| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[388] 3. д̇ун̣д̣илаж̇аад̇агаван̣н̣анаа
[388] 3. Tuṇḍilajātakavaṇṇanā
навачаннагзд̇и ид̣̇ам̣ сад̇т̇аа ж̇зд̇аванз вихаранд̇о згам̣ маран̣абхийругам̣ бхигкум̣ аараб̣бха гат̇зси. со гира саавад̇т̇иваасий гулабуд̇д̇о б̣уд̣̇д̇хасаасанз баб̣б̣аж̇ид̇ваа маран̣абхийруго ахоси, аббамад̇д̇агамби саакаажаланам̣ д̣̇ан̣д̣агабад̇анам̣ сагун̣ажад̇уббад̣̇асад̣̇д̣̇ам̣ ваа ан̃н̃ам̣ ваа д̇ат̇ааруубам̣ суд̇ваа маран̣абхаяад̇аж̇ж̇ид̇о худ̇ваа гужчияам̣ вид̣̇д̇хасасо вияа гамбанд̇о вижари. бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, асуго гира бхигку маран̣абхийруго аббамад̇д̇агамби сад̣̇д̣̇ам̣ суд̇ваа вигамбамаано балааяад̇и, имзсан̃жа сад̇д̇аанам̣ маран̣амзва д̇хувам̣, ж̇ийвид̇ам̣ ад̣̇д̇хувам̣, нану д̇ад̣̇зва яонисо манаси гаад̇аб̣б̣а’’нд̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з д̇ам̣ бхигкум̣ баггосаабзд̇ваа ‘‘сажжам̣ гира д̇вам̣ бхигку маран̣абхийруго’’д̇и вад̇ваа ‘‘аама, бханд̇з’’д̇и д̇зна бадин̃н̃аад̇о ‘‘на, бхигкавз, ид̣̇аанзва, буб̣б̣збзса маран̣абхийругоязваа’’д̇и вад̇ваа ад̇ийд̇ам̣ аахари.
Navachannaketi idaṃ satthā jetavane viharanto ekaṃ maraṇabhīrukaṃ bhikkhuṃ ārabbha kathesi. So kira sāvatthivāsī kulaputto buddhasāsane pabbajitvā maraṇabhīruko ahosi, appamattakampi sākhācalanaṃ daṇḍakapatanaṃ sakuṇacatuppadasaddaṃ vā aññaṃ vā tathārūpaṃ sutvā maraṇabhayatajjito hutvā kucchiyaṃ viddhasaso viya kampanto vicari. Bhikkhū dhammasabhāyaṃ kathaṃ samuṭṭhāpesuṃ ‘‘āvuso, asuko kira bhikkhu maraṇabhīruko appamattakampi saddaṃ sutvā vikampamāno palāyati, imesañca sattānaṃ maraṇameva dhuvaṃ, jīvitaṃ addhuvaṃ, nanu tadeva yoniso manasi kātabba’’nti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte taṃ bhikkhuṃ pakkosāpetvā ‘‘saccaṃ kira tvaṃ bhikkhu maraṇabhīruko’’ti vatvā ‘‘āma, bhante’’ti tena paṭiññāto ‘‘na, bhikkhave, idāneva, pubbepesa maraṇabhīrukoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о суугарияаа гужчимхи бадисанд̇хим̣ г̇ан̣хи. суугарий барин̣ад̇аг̇аб̣бхаа д̣̇вз буд̇д̇з виж̇ааяи. саа згад̣̇ивасам̣ д̇з г̇ахзд̇ваа згасмим̣ ааваадз нибаж̇ж̇и. ат̇згаа б̣аараан̣асид̣̇ваараг̇аамаваасиний махаллигаа габбаасакзд̇д̇ад̇о бажчибун̣н̣ам̣ габбаасам̣ аад̣̇ааяа яадтияаа бхуумим̣ аагодзнд̇ий ааг̇ажчи. суугарий д̇ам̣ сад̣̇д̣̇ам̣ суд̇ваа маран̣абхаязна буд̇д̇агз чад̣д̣зд̇ваа балааяи. махаллигаа суугарабод̇агз д̣̇исваа буд̇д̇асан̃н̃ам̣ бадилабхид̇ваа бажчияам̣ багкибид̇ваа гхарам̣ нзд̇ваа ж̇здтагасса махаад̇ун̣д̣ило, ганидтасса жуул̣ад̇ун̣д̣илод̇и наамам̣ гарид̇ваа д̇з буд̇д̇агз вияа босзси. д̇з абарабхааг̇з вад̣дхид̇ваа т̇ууласарийраа ахзсум̣. махаллигаа ‘‘имз но муулзна д̣̇зхий’’д̇и вужжамаанааби ‘‘буд̇д̇аа мз’’д̇и вад̇ваа гассажи на д̣̇зд̇и. ат̇згасмим̣ чан̣агаалз д̇худ̇д̇аа сурам̣ биванд̇аа мам̣сз кийн̣з ‘‘гуд̇о ну ко мам̣сам̣ лабхиссаамаа’’д̇и виймам̣санд̇аа махаллигааяа г̇зхз суугараанам̣ ад̇т̇ибхаавам̣ н̃ад̇ваа муулам̣ г̇ахзд̇ваа д̇ад̇т̇а г̇анд̇ваа ‘‘амма, муулам̣ г̇ахзд̇ваа згам̣ но суугарам̣ д̣̇зхий’’д̇и аахам̣су. саа ‘‘алам̣, д̇аад̇аа, буд̇д̇аа мз зд̇з, буд̇д̇ам̣ наама мам̣сам̣ каад̣̇анад̇т̇ааяа гин̣анд̇аанам̣ д̣̇ад̣̇анд̇аа наама над̇т̇ий’’д̇и бадигкиби. д̇худ̇д̇аа ‘‘амма, мануссаанам̣ суугараа наама буд̇д̇аа на хонд̇и, д̣̇зхи но’’д̇и бунаббунам̣ яаажанд̇ааби алабхид̇ваа махаллигам̣ сурам̣ бааязд̇ваа мад̇д̇агаалз ‘‘амма, суугарзхи гим̣ гариссаси, муулам̣ г̇ахзд̇ваа бариб̣б̣аяам̣ гарохий’’д̇и д̇ассаа хад̇т̇з гахаабан̣з табаяим̣су.
