| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[117] 7. д̇ид̇д̇ираж̇аад̇агаван̣н̣анаа
[117] 7. Tittirajātakavaṇṇanā
ажжуг̇г̇ад̇аад̇иб̣алад̇аад̇и ид̣̇ам̣ сад̇т̇аа ж̇зд̇аванз вихаранд̇о гогаалигам̣ аараб̣бха гат̇зси. д̇асса вад̇т̇у д̇зрасаганибаад̇з д̇аггаарияаж̇аад̇агз (ж̇аа. 1.13.104 аад̣̇аяо) аави бхависсад̇и. сад̇т̇аа бана ‘‘на, бхигкавз, гогаалиго ид̣̇аанзва ад̇д̇ано ваажам̣ ниссааяа надто, буб̣б̣зби надтоязваа’’д̇и вад̇ваа ад̇ийд̇ам̣ аахари.
Accuggatātibalatāti idaṃ satthā jetavane viharanto kokālikaṃ ārabbha kathesi. Tassa vatthu terasakanipāte takkāriyajātake (jā. 1.13.104 ādayo) āvi bhavissati. Satthā pana ‘‘na, bhikkhave, kokāliko idāneva attano vācaṃ nissāya naṭṭho, pubbepi naṭṭhoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о уд̣̇ижжаб̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа гаамз бахааяа исибаб̣б̣аж̇ж̇ам̣ баб̣б̣аж̇ид̇ваа бан̃жаабхин̃н̃аа адта самаабад̇д̇ияо ниб̣б̣ад̇д̇зси. химаванд̇аббад̣̇зсз саб̣б̣о исиг̇ан̣о саннибад̇ид̇ваа д̇ам̣ оваад̣̇аажарияам̣ гад̇ваа бариваарзси. со бан̃жаннам̣ исисад̇аанам̣ оваад̣̇аажарияо худ̇ваа жхаанагийл̣ам̣ гийл̣анд̇о химаванд̇з васад̇и. д̇ад̣̇аа зго жзд̇т̇а бан̣д̣урог̇ий д̇аабасо гутаарим̣ г̇ахзд̇ваа гадтам̣ паалзд̇и. ат̇зго мукарад̇аабасо д̇асса санд̇игз нисийд̣̇ид̇ваа ‘‘ид̇ха бахаарам̣ д̣̇зхи, ид̇ха бахаарам̣ д̣̇зхий’’д̇и д̇ам̣ д̇аабасам̣ росзси. со гуж̇жхид̇ваа ‘‘на д̣̇аани мз д̇вам̣ д̣̇аарупааланасиббам̣ сигкаабанагаажарияо’’д̇и д̇ин̣хам̣ гутаарим̣ угкибид̇ваа нам̣ згаббахаарзнзва ж̇ийвид̇агкаяам̣ баабзси. б̣од̇хисад̇д̇о д̇асса сарийрагижжам̣ гаарзси. д̇ад̣̇аа ассамад̇о авид̣̇уурз згасмим̣ ваммигабаад̣̇з зго д̇ид̇д̇иро васад̇и. со сааяам̣ баад̇ам̣ д̇асмим̣ ваммигамад̇т̇агз тад̇ваа махаавассид̇ам̣ вассад̇и. д̇ам̣ суд̇ваа зго луд̣̇д̣̇аго ‘‘д̇ид̇д̇ирзна бхавид̇аб̣б̣а’’нд̇и жинд̇зд̇ваа сад̣̇д̣̇асан̃н̃ааяа д̇ад̇т̇а г̇анд̇ваа д̇ам̣ вад̇хид̇ваа аад̣̇ааяа г̇ад̇о.
Atīte bārāṇasiyaṃ brahmadatte rajjaṃ kārente bodhisatto udiccabrāhmaṇakule nibbattitvā vayappatto takkasilāyaṃ sabbasippāni uggaṇhitvā kāme pahāya isipabbajjaṃ pabbajitvā pañcābhiññā aṭṭha samāpattiyo nibbattesi. Himavantappadese sabbo isigaṇo sannipatitvā taṃ ovādācariyaṃ katvā parivāresi. So pañcannaṃ isisatānaṃ ovādācariyo hutvā jhānakīḷaṃ kīḷanto himavante vasati. Tadā eko cettha paṇḍurogī tāpaso kuṭhāriṃ gahetvā kaṭṭhaṃ phāleti. Atheko mukharatāpaso tassa santike nisīditvā ‘‘idha pahāraṃ dehi, idha pahāraṃ dehī’’ti taṃ tāpasaṃ rosesi. So kujjhitvā ‘‘na dāni me tvaṃ dāruphālanasippaṃ sikkhāpanakācariyo’’ti tiṇhaṃ kuṭhāriṃ ukkhipitvā naṃ ekappahāreneva jīvitakkhayaṃ pāpesi. Bodhisatto tassa sarīrakiccaṃ kāresi. Tadā assamato avidūre ekasmiṃ vammikapāde eko tittiro vasati. So sāyaṃ pātaṃ tasmiṃ vammikamatthake ṭhatvā mahāvassitaṃ vassati. Taṃ sutvā eko luddako ‘‘tittirena bhavitabba’’nti cintetvā saddasaññāya tattha gantvā taṃ vadhitvā ādāya gato.
