| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. उच्छङ्गपुप्फियत्थेरअपदानं
7. Ucchaṅgapupphiyattheraapadānaṃ
१४२.
142.
‘‘नगरे बन्धुमतिया, अहोसिं मालिको तदा।
‘‘Nagare bandhumatiyā, ahosiṃ māliko tadā;
उच्छङ्गं पूरयित्वान, अगमं अन्तरापणं॥
Ucchaṅgaṃ pūrayitvāna, agamaṃ antarāpaṇaṃ.
१४३.
143.
‘‘भगवा तम्हि समये, भिक्खुसङ्घपुरक्खतो।
‘‘Bhagavā tamhi samaye, bhikkhusaṅghapurakkhato;
महता आनुभावेन, निय्याति लोकनायको॥
Mahatā ānubhāvena, niyyāti lokanāyako.
१४४.
144.
‘‘दिस्वान लोकपज्जोतं, विपस्सिं लोकतारणं।
‘‘Disvāna lokapajjotaṃ, vipassiṃ lokatāraṇaṃ;
पुप्फं पग्गय्ह उच्छङ्गा, बुद्धसेट्ठं अपूजयिं॥
Pupphaṃ paggayha ucchaṅgā, buddhaseṭṭhaṃ apūjayiṃ.
१४५.
145.
‘‘एकनवुतितो कप्पे, यं पुप्फमभिपूजयिं।
‘‘Ekanavutito kappe, yaṃ pupphamabhipūjayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
१४६.
146.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
१४७.
147.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
१४८.
148.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा उच्छङ्गपुप्फियो थेरो इमा गाथायो अभासित्थाति।
Itthaṃ sudaṃ āyasmā ucchaṅgapupphiyo thero imā gāthāyo abhāsitthāti.
उच्छङ्गपुप्फियत्थेरस्सापदानं सत्तमं।
Ucchaṅgapupphiyattherassāpadānaṃ sattamaṃ.
