| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
д̇ид̇т̇ияабагганд̇агагат̇аа
Titthiyapakkantakakathā
д̇ид̇т̇ияабагганд̇аго бхигкавзд̇и зд̇т̇а бана д̇ид̇т̇иязсу багганд̇о бавидтод̇и д̇ид̇т̇ияабагганд̇аго. со на гзвалам̣ на убасамбаад̣̇зд̇аб̣б̣о, ат̇а ко на баб̣б̣ааж̇зд̇аб̣б̣оби. д̇ад̇рааяам̣ винижчаяо – убасамбанно бхигку д̇ид̇т̇ияо бхависсаамийд̇и салин̇г̇знзва д̇зсам̣ убассаяам̣ г̇ажчад̇и, бад̣̇аваарз бад̣̇аваарз д̣̇уггадам̣. д̇зсам̣ лин̇г̇з аад̣̇иннамад̇д̇з д̇ид̇т̇ияабагганд̇аго ход̇и. яоби саяамзва ‘‘д̇ид̇т̇ияо бхависсаамий’’д̇и гусажийраад̣̇ийни ниваасзд̇и, д̇ид̇т̇ияабагганд̇аго ход̇иязва. яо бана наг̇г̇о нхааяанд̇о ад̇д̇аанам̣ ологзд̇ваа ‘‘собхад̇и мз ааж̇ийвагабхааво, ааж̇ийваго бхависсаамий’’д̇и гаасааяаани анаад̣̇ааяа наг̇г̇ова ааж̇ийвагаанам̣ убассаяам̣ г̇ажчад̇и, бад̣̇аваарз бад̣̇аваарз д̣̇уггадам̣. сажз банасса анд̇араамаг̇г̇з хирод̇д̇аббам̣ уббаж̇ж̇ад̇и, д̣̇уггадаани д̣̇зсзд̇ваа мужжад̇и. д̇зсам̣ убассаяам̣ г̇анд̇вааби д̇зхи ваа овад̣̇ид̇о ад̇д̇анаа ваа ‘‘имзсам̣ баб̣б̣аж̇ж̇аа ад̇ид̣̇угкаа’’д̇и нивад̇д̇анд̇оби мужжад̇иязва.
Titthiyapakkantakobhikkhaveti ettha pana titthiyesu pakkanto paviṭṭhoti titthiyapakkantako. So na kevalaṃ na upasampādetabbo, atha kho na pabbājetabbopi. Tatrāyaṃ vinicchayo – upasampanno bhikkhu titthiyo bhavissāmīti saliṅgeneva tesaṃ upassayaṃ gacchati, padavāre padavāre dukkaṭaṃ. Tesaṃ liṅge ādinnamatte titthiyapakkantako hoti. Yopi sayameva ‘‘titthiyo bhavissāmī’’ti kusacīrādīni nivāseti, titthiyapakkantako hotiyeva. Yo pana naggo nhāyanto attānaṃ oloketvā ‘‘sobhati me ājīvakabhāvo, ājīvako bhavissāmī’’ti kāsāyāni anādāya naggova ājīvakānaṃ upassayaṃ gacchati, padavāre padavāre dukkaṭaṃ. Sace panassa antarāmagge hirottappaṃ uppajjati, dukkaṭāni desetvā muccati. Tesaṃ upassayaṃ gantvāpi tehi vā ovadito attanā vā ‘‘imesaṃ pabbajjā atidukkhā’’ti nivattantopi muccatiyeva.
