| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[106] 6. уд̣̇ан̃жанийж̇аад̇агаван̣н̣анаа
[106] 6. Udañcanījātakavaṇṇanā
сукам̣ вад̇а мам̣ ж̇ийванд̇анд̇и ид̣̇ам̣ сад̇т̇аа ж̇зд̇аванз вихаранд̇о т̇уллагумааригаабалобханам̣ аараб̣бха гат̇зси. вад̇т̇у д̇зрасаганибаад̇з жуул̣анаарад̣̇агассабаж̇аад̇агз (ж̇аа. 1.13.40 аад̣̇аяо) аави бхависсад̇и. д̇ам̣ бана бхигкум̣ сад̇т̇аа ‘‘сажжам̣ гира д̇вам̣ бхигку угган̣тид̇осий’’д̇и бужчид̇ваа ‘‘сажжам̣, бхаг̇аваа’’д̇и вуд̇д̇з ‘‘гад̇т̇а д̇з жид̇д̇ам̣ бадиб̣ад̣̇д̇ха’’нд̇и бужчи. со ‘‘згиссаа т̇уллагумааригааяаа’’д̇и ааха. ат̇а нам̣ сад̇т̇аа ‘‘аяам̣ д̇з бхигку анад̇т̇агааригаа, буб̣б̣зби д̇вам̣ зд̇ам̣ ниссааяа сийлаб̣яасанам̣ бад̇ваа гамбанд̇о вижарамаано бан̣д̣ид̇з ниссааяа сукам̣ лабхий’’д̇и вад̇ваа ад̇ийд̇ам̣ аахари.
Sukhaṃ vata maṃ jīvantanti idaṃ satthā jetavane viharanto thullakumārikāpalobhanaṃ ārabbha kathesi. Vatthu terasakanipāte cūḷanāradakassapajātake (jā. 1.13.40 ādayo) āvi bhavissati. Taṃ pana bhikkhuṃ satthā ‘‘saccaṃ kira tvaṃ bhikkhu ukkaṇṭhitosī’’ti pucchitvā ‘‘saccaṃ, bhagavā’’ti vutte ‘‘kattha te cittaṃ paṭibaddha’’nti pucchi. So ‘‘ekissā thullakumārikāyā’’ti āha. Atha naṃ satthā ‘‘ayaṃ te bhikkhu anatthakārikā, pubbepi tvaṃ etaṃ nissāya sīlabyasanaṃ patvā kampanto vicaramāno paṇḍite nissāya sukhaṃ labhī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇зд̇и ад̇ийд̇авад̇т̇уби жуул̣анаарад̣̇агассабаж̇аад̇агзязва аави бхависсад̇и. д̇ад̣̇аа бана б̣од̇хисад̇д̇о сааяам̣ палаапалз аад̣̇ааяа ааг̇анд̇ваа бан̣н̣асаалаад̣̇ваарам̣ виварид̇ваа бависид̇ваа буд̇д̇ам̣ жуул̣ад̇аабасам̣ зд̇ад̣̇авожа ‘‘д̇аад̇а, д̇вам̣ ан̃н̃зсу д̣̇ивасзсу д̣̇аарууни аахараси, баанийяам̣ барибхож̇анийяам̣ аахараси, аг̇г̇им̣ гароси, аж̇ж̇а бана згамби агад̇ваа гасмаа д̣̇уммуко баж̇жхааяанд̇о нибанносий’’д̇и? ‘‘д̇аад̇а, д̇умхзсу палаапалад̇т̇ааяа г̇ад̇зсу згаа ид̇т̇ий ааг̇анд̇ваа мам̣ балобхзд̇ваа аад̣̇ааяа г̇анд̇ум̣ аарабхи, ахам̣ бана ‘д̇умхзхи виссаж̇ж̇ид̇о г̇амиссаамий’д̇и на г̇ажчим̣, асугадтаанз бана нам̣ нисийд̣̇аабзд̇ваа ааг̇ад̇омхи, ид̣̇аани г̇ажчаамахам̣ д̇аад̇аа’’д̇и. б̣од̇хисад̇д̇о ‘‘на саггаа зд̇ам̣ нивад̇д̇зд̇у’’нд̇и н̃ад̇ваа ‘‘д̇зна