| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૩. ઉબ્બાહિકાસુત્તવણ્ણના
3. Ubbāhikāsuttavaṇṇanā
૩૩. તતિયે ઉબ્બાહિકાયાતિ સમ્પત્તઅધિકરણં વૂપસમેતું સઙ્ઘતો ઉબ્બાહિત્વા ઉદ્ધરિત્વા ગહણત્થાય. વિનયે ખો પન ઠિતો હોતીતિ વિનયલક્ખણે પતિટ્ઠિતો હોતિ. અસંહીરોતિ ન અઞ્ઞસ્સ વચનમત્તેનેવ અત્તનો લદ્ધિં વિસ્સજ્જેતિ. પટિબલોતિ કાયબલેનપિ ઞાણબલેનપિ સમન્નાગતો. સઞ્ઞાપેતુન્તિ જાનાપેતું. પઞ્ઞાપેતુન્તિ સમ્પજાનાપેતું. નિજ્ઝાપેતુન્તિ ઓલોકાપેતું. પેક્ખતુન્તિ પસ્સાપેતું. પસાદેતુન્તિ સઞ્જાતપસાદં કાતું. અધિકરણન્તિ વિવાદાધિકરણાદિચતુબ્બિધં. અધિકરણસમુદયન્તિ વિવાદમૂલાદિકં અધિકરણકારકં. અધિકરણનિરોધન્તિ અધિકરણાનં વૂપસમં. અધિકરણનિરોધગામિનિં પટિપદન્તિ સત્તવિધઅધિકરણસમથં.
33. Tatiye ubbāhikāyāti sampattaadhikaraṇaṃ vūpasametuṃ saṅghato ubbāhitvā uddharitvā gahaṇatthāya. Vinaye kho pana ṭhito hotīti vinayalakkhaṇe patiṭṭhito hoti. Asaṃhīroti na aññassa vacanamatteneva attano laddhiṃ vissajjeti. Paṭibaloti kāyabalenapi ñāṇabalenapi samannāgato. Saññāpetunti jānāpetuṃ. Paññāpetunti sampajānāpetuṃ. Nijjhāpetunti olokāpetuṃ. Pekkhatunti passāpetuṃ. Pasādetunti sañjātapasādaṃ kātuṃ. Adhikaraṇanti vivādādhikaraṇādicatubbidhaṃ. Adhikaraṇasamudayanti vivādamūlādikaṃ adhikaraṇakārakaṃ. Adhikaraṇanirodhanti adhikaraṇānaṃ vūpasamaṃ. Adhikaraṇanirodhagāminiṃ paṭipadanti sattavidhaadhikaraṇasamathaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૩. ઉબ્બાહિકાસુત્તં • 3. Ubbāhikāsuttaṃ
