| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. уд̣̇аанасуд̇д̇аван̣н̣анаа
3. Udānasuttavaṇṇanā
55. д̇ад̇ияз уд̣̇аанам̣ уд̣̇аанзсийд̇и б̣алавасоманассасамудтаанам̣ уд̣̇аанам̣ уд̣̇аахари. гим̣ ниссааяа банзса бхаг̇авад̇о уббаннод̇и. саасанасса нияяаанигабхаавам̣. гат̇ам̣? звам̣ гирасса ахоси, ‘‘д̇аяомз убаниссаяаа – д̣̇аануубаниссаяо сийлуубаниссаяо бхаавануубаниссаяо жаа’’д̇и. д̇зсу д̣̇аанасийлуубаниссаяаа д̣̇уб̣б̣алаа, бхаавануубаниссаяо б̣алаваа. д̣̇аанасийлуубаниссаяаа хи д̇аяо маг̇г̇з жа палаани жа баабзнд̇и, бхаавануубаниссаяо арахад̇д̇ам̣ баабзд̇и. ид̇и д̣̇уб̣б̣алуубаниссаяз бад̇идтид̇о бхигку гхадзнд̇о вааяаманд̇о бан̃жорамбхааг̇ияаани б̣анд̇ханаани чзд̇ваа д̇ийн̣и маг̇г̇апалаани ниб̣б̣ад̇д̇зд̇и, ‘‘ахо саасанам̣ нияяаанига’’нд̇и ааваж̇ж̇знд̇асса аяам̣ уд̣̇абаад̣̇и.
55. Tatiye udānaṃ udānesīti balavasomanassasamuṭṭhānaṃ udānaṃ udāhari. Kiṃ nissāya panesa bhagavato uppannoti. Sāsanassa niyyānikabhāvaṃ. Kathaṃ? Evaṃ kirassa ahosi, ‘‘tayome upanissayā – dānūpanissayo sīlūpanissayo bhāvanūpanissayo cā’’ti. Tesu dānasīlūpanissayā dubbalā, bhāvanūpanissayo balavā. Dānasīlūpanissayā hi tayo magge ca phalāni ca pāpenti, bhāvanūpanissayo arahattaṃ pāpeti. Iti dubbalūpanissaye patiṭṭhito bhikkhu ghaṭento vāyamanto pañcorambhāgiyāni bandhanāni chetvā tīṇi maggaphalāni nibbatteti, ‘‘aho sāsanaṃ niyyānika’’nti āvajjentassa ayaṃ udapādi.
д̇ад̇т̇а ‘‘д̣̇уб̣б̣алуубаниссаяз тад̇ваа гхадамаано д̇ийн̣и маг̇г̇апалаани баабун̣аад̇ий’’д̇и имассад̇т̇ассаавибхааванад̇т̇ам̣ милагад̇т̇зрасса вад̇т̇у взд̣̇ид̇аб̣б̣ам̣ – со гира г̇ихигаалз баан̣аад̇ибаад̇агаммзна ж̇ийвигам̣ габбзнд̇о аран̃н̃з баасасад̇ан̃жзва ад̣̇уухаласад̇ан̃жа яож̇зси. ат̇згад̣̇ивасам̣ ан̇г̇аарабаггамам̣сам̣ каад̣̇ид̇ваа баасадтаанзсу вижаранд̇о бибаасаабхибхууд̇о згасса аран̃н̃аваасид̇т̇зрасса вихаарам̣ г̇анд̇ваа т̇зрасса жан̇гаманд̇асса авид̣̇уурз тид̇ам̣ баанийяагхадам̣ вивари, хад̇т̇ад̇зманамад̇д̇амби уд̣̇агам̣ наад̣̇д̣̇аса. со гуж̇жхид̇ваа ааха – ‘‘бхигку, бхигку д̇умхз г̇ахабад̇игзхи д̣̇иннам̣ бхун̃ж̇ид̇ваа бхун̃ж̇ид̇ваа субат̇а, баанийяагхадз ан̃ж̇алимад̇д̇амби уд̣̇агам̣ на табзт̇а, на яуд̇д̇амзд̇а’’нд̇и. т̇зро ‘‘маяаа баанийяагхадо буурзд̇ваа табид̇о, гим̣ ну ко зд̇а’’нд̇и? г̇анд̇ваа ологзнд̇о барибун̣н̣агхадам̣ д̣̇исваа баанийяасан̇кам̣ буурзд̇ваа ад̣̇ааси. со д̣̇вад̇д̇исан̇кабуурам̣ бивид̇ваа жинд̇зси – ‘‘звам̣ буурид̇агхадо наама мама гаммам̣ ааг̇амма д̇ад̇д̇агабаало вияа ж̇аад̇о. гим̣ ну ко анааг̇ад̇з ад̇д̇абхаавз бхависсад̇ий’’д̇и? сам̣виг̇г̇ажид̇д̇о д̇ханум̣ чад̣д̣зд̇ваа, ‘‘баб̣б̣ааж̇зт̇а мам̣, бханд̇з’’д̇и ааха. т̇зро д̇ажабан̃жагагаммадтаанам̣ аажигкид̇ваа д̇ам̣ баб̣б̣ааж̇зси.