Atīte bārāṇasiyaṃ brahmadatte rajjaṃ kārente bodhisatto sūkariyā kucchimhi paṭisandhiṃ gaṇhi. Sūkarī pariṇatagabbhā dve putte vijāyi. Sā ekadivasaṃ te gahetvā ekasmiṃ āvāṭe nipajji. Athekā bārāṇasidvāragāmavāsinī mahallikā kappāsakhettato pacchipuṇṇaṃ kappāsaṃ ādāya yaṭṭhiyā bhūmiṃ ākoṭentī āgacchi. Sūkarī taṃ saddaṃ sutvā maraṇabhayena puttake chaḍḍetvā palāyi. Mahallikā sūkarapotake disvā puttasaññaṃ paṭilabhitvā pacchiyaṃ pakkhipitvā gharaṃ netvā jeṭṭhakassa mahātuṇḍilo, kaniṭṭhassa cūḷatuṇḍiloti nāmaṃ karitvā te puttake viya posesi. Te aparabhāge vaḍḍhitvā thūlasarīrā ahesuṃ. Mahallikā ‘‘ime no mūlena dehī’’ti vuccamānāpi ‘‘puttā me’’ti vatvā kassaci na deti. Athekasmiṃ chaṇakāle dhuttā suraṃ pivantā maṃse khīṇe ‘‘kuto nu kho maṃsaṃ labhissāmā’’ti vīmaṃsantā mahallikāya gehe sūkarānaṃ atthibhāvaṃ ñatvā mūlaṃ gahetvā tattha gantvā ‘‘amma, mūlaṃ gahetvā ekaṃ no sūkaraṃ dehī’’ti āhaṃsu. Sā ‘‘alaṃ, tātā, puttā me ete, puttaṃ nāma maṃsaṃ khādanatthāya kiṇantānaṃ dadantā nāma natthī’’ti paṭikkhipi. Dhuttā ‘‘amma, manussānaṃ sūkarā nāma puttā na honti, dehi no’’ti punappunaṃ yācantāpi alabhitvā mahallikaṃ suraṃ pāyetvā mattakāle ‘‘amma, sūkarehi kiṃ karissasi, mūlaṃ gahetvā paribbayaṃ karohī’’ti tassā hatthe kahāpaṇe ṭhapayiṃsu.
саа гахаабан̣з г̇ахзд̇ваа ‘‘д̇аад̇аа, махаад̇ун̣д̣илам̣ д̣̇аад̇ум̣ на саггоми. жуул̣ад̇ун̣д̣илам̣ бана г̇ан̣хат̇аа’’д̇и ааха. ‘‘гахам̣ со’’д̇и? ‘‘аяам̣ зд̇асмим̣ г̇ажчзд̇и, сад̣̇д̣̇амасса д̣̇зхий’’д̇и. ‘‘аахаарам̣ на бассаамий’’д̇и. д̇худ̇д̇аа муулзна згам̣ бхад̇д̇абаад̇им̣ аахараабзсум̣. махаллигаа д̇ам̣ г̇ахзд̇ваа д̣̇ваарз табид̇ам̣ суугарад̣̇он̣им̣ буурзд̇ваа д̣̇он̣исамийбз адтааси. д̇им̣самад̇д̇ааби д̇худ̇д̇аа баасахад̇т̇аа д̇ад̇т̇зва адтам̣су. махаллигаа ‘‘д̇аад̇а, жуул̣ад̇ун̣д̣ила, зхий’’д̇и д̇асса сад̣̇д̣̇амагааси. д̇ам̣ суд̇ваа махаад̇ун̣д̣ило ‘‘зд̇д̇агам̣ гаалам̣ мама маад̇араа жуул̣ад̇ун̣д̣иласса сад̣̇д̣̇о на д̣̇иннабуб̣б̣о, мам̣язва батамам̣ сад̣̇д̣̇ааяад̇и, авассам̣ аж̇ж̇а амхаагам̣ бхаяам̣ уббаннам̣ бхависсад̇ий’’д̇и ан̃н̃ааси. со ганидтам̣ ааманд̇зси ‘‘д̇аад̇а, мама маад̇аа д̇ам̣ баггосад̇и, г̇ажча д̇аава ж̇аанаахий’’д̇и. со г̇ажчаа нигкамид̇ваа бхад̇д̇ад̣̇он̣исамийбз д̇зсам̣ тид̇абхаавам̣ д̣̇исваа ‘‘аж̇ж̇а мз маран̣ам̣ уббанна’’нд̇и маран̣абхаяад̇аж̇ж̇ид̇о нивад̇д̇ид̇ваа гамбамаано бхаад̇у санд̇игам̣ ааг̇анд̇ваа т̇амбхид̇ум̣ наасагки, гамбамаано бариб̣бхами. махаад̇ун̣д̣ило д̇ам̣ д̣̇исваа ‘‘д̇аад̇а, д̇вам̣ аж̇ж̇а бана бавзд̇хаси бариб̣бхамаси, бависанадтаанам̣ ологзси, гим̣ наамзд̇ам̣ гаросий’’д̇и бужчи. со ад̇д̇анаа д̣̇идтагааран̣ам̣ гат̇знд̇о батамам̣ г̇аат̇амааха –
