| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[212] 2. ужчидтабхад̇д̇аж̇аад̇агаван̣н̣анаа
[212] 2. Ucchiṭṭhabhattajātakavaṇṇanā
ан̃н̃о убаримо ван̣н̣од̇и ид̣̇ам̣ сад̇т̇аа ж̇зд̇аванз вихаранд̇о бураан̣ад̣̇уд̇ияигаабалобханам̣ аараб̣бха гат̇зси. со хи бхигку сад̇т̇аараа ‘‘сажжам̣ гира, д̇вам̣ бхигку, угган̣тид̇осий’’д̇и будто ‘‘сажжа’’нд̇и вад̇ваа ‘‘го д̇ам̣ угган̣таабзсий’’д̇и вуд̇д̇з ‘‘бураан̣ад̣̇уд̇ияигаа’’д̇и ааха. ат̇а нам̣ сад̇т̇аа ‘‘бхигку аяам̣ д̇з ид̇т̇ий анад̇т̇агааригаа, буб̣б̣зби ад̇д̇ано ж̇аарасса ужчидтагам̣ бхож̇зсий’’д̇и вад̇ваа ад̇ийд̇ам̣ аахари.
Aññouparimo vaṇṇoti idaṃ satthā jetavane viharanto purāṇadutiyikāpalobhanaṃ ārabbha kathesi. So hi bhikkhu satthārā ‘‘saccaṃ kira, tvaṃ bhikkhu, ukkaṇṭhitosī’’ti puṭṭho ‘‘sacca’’nti vatvā ‘‘ko taṃ ukkaṇṭhāpesī’’ti vutte ‘‘purāṇadutiyikā’’ti āha. Atha naṃ satthā ‘‘bhikkhu ayaṃ te itthī anatthakārikā, pubbepi attano jārassa ucchiṭṭhakaṃ bhojesī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ таанз бхигкам̣ жарид̇ваа ж̇ийвигагаббагз габан̣з надагагулз ниб̣б̣ад̇д̇ид̇ваа ваяаббад̇д̇о д̣̇уг̇г̇ад̇о д̣̇уруубаго худ̇ваа бхигкам̣ жарид̇ваа ж̇ийвигам̣ габбзси. д̇ад̣̇аа гаасирадтз згасмим̣ г̇аамагз згасса б̣раахман̣асса б̣раахман̣ий д̣̇уссийлаа баабад̇хаммаа ад̇ижаарам̣ жарад̇и. ат̇згад̣̇ивасам̣ б̣раахман̣з гзнажид̣̇зва гаран̣ийязна б̣ахи г̇ад̇з д̇ассаа ж̇ааро д̇ам̣ кан̣ам̣ ологзд̇ваа д̇ам̣ г̇зхам̣ баависи. саа д̇зна сад̣̇д̇хим̣ ад̇ижарид̇ваа ‘‘мухуд̇д̇ам̣ ажча, бхун̃ж̇ид̇ваава г̇амиссасий’’д̇и бхад̇д̇ам̣ самбаад̣̇зд̇ваа суубаб̣яан̃ж̇анасамбаннам̣ ун̣хабхад̇д̇ам̣ вад̣дхзд̇ваа ‘‘д̇вам̣ бхун̃ж̇аа’’д̇и д̇асса д̣̇ад̇ваа саяам̣ б̣раахман̣асса ааг̇аманам̣ ологаяамаанаа д̣̇ваарз адтааси. б̣од̇хисад̇д̇о б̣раахман̣ияаа ж̇аарасса бхун̃ж̇анадтаанз бин̣д̣ам̣ бажжаасийсанд̇о адтааси.
Atīte bārāṇasiyaṃ brahmadatte rajjaṃ kārente bodhisatto ekasmiṃ ṭhāne bhikkhaṃ caritvā jīvikakappake kapaṇe naṭakakule nibbattitvā vayappatto duggato durūpako hutvā bhikkhaṃ caritvā jīvikaṃ kappesi. Tadā kāsiraṭṭhe ekasmiṃ gāmake ekassa brāhmaṇassa brāhmaṇī dussīlā pāpadhammā aticāraṃ carati. Athekadivasaṃ brāhmaṇe kenacideva karaṇīyena bahi gate tassā jāro taṃ khaṇaṃ oloketvā taṃ gehaṃ pāvisi. Sā tena saddhiṃ aticaritvā ‘‘muhuttaṃ accha, bhuñjitvāva gamissasī’’ti bhattaṃ sampādetvā sūpabyañjanasampannaṃ uṇhabhattaṃ vaḍḍhetvā ‘‘tvaṃ bhuñjā’’ti tassa datvā sayaṃ brāhmaṇassa āgamanaṃ olokayamānā dvāre aṭṭhāsi. Bodhisatto brāhmaṇiyā jārassa bhuñjanaṭṭhāne piṇḍaṃ paccāsīsanto aṭṭhāsi.