Tattha ‘‘dubbalūpanissaye ṭhatvā ghaṭamāno tīṇi maggaphalāni pāpuṇātī’’ti imassatthassāvibhāvanatthaṃ milakattherassa vatthu veditabbaṃ – so kira gihikāle pāṇātipātakammena jīvikaṃ kappento araññe pāsasatañceva adūhalasatañca yojesi. Athekadivasaṃ aṅgārapakkamaṃsaṃ khāditvā pāsaṭṭhānesu vicaranto pipāsābhibhūto ekassa araññavāsittherassa vihāraṃ gantvā therassa caṅkamantassa avidūre ṭhitaṃ pānīyaghaṭaṃ vivari, hatthatemanamattampi udakaṃ nāddasa. So kujjhitvā āha – ‘‘bhikkhu, bhikkhu tumhe gahapatikehi dinnaṃ bhuñjitvā bhuñjitvā supatha, pānīyaghaṭe añjalimattampi udakaṃ na ṭhapetha, na yuttameta’’nti. Thero ‘‘mayā pānīyaghaṭo pūretvā ṭhapito, kiṃ nu kho eta’’nti? Gantvā olokento paripuṇṇaghaṭaṃ disvā pānīyasaṅkhaṃ pūretvā adāsi. So dvattisaṅkhapūraṃ pivitvā cintesi – ‘‘evaṃ pūritaghaṭo nāma mama kammaṃ āgamma tattakapālo viya jāto. Kiṃ nu kho anāgate attabhāve bhavissatī’’ti? Saṃviggacitto dhanuṃ chaḍḍetvā, ‘‘pabbājetha maṃ, bhante’’ti āha. Thero tacapañcakakammaṭṭhānaṃ ācikkhitvā taṃ pabbājesi.
д̇асса саман̣ад̇хаммам̣ гаронд̇асса б̣ахуунам̣ миг̇асуугараанам̣ маарид̇адтаанам̣ баасаад̣̇уухалаанан̃жа яож̇ид̇адтаанам̣ убадтаад̇и. д̇ам̣ ануссарад̇о сарийрз д̣̇аахо уббаж̇ж̇ад̇и, гуудаг̇он̣о вияа гаммадтаанамби вийт̇им̣ на бадибаж̇ж̇ад̇и. со ‘‘гим̣ гариссаами бхигкубхаавзнаа’’д̇и ? анабхирад̇ияаа бийл̣ид̇о т̇зрасса санд̇игам̣ г̇анд̇ваа ванд̣̇ид̇ваа ааха – ‘‘на саггоми, бханд̇з, саман̣ад̇хаммам̣ гаад̇у’’нд̇и. ат̇а нам̣ т̇зро ‘‘хад̇т̇агаммам̣ гарохий’’д̇и ааха. со ‘‘саад̇ху, бханд̇з’’д̇и вад̇ваа уд̣̇умб̣араад̣̇аяо алларугкз чинд̣̇ид̇ваа маханд̇ам̣ раасим̣ гад̇ваа, ‘‘ид̣̇аани гим̣ гаромий’’д̇и бужчи? жхаабзхи нанд̇и. со жад̇уусу д̣̇исаасу аг̇г̇им̣ д̣̇ад̇ваа жхаабзд̇ум̣ асаггонд̇о, ‘‘бханд̇з, на саггомий’’д̇и ааха. т̇зро ‘‘д̇зна хи абзхий’’д̇и бат̇авим̣ д̣̇вид̇хаа гад̇ваа авийжид̇о каж̇ж̇обанагамад̇д̇ам̣ аг̇г̇им̣ нийхарид̇ваа д̇ад̇т̇а багкиби. со д̇аава маханд̇ам̣ раасим̣ сугкабан̣н̣ам̣ вияа кан̣зна