Sā kahāpaṇe gahetvā ‘‘tātā, mahātuṇḍilaṃ dātuṃ na sakkomi. Cūḷatuṇḍilaṃ pana gaṇhathā’’ti āha. ‘‘Kahaṃ so’’ti? ‘‘Ayaṃ etasmiṃ gaccheti, saddamassa dehī’’ti. ‘‘Āhāraṃ na passāmī’’ti. Dhuttā mūlena ekaṃ bhattapātiṃ āharāpesuṃ. Mahallikā taṃ gahetvā dvāre ṭhapitaṃ sūkaradoṇiṃ pūretvā doṇisamīpe aṭṭhāsi. Tiṃsamattāpi dhuttā pāsahatthā tattheva aṭṭhaṃsu. Mahallikā ‘‘tāta, cūḷatuṇḍila, ehī’’ti tassa saddamakāsi. Taṃ sutvā mahātuṇḍilo ‘‘ettakaṃ kālaṃ mama mātarā cūḷatuṇḍilassa saddo na dinnapubbo, maṃyeva paṭhamaṃ saddāyati, avassaṃ ajja amhākaṃ bhayaṃ uppannaṃ bhavissatī’’ti aññāsi. So kaniṭṭhaṃ āmantesi ‘‘tāta, mama mātā taṃ pakkosati, gaccha tāva jānāhī’’ti. So gacchā nikkhamitvā bhattadoṇisamīpe tesaṃ ṭhitabhāvaṃ disvā ‘‘ajja me maraṇaṃ uppanna’’nti maraṇabhayatajjito nivattitvā kampamāno bhātu santikaṃ āgantvā thambhituṃ nāsakkhi, kampamāno paribbhami. Mahātuṇḍilo taṃ disvā ‘‘tāta, tvaṃ ajja pana pavedhasi paribbhamasi, pavisanaṭṭhānaṃ olokesi, kiṃ nāmetaṃ karosī’’ti pucchi. So attanā diṭṭhakāraṇaṃ kathento paṭhamaṃ gāthamāha –
88.
88.
‘‘навачаннагзд̣̇аани д̣̇ияяад̇и, бун̣н̣ааяам̣ д̣̇он̣и сувааминий тид̇аа;
‘‘Navachannakedāni diyyati, puṇṇāyaṃ doṇi suvāminī ṭhitā;
б̣ахугз ж̇анз баасабаан̣игз, но жа ко мз бадибхаад̇и бхун̃ж̇ид̇у’’нд̇и.
Bahuke jane pāsapāṇike, no ca kho me paṭibhāti bhuñjitu’’nti.
д̇ад̇т̇а навачаннагзд̣̇аани д̣̇ияяад̇ийд̇и бхаад̇ига, буб̣б̣з амхаагам̣ гун̣д̣агаяааг̇у ваа жхаамабхад̇д̇ам̣ ваа д̣̇ияяад̇и, аж̇ж̇а бана навачаннагам̣ наваагаарам̣ д̣̇аанам̣ д̣̇ияяад̇и. бун̣н̣ааяам̣ д̣̇он̣ийд̇и аяам̣ амхаагам̣ бхад̇д̇ад̣̇он̣и суд̣̇д̇хабхад̇д̇асса бун̣н̣аа. сувааминий тид̇аад̇и аяяааби но д̇ассаа санд̇игз тид̇аа. б̣ахугз ж̇анзд̇и на гзвалан̃жа аяяаава, ан̃н̃оби б̣ахуго ж̇ано баасабаан̣иго тид̇о. но жа ко мз бадибхаад̇ийд̇и аяам̣ звам̣ зд̇зсам̣ тид̇абхаавоби ид̣̇ам̣ бхад̇д̇ам̣ бхун̃ж̇ид̇умби маяхам̣ на бадибхаад̇и, на ружжад̇ийд̇и ад̇т̇о.
Tattha navachannakedāni diyyatīti bhātika, pubbe amhākaṃ kuṇḍakayāgu vā jhāmabhattaṃ vā diyyati, ajja pana navachannakaṃ navākāraṃ dānaṃ diyyati. Puṇṇāyaṃ doṇīti ayaṃ amhākaṃ bhattadoṇi suddhabhattassa puṇṇā. Suvāminī ṭhitāti ayyāpi no tassā santike ṭhitā. Bahuke janeti na kevalañca ayyāva, aññopi bahuko jano pāsapāṇiko ṭhito. No ca kho me paṭibhātīti ayaṃ evaṃ etesaṃ ṭhitabhāvopi idaṃ bhattaṃ bhuñjitumpi mayhaṃ na paṭibhāti, na ruccatīti attho.
д̇ам̣ суд̇ваа махаасад̇д̇о ‘‘д̇аад̇а жуул̣ад̇ун̣д̣ила, мама гира маад̇аа зд̇т̇зва суугарз босзнд̇ий наама яад̣̇ад̇т̇ам̣ босзд̇и, сваассаа ад̇т̇о аж̇ж̇а мад̇т̇агам̣ бад̇д̇о, д̇вам̣ маа жинд̇аяий’’д̇и вад̇ваа мад̇хурзна сарзна б̣уд̣̇д̇халийл̣ааяа д̇хаммам̣ д̣̇зсзнд̇о д̣̇вз г̇аат̇аа абхааси –
Taṃ sutvā mahāsatto ‘‘tāta cūḷatuṇḍila, mama kira mātā ettheva sūkare posentī nāma yadatthaṃ poseti, svāssā attho ajja matthakaṃ patto, tvaṃ mā cintayī’’ti vatvā madhurena sarena buddhalīḷāya dhammaṃ desento dve gāthā abhāsi –
89.
89.
