| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੬. ਤੂਲੋਨਦ੍ਧਸਿਕ੍ਖਾਪਦવਣ੍ਣਨਾ
6. Tūlonaddhasikkhāpadavaṇṇanā
੫੨੬. ਛਟ੍ਠੇ ਤੂਲਂ ਪਕ੍ਖਿਪਿਤ੍વਾਤਿ ਹੇਟ੍ਠਾ ਚਿਮਿਲਿਕਂ ਪਤ੍ਥਰਿਤ੍વਾ ਤਸ੍ਸ ਉਪਰਿ ਤੂਲਂ ਪਕ੍ਖਿਪਿਤ੍વਾਤਿ ਅਤ੍ਥੋ। ਪੋਟਕਿਤੂਲਨ੍ਤਿ ਏਰਕਤੂਲਾਦਿ ਯਂਕਿਞ੍ਚਿ ਤਿਣਜਾਤੀਨਂ ਤੂਲਂ। ਸੇਸਮੇਤ੍ਥ ਉਤ੍ਤਾਨਮੇવ। ਤੂਲੋਨਦ੍ਧਮਞ੍ਚਪੀਠਤਾ, ਅਤ੍ਤਨੋ ਅਤ੍ਥਾਯ ਕਰਣਂ વਾ ਕਾਰਾਪੇਤ੍વਾ વਾ ਪਟਿਲਾਭੋਤਿ ਇਮਾਨਿ ਪਨੇਤ੍ਥ ਦ੍વੇ ਅਙ੍ਗਾਨਿ। ਅਤ੍ਤਨਾ ਕਾਰਾਪਿਤਸ੍ਸ ਹਿ ਪਟਿਲਾਭਮਤ੍ਤੇਨੇવ ਪਾਚਿਤ੍ਤਿਯਂ। ਤੇਨੇવ ਪਦਭਾਜਨੇ ‘‘ਪਟਿਲਾਭੇਨ ਉਦ੍ਦਾਲੇਤ੍વਾ ਪਾਚਿਤ੍ਤਿਯਂ ਦੇਸੇਤਬ੍ਬ’’ਨ੍ਤਿ વੁਤ੍ਤਂ। ਕੇਨਚਿ ਪਨ ‘‘ਪਟਿਲਾਭੇਨ ਉਦ੍ਦਾਲੇਤ੍વਾ ਪਾਚਿਤ੍ਤਿਯਂ ਦੇਸੇਤਬ੍ਬਨ੍ਤਿ ਏਤ੍ਥ ਕਿਞ੍ਚਾਪਿ ਪਟਿਲਾਭਮਤ੍ਤੇਨੇવ ਪਾਚਿਤ੍ਤਿਯਂ વਿਯ ਦਿਸ੍ਸਤਿ, ਪਰਿਭੋਗੇਯੇવ ਆਪਤ੍ਤਿ ਦਟ੍ਠਬ੍ਬਾ। ‘ਅਞ੍ਞੇਨ ਕਤਂ ਪਟਿਲਭਿਤ੍વਾ ਪਰਿਭੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸਾ’ਤਿ વਚਨਂ ਏਤ੍ਥ ਸਾਧਕ’’ਨ੍ਤਿ વੁਤ੍ਤਂ, ਤਂ ਤਸ੍ਸ ਮਤਿਮਤ੍ਤਂ। ਨ ਹਿ ‘‘ਅਞ੍ਞੇਨ ਕਤਂ ਪਟਿਲਭਿਤ੍વਾ ਪਰਿਭੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ ਇਦਂ ਅਤ੍ਤਨਾ ਕਾਰਾਪਿਤਂ ਸਨ੍ਧਾਯ વੁਤ੍ਤਂ, ਕਰਣਕਾਰਾਪਨਪਚ੍ਚਯਾ ਚ ਇਮਿਨਾ ਸਿਕ੍ਖਾਪਦੇਨ ਪਾਚਿਤ੍ਤਿਯਂ વੁਤ੍ਤਂ, ਨ ਪਰਿਭੋਗਪਚ੍ਚਯਾ। ‘‘ਨ, ਭਿਕ੍ਖવੇ, ਤੂਲੋਨਦ੍ਧਂ ਮਞ੍ਚਂ વਾ ਪੀਠਂ વਾ ਪਰਿਭੁਞ੍ਜਿਤਬ੍ਬਂ, ਯੋ ਪਰਿਭੁਞ੍ਜੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ ਹਿ ਖਨ੍ਧਕੇ વੁਤ੍ਤਤ੍ਤਾ ਅਤ੍ਤਨਾ વਾ ਕਤਂ ਹੋਤੁ ਅਞ੍ਞੇਨ વਾ, ਪਰਿਭੁਞ੍ਜਨ੍ਤਸ੍ਸ ਪਰਿਭੋਗਪਚ੍ਚਯਾ ਦੁਕ੍ਕਟਮੇવ, ਨ ਪਾਚਿਤ੍ਤਿਯਂ।
526. Chaṭṭhe tūlaṃ pakkhipitvāti heṭṭhā cimilikaṃ pattharitvā tassa upari tūlaṃ pakkhipitvāti attho. Poṭakitūlanti erakatūlādi yaṃkiñci tiṇajātīnaṃ tūlaṃ. Sesamettha uttānameva. Tūlonaddhamañcapīṭhatā, attano atthāya karaṇaṃ vā kārāpetvā vā paṭilābhoti imāni panettha dve aṅgāni. Attanā kārāpitassa hi paṭilābhamatteneva pācittiyaṃ. Teneva padabhājane ‘‘paṭilābhena uddāletvā pācittiyaṃ desetabba’’nti vuttaṃ. Kenaci pana ‘‘paṭilābhena uddāletvā pācittiyaṃ desetabbanti ettha kiñcāpi paṭilābhamatteneva pācittiyaṃ viya dissati, paribhogeyeva āpatti daṭṭhabbā. ‘Aññena kataṃ paṭilabhitvā paribhuñjati, āpatti dukkaṭassā’ti vacanaṃ ettha sādhaka’’nti vuttaṃ, taṃ tassa matimattaṃ. Na hi ‘‘aññena kataṃ paṭilabhitvā paribhuñjati, āpatti dukkaṭassā’’ti idaṃ attanā kārāpitaṃ sandhāya vuttaṃ, karaṇakārāpanapaccayā ca iminā sikkhāpadena pācittiyaṃ vuttaṃ, na paribhogapaccayā. ‘‘Na, bhikkhave, tūlonaddhaṃ mañcaṃ vā pīṭhaṃ vā paribhuñjitabbaṃ, yo paribhuñjeyya, āpatti dukkaṭassā’’ti hi khandhake vuttattā attanā vā kataṃ hotu aññena vā, paribhuñjantassa paribhogapaccayā dukkaṭameva, na pācittiyaṃ.
ਤੂਲੋਨਦ੍ਧਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Tūlonaddhasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੯. ਰਤਨવਗ੍ਗੋ • 9. Ratanavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੬. ਤੂਲੋਨਦ੍ਧਸਿਕ੍ਖਾਪਦવਣ੍ਣਨਾ • 6. Tūlonaddhasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਤੂਲੋਨਦ੍ਧਸਿਕ੍ਖਾਪਦવਣ੍ਣਨਾ • 6. Tūlonaddhasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੬. ਤੂਲੋਨਦ੍ਧਸਿਕ੍ਖਾਪਦਂ • 6. Tūlonaddhasikkhāpadaṃ
