| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
14. д̇увадагасуд̇д̇аван̣н̣анаа
14. Tuvaṭakasuttavaṇṇanā
922. бужчаами д̇анд̇и д̇увадагасуд̇д̇ам̣. гаа уббад̇д̇и? ид̣̇амби д̇асмим̣язва махаасамаяз ‘‘гаа ну ко арахад̇д̇аббад̇д̇ияаа бадибад̇д̇ий’’д̇и уббаннажид̇д̇аанам̣ згажжаанам̣ д̣̇звад̇аанам̣ д̇амад̇т̇ам̣ багаасзд̇ум̣ буриманаязнзва ниммид̇аб̣уд̣̇д̇хзна ад̇д̇аанам̣ бужчаабзд̇ваа вуд̇д̇ам̣.
922.Pucchāmitanti tuvaṭakasuttaṃ. Kā uppatti? Idampi tasmiṃyeva mahāsamaye ‘‘kā nu kho arahattappattiyā paṭipattī’’ti uppannacittānaṃ ekaccānaṃ devatānaṃ tamatthaṃ pakāsetuṃ purimanayeneva nimmitabuddhena attānaṃ pucchāpetvā vuttaṃ.
д̇ад̇т̇а аад̣̇иг̇аат̇ааяа д̇аава бужчаамийд̇и зд̇т̇а ад̣̇идтаж̇од̇анаад̣̇ивасзна бужчаа вибхаж̇ид̇аа. аад̣̇ижжаб̣анд̇хунд̇и аад̣̇ижжасса г̇од̇д̇аб̣анд̇хум̣. вивзгам̣ санд̇ибад̣̇ан̃жаад̇и вивзган̃жа санд̇ибад̣̇ан̃жа. гат̇ам̣ д̣̇исваад̇и гзна гааран̣зна д̣̇исваа, гат̇ам̣ бавад̇д̇ад̣̇ассано худ̇ваад̇и вуд̇д̇ам̣ ход̇и.
Tattha ādigāthāya tāva pucchāmīti ettha adiṭṭhajotanādivasena pucchā vibhajitā. Ādiccabandhunti ādiccassa gottabandhuṃ. Vivekaṃ santipadañcāti vivekañca santipadañca. Kathaṃ disvāti kena kāraṇena disvā, kathaṃ pavattadassano hutvāti vuttaṃ hoti.
923. ат̇а бхаг̇аваа яасмаа яат̇аа бассанд̇о гилзсз убарунд̇хад̇и, д̇ат̇аа бавад̇д̇ад̣̇ассано худ̇ваа бариниб̣б̣аад̇и, д̇асмаа д̇амад̇т̇ам̣ аавигаронд̇о наанаббагаарзна д̇ам̣ д̣̇звабарисам̣ гилзсаббахаанз нияож̇знд̇о ‘‘муулам̣ бабан̃жасан̇кааяаа’’д̇и аарабхид̇ваа бан̃жа г̇аат̇аа абхааси.
923. Atha bhagavā yasmā yathā passanto kilese uparundhati, tathā pavattadassano hutvā parinibbāti, tasmā tamatthaṃ āvikaronto nānappakārena taṃ devaparisaṃ kilesappahāne niyojento ‘‘mūlaṃ papañcasaṅkhāyā’’ti ārabhitvā pañca gāthā abhāsi.
д̇ад̇т̇а аад̣̇иг̇аат̇ааяа д̇аава сан̇кзбад̇т̇о – бабан̃жаад̇и сан̇каад̇ад̇д̇аа бабан̃жаа зва бабан̃жасан̇каа. д̇ассаа авиж̇ж̇аад̣̇аяо гилзсаа муулам̣, д̇ам̣ бабан̃жасан̇кааяа муулам̣ асмийд̇и бавад̇д̇амаанан̃жа саб̣б̣ам̣ манд̇ааяа убарунд̇хз. яаа гаажи аж̇жхад̇д̇ам̣ д̇ан̣хаа убаж̇ж̇зяяум̣, д̇аасам̣ винаяаа сад̣̇аа сад̇о сигкз убадтид̇ассад̇и худ̇ваа сигкзяяаад̇и.
