‘батамад̇арам̣ зд̇т̇а ан̃н̃о нхаабид̇о бхависсад̇и, д̇знзса ж̇иг̇ужчамаано д̇ид̇т̇ам̣ на од̇арад̇и ман̃н̃з’’д̇и жинд̇зд̇ваа ассаг̇обагз бужчи ‘‘амбхо, имасмим̣ д̇ид̇т̇з гам̣ батамам̣ нхаабаяид̇т̇аа’’д̇и? ‘‘ан̃н̃ад̇арам̣ вал̣авассам̣, саамий’’д̇и.
Atīte bārāṇasiyaṃ brahmadatto rajjaṃ kāresi. Tadā bodhisatto taṃ rājānaṃ atthe ca dhamme ca anusāsati. Tadā rañño maṅgalaassanhānatitthe aññataraṃ vaḷavaṃ khaḷuṅkassaṃ nhāpesuṃ. Maṅgalasso vaḷavena nhānatitthaṃ otāriyamāno jigucchitvā otarituṃ na icchi. Assagopako gantvā rañño ārocesi ‘‘deva, maṅgalasso titthaṃ otarituṃ na icchatī’’ti. Rājā bodhisattaṃ pesesi – ‘‘gaccha, paṇḍita, jānāhi kena kāraṇena asso titthaṃ otāriyamāno na otaratī’’ti. Bodhisatto ‘‘sādhu, devā’’ti nadītīraṃ gantvā assaṃ oloketvā nirogabhāvamassa ñatvā ‘‘kena nu kho kāraṇena ayaṃ imaṃ titthaṃ na otaratī’’ti upadhārento ‘‘paṭhamataraṃ ettha añño nhāpito bhavissati, tenesa jigucchamāno titthaṃ na otarati maññe’’ti cintetvā assagopake pucchi ‘‘ambho, imasmiṃ titthe kaṃ paṭhamaṃ nhāpayitthā’’ti? ‘‘Aññataraṃ vaḷavassaṃ, sāmī’’ti.
б̣од̇хисад̇д̇о ‘‘зса ад̇д̇ано синд̇хавад̇ааяа ж̇иг̇ужчанд̇о зд̇т̇а нхааяид̇ум̣ на ижчад̇и, имам̣ ан̃н̃ад̇ид̇т̇з нхаабзд̇ум̣ ваддад̇ий’’д̇и д̇асса аасаяам̣ н̃ад̇ваа ‘‘бхо ассаг̇обага, саббимад̇хупаан̣ид̇аад̣̇ибхисан̇кад̇абааяаасамби д̇аава бунаббунам̣ бхун̃ж̇анд̇асса д̇ид̇д̇и ход̇и. аяам̣ ассо б̣ахуу ваарз ид̇ха д̇ид̇т̇з нхаад̇о, ан̃н̃амби д̇аава нам̣ д̇ид̇т̇ам̣ од̇аарзд̇ваа нхаабзт̇а жа бааязт̇а жаа’’д̇и вад̇ваа имам̣ г̇аат̇амааха –
Bodhisatto ‘‘esa attano sindhavatāya jigucchanto ettha nhāyituṃ na icchati, imaṃ aññatitthe nhāpetuṃ vaṭṭatī’’ti tassa āsayaṃ ñatvā ‘‘bho assagopaka, sappimadhuphāṇitādibhisaṅkhatapāyāsampi tāva punappunaṃ bhuñjantassa titti hoti. Ayaṃ asso bahū vāre idha titthe nhāto, aññampi tāva naṃ titthaṃ otāretvā nhāpetha ca pāyetha cā’’ti vatvā imaṃ gāthamāha –
25.
25.
‘‘ан̃н̃аман̃н̃зхи д̇ид̇т̇зхи, ассам̣ бааязхи саарат̇и;
‘‘Aññamaññehi titthehi, assaṃ pāyehi sārathi;
ажжаасанасса бурисо, бааяаасассаби д̇аббад̇ий’’д̇и.
Accāsanassa puriso, pāyāsassapi tappatī’’ti.
