| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೧೦. ಉದಕಸುತ್ತಂ
10. Udakasuttaṃ
೧೦೩. ‘‘ಉದಕೋ 1 ಸುದಂ, ಭಿಕ್ಖವೇ, ರಾಮಪುತ್ತೋ ಏವಂ ವಾಚಂ ಭಾಸತಿ – ‘ಇದಂ ಜಾತು ವೇದಗೂ, ಇದಂ ಜಾತು ಸಬ್ಬಜೀ 2, ಇದಂ ಜಾತು ಅಪಲಿಖತಂ ಗಣ್ಡಮೂಲಂ ಪಲಿಖಣಿ’ನ್ತಿ। ತಂ ಖೋ ಪನೇತಂ, ಭಿಕ್ಖವೇ, ಉದಕೋ ರಾಮಪುತ್ತೋ ಅವೇದಗೂಯೇವ ಸಮಾನೋ ‘ವೇದಗೂಸ್ಮೀ’ತಿ ಭಾಸತಿ, ಅಸಬ್ಬಜೀಯೇವ ಸಮಾನೋ ‘ಸಬ್ಬಜೀಸ್ಮೀ’ತಿ ಭಾಸತಿ, ಅಪಲಿಖತಂಯೇವ ಗಣ್ಡಮೂಲಂ ಪಲಿಖತಂ ಮೇ ‘ಗಣ್ಡಮೂಲ’ನ್ತಿ ಭಾಸತಿ। ಇಧ ಖೋ ತಂ, ಭಿಕ್ಖವೇ, ಭಿಕ್ಖು ಸಮ್ಮಾ ವದಮಾನೋ ವದೇಯ್ಯ – ‘ಇದಂ ಜಾತು ವೇದಗೂ, ಇದಂ ಜಾತು ಸಬ್ಬಜೀ, ಇದಂ ಜಾತು ಅಪಲಿಖತಂ ಗಣ್ಡಮೂಲಂ ಪಲಿಖಣಿ’’’ನ್ತಿ।
103. ‘‘Udako 3 sudaṃ, bhikkhave, rāmaputto evaṃ vācaṃ bhāsati – ‘idaṃ jātu vedagū, idaṃ jātu sabbajī 4, idaṃ jātu apalikhataṃ gaṇḍamūlaṃ palikhaṇi’nti. Taṃ kho panetaṃ, bhikkhave, udako rāmaputto avedagūyeva samāno ‘vedagūsmī’ti bhāsati, asabbajīyeva samāno ‘sabbajīsmī’ti bhāsati, apalikhataṃyeva gaṇḍamūlaṃ palikhataṃ me ‘gaṇḍamūla’nti bhāsati. Idha kho taṃ, bhikkhave, bhikkhu sammā vadamāno vadeyya – ‘idaṃ jātu vedagū, idaṃ jātu sabbajī, idaṃ jātu apalikhataṃ gaṇḍamūlaṃ palikhaṇi’’’nti.
‘‘ಕಥಞ್ಚ, ಭಿಕ್ಖವೇ, ವೇದಗೂ ಹೋತಿ? ಯತೋ ಖೋ, ಭಿಕ್ಖವೇ, ಭಿಕ್ಖು ಛನ್ನಂ ಫಸ್ಸಾಯತನಾನಂ ಸಮುದಯಞ್ಚ ಅತ್ಥಙ್ಗಮಞ್ಚ ಅಸ್ಸಾದಞ್ಚ ಆದೀನವಞ್ಚ ನಿಸ್ಸರಣಞ್ಚ ಯಥಾಭೂತಂ ಪಜಾನಾತಿ; ಏವಂ ಖೋ, ಭಿಕ್ಖವೇ, ಭಿಕ್ಖು ವೇದಗೂ ಹೋತಿ।
‘‘Kathañca, bhikkhave, vedagū hoti? Yato kho, bhikkhave, bhikkhu channaṃ phassāyatanānaṃ samudayañca atthaṅgamañca assādañca ādīnavañca nissaraṇañca yathābhūtaṃ pajānāti; evaṃ kho, bhikkhave, bhikkhu vedagū hoti.