жхаабзси. ат̇асса т̇зро авийжим̣ д̣̇ассзд̇ваа, ‘‘сажз виб̣бхамиссаси, зд̇т̇а бажжиссасий’’д̇и сам̣взг̇ам̣ ж̇анзси. со авийжид̣̇ассанад̇о бадтааяа бавзд̇хамаано ‘‘нияяаанигам̣, бханд̇з, б̣уд̣̇д̇хасаасана’’нд̇и бужчи, аамаавусод̇и. бханд̇з, б̣уд̣̇д̇хасаасанасса нияяаанигад̇д̇з сад̇и милаго ад̇д̇амогкам̣ гариссад̇и, маа жинд̇аяид̇т̇аад̇и. д̇ад̇о бадтааяа саман̣ад̇хаммам̣ гарод̇и гхадзд̇и, д̇асса вад̇д̇абадивад̇д̇ам̣ буурзд̇и, нид̣̇д̣̇ааяа б̣аад̇хаяамаанааяа д̇инд̇ам̣ балаалам̣ сийсз табзд̇ваа баад̣̇з сон̣д̣ияам̣ од̇аарзд̇ваа нисийд̣̇ад̇и. со згад̣̇ивасам̣ баанийяам̣ бариссаавзд̇ваа гхадам̣ уурумхи табзд̇ваа уд̣̇агаман̣игаанам̣ бажчзд̣̇ам̣ ааг̇амаяамаано адтааси. ат̇а ко т̇зро сааман̣зрасса имам̣ уд̣̇д̣̇зсам̣ д̣̇зд̇и –
Tassa samaṇadhammaṃ karontassa bahūnaṃ migasūkarānaṃ māritaṭṭhānaṃ pāsaadūhalānañca yojitaṭṭhānaṃ upaṭṭhāti. Taṃ anussarato sarīre dāho uppajjati, kūṭagoṇo viya kammaṭṭhānampi vīthiṃ na paṭipajjati. So ‘‘kiṃ karissāmi bhikkhubhāvenā’’ti ? Anabhiratiyā pīḷito therassa santikaṃ gantvā vanditvā āha – ‘‘na sakkomi, bhante, samaṇadhammaṃ kātu’’nti. Atha naṃ thero ‘‘hatthakammaṃ karohī’’ti āha. So ‘‘sādhu, bhante’’ti vatvā udumbarādayo allarukkhe chinditvā mahantaṃ rāsiṃ katvā, ‘‘idāni kiṃ karomī’’ti pucchi? Jhāpehi nanti. So catūsu disāsu aggiṃ datvā jhāpetuṃ asakkonto, ‘‘bhante, na sakkomī’’ti āha. Thero ‘‘tena hi apehī’’ti pathaviṃ dvidhā katvā avīcito khajjopanakamattaṃ aggiṃ nīharitvā tattha pakkhipi. So tāva mahantaṃ rāsiṃ sukkhapaṇṇaṃ viya khaṇena jhāpesi. Athassa thero avīciṃ dassetvā, ‘‘sace vibbhamissasi, ettha paccissasī’’ti saṃvegaṃ janesi. So avīcidassanato paṭṭhāya pavedhamāno ‘‘niyyānikaṃ, bhante, buddhasāsana’’nti pucchi, āmāvusoti. Bhante, buddhasāsanassa niyyānikatte sati milako attamokkhaṃ karissati, mā cintayitthāti. Tato paṭṭhāya samaṇadhammaṃ karoti ghaṭeti, tassa vattapaṭivattaṃ pūreti, niddāya bādhayamānāya tintaṃ palālaṃ sīse ṭhapetvā pāde soṇḍiyaṃ otāretvā nisīdati. So ekadivasaṃ pānīyaṃ parissāvetvā ghaṭaṃ ūrumhi ṭhapetvā udakamaṇikānaṃ pacchedaṃ āgamayamāno aṭṭhāsi. Atha kho thero sāmaṇerassa imaṃ uddesaṃ deti –
