| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
154. ужжаасаяанамахаасаяанабадигкзбагат̇аа
154. Uccāsayanamahāsayanapaṭikkhepakathā
254. ужжам̣ аасаяанам̣ ужжаасаяанам̣. маханд̇ам̣ аасаяанам̣ махаасаяанам̣. аасанд̣̇иаад̣̇ийсу звам̣ винижчаяо взд̣̇ид̇аб̣б̣од̇и яож̇анаа. бамаан̣аад̇игганд̇аасананд̇и д̣̇ийгхаасанам̣. д̇ан̃хи ааг̇амма сад̣̇ад̇и нисийд̣̇ад̇ийд̇и зд̇т̇а, ааяад̇ам̣ ваа судтум̣ д̣̇ад̣̇аад̇ийд̇и аасанд̣̇ийд̇и вужжад̇и. ваал̣аруубаанийд̇и сийхаб̣яаг̇гхаад̣̇иваал̣аруубаани. баад̣̇зсу ваал̣аруубаани барижчинд̣̇ид̇ваа ан̇гийяад̇и лагкийяад̇ийд̇и баллан̇го. г̇онагод̇и г̇авад̇и д̣̇ийгхаломзхи уг̇г̇ажчад̇и зд̇т̇аад̇и г̇онаго. гож̇авод̇и гуяам̣ бхуумияам̣ ж̇авад̇и г̇ажчад̇ийд̇и гож̇аво. д̇ассаад̇и г̇онагасса. ломаани жад̇уран̇г̇улаад̇хигаани хонд̇и гираад̇и яож̇анаа. ваанажид̇раун̣н̣аамаяад̇т̇аран̣од̇и ваанзна сиб̣б̣анзна сан̃ж̇аад̇ам̣ жид̇раруубамзд̇т̇аад̇и ваанажид̇рам̣, ун̣н̣ааяа ниб̣б̣ад̇д̇о ун̣н̣аамаяо, соязва ад̇т̇аран̣о ун̣н̣аамаяад̇т̇аран̣о, ваанажид̇ран̃жа д̇ам̣ ун̣н̣аамаяад̇т̇аран̣о жзд̇и ваанажид̇раун̣н̣аамаяад̇т̇аран̣о. сзд̇ад̇т̇аран̣од̇и сзд̇ад̇т̇игзхи сзвийяад̇ийд̇и сод̇о, соязва ад̇т̇аран̣о сзд̇ад̇т̇аран̣о. иминаа ад̇т̇зна бадад̇и сзд̇абхаавам̣ г̇ажчад̇ийд̇и бадигаад̇и гаад̇аб̣б̣ам̣. бадигаасад̣̇д̣̇ояам̣ ад̣дхзнд̣̇убаасаан̣зби бавад̇д̇ад̇и. гханабубпагод̇и гханам̣ гат̇инам̣ бубпамзд̇т̇аад̇и гханабубпаго. иминаа гханабубпасан̇каад̇ам̣ бадаламзд̇т̇а ад̇т̇ийд̇и бадалигаад̇и д̣̇ассзд̇и. сод̇и ад̇т̇аран̣о. аамалагабадод̇и аамалагабубпам̣ д̣̇ассзд̇ваа гад̇о бадо. д̇уулигаад̇и д̇уулам̣ буурзд̇ваа гад̇аа д̇уулигаа. вигад̇игаад̇и сийхаб̣яаг̇гхаад̣̇ируубзхи (д̣̇ий. ни. адта. 1.15) вижид̇д̇аагаарзна гарийяад̇ийд̇и вигад̇игаа. д̣̇ийгханигааяадтагат̇ааяам̣ ‘‘уд̣̇д̣̇аломийд̇и убхад̇од̣̇асам̣ ун̣н̣аамаяад̇т̇аран̣ам̣. зганд̇аломийд̇и згад̇од̣̇асам̣ ун̣н̣аамаяад̇т̇аран̣а’’нд̇и вуд̇д̇ам̣. ид̇ха бана ‘‘уд̣̇д̣̇аломийд̇и згад̇о уг̇г̇ад̇аломам̣ ун̣н̣аамаяад̇т̇аран̣ам̣, зганд̇аломийд̇и убхад̇о уг̇г̇ад̇аломам̣ ун̣н̣аамаяад̇т̇аран̣а’’нд̇и вуд̇д̇ам̣. д̇асмаа