б̣од̇хисад̇д̇о д̇асса сад̣̇д̣̇ам̣ асун̣анд̇о ‘‘асугадтаанз д̇ид̇д̇иро васад̇и, гим̣ ну ко д̇асса сад̣̇д̣̇о на сууяад̇ий’’д̇и д̇аабасз бужчи. д̇з д̇асса д̇амад̇т̇ам̣ аарожзсум̣. со убхоби д̇аани гааран̣аани сам̣санд̣̇зд̇ваа исиг̇ан̣амаж̇жхз имам̣ г̇аат̇амааха –
Bodhisatto tassa saddaṃ asuṇanto ‘‘asukaṭṭhāne tittiro vasati, kiṃ nu kho tassa saddo na sūyatī’’ti tāpase pucchi. Te tassa tamatthaṃ ārocesuṃ. So ubhopi tāni kāraṇāni saṃsandetvā isigaṇamajjhe imaṃ gāthamāha –
117.
117.
‘‘ажжуг̇г̇ад̇аад̇иб̣алад̇аа, ад̇ивзлам̣ бабхаасид̇аа;
‘‘Accuggatātibalatā, ativelaṃ pabhāsitā;
ваажаа ханад̇и д̣̇уммзд̇хам̣, д̇ид̇д̇ирам̣ ваад̇ивассид̇а’’нд̇и.
Vācā hanati dummedhaṃ, tittiraṃ vātivassita’’nti.
д̇ад̇т̇а ажжуг̇г̇ад̇аад̇и ад̇иуг̇г̇ад̇аа. ад̇иб̣алад̇аад̇и бунаббунам̣ бхаасанзна ад̇иб̣аласабхааваа. ад̇ивзлам̣ бабхаасид̇аад̇и ад̇игганд̇авзлаа бамаан̣аад̇иггамзна бхаасид̇аа. д̇ид̇д̇ирам̣ ваад̇ивассид̇анд̇и яат̇аа д̇ид̇д̇ирам̣ ад̇ивассид̇ам̣ ханад̇и, д̇ат̇аа зваруубаа ваажаа д̣̇уммзд̇хам̣ б̣аалабуг̇г̇алам̣ ханад̇ийд̇и.
Tattha accuggatāti atiuggatā. Atibalatāti punappunaṃ bhāsanena atibalasabhāvā. Ativelaṃ pabhāsitāti atikkantavelā pamāṇātikkamena bhāsitā. Tittiraṃ vātivassitanti yathā tittiraṃ ativassitaṃ hanati, tathā evarūpā vācā dummedhaṃ bālapuggalaṃ hanatīti.
звам̣ б̣од̇хисад̇д̇о исиг̇ан̣асса оваад̣̇ам̣ д̣̇ад̇ваа жад̇д̇ааро б̣рахмавихаарз бхаавзд̇ваа б̣рахмалогабарааяан̣о ахоси.
Evaṃ bodhisatto isigaṇassa ovādaṃ datvā cattāro brahmavihāre bhāvetvā brahmalokaparāyaṇo ahosi.
сад̇т̇аа ‘‘на, бхигкавз, гогаалиго ид̣̇аанзва ад̇д̇ано важанам̣ ниссааяа надто, буб̣б̣зби надтоязваа’’д̇и вад̇ваа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа мукарад̇аабасо гогаалиго ахоси, исиг̇ан̣о б̣уд̣̇д̇хабарисаа, г̇ан̣асад̇т̇аа бана ахамзва ахоси’’нд̇и.
Satthā ‘‘na, bhikkhave, kokāliko idāneva attano vacanaṃ nissāya naṭṭho, pubbepi naṭṭhoyevā’’ti vatvā imaṃ dhammadesanaṃ āharitvā jātakaṃ samodhānesi – ‘‘tadā mukharatāpaso kokāliko ahosi, isigaṇo buddhaparisā, gaṇasatthā pana ahameva ahosi’’nti.
д̇ид̇д̇ираж̇аад̇агаван̣н̣анаа сад̇д̇амаа.
Tittirajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 117. д̇ид̇д̇ираж̇аад̇агам̣ • 117. Tittirajātakaṃ
