| Library / Tipiṭaka / திபிடக • Tipiṭaka / ஸுத்தனிபாத-அட்ட²கதா² • Suttanipāta-aṭṭhakathā |
9. தோதெ³ய்யஸுத்தவண்ணனா
9. Todeyyasuttavaṇṇanā
1095. யஸ்மிங் காமாதி தோதெ³ய்யஸுத்தங். தத்த² விமொக்கோ² தஸ்ஸ கீதி³ஸோதி தஸ்ஸ கீதி³ஸோ விமொக்கோ² இச்சி²தப்³போ³தி புச்ச²தி . இதா³னி தஸ்ஸ அஞ்ஞவிமொக்கா²பா⁴வங் த³ஸ்ஸெந்தோ ப⁴க³வா து³தியங் கா³த²மாஹ. தத்த² விமொக்கோ² தஸ்ஸ நாபரோதி தஸ்ஸ அஞ்ஞோ விமொக்கோ² நத்தி².
1095.Yasmiṃkāmāti todeyyasuttaṃ. Tattha vimokkho tassa kīdisoti tassa kīdiso vimokkho icchitabboti pucchati . Idāni tassa aññavimokkhābhāvaṃ dassento bhagavā dutiyaṃ gāthamāha. Tattha vimokkho tassa nāparoti tassa añño vimokkho natthi.
1097-8. ஏவங் ‘‘தண்ஹக்க²யோ ஏவ விமொக்கோ²’’தி வுத்தேபி தமத்த²ங் அஸல்லக்கெ²ந்தோ ‘‘நிராஸஸோ ஸோ உத³ ஆஸஸானோ’’தி புன புச்ச²தி. தத்த² உத³ பஞ்ஞகப்பீதி உதா³ஹு ஸமாபத்திஞாணாதி³னா ஞாணேன தண்ஹாகப்பங் வா தி³ட்டி²கப்பங் வா கப்பயதி. அத²ஸ்ஸ ப⁴க³வா தங் ஆசிக்க²ந்தோ து³தியங் கா³த²மாஹ. தத்த² காமப⁴வேதி காமே ச ப⁴வே ச. ஸேஸங் ஸப்³ப³த்த² பாகடமேவ.
1097-8. Evaṃ ‘‘taṇhakkhayo eva vimokkho’’ti vuttepi tamatthaṃ asallakkhento ‘‘nirāsaso so uda āsasāno’’ti puna pucchati. Tattha uda paññakappīti udāhu samāpattiñāṇādinā ñāṇena taṇhākappaṃ vā diṭṭhikappaṃ vā kappayati. Athassa bhagavā taṃ ācikkhanto dutiyaṃ gāthamāha. Tattha kāmabhaveti kāme ca bhave ca. Sesaṃ sabbattha pākaṭameva.
ஏவங் ப⁴க³வா இமம்பி ஸுத்தங் அரஹத்தனிகூடேனேவ தே³ஸேஸி. தே³ஸனாபரியோஸானே ச புப்³ப³ஸதி³ஸோ ஏவ த⁴ம்மாபி⁴ஸமயோ அஹோஸீதி.
Evaṃ bhagavā imampi suttaṃ arahattanikūṭeneva desesi. Desanāpariyosāne ca pubbasadiso eva dhammābhisamayo ahosīti.
பரமத்த²ஜோதிகாய கு²த்³த³க-அட்ட²கதா²ய
Paramatthajotikāya khuddaka-aṭṭhakathāya
ஸுத்தனிபாத-அட்ட²கதா²ய தோதெ³ய்யஸுத்தவண்ணனா நிட்டி²தா.
Suttanipāta-aṭṭhakathāya todeyyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / ஸுத்தனிபாதபாளி • Suttanipātapāḷi / 9. தோதெ³ய்யமாணவபுச்சா² • 9. Todeyyamāṇavapucchā