‘‘удтаанавад̇о сад̇иймад̇о,
‘‘Uṭṭhānavato satīmato,
сужигаммасса нисаммагаарино;
Sucikammassa nisammakārino;
сан̃н̃ад̇асса д̇хаммаж̇ийвино,
Saññatassa dhammajīvino,
аббамад̇д̇асса яасобхивад̣дхад̇ий’’д̇и. (д̇ха. ба. 24);
Appamattassa yasobhivaḍḍhatī’’ti. (dha. pa. 24);
со жад̇уббад̣̇игамби д̇ам̣ г̇аат̇ам̣ ад̇д̇аниязва убанзси – ‘‘удтаанавад̇аа наама маад̣̇исзна бхавид̇аб̣б̣ам̣. сад̇имад̇ааби маад̣̇исзнзва…бз… аббамад̇д̇знаби маад̣̇исзнзва бхавид̇аб̣б̣а’’нд̇и. звам̣ д̇ам̣ г̇аат̇ам̣ ад̇д̇ани убанзд̇ваа д̇асмим̣язва бад̣̇аваарз тид̇о бан̃жорамбхааг̇ияаани сам̣яож̇анаани чинд̣̇ид̇ваа анааг̇аамипалз бад̇идтааяа хадтад̇удто –
So catuppadikampi taṃ gāthaṃ attaniyeva upanesi – ‘‘uṭṭhānavatā nāma mādisena bhavitabbaṃ. Satimatāpi mādiseneva…pe… appamattenapi mādiseneva bhavitabba’’nti. Evaṃ taṃ gāthaṃ attani upanetvā tasmiṃyeva padavāre ṭhito pañcorambhāgiyāni saṃyojanāni chinditvā anāgāmiphale patiṭṭhāya haṭṭhatuṭṭho –
‘‘аллам̣ балаалабун̃ж̇аахам̣, сийсзнаад̣̇ааяа жан̇гамим̣;
‘‘Allaṃ palālapuñjāhaṃ, sīsenādāya caṅkamiṃ;
бад̇д̇осми д̇ад̇ияам̣ таанам̣, зд̇т̇а мз над̇т̇и сам̣саяо’’д̇и. –
Pattosmi tatiyaṃ ṭhānaṃ, ettha me natthi saṃsayo’’ti. –
имам̣ уд̣̇аанаг̇аат̇ам̣ ааха. звам̣ д̣̇уб̣б̣алуубаниссаяз тид̇о гхадзнд̇о вааяаманд̇о бан̃жорамбхааг̇ияаани сам̣яож̇анаани чинд̣̇ид̇ваа д̇ийн̣и маг̇г̇апалаани ниб̣б̣ад̇д̇зд̇и. д̇знааха бхаг̇аваа – ‘‘но жассам̣, но жа мз сияаа, наабхависса, на мз бхависсад̇ийд̇и звам̣ ад̇химужжамаано бхигку чинд̣̇зяяа орамбхааг̇ияаани сам̣яож̇анааний’’д̇и.
Imaṃ udānagāthaṃ āha. Evaṃ dubbalūpanissaye ṭhito ghaṭento vāyamanto pañcorambhāgiyāni saṃyojanāni chinditvā tīṇi maggaphalāni nibbatteti. Tenāha bhagavā – ‘‘no cassaṃ, no ca me siyā, nābhavissa, na me bhavissatīti evaṃ adhimuccamāno bhikkhu chindeyya orambhāgiyāni saṃyojanānī’’ti.