Tattha ādigāthāya tāva saṅkhepattho – papañcāti saṅkhātattā papañcā eva papañcasaṅkhā. Tassā avijjādayo kilesā mūlaṃ, taṃ papañcasaṅkhāya mūlaṃ asmīti pavattamānañca sabbaṃ mantāya uparundhe. Yā kāci ajjhattaṃ taṇhā upajjeyyuṃ, tāsaṃ vinayā sadā sato sikkhe upaṭṭhitassati hutvā sikkheyyāti.
924. звам̣ д̇аава батамаг̇аат̇ааяа зва д̇исигкааяуд̇д̇ам̣ д̣̇зсанам̣ арахад̇д̇анигуудзна д̣̇зсзд̇ваа буна маанаббахаанавасзна д̣̇зсзд̇ум̣ ‘‘яам̣ гин̃жий’’д̇и г̇аат̇амааха. д̇ад̇т̇а яам̣ гин̃жи д̇хаммамабхиж̇ан̃н̃аа аж̇жхад̇д̇анд̇и яам̣ гин̃жи ужжаагулийнад̇аад̣̇игам̣ ад̇д̇ано г̇ун̣ам̣ ж̇аанзяяа ат̇а вааби б̣ахид̣̇д̇хаад̇и ат̇а ваа б̣ахид̣̇д̇хааби аажарияубаж̇жхааяаанам̣ ваа г̇ун̣ам̣ ж̇аанзяяа. на д̇зна т̇аамам̣ губ̣б̣зт̇аад̇и д̇зна г̇ун̣зна т̇аамам̣ на гарзяяа.
924. Evaṃ tāva paṭhamagāthāya eva tisikkhāyuttaṃ desanaṃ arahattanikūṭena desetvā puna mānappahānavasena desetuṃ ‘‘yaṃ kiñcī’’ti gāthamāha. Tattha yaṃ kiñci dhammamabhijaññā ajjhattanti yaṃ kiñci uccākulīnatādikaṃ attano guṇaṃ jāneyya atha vāpi bahiddhāti atha vā bahiddhāpi ācariyupajjhāyānaṃ vā guṇaṃ jāneyya. Na tena thāmaṃ kubbethāti tena guṇena thāmaṃ na kareyya.
925. ид̣̇аанисса агаран̣авид̇хим̣ д̣̇ассзнд̇о ‘‘сзяяо на д̇знаа’’д̇и г̇аат̇амааха. д̇ассад̇т̇о – д̇зна жа маанзна ‘‘сзяяоха’’нд̇и ваа ‘‘нийжоха’’нд̇и ваа ‘‘саригкоха’’нд̇и вааби на ман̃н̃зяяа, д̇зхи жа ужжаагулийнад̇аад̣̇ийхи г̇ун̣зхи пудто анзгаруубзхи ‘‘ахам̣ ужжаагулаа баб̣б̣аж̇ид̇о’’д̇иаад̣̇инаа наязна ад̇д̇аанам̣ вигаббзнд̇о на д̇идтзяяа.
925. Idānissa akaraṇavidhiṃ dassento ‘‘seyyo na tenā’’ti gāthamāha. Tassattho – tena ca mānena ‘‘seyyoha’’nti vā ‘‘nīcoha’’nti vā ‘‘sarikkhoha’’nti vāpi na maññeyya, tehi ca uccākulīnatādīhi guṇehi phuṭṭho anekarūpehi ‘‘ahaṃ uccākulā pabbajito’’tiādinā nayena attānaṃ vikappento na tiṭṭheyya.
