| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
54. убхад̇об̣яан̃ж̇анагавад̇т̇угат̇аа
54. Ubhatobyañjanakavatthukathā
116. убхад̇об̣яан̃ж̇анагод̇и зд̇т̇а б̣аахирад̇т̇асамаасам̣ д̣̇ассзнд̇о ааха ‘‘ид̇т̇инимид̇д̇уббаад̣̇анагаммад̇о жаа’’д̇иаад̣̇и. д̇ад̇т̇а ‘‘ид̇т̇и…бз… гаммад̇о жаа’’д̇и иминаа убхаяасаруубам̣ д̣̇ассзд̇и. убхад̇о гаммад̇о бавад̇д̇анд̇и баатасзсо яож̇зд̇аб̣б̣о. б̣яан̃ж̇ананд̇и нимид̇д̇ам̣. ассаад̇и ж̇анасса. гарод̇иби гаарзд̇ибийд̇и зд̇т̇а гарад̇хаад̇уяаа суд̣̇д̇хагаммагаарид̇агаммаани д̣̇ассзнд̇о ааха ‘‘бурисанимид̇д̇знаа’’д̇иаад̣̇и. д̇ад̇т̇а ‘‘вийд̇иггама’’нд̇и иминаа суд̣̇д̇хагаммам̣ д̣̇ассзд̇и, ‘‘бара’’нд̇и иминаа гаарид̇агаммам̣ д̣̇ассзд̇и. самаад̣̇абзд̇ваад̇и уяяож̇зд̇ваа. д̇асса д̣̇увид̇хабхаавам̣ д̣̇ассзнд̇о ааха ‘‘д̣̇увид̇хо’’д̇иаад̣̇и. д̇ад̇т̇а ид̇т̇ибхаавзна лагкид̇о убхад̇об̣яан̃ж̇анаго ид̇т̇иубхад̇об̣яан̃ж̇анаго. зса наяо ид̇арад̇т̇ааби.
116.Ubhatobyañjanakoti ettha bāhiratthasamāsaṃ dassento āha ‘‘itthinimittuppādanakammato cā’’tiādi. Tattha ‘‘itthi…pe… kammato cā’’ti iminā ubhayasarūpaṃ dasseti. Ubhato kammato pavattanti pāṭhaseso yojetabbo. Byañjananti nimittaṃ. Assāti janassa. Karotipi kāretipīti ettha karadhātuyā suddhakammakāritakammāni dassento āha ‘‘purisanimittenā’’tiādi. Tattha ‘‘vītikkama’’nti iminā suddhakammaṃ dasseti, ‘‘para’’nti iminā kāritakammaṃ dasseti. Samādapetvāti uyyojetvā. Tassa duvidhabhāvaṃ dassento āha ‘‘duvidho’’tiādi. Tattha itthibhāvena lakkhito ubhatobyañjanako itthiubhatobyañjanako. Esa nayo itaratthāpi.
д̇ад̇т̇аад̇и д̣̇увид̇хзсу убхад̇об̣яан̃ж̇анагзсу. ид̇т̇инимид̇д̇анд̇и ид̇т̇ияаа ан̇г̇аж̇аад̇ам̣. зсзва наяо ‘‘бурисанимид̇д̇а’’нд̇и зд̇т̇ааби. баагадам̣ бадижчаннанд̇и сабхаавад̇о баагадам̣ бадижчаннам̣. буна бадижчаннам̣ баагаданд̇и рааг̇авасзна бадижчаннам̣ баагадам̣. барам̣ г̇ан̣хаабзд̇ийд̇и барамзва г̇ан̣хаабзд̇ийд̇и ад̇т̇о. ид̣̇анд̇и гааран̣ам̣. зд̇зсанд̇и д̣̇виннам̣ убхад̇об̣яан̃ж̇анагаанам̣. гурунд̣̇ияам̣ бана вуд̇д̇ам̣, гим̣ вуд̇д̇анд̇и яож̇анаа. д̇ад̇т̇аад̇и убхад̇об̣яан̃ж̇анагз. вижааран̣аггамод̇и виймам̣санаануггамо. ‘‘д̇ад̇т̇а вижаараггамо’’д̇иби баато. вижааран̣аггамо д̇хаммасан̇г̇ахадтагат̇ааяа взд̣̇ид̇аб̣б̣о, ид̇ха бана гим̣ взд̣̇ид̇аб̣б̣анд̇и ааха ‘‘ид̣̇амид̇ха взд̣̇ид̇аб̣б̣а’’нд̇и. д̇ад̇т̇а ид̣̇анд̇и набаб̣б̣аж̇ж̇уубасамбад̣̇агааран̣ам̣. ид̇хаад̇и имиссам̣ винаяадтагат̇ааяам̣.
Tatthāti duvidhesu ubhatobyañjanakesu. Itthinimittanti itthiyā aṅgajātaṃ. Eseva nayo ‘‘purisanimitta’’nti etthāpi. Pākaṭaṃ paṭicchannanti sabhāvato pākaṭaṃ paṭicchannaṃ. Puna paṭicchannaṃ pākaṭanti rāgavasena paṭicchannaṃ pākaṭaṃ. Paraṃ gaṇhāpetīti parameva gaṇhāpetīti attho. Idanti kāraṇaṃ. Etesanti dvinnaṃ ubhatobyañjanakānaṃ. Kurundiyaṃ pana vuttaṃ, kiṃ vuttanti yojanā. Tatthāti ubhatobyañjanake. Vicāraṇakkamoti vīmaṃsanānukkamo. ‘‘Tattha vicārakkamo’’tipi pāṭho. Vicāraṇakkamo dhammasaṅgahaṭṭhakathāya veditabbo, idha pana kiṃ veditabbanti āha ‘‘idamidha veditabba’’nti. Tattha idanti napabbajjūpasampadakāraṇaṃ. Idhāti imissaṃ vinayaṭṭhakathāyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 54. убхад̇об̣яан̃ж̇анагавад̇т̇у • 54. Ubhatobyañjanakavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / убхад̇об̣яан̃ж̇анагавад̇т̇угат̇аа • Ubhatobyañjanakavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убхад̇об̣яан̃ж̇анагавад̇т̇угат̇ааван̣н̣анаа • Ubhatobyañjanakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убхад̇об̣яан̃ж̇анагавад̇т̇угат̇ааван̣н̣анаа • Ubhatobyañjanakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убхад̇об̣яан̃ж̇анагавад̇т̇угат̇ааван̣н̣анаа • Ubhatobyañjanakavatthukathāvaṇṇanā