д̇ад̇т̇а но жассам̣, но жа мз сияаад̇и сажз ахам̣ на бхавзяяам̣, мама баригкаароби на бхавзяяа. сажз ваа бана мз ад̇ийд̇з гаммаабхисан̇кааро наабхависса, ид̣̇ам̣ мз зд̇арахи канд̇хабан̃жагам̣ на бхавзяяа. наабхависса, на мз бхависсад̇ийд̇и ид̣̇аани бана д̇ат̇аа бараггамиссаами, яат̇аа мз ааяад̇им̣ канд̇хаабхиниб̣б̣ад̇д̇аго гаммасан̇кааро на бхависсад̇и, д̇асмим̣ асад̇и ааяад̇им̣ бадисанд̇хи наама на мз бхависсад̇и. звам̣ ад̇химужжамаанод̇и звам̣ ад̇химужжанд̇о бхигку д̣̇уб̣б̣алуубаниссаяз тид̇о бан̃жорамбхааг̇ияаани сам̣яож̇анаани чинд̣̇зяяа. звам̣ вуд̇д̇зд̇и звам̣ саасанасса нияяаанигабхаавам̣ ааваж̇ж̇знд̇зна бхаг̇авад̇аа имасмим̣ уд̣̇аанз вуд̇д̇з. руубам̣ вибхависсад̇ийд̇и руубам̣ бхиж̇ж̇иссад̇и. руубасса вибхаваад̇и вибхавад̣̇ассанзна сахавибассанзна. сахавибассанагаа хи жад̇д̇ааро маг̇г̇аа руубаад̣̇ийнам̣ вибхавад̣̇ассанам̣ наама. д̇ам̣ санд̇хааязд̇ам̣ вуд̇д̇ам̣. звам̣ ад̇химужжамаано, бханд̇з, бхигку чинд̣̇зяяаад̇и, бханд̇з, звам̣ ад̇химужжамаано бхигку чинд̣̇зяязва бан̃жорамбхааг̇ияаани сам̣яож̇анаани. гасмаа на чинд̣̇иссад̇ийд̇и?
Tattha no cassaṃ, no ca me siyāti sace ahaṃ na bhaveyyaṃ, mama parikkhāropi na bhaveyya. Sace vā pana me atīte kammābhisaṅkhāro nābhavissa, idaṃ me etarahi khandhapañcakaṃ na bhaveyya. Nābhavissa, na me bhavissatīti idāni pana tathā parakkamissāmi, yathā me āyatiṃ khandhābhinibbattako kammasaṅkhāro na bhavissati, tasmiṃ asati āyatiṃ paṭisandhi nāma na me bhavissati. Evaṃ adhimuccamānoti evaṃ adhimuccanto bhikkhu dubbalūpanissaye ṭhito pañcorambhāgiyāni saṃyojanāni chindeyya. Evaṃ vutteti evaṃ sāsanassa niyyānikabhāvaṃ āvajjentena bhagavatā imasmiṃ udāne vutte. Rūpaṃ vibhavissatīti rūpaṃ bhijjissati. Rūpassa vibhavāti vibhavadassanena sahavipassanena. Sahavipassanakā hi cattāro maggā rūpādīnaṃ vibhavadassanaṃ nāma. Taṃ sandhāyetaṃ vuttaṃ. Evaṃ adhimuccamāno, bhante, bhikkhu chindeyyāti, bhante, evaṃ adhimuccamāno bhikkhu chindeyyeva pañcorambhāgiyāni saṃyojanāni. Kasmā na chindissatīti?
ид̣̇аани убари маг̇г̇апалам̣ бужчанд̇о гат̇ам̣ бана, бханд̇зд̇иаад̣̇имааха. д̇ад̇т̇а ананд̇араад̇и д̣̇вз ананд̇араани аасаннаананд̇аран̃жа д̣̇уураананд̇аран̃жа. вибассанаа маг̇г̇асса аасаннаананд̇арам̣ наама, паласса д̣̇уураананд̇арам̣ наама. д̇ам̣ санд̇хааяа ‘‘гат̇ам̣ бана, бханд̇з, ж̇аанад̇о гат̇ам̣ бассад̇о вибассанаананд̇араа ‘аасаваанам̣ каяо’д̇и сан̇кам̣ г̇ад̇ам̣ арахад̇д̇апалам̣ ход̇ий’’д̇и бужчад̇и. ад̇асид̇ааязд̇и ад̇асид̇аб̣б̣з абхааяид̇аб̣б̣з таанамхи. д̇аасам̣ аабаж̇ж̇ад̇ийд̇и бхаяам̣ аабаж̇ж̇ад̇и. д̇аасо хзсод̇и яаа зсаа ‘‘но