926. звам̣ маанаббахаанавасзнаби д̣̇зсзд̇ваа ид̣̇аани саб̣б̣агилзсуубасамавасзнаби д̣̇зсзд̇ум̣ ‘‘аж̇жхад̇д̇амзваа’’д̇и г̇аат̇амааха. д̇ад̇т̇а аж̇жхад̇д̇амзвубасамзд̇и ад̇д̇ани зва рааг̇аад̣̇исаб̣б̣агилзсз убасамзяяа. на ан̃н̃ад̇о бхигку санд̇имзсзяяаад̇и табзд̇ваа жа сад̇ибадтаанаад̣̇ийни ан̃н̃зна убааязна санд̇им̣ на бариязсзяяа. гуд̇о нирад̇д̇аа ваад̇и нирад̇д̇аа гуд̇о зва.
926. Evaṃ mānappahānavasenapi desetvā idāni sabbakilesūpasamavasenapi desetuṃ ‘‘ajjhattamevā’’ti gāthamāha. Tattha ajjhattamevupasameti attani eva rāgādisabbakilese upasameyya. Na aññato bhikkhu santimeseyyāti ṭhapetvā ca satipaṭṭhānādīni aññena upāyena santiṃ na pariyeseyya. Kuto nirattā vāti nirattā kuto eva.
927. ид̣̇аани аж̇жхад̇д̇ам̣ убасанд̇асса кийн̣аасавасса д̇аад̣̇ибхаавам̣ д̣̇ассзнд̇о ‘‘маж̇жхз яат̇аа’’д̇и г̇аат̇амааха. д̇ассад̇т̇о – яат̇аа махаасамуд̣̇д̣̇асса убаримахздтимабхааг̇аанам̣ взмаж̇жхасан̇каад̇з жад̇уяож̇анасахассаббамаан̣з маж̇жхз баб̣б̣ад̇анд̇арз тид̇асса ваа маж̇жхз самуд̣̇д̣̇асса ууми на ж̇ааяад̇и, тид̇ова со ход̇и авигамбамаано, звам̣ анзж̇о кийн̣аасаво лаабхаад̣̇ийсу тид̇о асса авигамбамаано, со д̇аад̣̇исо рааг̇аад̣̇иуссад̣̇ам̣ бхигку на гарзяяа гухин̃жийд̇и.
927. Idāni ajjhattaṃ upasantassa khīṇāsavassa tādibhāvaṃ dassento ‘‘majjhe yathā’’ti gāthamāha. Tassattho – yathā mahāsamuddassa uparimaheṭṭhimabhāgānaṃ vemajjhasaṅkhāte catuyojanasahassappamāṇe majjhe pabbatantare ṭhitassa vā majjhe samuddassa ūmi na jāyati, ṭhitova so hoti avikampamāno, evaṃ anejo khīṇāsavo lābhādīsu ṭhito assa avikampamāno, so tādiso rāgādiussadaṃ bhikkhu na kareyya kuhiñcīti.
928. ид̣̇аани зд̇ам̣ арахад̇д̇анигуудзна д̣̇зсид̇ам̣ д̇хаммад̣̇зсанам̣ аб̣бханумод̣̇анд̇о д̇асса жа арахад̇д̇асса аад̣̇ибадибад̣̇ам̣ бужчанд̇о ниммид̇аб̣уд̣̇д̇хо ‘‘агид̇д̇аяий’’д̇и г̇аат̇амааха. д̇ад̇т̇а агид̇д̇аяийд̇и аажигки. вивадажагкууд̇и вивадзхи анааваран̣зхи бан̃жахи жагкуухи саманнааг̇ад̇о. сагкид̇хамманд̇и саяам̣ абхин̃н̃аад̇ам̣ ад̇д̇абажжагкам̣ д̇хаммам̣. бариссаяавинаяанд̇и бариссаяавинаяанам̣. бадибад̣̇ам̣ вад̣̇зхийд̇и ид̣̇аани бадибад̇д̇им̣ вад̣̇зхи. бхад̣̇д̣̇анд̇зд̇и ‘‘бхад̣̇д̣̇ам̣ д̇ава ад̇т̇уу’’д̇и бхаг̇аванд̇ам̣ аалабанд̇о ааха. ат̇а ваа бхад̣̇д̣̇ам̣ сунд̣̇арам̣ д̇ава бадибад̣̇ам̣ вад̣̇зхийд̇и вуд̇д̇ам̣ ход̇и. баад̇имогкам̣ ат̇а вааби самаад̇хинд̇и д̇амзва бадибад̣̇ам̣ бхинд̣̇ид̇ваа бужчад̇и. бадибад̣̇анд̇и зд̇зна ваа маг̇г̇ам̣ бужчад̇и. ид̇арзхи сийлам̣ самаад̇хин̃жа бужчад̇и.
