| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. уд̣̇аяасуд̇д̇аван̣н̣анаа
2. Udayasuttavaṇṇanā
198. д̣̇уд̇ияз од̣̇анзна буурзсийд̇и ад̇д̇ано ад̇т̇ааяа самбаад̣̇ид̇зна суубаб̣яан̃ж̇анзна од̣̇анзна буурзд̇ваа ад̣̇ааси. бхаг̇аваа гира бажжуусасамаяз логам̣ ологзнд̇ова д̇ам̣ б̣раахман̣ам̣ д̣̇исваа, баад̇ова сарийрабадиж̇аг̇г̇анам̣ гад̇ваа, г̇анд̇хагудим̣ бависид̇ваа, д̣̇ваарам̣ бид̇хааяа, нисинно д̇асса бхож̇анам̣ убасам̣харияамаанам̣ д̣̇исваа, згагова бад̇д̇ам̣ ам̣сагуудз лаг̇г̇зд̇ваа, г̇анд̇хагудид̇о нигкамма, наг̇арад̣̇ваарз бад̇д̇ам̣ нийхарид̇ваа, анд̇онаг̇арам̣ бависид̇ваа, бадибаадияаа г̇ажчанд̇о б̣раахман̣асса д̣̇ваарагодтагз адтааси. б̣раахман̣о бхаг̇аванд̇ам̣ д̣̇исваа, ад̇д̇ано саж̇ж̇ид̇ам̣ бхож̇анам̣ ад̣̇ааси. д̇ам̣ санд̇хааязд̇ам̣ вуд̇д̇ам̣. д̣̇уд̇ияамбийд̇и д̣̇уд̇ияад̣̇ивасзби. д̇ад̇ияамбийд̇и д̇ад̇ияад̣̇ивасзби. д̇аани гира д̇ийн̣и д̣̇ивасаани ниранд̇арам̣ б̣раахман̣асса гхарад̣̇ваарам̣ г̇ажчанд̇асса бхаг̇авад̇о анд̇араа ан̃н̃о гожи удтааяа бад̇д̇ам̣ г̇ахзд̇ум̣ самад̇т̇о наама наахоси, махааж̇ано ологзнд̇ова адтааси.
198. Dutiye odanena pūresīti attano atthāya sampāditena sūpabyañjanena odanena pūretvā adāsi. Bhagavā kira paccūsasamaye lokaṃ olokentova taṃ brāhmaṇaṃ disvā, pātova sarīrapaṭijagganaṃ katvā, gandhakuṭiṃ pavisitvā, dvāraṃ pidhāya, nisinno tassa bhojanaṃ upasaṃhariyamānaṃ disvā, ekakova pattaṃ aṃsakūṭe laggetvā, gandhakuṭito nikkhamma, nagaradvāre pattaṃ nīharitvā, antonagaraṃ pavisitvā, paṭipāṭiyā gacchanto brāhmaṇassa dvārakoṭṭhake aṭṭhāsi. Brāhmaṇo bhagavantaṃ disvā, attano sajjitaṃ bhojanaṃ adāsi. Taṃ sandhāyetaṃ vuttaṃ. Dutiyampīti dutiyadivasepi. Tatiyampīti tatiyadivasepi. Tāni kira tīṇi divasāni nirantaraṃ brāhmaṇassa gharadvāraṃ gacchantassa bhagavato antarā añño koci uṭṭhāya pattaṃ gahetuṃ samattho nāma nāhosi, mahājano olokentova aṭṭhāsi.
зд̇ад̣̇авожаад̇и б̣раахман̣о д̇ийн̣и д̣̇ивасаани бад̇д̇ам̣ буурзд̇ваа д̣̇знд̇оби на сад̣̇д̇хааяа ад̣̇ааси, ‘‘гхарад̣̇ваарам̣ ааг̇анд̇ваа тид̇асса баб̣б̣аж̇ид̇асса бхигкаамад̇д̇амби ад̣̇ад̇ваа бхун̃ж̇ад̇ий’’д̇и убаарамбхабхаязна ад̣̇ааси. д̣̇ад̣̇анд̇о жа д̣̇вз д̣̇ивасаани д̣̇ад̇ваа гин̃жи авад̇ваава нивад̇д̇о. бхаг̇авааби гин̃жи авад̇ваава багганд̇о. д̇ад̇ияад̣̇ивасз бана ад̇хиваасзд̇ум̣ асаггонд̇о зд̇ам̣ ‘‘багадтаго’’д̇иаад̣̇иважанам̣ авожа. бхаг̇авааби зд̇ам̣ важанам̣ нижчаараабанад̇т̇амзва яаава д̇ад̇ияамаг̇амааси. д̇ад̇т̇а багадтагод̇и расаг̇ид̣̇д̇хо.
Etadavocāti brāhmaṇo tīṇi divasāni pattaṃ pūretvā dentopi na saddhāya adāsi, ‘‘gharadvāraṃ āgantvā ṭhitassa pabbajitassa bhikkhāmattampi adatvā bhuñjatī’’ti upārambhabhayena adāsi. Dadanto ca dve divasāni datvā kiñci avatvāva nivatto. Bhagavāpi kiñci avatvāva pakkanto. Tatiyadivase pana adhivāsetuṃ asakkonto etaṃ ‘‘pakaṭṭhako’’tiādivacanaṃ avoca. Bhagavāpi etaṃ vacanaṃ nicchārāpanatthameva yāva tatiyamagamāsi. Tattha pakaṭṭhakoti rasagiddho.