жассам̣, но жа мз сияаа’’д̇и звам̣ бавад̇д̇аа д̣̇уб̣б̣алавибассанаа, саа яасмаа ад̇д̇асинзхам̣ барияаад̣̇аад̇ум̣ на саггод̇и, д̇асмаа ассуд̇авад̇о бут̇уж̇ж̇анасса д̇аасо наама ход̇и. со хи ‘‘ид̣̇аанаахам̣ ужчиж̇ж̇иссаами, на д̣̇аани гин̃жи бхависсаамий’’д̇и ад̇д̇аанам̣ бабаад̇з бад̇анд̇ам̣ вияа бассад̇и ан̃н̃ад̇аро б̣раахман̣о вияа. лохабаасаад̣̇асса гира хздтаа д̇ибидагажуул̣анааг̇ад̇т̇зро д̇илагкан̣аахад̇ам̣ д̇хаммам̣ баривад̇д̇зд̇и. ат̇а ан̃н̃ад̇арасса б̣раахман̣асса згаманд̇з тад̇ваа д̇хаммам̣ сун̣анд̇асса сан̇каараа сун̃н̃ад̇о убадтахим̣су. со бабаад̇з бад̇анд̇о вияа худ̇ваа вивадад̣̇ваарзна д̇ад̇о балааяид̇ваа г̇зхам̣ бависид̇ваа, буд̇д̇ам̣ урз саяаабзд̇ваа, ‘‘д̇аад̇а, сагяасамаяам̣ ааваж̇ж̇знд̇о манамхи надто’’д̇и ааха. на хзсо бхигку д̇аасод̇и зсаа звам̣ бавад̇д̇аа б̣алававибассанаа суд̇авад̇о арияасаавагасса на д̇аасо наама ход̇и. на хи д̇асса звам̣ ход̇и ‘‘ахам̣ ужчиж̇ж̇иссаамий’’д̇и ваа ‘‘винассиссаамий’’д̇и ваад̇и. звам̣ бана ход̇и ‘‘сан̇каараава уббаж̇ж̇анд̇и, сан̇каараава нируж̇жханд̇ий’’д̇и. д̇ад̇ияам̣.
Idāni upari maggaphalaṃ pucchanto kathaṃ pana, bhantetiādimāha. Tattha anantarāti dve anantarāni āsannānantarañca dūrānantarañca. Vipassanā maggassa āsannānantaraṃ nāma, phalassa dūrānantaraṃ nāma. Taṃ sandhāya ‘‘kathaṃ pana, bhante, jānato kathaṃ passato vipassanānantarā ‘āsavānaṃ khayo’ti saṅkhaṃ gataṃ arahattaphalaṃ hotī’’ti pucchati. Atasitāyeti atasitabbe abhāyitabbe ṭhānamhi. Tāsaṃ āpajjatīti bhayaṃ āpajjati. Tāso hesoti yā esā ‘‘no cassaṃ, no ca me siyā’’ti evaṃ pavattā dubbalavipassanā, sā yasmā attasinehaṃ pariyādātuṃ na sakkoti, tasmā assutavato puthujjanassa tāso nāma hoti. So hi ‘‘idānāhaṃ ucchijjissāmi, na dāni kiñci bhavissāmī’’ti attānaṃ papāte patantaṃ viya passati aññataro brāhmaṇo viya. Lohapāsādassa kira heṭṭhā tipiṭakacūḷanāgatthero tilakkhaṇāhataṃ dhammaṃ parivatteti. Atha aññatarassa brāhmaṇassa ekamante ṭhatvā dhammaṃ suṇantassa saṅkhārā suññato upaṭṭhahiṃsu. So papāte patanto viya hutvā vivaṭadvārena tato palāyitvā gehaṃ pavisitvā, puttaṃ ure sayāpetvā, ‘‘tāta, sakyasamayaṃ āvajjento manamhi naṭṭho’’ti āha. Na heso bhikkhu tāsoti esā evaṃ pavattā balavavipassanā sutavato ariyasāvakassa na tāso nāma hoti. Na hi tassa evaṃ hoti ‘‘ahaṃ ucchijjissāmī’’ti vā ‘‘vinassissāmī’’ti vāti. Evaṃ pana hoti ‘‘saṅkhārāva uppajjanti, saṅkhārāva nirujjhantī’’ti. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. уд̣̇аанасуд̇д̇ам̣ • 3. Udānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. уд̣̇аанасуд̇д̇аван̣н̣анаа • 3. Udānasuttavaṇṇanā