928. Idāni etaṃ arahattanikūṭena desitaṃ dhammadesanaṃ abbhanumodanto tassa ca arahattassa ādipaṭipadaṃ pucchanto nimmitabuddho ‘‘akittayī’’ti gāthamāha. Tattha akittayīti ācikkhi. Vivaṭacakkhūti vivaṭehi anāvaraṇehi pañcahi cakkhūhi samannāgato. Sakkhidhammanti sayaṃ abhiññātaṃ attapaccakkhaṃ dhammaṃ. Parissayavinayanti parissayavinayanaṃ. Paṭipadaṃ vadehīti idāni paṭipattiṃ vadehi. Bhaddanteti ‘‘bhaddaṃ tava atthū’’ti bhagavantaṃ ālapanto āha. Atha vā bhaddaṃ sundaraṃ tava paṭipadaṃ vadehīti vuttaṃ hoti. Pātimokkhaṃ atha vāpi samādhinti tameva paṭipadaṃ bhinditvā pucchati. Paṭipadanti etena vā maggaṃ pucchati. Itarehi sīlaṃ samādhiñca pucchati.
929-30. ат̇асса бхаг̇аваа яасмаа инд̣̇рияасам̣варо сийласса рагкаа , яасмаа ваа иминаа ануггамзна д̣̇зсияамаанаа аяам̣ д̣̇зсанаа д̇аасам̣ д̣̇звад̇аанам̣ саббааяаа, д̇асмаа инд̣̇рияасам̣варад̇о бабхуд̇и бадибад̣̇ам̣ д̣̇ассзнд̇о ‘‘жагкуухий’’д̇иаад̣̇имаарад̣̇д̇хо. д̇ад̇т̇а жагкуухи нзва лолассаад̇и ад̣̇идтад̣̇агкид̇аб̣б̣аад̣̇ивасзна жагкуухи лоло нзвасса. г̇аамагат̇ааяа аавараяз сод̇анд̇и д̇иражчаанагат̇аад̇о сод̇ам̣ ааварзяяа. пассзнаад̇и рог̇апассзна. бхаван̃жа наабхиж̇аббзяяаад̇и д̇асса пассасса винод̣̇анад̇т̇ааяа гаамабхаваад̣̇ибхаван̃жа на бад̇т̇зяяа. бхзравзсу жа на самбавзд̇хзяяаад̇и д̇асса пассасса бажжаяабхууд̇зсу сийхаб̣яаг̇гхаад̣̇ийсу бхзравзсу жа на самбавзд̇хзяяа, авасзсзсу ваа гхаанинд̣̇рияаманинд̣̇рияависаязсу наббавзд̇хзяяа. звам̣ барибууро инд̣̇рияасам̣варо вуд̇д̇о ход̇и. буримзхи ваа инд̣̇рияасам̣варам̣ д̣̇ассзд̇ваа иминаа ‘‘аран̃н̃з васад̇аа бхзравам̣ д̣̇исваа ваа суд̇ваа ваа на взд̇хид̇аб̣б̣а’’нд̇и д̣̇ассзд̇и.