д̣̇вз адтагат̇ааяо ан̃н̃аман̃н̃ам̣ висад̣̇исаа хонд̇и. зд̇т̇а д̣̇ийгханигааяадтагат̇аанаязна важанад̇т̇ам̣ гариссаами. удтид̇ам̣ д̣̇вийхи багкзхи, д̣̇вийсу ваа д̣̇асаасан̇каад̇ам̣ ломамзд̇т̇аад̇и уд̣̇д̣̇аломий. ниг̇г̇ахид̇ааг̇амам̣ гад̇ваа ‘‘унд̣̇аломий’’д̇иби баато, аяамзвад̇т̇о. згасмим̣ анд̇з д̣̇асаасан̇каад̇ам̣ ломамзд̇т̇аад̇и зганд̇аломийд̇и. госзяяагаддиссамаяанд̇и зд̇т̇а госзяяанд̇и госияасуд̇д̇ам̣. гаддиссанд̇и гаддиссанаамагам̣ ваагам̣. иминаа госзяяан̃жа гаддиссан̃жа гаддиссаанийд̇и вируубзгасзсам̣ гад̇ваа гаддиссзхи багад̇ам̣ ад̇т̇аран̣ам̣ гаддиссанд̇и ад̇т̇ам̣ д̣̇ассзд̇и. суд̣̇д̇хагосзяяанд̇и рад̇анаабарисиб̣б̣ид̇ам̣ суд̣̇д̇хагосзяяам̣. иминаа суд̣̇д̇хагаддиссамби ваддад̇ийд̇и д̣̇ассзд̇и.
254. Uccaṃ āsayanaṃ uccāsayanaṃ. Mahantaṃ āsayanaṃ mahāsayanaṃ. Āsandiādīsu evaṃ vinicchayo veditabboti yojanā. Pamāṇātikkantāsananti dīghāsanaṃ. Tañhi āgamma sadati nisīdatīti ettha, āyataṃ vā suṭṭhuṃ dadātīti āsandīti vuccati. Vāḷarūpānīti sīhabyagghādivāḷarūpāni. Pādesu vāḷarūpāni paricchinditvā aṅkīyati lakkhīyatīti pallaṅko. Gonakoti gavati dīghalomehi uggacchati etthāti gonako. Kojavoti kuyaṃ bhūmiyaṃ javati gacchatīti kojavo. Tassāti gonakassa. Lomāni caturaṅgulādhikāni honti kirāti yojanā. Vānacitrauṇṇāmayattharaṇoti vānena sibbanena sañjātaṃ citrarūpametthāti vānacitraṃ, uṇṇāya nibbatto uṇṇāmayo, soyeva attharaṇo uṇṇāmayattharaṇo, vānacitrañca taṃ uṇṇāmayattharaṇo ceti vānacitrauṇṇāmayattharaṇo. Setattharaṇoti setatthikehi sevīyatīti soto, soyeva attharaṇo setattharaṇo. Iminā atthena paṭati setabhāvaṃ gacchatīti paṭikāti kātabbaṃ. Paṭikāsaddoyaṃ aḍḍhendupāsāṇepi pavattati. Ghanapupphakoti ghanaṃ kathinaṃ pupphametthāti ghanapupphako. Iminā ghanapupphasaṅkhātaṃ paṭalamettha atthīti paṭalikāti dasseti. Soti attharaṇo. Āmalakapaṭoti āmalakapupphaṃ dassetvā kato paṭo. Tūlikāti tūlaṃ pūretvā katā tūlikā. Vikatikāti sīhabyagghādirūpehi (dī. ni. aṭṭha. 