‘‘д̇асаси бхамаси лзн̣амижчаси, ад̇д̇аан̣оси гухим̣ г̇амиссаси;
‘‘Tasasi bhamasi leṇamicchasi, attāṇosi kuhiṃ gamissasi;
аббоссугго бхун̃ж̇а д̇ун̣д̣ила, мам̣сад̇т̇ааяа хи босид̇аамхасз.
Appossukko bhuñja tuṇḍila, maṃsatthāya hi positāmhase.
90.
90.
‘‘ог̇аха рахад̣̇ам̣ агад̣̇д̣̇амам̣, саб̣б̣ам̣ сзд̣̇амалам̣ баваахаяа;
‘‘Ogaha rahadaṃ akaddamaṃ, sabbaṃ sedamalaṃ pavāhaya;
г̇ан̣хаахи навам̣ вилзбанам̣, яасса г̇анд̇хо на гад̣̇аажи чиж̇ж̇ад̇ий’’д̇и.
Gaṇhāhi navaṃ vilepanaṃ, yassa gandho na kadāci chijjatī’’ti.
д̇ад̇т̇а д̇асаси бхамасийд̇и маран̣абхаязна уд̇д̇асаси, д̇знзва гиламанд̇о бхамаси. лзн̣амижчасийд̇и бад̇идтам̣ ологзси. ад̇д̇аан̣осийд̇и д̇аад̇а, буб̣б̣з амхаагам̣ маад̇аа бадисаран̣ам̣ ахоси, саа аж̇ж̇а бана нирабзгкаа амхз чад̣д̣зси, ид̣̇аани гухим̣ г̇амиссаси. ог̇ахаад̇и ог̇ааха, аяамзва ваа баато. баваахаяаад̇и баваахзхи, хаарзхийд̇и ад̇т̇о. на чиж̇ж̇ад̇ийд̇и на нассад̇и. ид̣̇ам̣ вуд̇д̇ам̣ ход̇и – д̇аад̇а, сажз маран̣ад̇о д̇асаси, агад̣̇д̣̇амам̣ богкаран̣им̣ од̇арид̇ваа д̇ава сарийрз саб̣б̣ам̣ сзд̣̇ан̃жа малан̃жа баваахзд̇ваа сурабхиг̇анд̇хавилзбанам̣ вилимбаад̇и.
Tattha tasasi bhamasīti maraṇabhayena uttasasi, teneva kilamanto bhamasi. Leṇamicchasīti patiṭṭhaṃ olokesi. Attāṇosīti tāta, pubbe amhākaṃ mātā paṭisaraṇaṃ ahosi, sā ajja pana nirapekkhā amhe chaḍḍesi, idāni kuhiṃ gamissasi. Ogahāti ogāha, ayameva vā pāṭho. Pavāhayāti pavāhehi, hārehīti attho. Na chijjatīti na nassati. Idaṃ vuttaṃ hoti – tāta, sace maraṇato tasasi, akaddamaṃ pokkharaṇiṃ otaritvā tava sarīre sabbaṃ sedañca malañca pavāhetvā surabhigandhavilepanaṃ vilimpāti.
д̇асса д̣̇аса баарамияо ааваж̇ж̇зд̇ваа мзд̇д̇аабаарамим̣ бурзжааригам̣ гад̇ваа батамам̣ бад̣̇ам̣ уд̣̇аахаранд̇ассзва сад̣̇д̣̇о сагалам̣ д̣̇ваад̣̇асаяож̇анигам̣ б̣аараан̣асим̣ аж̇жход̇т̇арид̇ваа г̇ад̇о. суд̇асуд̇агкан̣зязва рааж̇аубарааж̇аад̣̇аяо аад̣̇им̣ гад̇ваа б̣аараан̣асиваасино ааг̇амам̣су. анааг̇ад̇ааби г̇зхз тид̇аава сун̣им̣су. рааж̇абурисаа г̇ажчз чинд̣̇ид̇ваа бхуумим̣ самам̣ гад̇ваа ваалугам̣ огирим̣су. д̇худ̇д̇аанам̣ сураамад̣̇о чиж̇ж̇и. баасз чад̣д̣зд̇ваа д̇хаммам̣ сун̣амаанаа адтам̣су. махаллигааяаби сураамад̣̇о чиж̇ж̇и. махаасад̇д̇о махааж̇анамаж̇жхз жуул̣ад̇ун̣д̣иласса д̇хаммад̣̇зсанам̣ аарабхи. д̇ам̣ суд̇ваа жуул̣ад̇ун̣д̣ило ‘‘маяхам̣ бхаад̇аа звам̣ вад̣̇зд̇и, амхааган̃жа вам̣сз богкаран̣им̣ од̇арид̇ваа нахаанам̣, сарийрад̇о сзд̣̇амалабавааханам̣, бураан̣авилзбанам̣ хаарзд̇ваа нававилзбанаг̇ахан̣ан̃жа гисмин̃жи гаалз над̇т̇и, гим̣ ну ко санд̇хааяа бхаад̇аа мам̣ зва маахаа’’д̇и бужчанд̇о жад̇уд̇т̇ам̣ г̇аат̇амааха –
Tassa dasa pāramiyo āvajjetvā mettāpāramiṃ purecārikaṃ katvā paṭhamaṃ padaṃ udāharantasseva saddo sakalaṃ dvādasayojanikaṃ bārāṇasiṃ ajjhottharitvā gato. Sutasutakkhaṇeyeva rājauparājādayo ādiṃ katvā bārāṇasivāsino āgamaṃsu. Anāgatāpi gehe ṭhitāva suṇiṃsu. Rājapurisā gacche chinditvā bhūmiṃ samaṃ katvā vālukaṃ okiriṃsu. Dhuttānaṃ surāmado chijji. Pāse chaḍḍetvā dhammaṃ suṇamānā aṭṭhaṃsu. Mahallikāyapi surāmado chijji. Mahāsatto mahājanamajjhe cūḷatuṇḍilassa dhammadesanaṃ ārabhi. Taṃ sutvā cūḷatuṇḍilo ‘‘mayhaṃ bhātā evaṃ vadeti, amhākañca vaṃse pokkharaṇiṃ otaritvā nahānaṃ, sarīrato sedamalapavāhanaṃ, purāṇavilepanaṃ hāretvā navavilepanagahaṇañca kismiñci kāle natthi, kiṃ nu kho sandhāya bhātā maṃ eva māhā’’ti pucchanto catutthaṃ gāthamāha –
91.
