| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೪. ತುಲಾಕೂಟಸುತ್ತವಣ್ಣನಾ
4. Tulākūṭasuttavaṇṇanā
೧೧೬೪. ರೂಪಕೂಟಂ ಸರೂಪೇನ ಸದಿಸೇನ ಛಲವೋಹಾರೋ। ಅಙ್ಗಕೂಟಂ ಅತ್ತನೋ ಹತ್ಥಾದಿನಾ ಅಙ್ಗಾನಂ ಛಲಕರಣಂ । ಗಹಣಕೂಟಂ ಮಾನೇಸು ಗಹಣವಸೇನ। ಪಟಿಚ್ಛನ್ನಕೂಟಂ ಅಯಚುಣ್ಣಾದಿನಾ ಪಟಿಚ್ಛನ್ನೇನ ಛಲಕರಣಂ। ಮಹತಿಯಾ ತುಲಾಯ। ಪಚ್ಛಾಭಾಗೇತಿ ತುಲಾಯ ಪಚ್ಛಿಮಭಾಗೇ। ಹತ್ಥೇನಾತಿ ಹತ್ಥಪದೇಸೇನ। ಅಕ್ಕಮತೀತಿ ಉಟ್ಠಾತುಂ ಅದೇನ್ತೋ ಗಣ್ಹಾತಿ। ದದನ್ತೋ ಪುಬ್ಬಭಾಗೇತಿ ಪರೇಸಂ ದದನ್ತೋ ಪುಬ್ಬಭಾಗೇ ಹತ್ಥೇನ ತುಲಂ ಅಕ್ಕಮತಿ। ತನ್ತಿ ಅಯಚುಣ್ಣಂ।
1164.Rūpakūṭaṃ sarūpena sadisena chalavohāro. Aṅgakūṭaṃ attano hatthādinā aṅgānaṃ chalakaraṇaṃ . Gahaṇakūṭaṃ mānesu gahaṇavasena. Paṭicchannakūṭaṃ ayacuṇṇādinā paṭicchannena chalakaraṇaṃ. Mahatiyā tulāya. Pacchābhāgeti tulāya pacchimabhāge. Hatthenāti hatthapadesena. Akkamatīti uṭṭhātuṃ adento gaṇhāti. Dadanto pubbabhāgeti paresaṃ dadanto pubbabhāge hatthena tulaṃ akkamati. Tanti ayacuṇṇaṃ.
ಲೋಹಪಾತಿಯೋತಿ ತಮ್ಬಲೋಹಪಾತಿಯೋ। ಸುವಣ್ಣವಣ್ಣಾ ಕರೋನ್ತೀತಿ ಅಸನಿಖಾದಸುವಣ್ಣಕನಕಲಿಮ್ಪಿತಾ ಸುವಣ್ಣವಣ್ಣಾ ಕರೋನ್ತಿ। ಮಾನಭಾಜನಸ್ಸ ಹದಯಭೂತಸ್ಸ ಅಬ್ಭನ್ತರಸ್ಸ ಭಿನ್ನಂ ಹದಯಭೇದೋ। ನಿಮಿಯಮಾನಸ್ಸ ತಿಲತಣ್ಡುಲಾದಿಕಸ್ಸ ಸಿಖಾಯ ಅಗ್ಗಕೋಟಿಯಾ ಭಿನ್ನಂ ಸಿಖಾಭೇದೋ। ಖೇತ್ತಾದೀನಂ ಮಿನನರಜ್ಜುಯಾ ಅಞ್ಞಥಾಕರಣಂ ರಜ್ಜುಭೇದೋ। ರಜ್ಜುಗಹಣೇನೇವ ಚೇತ್ಥ ದಣ್ಡಕಸ್ಸ ಗಹಣಂ ಕತಮೇವಾತಿ ದಟ್ಠಬ್ಬಂ।
Lohapātiyoti tambalohapātiyo. Suvaṇṇavaṇṇā karontīti asanikhādasuvaṇṇakanakalimpitā suvaṇṇavaṇṇā karonti. Mānabhājanassa hadayabhūtassa abbhantarassa bhinnaṃ hadayabhedo. Nimiyamānassa tilataṇḍulādikassa sikhāya aggakoṭiyā bhinnaṃ sikhābhedo. Khettādīnaṃ minanarajjuyā aññathākaraṇaṃ rajjubhedo. Rajjugahaṇeneva cettha daṇḍakassa gahaṇaṃ katamevāti daṭṭhabbaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೪. ತುಲಾಕೂಟಸುತ್ತಂ • 4. Tulākūṭasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೪. ತುಲಾಕೂಟಸುತ್ತವಣ್ಣನಾ • 4. Tulākūṭasuttavaṇṇanā