д̇асмим̣ кан̣з б̣раахман̣о г̇зхаабхимуко ааг̇ажчад̇и. б̣раахман̣ий д̇ам̣ ааг̇ажчанд̇ам̣ д̣̇исваа взг̇зна бависид̇ваа ‘‘удтзхи, б̣раахман̣о ааг̇ажчад̇ий’’д̇и ж̇аарам̣ годтз од̇аарзд̇ваа б̣раахман̣асса бависид̇ваа нисиннагаалз палагам̣ убанзд̇ваа хад̇т̇ад̇хованам̣ д̣̇ад̇ваа ид̇арзна бхуд̇д̇аавасидтасса сийд̇абхад̇д̇асса убари ун̣хабхад̇д̇ам̣ вад̣дхзд̇ваа б̣раахман̣асса ад̣̇ааси. со бхад̇д̇з хад̇т̇ам̣ од̇аарзд̇ваа убари ун̣хам̣ хздтаа жа бхад̇д̇ам̣ сийд̇алам̣ д̣̇исваа жинд̇зси – ‘‘иминаа ан̃н̃асса бхуд̇д̇аад̇хигзна ужчидтабхад̇д̇зна бхавид̇аб̣б̣а’’нд̇и. со б̣раахман̣им̣ бужчанд̇о батамам̣ г̇аат̇амааха –
Tasmiṃ khaṇe brāhmaṇo gehābhimukho āgacchati. Brāhmaṇī taṃ āgacchantaṃ disvā vegena pavisitvā ‘‘uṭṭhehi, brāhmaṇo āgacchatī’’ti jāraṃ koṭṭhe otāretvā brāhmaṇassa pavisitvā nisinnakāle phalakaṃ upanetvā hatthadhovanaṃ datvā itarena bhuttāvasiṭṭhassa sītabhattassa upari uṇhabhattaṃ vaḍḍhetvā brāhmaṇassa adāsi. So bhatte hatthaṃ otāretvā upari uṇhaṃ heṭṭhā ca bhattaṃ sītalaṃ disvā cintesi – ‘‘iminā aññassa bhuttādhikena ucchiṭṭhabhattena bhavitabba’’nti. So brāhmaṇiṃ pucchanto paṭhamaṃ gāthamāha –
123.
123.
‘‘ан̃н̃о убаримо ван̣н̣о, ан̃н̃о ван̣н̣о жа хздтимо;
‘‘Añño uparimo vaṇṇo, añño vaṇṇo ca heṭṭhimo;
б̣раахман̣ий д̇взва бужчаами, гим̣ хздтаа гин̃жа уббарий’’д̇и.
Brāhmaṇī tveva pucchāmi, kiṃ heṭṭhā kiñca upparī’’ti.
д̇ад̇т̇а ван̣н̣од̇и аагааро. аяан̃хи убаримасса ун̣хабхаавам̣ хздтимасса жа сийд̇абхаавам̣ бужчанд̇о звамааха. гим̣ хздтаа гин̃жа уббарийд̇и вуд̣дхид̇абхад̇д̇зна наама убари сийд̇алзна, хздтаа ун̣хзна бхавид̇аб̣б̣ам̣, ид̣̇ан̃жа бана на д̇аад̣̇исам̣, д̇зна д̇ам̣ бужчаами – ‘‘гзна гааран̣зна убари бхад̇д̇ам̣ ун̣хам̣, хздтимам̣ сийд̇ала’’нд̇и.
Tattha vaṇṇoti ākāro. Ayañhi uparimassa uṇhabhāvaṃ heṭṭhimassa ca sītabhāvaṃ pucchanto evamāha. Kiṃ heṭṭhā kiñca upparīti vuḍḍhitabhattena nāma upari sītalena, heṭṭhā uṇhena bhavitabbaṃ, idañca pana na tādisaṃ, tena taṃ pucchāmi – ‘‘kena kāraṇena upari bhattaṃ uṇhaṃ, heṭṭhimaṃ sītala’’nti.