91.
‘‘гад̇амо рахад̣̇о агад̣̇д̣̇амо, гим̣су сзд̣̇амаланд̇и вужжад̇и;
‘‘Katamo rahado akaddamo, kiṃsu sedamalanti vuccati;
гад̇аман̃жа навам̣ вилзбанам̣, яасса г̇анд̇хо на гад̣̇аажи чиж̇ж̇ад̇ий’’д̇и.
Katamañca navaṃ vilepanaṃ, yassa gandho na kadāci chijjatī’’ti.
д̇ам̣ суд̇ваа махаасад̇д̇о ‘‘д̇зна хи ганидта охид̇асод̇о сун̣аахий’’д̇и б̣уд̣̇д̇халийл̣ааяа д̇хаммам̣ д̣̇зсзнд̇о имаа г̇аат̇аа абхааси –
Taṃ sutvā mahāsatto ‘‘tena hi kaniṭṭha ohitasoto suṇāhī’’ti buddhalīḷāya dhammaṃ desento imā gāthā abhāsi –
92.
92.
‘‘д̇хаммо рахад̣̇о агад̣̇д̣̇амо, баабам̣ сзд̣̇амаланд̇и вужжад̇и;
‘‘Dhammo rahado akaddamo, pāpaṃ sedamalanti vuccati;
сийлан̃жа навам̣ вилзбанам̣, д̇асса г̇анд̇хо на гад̣̇аажи чиж̇ж̇ад̇и.
Sīlañca navaṃ vilepanaṃ, tassa gandho na kadāci chijjati.
93.
93.
‘‘нанд̣̇анд̇и сарийрагхаад̇ино, на жа нанд̣̇анд̇и сарийрад̇хаарино;
‘‘Nandanti sarīraghātino, na ca nandanti sarīradhārino;
бун̣н̣ааяа жа бун̣н̣амаасияаа, рамамаанаава ж̇аханд̇и ж̇ийвид̇а’’нд̇и.
Puṇṇāya ca puṇṇamāsiyā, ramamānāva jahanti jīvita’’nti.
д̇ад̇т̇а д̇хаммод̇и бан̃жасийлаадтасийлад̣̇асасийлаани д̇ийн̣и сужарид̇аани сад̇д̇ад̇им̣саб̣од̇хибагкияад̇хаммаа амад̇амахааниб̣б̣аананд̇и саб̣б̣обзса д̇хаммо наама. агад̣̇д̣̇амод̇и рааг̇ад̣̇осамохамаанад̣̇идтигилзсагад̣̇д̣̇амаанам̣ абхаавзна агад̣̇д̣̇амо. иминаа сзсад̇хаммад̇о винивад̇д̇зд̇ваа ниб̣б̣аанамзва д̣̇ассзд̇и. ‘‘яаавад̇аа, бхигкавз, д̇хаммаа сан̇кад̇аа ваа асан̇кад̇аа ваа, вирааг̇о д̇зсам̣ д̇хаммаанам̣ аг̇г̇амагкааяад̇и, яад̣̇ид̣̇ам̣ мад̣̇аниммад̣̇ано бибаасавинаяо аалаяасамуг̇гхаад̇о ваддубажчзд̣̇о д̇ан̣хагкаяо вирааг̇о нирод̇хо ниб̣б̣аана’’нд̇и (а. ни. 4.34; ид̇иву. 90) хи вуд̇д̇ам̣, д̇ад̣̇зва д̣̇ассзнд̇о, д̇аад̇а жуул̣ад̇ун̣д̣ила, ахам̣ ниб̣б̣аанад̇ал̣аагам̣ ‘‘рахад̣̇о’’д̇и гат̇зми. ж̇аад̇иж̇арааб̣яаад̇химаран̣аад̣̇ийни хи д̇ад̇т̇а над̇т̇и, сажз маран̣ад̇о мун̃жид̇угаамо, ниб̣б̣аанаг̇ааминим̣ бадибад̣̇ам̣ г̇ан̣хаад̇и. убаниссаяабажжаяавасзна гира б̣од̇хисад̇д̇о звам̣ гат̇зси.
Tattha dhammoti pañcasīlaaṭṭhasīladasasīlāni tīṇi sucaritāni sattatiṃsabodhipakkhiyadhammā amatamahānibbānanti sabbopesa dhammo nāma. Akaddamoti rāgadosamohamānadiṭṭhikilesakaddamānaṃ abhāvena akaddamo. Iminā sesadhammato vinivattetvā nibbānameva dasseti. ‘‘Yāvatā, bhikkhave, dhammā saṅkhatā vā asaṅkhatā vā, virāgo tesaṃ dhammānaṃ aggamakkhāyati, yadidaṃ madanimmadano pipāsavinayo ālayasamugghāto vaṭṭupacchedo taṇhakkhayo virāgo nirodho nibbāna’’nti (a. ni. 4.34; itivu. 90) hi vuttaṃ, tadeva dassento, tāta cūḷatuṇḍila, ahaṃ nibbānataḷākaṃ ‘‘rahado’’ti kathemi. Jātijarābyādhimaraṇādīni hi tattha natthi, sace maraṇato muñcitukāmo, nibbānagāminiṃ paṭipadaṃ gaṇhāti. Upanissayapaccayavasena kira bodhisatto evaṃ kathesi.