‘‘ಕಥಞ್ಚ, ಭಿಕ್ಖವೇ, ಭಿಕ್ಖು ಸಬ್ಬಜೀ ಹೋತಿ? ಯತೋ ಖೋ, ಭಿಕ್ಖವೇ, ಭಿಕ್ಖು ಛನ್ನಂ ಫಸ್ಸಾಯತನಾನಂ ಸಮುದಯಞ್ಚ ಅತ್ಥಙ್ಗಮಞ್ಚ ಅಸ್ಸಾದಞ್ಚ ಆದೀನವಞ್ಚ ನಿಸ್ಸರಣಞ್ಚ ಯಥಾಭೂತಂ ವಿದಿತ್ವಾ ಅನುಪಾದಾವಿಮುತ್ತೋ ಹೋತಿ; ಏವಂ ಖೋ, ಭಿಕ್ಖವೇ, ಭಿಕ್ಖು ಸಬ್ಬಜೀ ಹೋತಿ।
‘‘Kathañca, bhikkhave, bhikkhu sabbajī hoti? Yato kho, bhikkhave, bhikkhu channaṃ phassāyatanānaṃ samudayañca atthaṅgamañca assādañca ādīnavañca nissaraṇañca yathābhūtaṃ viditvā anupādāvimutto hoti; evaṃ kho, bhikkhave, bhikkhu sabbajī hoti.
‘‘ಕಥಞ್ಚ , ಭಿಕ್ಖವೇ, ಭಿಕ್ಖುನೋ ಅಪಲಿಖತಂ ಗಣ್ಡಮೂಲಂ ಪಲಿಖತಂ ಹೋತಿ? ಗಣ್ಡೋತಿ ಖೋ, ಭಿಕ್ಖವೇ, ಇಮಸ್ಸೇತಂ ಚಾತುಮಹಾಭೂತಿಕಸ್ಸ ಕಾಯಸ್ಸ ಅಧಿವಚನಂ ಮಾತಾಪೇತ್ತಿಕಸಮ್ಭವಸ್ಸ ಓದನಕುಮ್ಮಾಸೂಪಚಯಸ್ಸ ಅನಿಚ್ಚುಚ್ಛಾದನಪರಿಮದ್ದನಭೇದನವಿದ್ಧಂಸನಧಮ್ಮಸ್ಸ । ಗಣ್ಡಮೂಲನ್ತಿ ಖೋ, ಭಿಕ್ಖವೇ, ತಣ್ಹಾಯೇತಂ ಅಧಿವಚನಂ। ಯತೋ ಖೋ, ಭಿಕ್ಖವೇ, ಭಿಕ್ಖುನೋ ತಣ್ಹಾ ಪಹೀನಾ ಹೋತಿ ಉಚ್ಛಿನ್ನಮೂಲಾ ತಾಲಾವತ್ಥುಕತಾ ಅನಭಾವಙ್ಕತಾ ಆಯತಿಂ ಅನುಪ್ಪಾದಧಮ್ಮಾ; ಏವಂ ಖೋ, ಭಿಕ್ಖವೇ, ಭಿಕ್ಖುನೋ ಅಪಲಿಖತಂ ಗಣ್ಡಮೂಲಂ ಪಲಿಖತಂ ಹೋತಿ।
‘‘Kathañca , bhikkhave, bhikkhuno apalikhataṃ gaṇḍamūlaṃ palikhataṃ hoti? Gaṇḍoti kho, bhikkhave, imassetaṃ cātumahābhūtikassa kāyassa adhivacanaṃ mātāpettikasambhavassa odanakummāsūpacayassa aniccucchādanaparimaddanabhedanaviddhaṃsanadhammassa . Gaṇḍamūlanti kho, bhikkhave, taṇhāyetaṃ adhivacanaṃ. Yato kho, bhikkhave, bhikkhuno taṇhā pahīnā hoti ucchinnamūlā tālāvatthukatā anabhāvaṅkatā āyatiṃ anuppādadhammā; evaṃ kho, bhikkhave, bhikkhuno apalikhataṃ gaṇḍamūlaṃ palikhataṃ hoti.