929-30. Athassa bhagavā yasmā indriyasaṃvaro sīlassa rakkhā , yasmā vā iminā anukkamena desiyamānā ayaṃ desanā tāsaṃ devatānaṃ sappāyā, tasmā indriyasaṃvarato pabhuti paṭipadaṃ dassento ‘‘cakkhūhī’’tiādimāraddho. Tattha cakkhūhi neva lolassāti adiṭṭhadakkhitabbādivasena cakkhūhi lolo nevassa. Gāmakathāya āvaraye sotanti tiracchānakathāto sotaṃ āvareyya. Phassenāti rogaphassena. Bhavañcanābhijappeyyāti tassa phassassa vinodanatthāya kāmabhavādibhavañca na pattheyya. Bheravesu ca na sampavedheyyāti tassa phassassa paccayabhūtesu sīhabyagghādīsu bheravesu ca na sampavedheyya, avasesesu vā ghānindriyamanindriyavisayesu nappavedheyya. Evaṃ paripūro indriyasaṃvaro vutto hoti. Purimehi vā indriyasaṃvaraṃ dassetvā iminā ‘‘araññe vasatā bheravaṃ disvā vā sutvā vā na vedhitabba’’nti dasseti.
931. лад̣̇д̇хаа на саннид̇хим̣ гаяираад̇и зд̇зсам̣ аннаад̣̇ийнам̣ яам̣гин̃жи д̇хаммзна лабхид̇ваа ‘‘аран̃н̃з жа сзнаасанз васад̇аа сад̣̇аа д̣̇уллабха’’нд̇и жинд̇зд̇ваа саннид̇хим̣ на гарзяяа.
931.Laddhā na sannidhiṃ kayirāti etesaṃ annādīnaṃ yaṃkiñci dhammena labhitvā ‘‘araññe ca senāsane vasatā sadā dullabha’’nti cintetvā sannidhiṃ na kareyya.
932. жхааяий на баад̣̇алолассаад̇и жхаанаабхирад̇о жа на баад̣̇алоло асса. вирамз гуггужжаа наббамаж̇ж̇зяяаад̇и хад̇т̇агуггужжаад̣̇игуггужжам̣ винод̣̇зяяа. саггажжагаарид̇ааяа жзд̇т̇а наббамаж̇ж̇зяяа.
932.Jhāyīna pādalolassāti jhānābhirato ca na pādalolo assa. Virame kukkuccā nappamajjeyyāti hatthakukkuccādikukkuccaṃ vinodeyya. Sakkaccakāritāya cettha nappamajjeyya.
933. д̇анд̣̇им̣ мааяам̣ хассам̣ кид̣д̣анд̇и ааласияан̃жа мааяан̃жа хассан̃жа гааяигажзд̇асигакид̣д̣ан̃жа. савибхуусанд̇и сад̣̇д̇хим̣ вибхуусааяа.
933.Tandiṃ māyaṃ hassaṃ khiḍḍanti ālasiyañca māyañca hassañca kāyikacetasikakhiḍḍañca. Savibhūsanti saddhiṃ vibhūsāya.
934-7. аат̇аб̣б̣ан̣анд̇и аат̇аб̣б̣ан̣игаманд̇аббаяог̇ам̣. субинанд̇и субинасад̇т̇ам̣. лагкан̣анд̇и ман̣илагкан̣аад̣̇им̣. но вид̣̇ахзд̇и наббаяож̇зяяа. вируд̇анд̇и миг̇аад̣̇ийнам̣ вассид̇ам̣. бзсун̣ияанд̇и бзсун̃н̃ам̣. гаяавиггаязд̇и бан̃жахи сахад̇хаммигзхи сад̣̇д̇хим̣ ван̃жанаавасзна ваа уд̣̇аяабад̇т̇анаавасзна ваа на д̇идтзяяа. убаваад̣̇ам̣ бхигку на гарзяяаад̇и убаваад̣̇агарз гилзсз аниб̣б̣ад̇д̇знд̇о ад̇д̇ани барзхи саман̣аб̣раахман̣зхи убаваад̣̇ам̣ на ж̇анзяяа. г̇аамз жа наабхисаж̇ж̇зяяаад̇и г̇аамз жа г̇ихисам̣саг̇г̇аад̣̇ийхи наабхисаж̇ж̇зяяа. лаабхагамяаа ж̇анам̣ на лабаязяяаад̇и лаабхагаамад̇ааяа ж̇анам̣ наалабаязяяа. баяуд̇д̇анд̇и жийвараад̣̇ийхи самбаяуд̇д̇ам̣ , д̇ад̣̇ад̇т̇ам̣ ваа баяож̇ид̇ам̣.