баабам̣ сзд̣̇амаланд̇и д̇аад̇а жуул̣ад̇ун̣д̣ила, баабам̣ сзд̣̇амаласад̣̇исад̇д̇аа ‘‘сзд̣̇амала’’нд̇и бораан̣агабан̣д̣ид̇зхи гат̇ид̇ам̣. д̇ам̣ банзд̇ам̣ згавид̇хзна баабам̣ яад̣̇ид̣̇ам̣ манобад̣̇осо, д̣̇увид̇хзна баабам̣ баабаган̃жа сийлам̣, баабигаа жа д̣̇идти, д̇ивид̇хзна баабам̣ д̇ийн̣и д̣̇ужжарид̇аани, жад̇уб̣б̣ид̇хзна баабам̣ жад̇д̇аари аг̇ад̇иг̇аманаани, бан̃жавид̇хзна баабам̣ бан̃жа жзд̇окилаа, чаб̣б̣ид̇хзна баабам̣ ча аг̇аараваа, сад̇д̇авид̇хзна баабам̣ сад̇д̇а асад̣̇д̇хаммаа, адтавид̇хзна баабам̣ адта мижчад̇д̇аа, нававид̇хзна баабам̣ нава аагхаад̇авад̇т̇ууни, д̣̇асавид̇хзна баабам̣ д̣̇аса агусалагаммабат̇аа, б̣ахувид̇хзна баабам̣ рааг̇о д̣̇осо моход̇и згагад̣̇угад̇игаад̣̇ивасзна вибхад̇д̇аа агусалаа д̇хаммаа, ид̇и саб̣б̣амбзд̇ам̣ баабам̣ ‘‘сарийраниссид̇асзд̣̇амаласад̣̇иса’’нд̇и бан̣д̣ид̇зхи гат̇ид̇ам̣.
Pāpaṃsedamalanti tāta cūḷatuṇḍila, pāpaṃ sedamalasadisattā ‘‘sedamala’’nti porāṇakapaṇḍitehi kathitaṃ. Taṃ panetaṃ ekavidhena pāpaṃ yadidaṃ manopadoso, duvidhena pāpaṃ pāpakañca sīlaṃ, pāpikā ca diṭṭhi, tividhena pāpaṃ tīṇi duccaritāni, catubbidhena pāpaṃ cattāri agatigamanāni, pañcavidhena pāpaṃ pañca cetokhilā, chabbidhena pāpaṃ cha agāravā, sattavidhena pāpaṃ satta asaddhammā, aṭṭhavidhena pāpaṃ aṭṭha micchattā, navavidhena pāpaṃ nava āghātavatthūni, dasavidhena pāpaṃ dasa akusalakammapathā, bahuvidhena pāpaṃ rāgo doso mohoti ekakadukatikādivasena vibhattā akusalā dhammā, iti sabbampetaṃ pāpaṃ ‘‘sarīranissitasedamalasadisa’’nti paṇḍitehi kathitaṃ.
сийланд̇и бан̃жасийлам̣ д̣̇асасийлам̣ жад̇убаарисуд̣̇д̇хисийлам̣. ‘‘ид̣̇ам̣, д̇аад̇а, сийлам̣ жад̇уж̇ж̇аад̇иг̇анд̇хавилзбанасад̣̇иса’’нд̇и вад̣̇ад̇и. д̇ассаад̇и д̇асса силасса г̇анд̇хо д̇ийсу ваязсу гад̣̇аажи на чиж̇ж̇ад̇и, сагалалогам̣ бад̇т̇арид̇ваа г̇ажчад̇и.
Sīlanti pañcasīlaṃ dasasīlaṃ catupārisuddhisīlaṃ. ‘‘Idaṃ, tāta, sīlaṃ catujjātigandhavilepanasadisa’’nti vadati. Tassāti tassa silassa gandho tīsu vayesu kadāci na chijjati, sakalalokaṃ pattharitvā gacchati.
‘‘на бубпаг̇анд̇хо бадиваад̇амзд̇и, на жанд̣̇анам̣ д̇аг̇г̇арамаллигаа ваа;
‘‘Na pupphagandho paṭivātameti, na candanaṃ taggaramallikā vā;
сад̇ан̃жа г̇анд̇хо бадиваад̇амзд̇и, саб̣б̣аа д̣̇исаа саббурисо бавааяад̇и.
Satañca gandho paṭivātameti, sabbā disā sappuriso pavāyati.
‘‘жанд̣̇анам̣ д̇аг̇арам̣ вааби, уббалам̣ ат̇а вассигий;
‘‘Candanaṃ tagaraṃ vāpi, uppalaṃ atha vassikī;
зд̇зсам̣ г̇анд̇хаж̇аад̇аанам̣, сийлаг̇анд̇хо ануд̇д̇аро.
Etesaṃ gandhajātānaṃ, sīlagandho anuttaro.