хи, д̇аад̇а, г̇ажча, зсаа бана д̇ам̣ нзд̇ваа яад̣̇аа мажчамам̣саад̣̇ийни ваа каад̣̇ид̇угаамаа бхависсад̇и, саббилон̣ад̇ан̣д̣улаад̣̇ийхи ваа банассаа ад̇т̇о бхависсад̇и, д̇ад̣̇аа ‘ид̣̇ан̃жид̣̇ан̃жаахараа’д̇и д̇ам̣ гиламзссад̇и. д̇ад̣̇аа маяхам̣ г̇ун̣ам̣ сарид̇ваа балааяид̇ваа ид̇хзва ааг̇ажчзяяаасий’’д̇и виссаж̇ж̇зси. со д̇ааяа сад̣̇д̇хим̣ мануссабат̇ам̣ аг̇амааси. ат̇а нам̣ саа ад̇д̇ано васам̣ г̇амзд̇ваа ‘‘мам̣сам̣ аахара, мажчам̣ аахараа’’д̇и язна язна ад̇т̇игаа ход̇и, д̇ам̣ д̇ам̣ аахараабзд̇и. д̇ад̣̇аа со ‘‘аяам̣ мам̣ ад̇д̇ано д̣̇аасам̣ вияа гаммагаарам̣ вияа жа гад̇ваа бийл̣зд̇ий’’д̇и балааяид̇ваа бид̇у санд̇игам̣ ааг̇анд̇ваа бид̇арам̣ ванд̣̇ид̇ваа тид̇агова имам̣ г̇аат̇амааха –
Atīte bārāṇasiyaṃ brahmadatte rajjaṃ kārenteti atītavatthupi cūḷanāradakassapajātakeyeva āvi bhavissati. Tadā pana bodhisatto sāyaṃ phalāphale ādāya āgantvā paṇṇasālādvāraṃ vivaritvā pavisitvā puttaṃ cūḷatāpasaṃ etadavoca ‘‘tāta, tvaṃ aññesu divasesu dārūni āharasi, pānīyaṃ paribhojanīyaṃ āharasi, aggiṃ karosi, ajja pana ekampi akatvā kasmā dummukho pajjhāyanto nipannosī’’ti? ‘‘Tāta, tumhesu phalāphalatthāya gatesu ekā itthī āgantvā maṃ palobhetvā ādāya gantuṃ ārabhi, ahaṃ pana ‘tumhehi vissajjito gamissāmī’ti na gacchiṃ, asukaṭṭhāne pana naṃ nisīdāpetvā āgatomhi, idāni gacchāmahaṃ tātā’’ti. Bodhisatto ‘‘na sakkā etaṃ nivattetu’’nti ñatvā ‘‘tena hi, tāta, gaccha, esā pana taṃ netvā yadā macchamaṃsādīni vā khāditukāmā bhavissati, sappiloṇataṇḍulādīhi vā panassā attho bhavissati, tadā ‘idañcidañcāharā’ti taṃ kilamessati. Tadā mayhaṃ guṇaṃ saritvā palāyitvā idheva āgaccheyyāsī’’ti vissajjesi. So tāya saddhiṃ manussapathaṃ agamāsi. Atha naṃ sā attano vasaṃ gametvā ‘‘maṃsaṃ āhara, macchaṃ āharā’’ti yena yena atthikā hoti, taṃ taṃ āharāpeti. Tadā so ‘‘ayaṃ maṃ attano dāsaṃ viya kammakāraṃ viya ca katvā pīḷetī’’ti palāyitvā pitu santikaṃ āgantvā pitaraṃ vanditvā ṭhitakova imaṃ gāthamāha –
106.
106.
‘‘сукам̣ вад̇а мам̣ ж̇ийванд̇ам̣, бажамаанаа уд̣̇ан̃жаний;
‘‘Sukhaṃ vata maṃ jīvantaṃ, pacamānā udañcanī;
жорий ж̇ааяаббаваад̣̇зна, д̇злам̣ лон̣ан̃жа яаажад̇ий’’д̇и.
Corī jāyappavādena, telaṃ loṇañca yācatī’’ti.