1.15) vicittākārena karīyatīti vikatikā. Dīghanikāyaṭṭhakathāyaṃ ‘‘uddalomīti ubhatodasaṃ uṇṇāmayattharaṇaṃ. Ekantalomīti ekatodasaṃ uṇṇāmayattharaṇa’’nti vuttaṃ. Idha pana ‘‘uddalomīti ekato uggatalomaṃ uṇṇāmayattharaṇaṃ, ekantalomīti ubhato uggatalomaṃ uṇṇāmayattharaṇa’’nti vuttaṃ. Tasmā dve aṭṭhakathāyo aññamaññaṃ visadisā honti. Ettha dīghanikāyaṭṭhakathānayena vacanatthaṃ karissāmi. Uṭṭhitaṃ dvīhi pakkhehi, dvīsu vā dasāsaṅkhātaṃ lomametthāti uddalomī. Niggahitāgamaṃ katvā ‘‘undalomī’’tipi pāṭho, ayamevattho. Ekasmiṃ ante dasāsaṅkhātaṃ lomametthāti ekantalomīti. Koseyyakaṭṭissamayanti ettha koseyyanti kosiyasuttaṃ. Kaṭṭissanti kaṭṭissanāmakaṃ vākaṃ. Iminā koseyyañca kaṭṭissañca kaṭṭissānīti virūpekasesaṃ katvā kaṭṭissehi pakataṃ attharaṇaṃ kaṭṭissanti atthaṃ dasseti. Suddhakoseyyanti ratanaaparisibbitaṃ suddhakoseyyaṃ. Iminā suddhakaṭṭissampi vaṭṭatīti dasseti.
сол̣аса наадагид̇т̇ияо тад̇ваа нажжам̣ гаронд̇и зд̇т̇аад̇и гуд̇д̇аганд̇и ад̇т̇ам̣ д̣̇ассзнд̇о ааха ‘‘сол̣асанна’’нд̇иаад̣̇и. аж̇инажаммзхийд̇и аж̇инамиг̇ажаммзхи, гад̇аид̇и самб̣анд̇хо. бавзн̣ийд̇и д̣̇убаддад̇ибаддаад̣̇ийхи барам̣баравасзна гад̇ад̇д̇аа ‘‘бавзн̣ий’’д̇и вужжад̇и. аж̇инажаммаани хи сукумад̇араани, д̇асмаа д̣̇убаддад̇ибаддаад̣̇ийни гад̇ваа бавзн̣ивасзна гад̇аани. д̇асмаа вуд̇д̇ам̣ ‘‘аж̇инабавзн̣ий’’д̇и. ‘‘гад̣̇алимиг̇ажаммам̣ наамаа’’д̇и иминаа д̇асса жаммам̣ гад̣̇алимиг̇аид̇и г̇ахзд̇аб̣б̣ам̣ уд̇д̇арабад̣̇алобавасзна ваа убажаарзна ваад̇и д̣̇ассзд̇и. баварасад̣̇д̣̇о уд̇д̇амад̇т̇од̇и ааха ‘‘уд̇д̇амабажжад̇т̇аран̣а’’нд̇и. д̇анд̇и гад̣̇алимиг̇абаварабажжад̇т̇аран̣ам̣. сауд̇д̇аражчад̣̇анд̇и зд̇т̇а сагааро сахасад̣̇д̣̇агаарияод̇и д̣̇ассзнд̇о ааха ‘‘саха уд̇д̇аражчад̣̇знаа’’д̇и. ‘‘убарий’’д̇и иминаа уд̇д̇арасад̣̇д̣̇асса сздтаад̣̇аяо нивад̇д̇зд̇и. ‘‘сад̣̇д̇хи’’нд̇и иминаа сахасад̣̇д̣̇асса д̇уляад̇т̇ам̣ нивад̇д̇зд̇и. ‘‘сзд̇а…бз… на ваддад̇ий’’д̇и иминаа рад̇д̇авид̇аанам̣ хздтаа габбияабажжад̇т̇аран̣з сад̇иби на ваддад̇ийд̇и д̣̇ассзд̇и . гасмаа? рад̇д̇авид̇аанасса агаббияад̇д̇аа. убхад̇олохид̇агуубад̇хаананд̇и зд̇т̇а убхасаруубам̣ д̣̇ассзд̇ум̣ вуд̇д̇ам̣ ‘‘сийсуубад̇хаанан̃жа баад̣̇уубад̇хаанан̃жаа’’д̇и. сийсо убаг̇анд̇ваа д̇идтад̇и зд̇т̇аад̇и убад̇хаанам̣, уба бхусам̣ ваа сукам̣ д̇хаарзд̇ийд̇и убад̇хаанам̣, б̣иб̣б̣оханам̣. сажз бамаан̣аяуд̇д̇ам̣, д̇ам̣ убад̇хаанам̣ ваддад̇ийд̇и яож̇анаа.