‘‘аббамад̇д̇о аяам̣ г̇анд̇хо, явааяам̣ д̇аг̇аражанд̣̇анам̣;
‘‘Appamatto ayaṃ gandho, yvāyaṃ tagaracandanaṃ;
яо жа сийлавад̇ам̣ г̇анд̇хо, ваад̇и д̣̇звзсу уд̇д̇амо’’д̇и. (д̇ха. ба. 54-56);
Yo ca sīlavataṃ gandho, vāti devesu uttamo’’ti. (dha. pa. 54-56);
нанд̣̇анд̇и сарийрагхаад̇инод̇и д̇аад̇а жуул̣ад̇ун̣д̣ила, имз ан̃н̃аан̣амануссаа ‘‘мад̇хурамам̣сам̣ каад̣̇иссаама, буд̇д̇ад̣̇аарамби каад̣̇аабзссаамаа’’д̇и баан̣аад̇ибаад̇ам̣ гаронд̇аа нанд̣̇анд̇и д̇уссанд̇и, баан̣аад̇ибаад̇о аасзвид̇о бхаавид̇о б̣ахулийгад̇о нираяасам̣вад̇д̇аниго ход̇и, д̇иражчаанаяони…бз… бзд̇д̇ивисаяасам̣вад̇д̇аниго ход̇и, яо саб̣б̣алахуго баан̣аад̇ибаад̇асса вибааго, со мануссабхууд̇асса аббааяугасам̣вад̇д̇аниго ход̇ийд̇и имам̣ баан̣аад̇ибаад̇з аад̣̇ийнавам̣ на ж̇аананд̇и. аж̇аананд̇аа –
Nandanti sarīraghātinoti tāta cūḷatuṇḍila, ime aññāṇamanussā ‘‘madhuramaṃsaṃ khādissāma, puttadārampi khādāpessāmā’’ti pāṇātipātaṃ karontā nandanti tussanti, pāṇātipāto āsevito bhāvito bahulīkato nirayasaṃvattaniko hoti, tiracchānayoni…pe… pettivisayasaṃvattaniko hoti, yo sabbalahuko pāṇātipātassa vipāko, so manussabhūtassa appāyukasaṃvattaniko hotīti imaṃ pāṇātipāte ādīnavaṃ na jānanti. Ajānantā –
‘‘мад̇хуваа ман̃н̃ад̇и б̣аало, яаава баабам̣ на бажжад̇и;
‘‘Madhuvā maññati bālo, yāva pāpaṃ na paccati;
яад̣̇аа жа бажжад̇и баабам̣, б̣аало д̣̇угкам̣ ниг̇ажчад̇ий’’д̇и. (д̇ха. ба. 69) –
Yadā ca paccati pāpaṃ, bālo dukkhaṃ nigacchatī’’ti. (dha. pa. 69) –
мад̇хурасан̃н̃ино худ̇ваа –
Madhurasaññino hutvā –
‘‘жаранд̇и б̣аалаа д̣̇уммзд̇хаа, амид̇д̇знзва ад̇д̇анаа;
‘‘Caranti bālā dummedhā, amitteneva attanā;
гаронд̇аа баабагам̣ гаммам̣, яам̣ ход̇и гадугабпала’’нд̇и. (д̇ха. ба. 66) –
Karontā pāpakaṃ kammaṃ, yaṃ hoti kaṭukapphala’’nti. (dha. pa. 66) –
зд̇д̇агамби на ж̇аананд̇и.
Ettakampi na jānanti.
‘‘на д̇ам̣ гаммам̣ гад̇ам̣ саад̇ху, яам̣ гад̇ваа ануд̇аббад̇и;
‘‘Na taṃ kammaṃ kataṃ sādhu, yaṃ katvā anutappati;
яасса ассумуко род̣̇ам̣, вибаагам̣ бадисзвад̇ий’’д̇и. (д̇ха. ба. 67);
Yassa assumukho rodaṃ, vipākaṃ paṭisevatī’’ti. (dha. pa. 67);
на жа нанд̣̇анд̇и сарийрад̇хааринод̇и д̇аад̇а жуул̣ад̇ун̣д̣ила, яз банзд̇з сарийрад̇хаарино сад̇д̇аа, д̇з ад̇д̇ано маран̣з ааг̇ажчанд̇з табзд̇ваа сийхамиг̇арааж̇ахад̇т̇ааж̇аанийяаассааж̇аанийяакийн̣аасавз авасзсаа б̣од̇хисад̇д̇ам̣ аад̣̇им̣ гад̇ваа абхааяанд̇аа наама над̇т̇и.
Na ca nandanti sarīradhārinoti tāta cūḷatuṇḍila, ye panete sarīradhārino sattā, te attano maraṇe āgacchante ṭhapetvā sīhamigarājahatthājānīyaassājānīyakhīṇāsave avasesā bodhisattaṃ ādiṃ katvā abhāyantā nāma natthi.
‘‘саб̣б̣з д̇асанд̇и д̣̇ан̣д̣асса, саб̣б̣з бхааяанд̇и мажжуно;
‘‘Sabbe tasanti daṇḍassa, sabbe bhāyanti maccuno;
ад̇д̇аанам̣ убамам̣ гад̇ваа, на ханзяяа на гхаад̇аяз’’д̇и. (д̇ха. ба. 129);
Attānaṃ upamaṃ katvā, na haneyya na ghātaye’’ti. (dha. pa. 129);
бун̣н̣ааяаад̇и г̇ун̣абун̣н̣ааяа. бун̣н̣амаасияаад̇и бун̣н̣ажанд̣̇аяуд̇д̇ааяа, маасам̣ ваа буурзд̇ваа тид̇ааяа. д̇ад̣̇аа гира бун̣н̣амаасий убосат̇ад̣̇ивасо ход̇и. рамамаанаава ж̇аханд̇и ж̇ийвид̇анд̇и д̇аад̇а жуул̣ад̇ун̣д̣ила, маа сожи маа барид̣̇зви, маран̣асса наама д̇з бхааяанд̇и, язсам̣ аб̣бханд̇арз сийлаад̣̇иг̇ун̣аа над̇т̇и. маяам̣ бана сийлаажаарасамбаннаа бун̃н̃аванд̇о, д̇асмаа амхаад̣̇исаа сад̇д̇аа рамамаанаава ж̇аханд̇и ж̇ийвид̇анд̇и.