934-7.Āthabbaṇanti āthabbaṇikamantappayogaṃ. Supinanti supinasatthaṃ. Lakkhaṇanti maṇilakkhaṇādiṃ. No vidaheti nappayojeyya. Virutanti migādīnaṃ vassitaṃ. Pesuṇiyanti pesuññaṃ. Kayavikkayeti pañcahi sahadhammikehi saddhiṃ vañcanāvasena vā udayapatthanāvasena vā na tiṭṭheyya. Upavādaṃ bhikkhu na kareyyāti upavādakare kilese anibbattento attani parehi samaṇabrāhmaṇehi upavādaṃ na janeyya. Gāme ca nābhisajjeyyāti gāme ca gihisaṃsaggādīhi nābhisajjeyya. Lābhakamyā janaṃ na lapayeyyāti lābhakāmatāya janaṃ nālapayeyya. Payuttanti cīvarādīhi sampayuttaṃ , tadatthaṃ vā payojitaṃ.
938-9. мосаваж̇ж̇з на нийязт̇аад̇и мусааваад̣̇з на нийязт̇а. ж̇ийвид̇знаад̇и ж̇ийвигааяа. суд̇ваа русид̇о б̣ахум̣ ваажам̣, саман̣аанам̣ ваа бут̇уж̇анаананд̇и русид̇о гхаддид̇о барзхи д̇зса саман̣аанам̣ ваа кад̇д̇ияаад̣̇ибхзд̣̇аанам̣ ваа ан̃н̃зсам̣ бут̇уж̇анаанам̣ б̣ахумби анидтаваажам̣ суд̇ваа. на бадиваж̇ж̇аад̇и на бадивад̣̇зяяа. гим̣ гааран̣ам̣? на хи санд̇о бадисзнигаронд̇и.
938-9.Mosavajje na nīyethāti musāvāde na nīyetha. Jīvitenāti jīvikāya. Sutvā rusito bahuṃ vācaṃ, samaṇānaṃ vā puthujanānanti rusito ghaṭṭito parehi tesa samaṇānaṃ vā khattiyādibhedānaṃ vā aññesaṃ puthujanānaṃ bahumpi aniṭṭhavācaṃ sutvā. Na paṭivajjāti na paṭivadeyya. Kiṃ kāraṇaṃ? Na hi santo paṭisenikaronti.
940. зд̇ан̃жа д̇хаммаман̃н̃ааяаад̇и саб̣б̣амзд̇ам̣ яат̇аавуд̇д̇ам̣ д̇хаммам̣ н̃ад̇ваа. вижинанд̇и вижинанд̇о. санд̇ийд̇и ниб̣б̣уд̇им̣ н̃ад̇ваад̇и ниб̣б̣уд̇им̣ рааг̇аад̣̇ийнам̣ санд̇ийд̇и н̃ад̇ваа.
940.Etañca dhammamaññāyāti sabbametaṃ yathāvuttaṃ dhammaṃ ñatvā. Vicinanti vicinanto. Santīti nibbutiṃ ñatvāti nibbutiṃ rāgādīnaṃ santīti ñatvā.
941. гим̣гааран̣аа наббамаж̇ж̇зид̇и жз – абхибхуу хи сод̇и г̇аат̇аа. д̇ад̇т̇а абхибхууд̇и руубаад̣̇ийнам̣ абхибхавид̇аа. анабхибхууд̇од̇и д̇зхи анабхибхууд̇о. сагкид̇хаммаманийд̇ихамад̣̇ассийд̇и бажжагкамзва анийд̇ихам̣ д̇хаммамад̣̇д̣̇агки. сад̣̇аа намассаманусигкзд̇и сад̣̇аа намассанд̇о д̇иссо сигкааяо сигкзяяа. сзсам̣ саб̣б̣ад̇т̇а баагадамзва.