сажз бана ‘‘гим̣ д̇умхаагам̣ баб̣б̣аж̇ж̇ааяа уггадта’’нд̇и бужчид̇ваа ‘‘гзсамассулун̃жанаад̣̇ийний’’д̇и вуд̇д̇о згагзсамби лун̃жаабзд̇и, уггудигаббад̇хаанаад̣̇ийни ваа вад̇д̇аани аад̣̇ияад̇и, морабин̃чаад̣̇ийни ваа ниваасзд̇и, д̇зсам̣ лин̇г̇ам̣ г̇ан̣хаад̇и, ‘‘аяам̣ баб̣б̣аж̇ж̇аа сздтаа’’д̇и сздтабхаавам̣ ваа убаг̇ажчад̇и, на мужжад̇и, д̇ид̇т̇ияабагганд̇аго ход̇и. сажз бана ‘‘собхад̇и ну ко мз д̇ид̇т̇ияабаб̣б̣аж̇ж̇аа, нану ко собхад̇ий’’д̇и виймам̣санад̇т̇ам̣ гусажийраад̣̇ийни ваа ниваасзд̇и, ж̇адам̣ ваа б̣анд̇хад̇и, кааригааж̇ам̣ ваа аад̣̇ияад̇и, яаава на самбадижчад̇и, д̇аава нам̣ лад̣̇д̇хи рагкад̇и, самбадижчид̇амад̇д̇з д̇ид̇т̇ияабагганд̇аго ход̇и. ажчиннажийваро бана гусажийраад̣̇ийни ниваасзнд̇о рааж̇абхаяаад̣̇ийхи ваа д̇ид̇т̇ияалин̇г̇ам̣ г̇ан̣ханд̇о лад̣̇д̇хияаа абхаавзна нзва д̇ид̇т̇ияабагганд̇аго ход̇и.
Sace pana ‘‘kiṃ tumhākaṃ pabbajjāya ukkaṭṭha’’nti pucchitvā ‘‘kesamassuluñcanādīnī’’ti vutto ekakesampi luñcāpeti, ukkuṭikappadhānādīni vā vattāni ādiyati, morapiñchādīni vā nivāseti, tesaṃ liṅgaṃ gaṇhāti, ‘‘ayaṃ pabbajjā seṭṭhā’’ti seṭṭhabhāvaṃ vā upagacchati, na muccati, titthiyapakkantako hoti. Sace pana ‘‘sobhati nu kho me titthiyapabbajjā, nanu kho sobhatī’’ti vīmaṃsanatthaṃ kusacīrādīni vā nivāseti, jaṭaṃ vā bandhati, khārikājaṃ vā ādiyati, yāva na sampaṭicchati, tāva naṃ laddhi rakkhati, sampaṭicchitamatte titthiyapakkantako hoti. Acchinnacīvaro pana kusacīrādīni nivāsento rājabhayādīhi vā titthiyaliṅgaṃ gaṇhanto laddhiyā abhāvena neva titthiyapakkantako hoti.
аяан̃жа д̇ид̇т̇ияабагганд̇аго наама убасамбаннабхигкунаа гат̇ид̇о, д̇асмаа сааман̣зро салин̇г̇зна д̇ид̇т̇ааяад̇анам̣ г̇ад̇оби буна баб̣б̣аж̇ж̇ан̃жа убасамбад̣̇ан̃жа лабхад̇ийд̇и гурунд̣̇ияам̣ вуд̇д̇ам̣. буримо бана т̇зяяасам̣ваасаго анубасамбаннзна гат̇ид̇о; д̇асмаа убасамбанно гуудавассам̣ г̇ан̣знд̇оби ассаман̣о на ход̇и. лин̇г̇з сауссаахо баарааж̇игам̣ аабаж̇ж̇ид̇ваа бхигкувассаад̣̇ийни г̇ан̣знд̇оби т̇зяяасам̣ваасаго на ход̇ийд̇и.
Ayañca titthiyapakkantako nāma upasampannabhikkhunā kathito, tasmā sāmaṇero saliṅgena titthāyatanaṃ gatopi puna pabbajjañca upasampadañca labhatīti kurundiyaṃ vuttaṃ. Purimo pana theyyasaṃvāsako anupasampannena kathito; tasmā upasampanno kūṭavassaṃ gaṇentopi assamaṇo na hoti. Liṅge saussāho pārājikaṃ āpajjitvā bhikkhuvassādīni gaṇentopi theyyasaṃvāsako na hotīti.
д̇ид̇т̇ияабагганд̇агагат̇аа нидтид̇аа.
Titthiyapakkantakakathā niṭṭhitā.
