| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. उद्दालकदायकत्थेरअपदानं
10. Uddālakadāyakattheraapadānaṃ
३४.
34.
‘‘ककुधो नाम नामेन, सयम्भू अपराजितो।
‘‘Kakudho nāma nāmena, sayambhū aparājito;
पवना निक्खमित्वान, अनुप्पत्तो महानदिं॥
Pavanā nikkhamitvāna, anuppatto mahānadiṃ.
३५.
35.
‘‘उद्दालकं गहेत्वान, सयम्भुस्स अदासहं।
‘‘Uddālakaṃ gahetvāna, sayambhussa adāsahaṃ;
संयतस्सुजुभूतस्स, पसन्नमानसो अहं॥
Saṃyatassujubhūtassa, pasannamānaso ahaṃ.
३६.
36.
‘‘एकत्तिंसे इतो कप्पे, यं पुप्फमभिपूजयिं।
‘‘Ekattiṃse ito kappe, yaṃ pupphamabhipūjayiṃ;
दुग्गतिं नाभिजानामि, पुप्फदानस्सिदं फलं॥
Duggatiṃ nābhijānāmi, pupphadānassidaṃ phalaṃ.
३७.
37.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा उद्दालकदायको थेरो इमा गाथायो अभासित्थाति।
Itthaṃ sudaṃ āyasmā uddālakadāyako thero imā gāthāyo abhāsitthāti.
उद्दालकदायकत्थेरस्सापदानं दसमं।
Uddālakadāyakattherassāpadānaṃ dasamaṃ.
तुवरदायकवग्गो पञ्चवीसतिमो।
Tuvaradāyakavaggo pañcavīsatimo.
तस्सुद्दानं –
Tassuddānaṃ –
तुवरनागनळिना, विरवी कुटिधूपको।
Tuvaranāganaḷinā, viravī kuṭidhūpako;
पत्तो धातुसत्तलियो, बिम्बि उद्दालकेन च।
Patto dhātusattaliyo, bimbi uddālakena ca;
सत्ततिंसति गाथायो, गणितायो विभाविभि॥
Sattatiṃsati gāthāyo, gaṇitāyo vibhāvibhi.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. तुवरदायकत्थेरअपदानादिवण्णना • 1-10. Tuvaradāyakattheraapadānādivaṇṇanā