941. Kiṃkāraṇā nappamajjeiti ce – abhibhū hi soti gāthā. Tattha abhibhūti rūpādīnaṃ abhibhavitā. Anabhibhūtoti tehi anabhibhūto. Sakkhidhammamanītihamadassīti paccakkhameva anītihaṃ dhammamaddakkhi. Sadā namassamanusikkheti sadā namassanto tisso sikkhāyo sikkheyya. Sesaṃ sabbattha pākaṭameva.
гзвалам̣ бана зд̇т̇а ‘‘жагкуухи нзва лоло’’д̇иаад̣̇ийхи инд̣̇рияасам̣варо, ‘‘аннаанамат̇о баанаана’’нд̇иаад̣̇ийхи саннид̇хибадигкзбамукзна бажжаяабадисзванасийлам̣, мзт̇унамосаваж̇ж̇абзсун̣ияаад̣̇ийхи баад̇имогкасам̣варасийлам̣, ‘‘аат̇аб̣б̣ан̣ам̣ субинам̣ лагкан̣а’’нд̇иаад̣̇ийхи ааж̇ийвабаарисуд̣̇д̇хисийлам̣, ‘‘жхааяий ассаа’’д̇и иминаа самаад̇хи, ‘‘вижинам̣ бхигкуу’’д̇и иминаа бан̃н̃аа, ‘‘сад̣̇аа сад̇о сигкз’’д̇и иминаа буна сан̇кзбад̇о д̇иссоби сигкаа, ‘‘ат̇а аасанзсу саяанзсу, аббасад̣̇д̣̇зсу бхигку вихарзяяа, нид̣̇д̣̇ам̣ на б̣ахулийгарзяяаа’’д̇иаад̣̇ийхи сийласамаад̇хибан̃н̃аанам̣ убагаараабагаарасан̇г̇ан̣ханавинод̣̇анаани вуд̇д̇аанийд̇и. звам̣ бхаг̇аваа ниммид̇асса барибун̣н̣абадибад̣̇ам̣ вад̇ваа арахад̇д̇анигуудзна д̣̇зсанам̣ нидтаабзси, д̣̇зсанаабарияосаанз бураабхзд̣̇асуд̇д̇з вуд̇д̇асад̣̇исоязваабхисамаяо ахосийд̇и.
Kevalaṃ pana ettha ‘‘cakkhūhi neva lolo’’tiādīhi indriyasaṃvaro, ‘‘annānamatho pānāna’’ntiādīhi sannidhipaṭikkhepamukhena paccayapaṭisevanasīlaṃ, methunamosavajjapesuṇiyādīhi pātimokkhasaṃvarasīlaṃ, ‘‘āthabbaṇaṃ supinaṃ lakkhaṇa’’ntiādīhi ājīvapārisuddhisīlaṃ, ‘‘jhāyī assā’’ti iminā samādhi, ‘‘vicinaṃ bhikkhū’’ti iminā paññā, ‘‘sadā sato sikkhe’’ti iminā puna saṅkhepato tissopi sikkhā, ‘‘atha āsanesu sayanesu, appasaddesu bhikkhu vihareyya, niddaṃ na bahulīkareyyā’’tiādīhi sīlasamādhipaññānaṃ upakārāpakārasaṅgaṇhanavinodanāni vuttānīti. Evaṃ bhagavā nimmitassa paripuṇṇapaṭipadaṃ vatvā arahattanikūṭena desanaṃ niṭṭhāpesi, desanāpariyosāne purābhedasutte vuttasadisoyevābhisamayo ahosīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа д̇увадагасуд̇д̇аван̣н̣анаа нидтид̇аа.
Suttanipāta-aṭṭhakathāya tuvaṭakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 14. д̇увадагасуд̇д̇ам̣ • 14. Tuvaṭakasuttaṃ
