| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
9. உதா³யீஸுத்தவண்ணனா
9. Udāyīsuttavaṇṇanā
159. நவமே அனுபுப்³பி³ங் கத²ங் கதெ²ஸ்ஸாமீதி தா³னானந்தரங் ஸீலங், ஸீலானந்தரங் ஸக்³க³ந்தி ஏவங் தே³ஸனானுபுப்³பி³ங் கத²ங் வா, யங் யங் ஸுத்தபத³ங் வா கா³தா²பத³ங் வா நிக்கி²த்தங் ஹோதி, தஸ்ஸ தஸ்ஸ அனுரூபகத²ங் கதெ²ஸ்ஸாமீதி சித்தங் உபட்ட²பெத்வா பரேஸங் த⁴ம்மோ தே³ஸேதப்³போ³. பரியாயத³ஸ்ஸாவீதி தஸ்ஸ தஸ்ஸ அத்த²ஸ்ஸ தங் தங் காரணங் த³ஸ்ஸெந்தோ. காரணஞ்ஹி இத⁴ பரியாயோதி வுத்தங். அனுத்³த³யதங் படிச்சாதி ‘‘மஹாஸம்பா³த⁴ப்பத்தே ஸத்தே ஸம்பா³த⁴தோ மோசெஸ்ஸாமீ’’தி அனுகம்பங் ஆக³ம்ம. ந ஆமிஸந்தரோதி ந ஆமிஸஹேதுகோ, அத்தனோ சதுபச்சயலாப⁴ங் அனாஸீஸந்தோதி அத்தோ². அத்தானஞ்ச பரஞ்ச அனுபஹச்சாதி அத்துக்கங்ஸனபரவம்ப⁴னாதி³வஸேன அத்தானஞ்ச பரஞ்ச கு³ணுபகா⁴தேன அனுபஹந்த்வா.
159. Navame anupubbiṃ kathaṃ kathessāmīti dānānantaraṃ sīlaṃ, sīlānantaraṃ sagganti evaṃ desanānupubbiṃ kathaṃ vā, yaṃ yaṃ suttapadaṃ vā gāthāpadaṃ vā nikkhittaṃ hoti, tassa tassa anurūpakathaṃ kathessāmīti cittaṃ upaṭṭhapetvā paresaṃ dhammo desetabbo. Pariyāyadassāvīti tassa tassa atthassa taṃ taṃ kāraṇaṃ dassento. Kāraṇañhi idha pariyāyoti vuttaṃ. Anuddayataṃ paṭiccāti ‘‘mahāsambādhappatte satte sambādhato mocessāmī’’ti anukampaṃ āgamma. Na āmisantaroti na āmisahetuko, attano catupaccayalābhaṃ anāsīsantoti attho. Attānañca parañca anupahaccāti attukkaṃsanaparavambhanādivasena attānañca parañca guṇupaghātena anupahantvā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. உதா³யீஸுத்தங் • 9. Udāyīsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / (16) 1. ஸத்³த⁴ம்மவக்³கோ³ • (16) 1. Saddhammavaggo
