| Library / Tipiṭaka / तिपिटक • Tipiṭaka / परिवार-अट्ठकथा • Parivāra-aṭṭhakathā |
उब्बाहिकवग्गवण्णना
Ubbāhikavaggavaṇṇanā
४५५. उब्बाहिकवग्गे – न अत्थकुसलोति न अट्ठकथाकुसलो; अत्थुद्धारे छेको न होति। न धम्मकुसलोति आचरियमुखतो अनुग्गहितत्ता पाळियं न कुसलो, न पाळिसूरो। न निरुत्तिकुसलोति भासन्तरवोहारे न कुसलो। न ब्यञ्जनकुसलोति सिथिलधनितादिवसेन परिमण्डलब्यञ्जनारोपने कुसलो न होति; न अक्खरपरिच्छेदे निपुणोति अत्थो। न पुब्बापरकुसलोति अत्थपुब्बापरे धम्मपुब्बापरे निरुत्तिपुब्बापरे ब्यञ्जनपुब्बापरे पुरेकथापच्छाकथासु च न कुसलो होति।
455. Ubbāhikavagge – na atthakusaloti na aṭṭhakathākusalo; atthuddhāre cheko na hoti. Na dhammakusaloti ācariyamukhato anuggahitattā pāḷiyaṃ na kusalo, na pāḷisūro. Naniruttikusaloti bhāsantaravohāre na kusalo. Na byañjanakusaloti sithiladhanitādivasena parimaṇḍalabyañjanāropane kusalo na hoti; na akkharaparicchede nipuṇoti attho. Na pubbāparakusaloti atthapubbāpare dhammapubbāpare niruttipubbāpare byañjanapubbāpare purekathāpacchākathāsu ca na kusalo hoti.
कोधनोतिआदीनि यस्मा कोधादीहि अभिभूतो कारणाकारणं न जानाति, विनिच्छितुं न सक्कोति, तस्मा वुत्तानि। पसारेता होति नो सारेताति मोहेता होति, न सतिउप्पादेता; चोदकचुदितकानं कथं मोहेति पिदहति न सारेतीति अत्थो। सेसमेत्थ उब्बाहिकवग्गे उत्तानमेवाति।
Kodhanotiādīni yasmā kodhādīhi abhibhūto kāraṇākāraṇaṃ na jānāti, vinicchituṃ na sakkoti, tasmā vuttāni. Pasāretā hotino sāretāti mohetā hoti, na satiuppādetā; codakacuditakānaṃ kathaṃ moheti pidahati na sāretīti attho. Sesamettha ubbāhikavagge uttānamevāti.
उब्बाहिकवग्गवण्णना निट्ठिता।
Ubbāhikavaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi / ९. उब्बाहिकवग्गो • 9. Ubbāhikavaggo
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / उब्बाहिकवग्गवण्णना • Ubbāhikavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / वोहारवग्गादिवण्णना • Vohāravaggādivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / उब्बाहिकवग्गवण्णना • Ubbāhikavaggavaṇṇanā