б̣раахман̣ий ад̇д̇анаа гад̇агаммасса уд̇д̇аанабхаавабхаязна б̣раахман̣з бунаббунам̣ гат̇знд̇зби д̇ун̣хийязва ахоси. д̇асмим̣ кан̣з надабуд̇д̇асса зд̇ад̣̇ахоси – ‘‘годтз нисийд̣̇аабид̇абаабабурисзна ж̇аарзна бхавид̇аб̣б̣ам̣, иминаа г̇зхассаамигзна, б̣раахман̣ий бана ад̇д̇анаа гад̇агаммасса баагадабхаавабхаязна гин̃жи на гат̇зд̇и, ханд̣̇аахам̣ имиссаа гад̇агаммам̣ багаасзд̇ваа ж̇аарасса годтагз нисийд̣̇аабид̇абхаавам̣ б̣раахман̣асса гат̇змий’’д̇и. со б̣раахман̣асса г̇зхаа нигканд̇агаалад̇о бадтааяа ид̇арасса г̇зхабавзсанам̣ ад̇ижаран̣ам̣ аг̇г̇абхад̇д̇абхун̃ж̇анам̣ б̣раахман̣ияаа д̣̇ваарз тад̇ваа маг̇г̇ам̣ ологанам̣ ид̇арасса годтз од̇аарид̇абхааванд̇и саб̣б̣ам̣ д̇ам̣ бавад̇д̇им̣ аажигкид̇ваа д̣̇уд̇ияам̣ г̇аат̇амааха –
Brāhmaṇī attanā katakammassa uttānabhāvabhayena brāhmaṇe punappunaṃ kathentepi tuṇhīyeva ahosi. Tasmiṃ khaṇe naṭaputtassa etadahosi – ‘‘koṭṭhe nisīdāpitapāpapurisena jārena bhavitabbaṃ, iminā gehassāmikena, brāhmaṇī pana attanā katakammassa pākaṭabhāvabhayena kiñci na katheti, handāhaṃ imissā katakammaṃ pakāsetvā jārassa koṭṭhake nisīdāpitabhāvaṃ brāhmaṇassa kathemī’’ti. So brāhmaṇassa gehā nikkhantakālato paṭṭhāya itarassa gehapavesanaṃ aticaraṇaṃ aggabhattabhuñjanaṃ brāhmaṇiyā dvāre ṭhatvā maggaṃ olokanaṃ itarassa koṭṭhe otāritabhāvanti sabbaṃ taṃ pavattiṃ ācikkhitvā dutiyaṃ gāthamāha –
124.
124.
‘‘ахам̣ надосми бхад̣̇д̣̇анд̇з, бхигкагосми ид̇хааг̇ад̇о;
‘‘Ahaṃ naṭosmi bhaddante, bhikkhakosmi idhāgato;
аяан̃хи годтамод̇ин̣н̣о, аяам̣ со яам̣ г̇авзсасий’’д̇и.
Ayañhi koṭṭhamotiṇṇo, ayaṃ so yaṃ gavesasī’’ti.
д̇ад̇т̇а ахам̣ надосми, бхад̣̇д̣̇анд̇зд̇и, саами, ахам̣ надаж̇аад̇иго. бхигкагосми ид̇хааг̇ад̇од̇и сваахам̣ имам̣ таанам̣ бхигкаго бхигкам̣ бариязсамаано ааг̇ад̇осми. аяан̃хи годтамод̇ин̣н̣од̇и аяам̣ бана зд̇иссаа ж̇ааро имам̣ бхад̇д̇ам̣ бхун̃ж̇анд̇о д̇ава бхаязна годтам̣ од̇ин̣н̣о. аяам̣ со яам̣ г̇авзсасийд̇и яам̣ д̇вам̣ гасса ну ко иминаа ужчидтагзна бхавид̇аб̣б̣анд̇и г̇авзсаси, аяам̣ со. жуул̣ааяа нам̣ г̇ахзд̇ваа годтаа нийхарид̇ваа яат̇аа на бунзваруубам̣ баабам̣ гарод̇и, д̇ат̇аа асса сад̇им̣ ж̇анзхийд̇и вад̇ваа баггаами. б̣раахман̣о убхоби д̇з яат̇аа нам̣ на бунзваруубам̣ баабам̣ гаронд̇и, д̇аж̇ж̇анабот̇анзхи д̇ат̇аа сигкаабзд̇ваа яат̇аагаммам̣ г̇ад̇о.
Tattha ahaṃ naṭosmi, bhaddanteti, sāmi, ahaṃ naṭajātiko. Bhikkhakosmi idhāgatoti svāhaṃ imaṃ ṭhānaṃ bhikkhako bhikkhaṃ pariyesamāno āgatosmi. Ayañhi koṭṭhamotiṇṇoti ayaṃ pana etissā jāro imaṃ bhattaṃ bhuñjanto tava bhayena koṭṭhaṃ otiṇṇo. Ayaṃ so yaṃ gavesasīti yaṃ tvaṃ kassa nu kho iminā ucchiṭṭhakena bhavitabbanti gavesasi, ayaṃ so. Cūḷāya naṃ gahetvā koṭṭhā nīharitvā yathā na punevarūpaṃ pāpaṃ karoti, tathā assa satiṃ janehīti vatvā pakkāmi. Brāhmaṇo ubhopi te yathā naṃ na punevarūpaṃ pāpaṃ karonti, tajjanapothanehi tathā sikkhāpetvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇о бхигку сод̇аабад̇д̇ипалз бад̇идтахи. ‘‘д̇ад̣̇аа б̣раахман̣ий бураан̣ад̣̇уд̇ияигаа ахоси, б̣раахман̣о угган̣тид̇о бхигку, надабуд̇д̇о бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhito bhikkhu sotāpattiphale patiṭṭhahi. ‘‘Tadā brāhmaṇī purāṇadutiyikā ahosi, brāhmaṇo ukkaṇṭhito bhikkhu, naṭaputto pana ahameva ahosi’’nti.
ужчидтабхад̇д̇аж̇аад̇агаван̣н̣анаа д̣̇уд̇ияаа.
Ucchiṭṭhabhattajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 212. ужчидтабхад̇д̇аж̇аад̇агам̣ • 212. Ucchiṭṭhabhattajātakaṃ