‘‘ಉದಕೋ ಸುದಂ, ಭಿಕ್ಖವೇ, ರಾಮಪುತ್ತೋ ಏವಂ ವಾಚಂ ಭಾಸತಿ – ‘ಇದಂ ಜಾತು ವೇದಗೂ, ಇದಂ ಜಾತು ಸಬ್ಬಜೀ, ಇದಂ ಜಾತು ಅಪಲಿಖತಂ ಗಣ್ಡಮೂಲಂ ಪಲಿಖಣಿ’ನ್ತಿ। ತಂ ಖೋ ಪನೇತಂ, ಭಿಕ್ಖವೇ, ಉದಕೋ ರಾಮಪುತ್ತೋ ಅವೇದಗೂಯೇವ ಸಮಾನೋ ‘ವೇದಗೂಸ್ಮೀ’ತಿ ಭಾಸತಿ, ಅಸಬ್ಬಜೀಯೇವ ಸಮಾನೋ ‘ಸಬ್ಬಜೀಸ್ಮೀ’ತಿ ಭಾಸತಿ; ಅಪಲಿಖತಂಯೇವ ಗಣ್ಡಮೂಲಂ ‘ಪಲಿಖತಂ ಮೇ ಗಣ್ಡಮೂಲ’ನ್ತಿ ಭಾಸತಿ। ಇಧ ಖೋ ತಂ, ಭಿಕ್ಖವೇ, ಭಿಕ್ಖು ಸಮ್ಮಾ ವದಮಾನೋ ವದೇಯ್ಯ – ‘ಇದಂ ಜಾತು ವೇದಗೂ, ಇದಂ ಜಾತು ಸಬ್ಬಜೀ, ಇದಂ ಜಾತು ಅಪಲಿಖತಂ ಗಣ್ಡಮೂಲಂ ಪಲಿಖಣಿ’’’ನ್ತಿ। ದಸಮಂ।
‘‘Udako sudaṃ, bhikkhave, rāmaputto evaṃ vācaṃ bhāsati – ‘idaṃ jātu vedagū, idaṃ jātu sabbajī, idaṃ jātu apalikhataṃ gaṇḍamūlaṃ palikhaṇi’nti. Taṃ kho panetaṃ, bhikkhave, udako rāmaputto avedagūyeva samāno ‘vedagūsmī’ti bhāsati, asabbajīyeva samāno ‘sabbajīsmī’ti bhāsati; apalikhataṃyeva gaṇḍamūlaṃ ‘palikhataṃ me gaṇḍamūla’nti bhāsati. Idha kho taṃ, bhikkhave, bhikkhu sammā vadamāno vadeyya – ‘idaṃ jātu vedagū, idaṃ jātu sabbajī, idaṃ jātu apalikhataṃ gaṇḍamūlaṃ palikhaṇi’’’nti. Dasamaṃ.
ಸಳವಗ್ಗೋ ದಸಮೋ।
Saḷavaggo dasamo.
ತಸ್ಸುದ್ದಾನಂ –
Tassuddānaṃ –
ದ್ವೇ ಸಂಗಯ್ಹಾ ಪರಿಹಾನಂ, ಪಮಾದವಿಹಾರೀ ಚ ಸಂವರೋ।
Dve saṃgayhā parihānaṃ, pamādavihārī ca saṃvaro;
ಸಮಾಧಿ ಪಟಿಸಲ್ಲಾನಂ, ದ್ವೇ ನತುಮ್ಹಾಕೇನ ಉದ್ದಕೋತಿ॥
Samādhi paṭisallānaṃ, dve natumhākena uddakoti.
ಸಳಾಯತನವಗ್ಗೇ ದುತಿಯಪಣ್ಣಾಸಕೋ ಸಮತ್ತೋ।
Saḷāyatanavagge dutiyapaṇṇāsako samatto.
ತಸ್ಸ ವಗ್ಗುದ್ದಾನಂ –
Tassa vagguddānaṃ –
ಅವಿಜ್ಜಾ ಮಿಗಜಾಲಞ್ಚ, ಗಿಲಾನಂ ಛನ್ನಂ ಚತುತ್ಥಕಂ।
Avijjā migajālañca, gilānaṃ channaṃ catutthakaṃ;
ಸಳವಗ್ಗೇನ ಪಞ್ಞಾಸಂ, ದುತಿಯೋ ಪಣ್ಣಾಸಕೋ ಅಯನ್ತಿ॥
Saḷavaggena paññāsaṃ, dutiyo paṇṇāsako ayanti.
ಪಠಮಸತಕಂ।
Paṭhamasatakaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧೦. ಉದಕಸುತ್ತವಣ್ಣನಾ • 10. Udakasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧೦. ಉದಕಸುತ್ತವಣ್ಣನಾ • 10. Udakasuttavaṇṇanā