д̇ад̇т̇а ан̃н̃аман̃н̃зхийд̇и ан̃н̃зхи ан̃н̃зхи. бааязхийд̇и д̣̇зсанаасийсамзд̇ам̣, нхаабзхи жа бааязхи жаад̇и ад̇т̇о. ажжаасанассаад̇и гаран̣ад̇т̇з саамиважанам̣ , ад̇иасанзна ад̇ибхуд̇д̇знаад̇и ад̇т̇о. бааяаасассаби д̇аббад̇ийд̇и саббиаад̣̇ийхи абхисан̇кад̇зна мад̇хурабааяаасзна д̇аббад̇и д̇ид̇д̇о ход̇и, д̇хаад̇о сухид̇о на буна бхун̃ж̇ид̇угаамад̇ам̣ аабаж̇ж̇ад̇и. д̇асмаа аяамби ассо имасмим̣ д̇ид̇т̇з ниб̣ад̣̇д̇хам̣ нхаанзна барияад̇д̇им̣ аабанно бхависсад̇и, ан̃н̃ад̇т̇а нам̣ нхаабзт̇аад̇и.
Tattha aññamaññehīti aññehi aññehi. Pāyehīti desanāsīsametaṃ, nhāpehi ca pāyehi cāti attho. Accāsanassāti karaṇatthe sāmivacanaṃ , atiasanena atibhuttenāti attho. Pāyāsassapi tappatīti sappiādīhi abhisaṅkhatena madhurapāyāsena tappati titto hoti, dhāto suhito na puna bhuñjitukāmataṃ āpajjati. Tasmā ayampi asso imasmiṃ titthe nibaddhaṃ nhānena pariyattiṃ āpanno bhavissati, aññattha naṃ nhāpethāti.
д̇з д̇асса важанам̣ суд̇ваа ассам̣ ан̃н̃ад̇ид̇т̇ам̣ од̇аарзд̇ваа бааяим̣су жзва нхаабаяим̣су жа. б̣од̇хисад̇д̇о ассасса баанийяам̣ бивид̇ваа нхаанагаалз ран̃н̃о санд̇игам̣ аг̇амааси. рааж̇аа ‘‘гим̣, д̇аад̇а, ассо нхаад̇о жа бийд̇о жаа’’д̇и бужчи. ‘‘аама, д̣̇зваа’’д̇и. ‘‘батамам̣ гим̣ гааран̣аа на ижчад̇ий’’д̇и? ‘‘иминаа наама гааран̣знаа’’д̇и саб̣б̣ам̣ аажигки. рааж̇аа ‘‘зваруубасса д̇иражчаанассааби наама аасаяам̣ ж̇аанаад̇и, ахо бан̣д̣ид̇о’’д̇и б̣од̇хисад̇д̇асса маханд̇ам̣ яасам̣ д̣̇ад̇ваа ж̇ийвид̇абарияосаанз яат̇аагаммам̣ г̇ад̇о. б̣од̇хисад̇д̇оби яат̇аагаммамзва г̇ад̇о.
Te tassa vacanaṃ sutvā assaṃ aññatitthaṃ otāretvā pāyiṃsu ceva nhāpayiṃsu ca. Bodhisatto assassa pānīyaṃ pivitvā nhānakāle rañño santikaṃ agamāsi. Rājā ‘‘kiṃ, tāta, asso nhāto ca pīto cā’’ti pucchi. ‘‘Āma, devā’’ti. ‘‘Paṭhamaṃ kiṃ kāraṇā na icchatī’’ti? ‘‘Iminā nāma kāraṇenā’’ti sabbaṃ ācikkhi. Rājā ‘‘evarūpassa tiracchānassāpi nāma āsayaṃ jānāti, aho paṇḍito’’ti bodhisattassa mahantaṃ yasaṃ datvā jīvitapariyosāne yathākammaṃ gato. Bodhisattopi yathākammameva gato.
сад̇т̇аа ‘‘на, бхигкавз, ахам̣ зд̇асса ид̣̇аанзва аасаяам̣ ж̇аанаами, буб̣б̣зби ж̇аанаамиязваа’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа ман̇г̇алаассо аяам̣ бхигку ахоси, рааж̇аа аананд̣̇о, бан̣д̣ид̇аамажжо бана ахамзва ахоси’’нд̇и.
Satthā ‘‘na, bhikkhave, ahaṃ etassa idāneva āsayaṃ jānāmi, pubbepi jānāmiyevā’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā maṅgalaasso ayaṃ bhikkhu ahosi, rājā ānando, paṇḍitāmacco pana ahameva ahosi’’nti.
д̇ид̇т̇аж̇аад̇агаван̣н̣анаа бан̃жамаа.
Titthajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 25. д̇ид̇т̇аж̇аад̇агам̣ • 25. Titthajātakaṃ