д̇ад̇т̇а сукам̣ вад̇а мам̣ ж̇ийванд̇анд̇и д̇аад̇а, д̇умхаагам̣ санд̇игз мам̣ сукам̣ ж̇ийванд̇ам̣. бажамаанаад̇и д̇аабаяамаанаа бийл̣аяамаанаа, яам̣ яам̣ ваа каад̣̇ид̇угаамаа ход̇и, д̇ам̣ д̇ам̣ бажамаанаа. уд̣̇агам̣ ан̃жанд̇и зд̇ааяаад̇и уд̣̇ан̃жаний, жаадид̇о ваа гуубад̇о ваа уд̣̇агауссин̃жанагхадигааязд̇ам̣ наамам̣. саа бана уд̣̇ан̃жаний вияа, уд̣̇агам̣ вияа гхадигаа, язна язнад̇т̇игаа ход̇и, д̇ам̣ д̇ам̣ аагад̣дхад̇иязваад̇и ад̇т̇о . жорий ж̇ааяаббаваад̣̇знаад̇и ‘‘бхарияаа’’д̇и наамзна згаа жорий мам̣ мад̇хураважанзна убалаабзд̇ваа д̇ад̇т̇а нзд̇ваа д̇злам̣ лон̣ан̃жа яан̃жа ан̃н̃ам̣ ижчад̇и, д̇ам̣ саб̣б̣ам̣ яаажад̇и, д̣̇аасам̣ вияа гаммагаарам̣ вияа жа гад̇ваа аахараабзд̇ийд̇и д̇ассаа аг̇ун̣ам̣ гат̇зси.
Tattha sukhaṃ vata maṃ jīvantanti tāta, tumhākaṃ santike maṃ sukhaṃ jīvantaṃ. Pacamānāti tāpayamānā pīḷayamānā, yaṃ yaṃ vā khāditukāmā hoti, taṃ taṃ pacamānā. Udakaṃ añcanti etāyāti udañcanī, cāṭito vā kūpato vā udakaussiñcanaghaṭikāyetaṃ nāmaṃ. Sā pana udañcanī viya, udakaṃ viya ghaṭikā, yena yenatthikā hoti, taṃ taṃ ākaḍḍhatiyevāti attho . Corī jāyappavādenāti ‘‘bhariyā’’ti nāmena ekā corī maṃ madhuravacanena upalāpetvā tattha netvā telaṃ loṇañca yañca aññaṃ icchati, taṃ sabbaṃ yācati, dāsaṃ viya kammakāraṃ viya ca katvā āharāpetīti tassā aguṇaṃ kathesi.
ат̇а нам̣ б̣од̇хисад̇д̇о ассаасзд̇ваа ‘‘ход̇у, д̇аад̇а, зхи д̇вам̣ мзд̇д̇ам̣ бхаавзхи, гарун̣ам̣ бхаавзхий’’д̇и жад̇д̇ааро б̣рахмавихаарз аажигки, аажигкид̇ваа гасин̣абаригаммам̣ аажигки. со на жирассзва абхин̃н̃аа жа самаабад̇д̇ияо жа уббаад̣̇зд̇ваа б̣рахмавихаарз бхаавзд̇ваа сад̣̇д̇хим̣ бид̇араа б̣рахмалогз ниб̣б̣ад̇д̇и.
Atha naṃ bodhisatto assāsetvā ‘‘hotu, tāta, ehi tvaṃ mettaṃ bhāvehi, karuṇaṃ bhāvehī’’ti cattāro brahmavihāre ācikkhi, ācikkhitvā kasiṇaparikammaṃ ācikkhi. So na cirasseva abhiññā ca samāpattiyo ca uppādetvā brahmavihāre bhāvetvā saddhiṃ pitarā brahmaloke nibbatti.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз со бхигку сод̇аабад̇д̇ипалз бад̇идтахи.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne so bhikkhu sotāpattiphale patiṭṭhahi.
‘‘д̇ад̣̇аа т̇уллагумааригаава зд̇арахи т̇уллагумааригаа. жуул̣ад̇аабасо угган̣тид̇абхигку ахоси, бид̇аа бана ахамзва ахоси’’нд̇и.
‘‘Tadā thullakumārikāva etarahi thullakumārikā. Cūḷatāpaso ukkaṇṭhitabhikkhu ahosi, pitā pana ahameva ahosi’’nti.
уд̣̇ан̃жанийж̇аад̇агаван̣н̣анаа чадтаа.
Udañcanījātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 106. уд̣̇ан̃жанийж̇аад̇агам̣ • 106. Udañcanījātakaṃ
