| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૪. ઉભતોભાગવિમુત્તસુત્તં
4. Ubhatobhāgavimuttasuttaṃ
૪૫. ‘‘‘ઉભતોભાગવિમુત્તો ઉભતોભાગવિમુત્તો’તિ, આવુસો, વુચ્ચતિ. કિત્તાવતા નુ ખો, આવુસો, ઉભતોભાગવિમુત્તો વુત્તો ભગવતા’’તિ?
45. ‘‘‘Ubhatobhāgavimutto ubhatobhāgavimutto’ti, āvuso, vuccati. Kittāvatā nu kho, āvuso, ubhatobhāgavimutto vutto bhagavatā’’ti?
‘‘ઇધાવુસો, ભિક્ખુ વિવિચ્ચેવ કામેહિ…પે॰… પઠમં ઝાનં ઉપસમ્પજ્જ વિહરતિ. યથા યથા ચ તદાયતનં તથા તથા નં કાયેન ફુસિત્વા વિહરતિ, પઞ્ઞાય ચ નં પજાનાતિ. એત્તાવતાપિ ખો, આવુસો, ઉભતોભાગવિમુત્તો વુત્તો ભગવતા પરિયાયેન…પે॰….
‘‘Idhāvuso, bhikkhu vivicceva kāmehi…pe… paṭhamaṃ jhānaṃ upasampajja viharati. Yathā yathā ca tadāyatanaṃ tathā tathā naṃ kāyena phusitvā viharati, paññāya ca naṃ pajānāti. Ettāvatāpi kho, āvuso, ubhatobhāgavimutto vutto bhagavatā pariyāyena…pe….
‘‘પુન ચપરં, આવુસો, ભિક્ખુ સબ્બસો નેવસઞ્ઞાનાસઞ્ઞાયતનં સમતિક્કમ્મ સઞ્ઞાવેદયિતનિરોધં ઉપસમ્પજ્જ વિહરતિ, પઞ્ઞાય ચસ્સ દિસ્વા આસવા પરિક્ખીણા હોન્તિ. યથા યથા ચ તદાયતનં તથા તથા નં કાયેન ફુસિત્વા વિહરતિ, પઞ્ઞાય ચ નં પજાનાતિ. એત્તાવતાપિ ખો, આવુસો, ઉભતોભાગવિમુત્તો વુત્તો ભગવતા નિપ્પરિયાયેના’’તિ. ચતુત્થં.
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Yathā yathā ca tadāyatanaṃ tathā tathā naṃ kāyena phusitvā viharati, paññāya ca naṃ pajānāti. Ettāvatāpi kho, āvuso, ubhatobhāgavimutto vutto bhagavatā nippariyāyenā’’ti. Catutthaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૪. ઉભતોભાગવિમુત્તસુત્તવણ્ણના • 4. Ubhatobhāgavimuttasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૦. સમ્બાધસુત્તાદિવણ્ણના • 1-10. Sambādhasuttādivaṇṇanā