бунаббунам̣ жзва вабанд̇и б̣ийж̇анд̇и сад̇т̇аа б̣раахман̣асса важанам̣ суд̇ваа, ‘‘б̣раахман̣а, д̇вам̣ д̇ийн̣и д̣̇ивасаани бин̣д̣абаад̇ам̣ д̣̇ад̇ваа осаггаси, бунаббунам̣ гаад̇аб̣б̣аа наама логасмим̣ сол̣аса д̇хаммаа’’д̇и вад̇ваа д̇з д̇хаммз д̣̇ассзд̇ум̣ имам̣ д̣̇зсанам̣ аарабхи. д̇ад̇т̇а бунаббунам̣ жзва вабанд̇ийд̇и згасмим̣ сассаваарз вуд̇д̇ам̣ ‘‘аламзд̇д̇аавад̇аа’’д̇и аносаггид̇ваа абараабарзсуби сассаваарзсу жа вабанд̇иязва. бунаббунам̣ вассад̇ийд̇и на згад̣̇ивасам̣ вассид̇ваа д̇идтад̇и, бунаббунад̣̇ивасзсуби бунаббунасам̣важчарзсуби вассад̇иязва, звам̣ ж̇анабад̣̇аа ид̣̇д̇хаа хонд̇и. зд̇знубааязна саб̣б̣ад̇т̇а наяо взд̣̇ид̇аб̣б̣о.
Punappunaṃ ceva vapanti bījanti satthā brāhmaṇassa vacanaṃ sutvā, ‘‘brāhmaṇa, tvaṃ tīṇi divasāni piṇḍapātaṃ datvā osakkasi, punappunaṃ kātabbā nāma lokasmiṃ soḷasa dhammā’’ti vatvā te dhamme dassetuṃ imaṃ desanaṃ ārabhi. Tattha punappunaṃ ceva vapantīti ekasmiṃ sassavāre vuttaṃ ‘‘alamettāvatā’’ti anosakkitvā aparāparesupi sassavāresu ca vapantiyeva. Punappunaṃ vassatīti na ekadivasaṃ vassitvā tiṭṭhati, punappunadivasesupi punappunasaṃvaccharesupi vassatiyeva, evaṃ janapadā iddhā honti. Etenupāyena sabbattha nayo veditabbo.
яаажагаад̇и имасмим̣ бад̣̇з сад̇т̇аа д̣̇зсанаагусалад̇ааяа ад̇д̇аанамби багкибид̇ваа д̣̇ассзд̇и. кийранигаад̇и кийрагаарагаа г̇од̣̇охагаа. на хи д̇з згаваарамзва т̇анам̣ ан̃чанд̇и, бунаббунам̣ ан̃чанд̇аа д̇хзнум̣ д̣̇уханд̇ийд̇и ад̇т̇о. гиламад̇и панд̣̇ад̇и жаад̇и аяам̣ сад̇д̇о д̇зна ирияаабат̇зна гиламад̇и жзва панд̣̇ад̇и жа. г̇аб̣бханд̇и сон̣асин̇г̇аалаад̣̇ийнамби д̇иражчаанаг̇ад̇аанам̣ гужчим̣. сиват̇иганд̇и сусаанам̣, мад̇ам̣ мад̇ам̣ сад̇д̇ам̣ д̇ад̇т̇а бунаббунам̣ харанд̇ийд̇и ад̇т̇о. маг̇г̇ан̃жа лад̣̇д̇хаа абунаб̣бхавааяаад̇и абунаб̣бхавааяа маг̇г̇о наама ниб̣б̣аанам̣, д̇ам̣ лабхид̇ваад̇и ад̇т̇о.
Yācakāti imasmiṃ pade satthā desanākusalatāya attānampi pakkhipitvā dasseti. Khīranikāti khīrakārakā godohakā. Na hi te ekavārameva thanaṃ añchanti, punappunaṃ añchantā dhenuṃ duhantīti attho. Kilamati phandati cāti ayaṃ satto tena iriyāpathena kilamati ceva phandati ca. Gabbhanti soṇasiṅgālādīnampi tiracchānagatānaṃ kucchiṃ. Sivathikanti susānaṃ, mataṃ mataṃ sattaṃ tattha punappunaṃ harantīti attho. Maggañca laddhā apunabbhavāyāti apunabbhavāya maggo nāma nibbānaṃ, taṃ labhitvāti attho.
звам̣ вуд̇д̇зд̇и звам̣ бхаг̇авад̇аа анд̇аравийт̇ияам̣ тад̇ваава сол̣аса бунаббунад̇хаммз д̣̇зсзнд̇зна вуд̇д̇з. зд̇ад̣̇авожаад̇и д̣̇зсанаабарияосаанз басанно сад̣̇д̇хим̣ буд̇д̇ад̣̇аарамид̇д̇ан̃аад̇иваг̇г̇зна бхаг̇авад̇о баад̣̇з ванд̣̇ид̇ваа зд̇ам̣ ‘‘абхигганд̇ам̣ бхо’’д̇иаад̣̇иважанам̣ авожа. д̣̇уд̇ияам̣.
Evaṃ vutteti evaṃ bhagavatā antaravīthiyaṃ ṭhatvāva soḷasa punappunadhamme desentena vutte. Etadavocāti desanāpariyosāne pasanno saddhiṃ puttadāramittañātivaggena bhagavato pāde vanditvā etaṃ ‘‘abhikkantaṃ bho’’tiādivacanaṃ avoca. Dutiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. уд̣̇аяасуд̇д̇ам̣ • 2. Udayasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. уд̣̇аяасуд̇д̇аван̣н̣анаа • 2. Udayasuttavaṇṇanā