Soḷasa nāṭakitthiyo ṭhatvā naccaṃ karonti etthāti kuttakanti atthaṃ dassento āha ‘‘soḷasanna’’ntiādi. Ajinacammehīti ajinamigacammehi, kataiti sambandho. Paveṇīti dupaṭṭatipaṭṭādīhi paraṃparavasena katattā ‘‘paveṇī’’ti vuccati. Ajinacammāni hi sukhumatarāni, tasmā dupaṭṭatipaṭṭādīni katvā paveṇivasena katāni. Tasmā vuttaṃ ‘‘ajinapaveṇī’’ti. ‘‘Kadalimigacammaṃ nāmā’’ti iminā tassa cammaṃ kadalimigaiti gahetabbaṃ uttarapadalopavasena vā upacārena vāti dasseti. Pavarasaddo uttamatthoti āha ‘‘uttamapaccattharaṇa’’nti. Tanti kadalimigapavarapaccattharaṇaṃ. Sauttaracchadanti ettha sakāro sahasaddakāriyoti dassento āha ‘‘saha uttaracchadenā’’ti. ‘‘Uparī’’ti iminā uttarasaddassa seṭṭhādayo nivatteti. ‘‘Saddhi’’nti iminā sahasaddassa tulyatthaṃ nivatteti. ‘‘Seta…pe… na vaṭṭatī’’ti iminā rattavitānaṃ heṭṭhā kappiyapaccattharaṇe satipi na vaṭṭatīti dasseti . Kasmā? Rattavitānassa akappiyattā. Ubhatolohitakūpadhānanti ettha ubhasarūpaṃ dassetuṃ vuttaṃ ‘‘sīsūpadhānañca pādūpadhānañcā’’ti. Sīso upagantvā tiṭṭhati etthāti upadhānaṃ, upa bhusaṃ vā sukhaṃ dhāretīti upadhānaṃ, bibbohanaṃ. Sace pamāṇayuttaṃ, taṃ upadhānaṃ vaṭṭatīti yojanā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 154. ужжаасаяанамахаасаяанабадигкзбо • 154. Uccāsayanamahāsayanapaṭikkhepo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / яаанаад̣̇ибадигкзбагат̇аа • Yānādipaṭikkhepakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ужжаасаяанамахаасаяанабадигкзбагат̇ааван̣н̣анаа • Uccāsayanamahāsayanapaṭikkhepakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / яаанаад̣̇ибадигкзбагат̇ааван̣н̣анаа • Yānādipaṭikkhepakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аж̇жхаараамзубааханабадигкзбагат̇аад̣̇иван̣н̣анаа • Ajjhārāmeupāhanapaṭikkhepakathādivaṇṇanā