Puṇṇāyāti guṇapuṇṇāya. Puṇṇamāsiyāti puṇṇacandayuttāya, māsaṃ vā pūretvā ṭhitāya. Tadā kira puṇṇamāsī uposathadivaso hoti. Ramamānāva jahanti jīvitanti tāta cūḷatuṇḍila, mā soci mā paridevi, maraṇassa nāma te bhāyanti, yesaṃ abbhantare sīlādiguṇā natthi. Mayaṃ pana sīlācārasampannā puññavanto, tasmā amhādisā sattā ramamānāva jahanti jīvitanti.
звам̣ махаасад̇д̇о мад̇хурзна сарзна б̣уд̣̇д̇халийл̣ааяа д̇хаммам̣ д̣̇зсзси. махааж̇анагааяаа ан̇г̇улияо подзсум̣, жзлугкзбаа жа бавад̇д̇им̣су, саад̇хугаарасад̣̇д̣̇абун̣н̣ам̣ анд̇алигкам̣ ахоси. б̣аараан̣асирааж̇аа б̣од̇хисад̇д̇ам̣ раж̇ж̇зна бууж̇зд̇ваа махаллигааяа яасам̣ д̣̇ад̇ваа убхоби д̇з г̇анд̇ход̣̇агзна нхаабзд̇ваа г̇анд̇хаад̣̇ийхи вилимбаабзд̇ваа г̇ийваасу ман̣ирад̇анаани бил̣анд̇хаабзд̇ваа гхарам̣ нзд̇ваа буд̇д̇адтаанз табзд̇ваа маханд̇зна бариваарзна бадиж̇аг̇г̇и. б̣од̇хисад̇д̇о ран̃н̃о бан̃жа сийлаани ад̣̇ааси. саб̣б̣з б̣аараан̣асиваасино жа гаасирадтаваасино жа бан̃жа сийлаани рагким̣су. махаасад̇д̇о нзсам̣ багкад̣̇ивасзсу д̇хаммам̣ д̣̇зсзси, винижчаяз нисийд̣̇ид̇ваа ад̣д̣з д̇ийрзси. д̇асмим̣ д̇харамаанз гуудад̣д̣агаарагаа наама наахзсум̣. абарабхааг̇з рааж̇аа гааламагааси. махаасад̇д̇о д̇асса сарийрабарихаарам̣ гаарзд̇ваа винижчаяз бод̇т̇агз ликаабзд̇ваа ‘‘имам̣ бод̇т̇агам̣ ологзд̇ваа ад̣д̣ам̣ д̇ийрзяяаат̇аа’’д̇и вад̇ваа махааж̇анасса д̇хаммам̣ д̣̇зсзд̇ваа аббамаад̣̇зна оваад̣̇ам̣ д̣̇ад̇ваа саб̣б̣зсам̣ род̣̇анд̇аанам̣ барид̣̇званд̇аанан̃н̃зва сад̣̇д̇хим̣ жуул̣ад̇ун̣д̣илзна аран̃н̃ам̣ баависи. д̇ад̣̇аа б̣од̇хисад̇д̇асса оваад̣̇о садти вассасахассаани бавад̇д̇и.
Evaṃ mahāsatto madhurena sarena buddhalīḷāya dhammaṃ desesi. Mahājanakāyā aṅguliyo phoṭesuṃ, celukkhepā ca pavattiṃsu, sādhukārasaddapuṇṇaṃ antalikkhaṃ ahosi. Bārāṇasirājā bodhisattaṃ rajjena pūjetvā mahallikāya yasaṃ datvā ubhopi te gandhodakena nhāpetvā gandhādīhi vilimpāpetvā gīvāsu maṇiratanāni piḷandhāpetvā gharaṃ netvā puttaṭṭhāne ṭhapetvā mahantena parivārena paṭijaggi. Bodhisatto rañño pañca sīlāni adāsi. Sabbe bārāṇasivāsino ca kāsiraṭṭhavāsino ca pañca sīlāni rakkhiṃsu. Mahāsatto nesaṃ pakkhadivasesu dhammaṃ desesi, vinicchaye nisīditvā aḍḍe tīresi. Tasmiṃ dharamāne kūṭaḍḍakārakā nāma nāhesuṃ. Aparabhāge rājā kālamakāsi. Mahāsatto tassa sarīraparihāraṃ kāretvā vinicchaye potthake likhāpetvā ‘‘imaṃ potthakaṃ oloketvā aḍḍaṃ tīreyyāthā’’ti vatvā mahājanassa dhammaṃ desetvā appamādena ovādaṃ datvā sabbesaṃ rodantānaṃ paridevantānaññeva saddhiṃ cūḷatuṇḍilena araññaṃ pāvisi. Tadā bodhisattassa ovādo saṭṭhi vassasahassāni pavatti.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз со маран̣абхийруго бхигку сод̇аабад̇д̇ипалз бад̇идтахи.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne so maraṇabhīruko bhikkhu sotāpattiphale patiṭṭhahi.
д̇ад̣̇аа рааж̇аа аананд̣̇о ахоси, жуул̣ад̇ун̣д̣ило маран̣абхийруго бхигку, барисаа б̣уд̣̇д̇хабарисаа, махаад̇ун̣д̣ило бана ахамзва ахосинд̇и.
Tadā rājā ānando ahosi, cūḷatuṇḍilo maraṇabhīruko bhikkhu, parisā buddhaparisā, mahātuṇḍilo pana ahameva ahosinti.
д̇ун̣д̣илаж̇аад̇агаван̣н̣анаа д̇ад̇ияаа.
Tuṇḍilajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 388. д̇ун̣д̣илаж̇аад̇агам̣ • 388. Tuṇḍilajātakaṃ
