| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
10. уд̣̇агад̣̇ааяигаат̇зрийабад̣̇аанам̣
10. Udakadāyikātherīapadānaṃ
116.
116.
‘‘наг̇арз б̣анд̇хумад̇ияаа, ахосим̣ уд̣̇ахааригаа;
‘‘Nagare bandhumatiyā, ahosiṃ udahārikā;
уд̣̇ахаарзна ж̇ийваами, д̇зна босзми д̣̇аарагз.
Udahārena jīvāmi, tena posemi dārake.
117.
117.
‘‘д̣̇зяяад̇хаммо жа мз над̇т̇и, бун̃н̃агкзд̇д̇з ануд̇д̇арз;
‘‘Deyyadhammo ca me natthi, puññakkhette anuttare;
годтагам̣ убасан̇гамма, уд̣̇агам̣ бадтабзсахам̣.
Koṭṭhakaṃ upasaṅkamma, udakaṃ paṭṭhapesahaṃ.
118.
118.
‘‘д̇зна гаммзна сугад̇зна, д̇аавад̇им̣самаг̇ажчахам̣;
‘‘Tena kammena sukatena, tāvatiṃsamagacchahaṃ;
д̇ад̇т̇а мз сугад̇ам̣ б̣яамхам̣, уд̣̇ахаарзна ниммид̇ам̣.
Tattha me sukataṃ byamhaṃ, udahārena nimmitaṃ.
119.
119.
‘‘ажчараанам̣ сахассасса, ахан̃хи бавараа д̇ад̣̇аа;
‘‘Accharānaṃ sahassassa, ahañhi pavarā tadā;
д̣̇асадтаанзхи д̇аа саб̣б̣аа, абхибхоми сад̣̇аа ахам̣.
Dasaṭṭhānehi tā sabbā, abhibhomi sadā ahaṃ.
120.
120.
‘‘бан̃н̃аасам̣ д̣̇зварааж̇уунам̣, махзсид̇д̇амагаараяим̣;
‘‘Paññāsaṃ devarājūnaṃ, mahesittamakārayiṃ;
вийсад̇ижаггавад̇д̇ийнам̣, махзсид̇д̇амагаараяим̣.
Vīsaticakkavattīnaṃ, mahesittamakārayiṃ.
121.
121.
‘‘д̣̇увз бхавз сам̣сараами, д̣̇звад̇д̇з ат̇а маанусз;
‘‘Duve bhave saṃsarāmi, devatte atha mānuse;
д̣̇уг̇г̇ад̇им̣ наабхиж̇аанаами, д̣̇агад̣̇аанассид̣̇ам̣ палам̣.
Duggatiṃ nābhijānāmi, dakadānassidaṃ phalaṃ.
122.
122.
‘‘баб̣б̣ад̇аг̇г̇з д̣̇умаг̇г̇з ваа, анд̇алигкз жа бхуумияам̣;
‘‘Pabbatagge dumagge vā, antalikkhe ca bhūmiyaṃ;
яад̣̇аа уд̣̇агамижчаами, киббам̣ бадилабхаамахам̣.
Yadā udakamicchāmi, khippaṃ paṭilabhāmahaṃ.
123.
123.
‘‘авудтигаа д̣̇исаа над̇т̇и, санд̇ад̇д̇аа гут̇ид̇ааби 1 жа;
‘‘Avuṭṭhikā disā natthi, santattā kuthitāpi 2 ca;
мама сан̇габбаман̃н̃ааяа, махаамзгхо бавассад̇и.
Mama saṅkappamaññāya, mahāmegho pavassati.
124.
124.
‘‘гад̣̇аажи нийяамаанааяа, н̃аад̇исан̇гхзна мз д̇ад̣̇аа;
‘‘Kadāci nīyamānāya, ñātisaṅghena me tadā;
яад̣̇аа ижчаамахам̣ вассам̣, махаамзгхо аж̇ааяат̇а.
Yadā icchāmahaṃ vassaṃ, mahāmegho ajāyatha.
125.
125.
‘‘ун̣хам̣ ваа барил̣аахо ваа, сарийрз мз на виж̇ж̇ад̇и;
‘‘Uṇhaṃ vā pariḷāho vā, sarīre me na vijjati;
гааяз жа мз раж̇о над̇т̇и, д̣̇агад̣̇аанассид̣̇ам̣ палам̣.
Kāye ca me rajo natthi, dakadānassidaṃ phalaṃ.
126.
126.
‘‘висуд̣̇д̇хаманасаа аж̇ж̇а, абзд̇аманабаабигаа;
‘‘Visuddhamanasā ajja, apetamanapāpikā;
саб̣б̣аасавабаригкийн̣аа, над̇т̇и д̣̇аани бунаб̣бхаво.
Sabbāsavaparikkhīṇā, natthi dāni punabbhavo.
127.
127.
‘‘зганавуд̇ид̇о габбз, яам̣ д̣̇агам̣ ад̣̇ад̣̇им̣ д̇ад̣̇аа;
‘‘Ekanavutito kappe, yaṃ dakaṃ adadiṃ tadā;
д̣̇уг̇г̇ад̇им̣ наабхиж̇аанаами, д̣̇агад̣̇аанассид̣̇ам̣ палам̣.
Duggatiṃ nābhijānāmi, dakadānassidaṃ phalaṃ.
128.
128.
‘‘гилзсаа жхаабид̇аа маяхам̣…бз… вихараами анаасаваа.
‘‘Kilesā jhāpitā mayhaṃ…pe… viharāmi anāsavā.
129.
129.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
130.
130.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ уд̣̇агад̣̇ааяигаа бхигкуний имаа г̇аат̇ааяо абхаасид̇т̇аад̇и.
Itthaṃ sudaṃ udakadāyikā bhikkhunī imā gāthāyo abhāsitthāti.
уд̣̇агад̣̇ааяигаат̇зрияаабад̣̇аанам̣ д̣̇асамам̣.
Udakadāyikātheriyāpadānaṃ dasamaṃ.
сумзд̇хааваг̇г̇о батамо.
Sumedhāvaggo paṭhamo.
д̇ассуд̣̇д̣̇аанам̣ –
Tassuddānaṃ –
сумзд̇хаа мзкалаад̣̇ааяий, ман̣д̣абам̣ сан̇гамам̣ д̣̇ад̣̇аа;
Sumedhā mekhalādāyī, maṇḍapaṃ saṅkamaṃ dadā;
нал̣амаалий бин̣д̣ад̣̇ад̣̇аа, гадажчу уббалаббад̣̇аа.
Naḷamālī piṇḍadadā, kaṭacchu uppalappadā.
д̣̇ийбад̣̇аа д̣̇агад̣̇аа жзва, г̇аат̇ааяо г̇ан̣ид̇аа иха;
Dīpadā dakadā ceva, gāthāyo gaṇitā iha;
Footnotes:
