| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ಉದ್ದಾಲಕದಾಯಕತ್ಥೇರಅಪದಾನಂ
10. Uddālakadāyakattheraapadānaṃ
೩೪.
34.
‘‘ಕಕುಧೋ ನಾಮ ನಾಮೇನ, ಸಯಮ್ಭೂ ಅಪರಾಜಿತೋ।
‘‘Kakudho nāma nāmena, sayambhū aparājito;
ಪವನಾ ನಿಕ್ಖಮಿತ್ವಾನ, ಅನುಪ್ಪತ್ತೋ ಮಹಾನದಿಂ॥
Pavanā nikkhamitvāna, anuppatto mahānadiṃ.
೩೫.
35.
‘‘ಉದ್ದಾಲಕಂ ಗಹೇತ್ವಾನ, ಸಯಮ್ಭುಸ್ಸ ಅದಾಸಹಂ।
‘‘Uddālakaṃ gahetvāna, sayambhussa adāsahaṃ;
ಸಂಯತಸ್ಸುಜುಭೂತಸ್ಸ, ಪಸನ್ನಮಾನಸೋ ಅಹಂ॥
Saṃyatassujubhūtassa, pasannamānaso ahaṃ.
೩೬.
36.
‘‘ಏಕತ್ತಿಂಸೇ ಇತೋ ಕಪ್ಪೇ, ಯಂ ಪುಪ್ಫಮಭಿಪೂಜಯಿಂ।
‘‘Ekattiṃse ito kappe, yaṃ pupphamabhipūjayiṃ;
ದುಗ್ಗತಿಂ ನಾಭಿಜಾನಾಮಿ, ಪುಪ್ಫದಾನಸ್ಸಿದಂ ಫಲಂ॥
Duggatiṃ nābhijānāmi, pupphadānassidaṃ phalaṃ.
೩೭.
37.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಉದ್ದಾಲಕದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā uddālakadāyako thero imā gāthāyo abhāsitthāti.
ಉದ್ದಾಲಕದಾಯಕತ್ಥೇರಸ್ಸಾಪದಾನಂ ದಸಮಂ।
Uddālakadāyakattherassāpadānaṃ dasamaṃ.
ತುವರದಾಯಕವಗ್ಗೋ ಪಞ್ಚವೀಸತಿಮೋ।
Tuvaradāyakavaggo pañcavīsatimo.
ತಸ್ಸುದ್ದಾನಂ –
Tassuddānaṃ –
ತುವರನಾಗನಳಿನಾ, ವಿರವೀ ಕುಟಿಧೂಪಕೋ।
Tuvaranāganaḷinā, viravī kuṭidhūpako;
ಪತ್ತೋ ಧಾತುಸತ್ತಲಿಯೋ, ಬಿಮ್ಬಿ ಉದ್ದಾಲಕೇನ ಚ।
Patto dhātusattaliyo, bimbi uddālakena ca;
ಸತ್ತತಿಂಸತಿ ಗಾಥಾಯೋ, ಗಣಿತಾಯೋ ವಿಭಾವಿಭಿ॥
Sattatiṃsati gāthāyo, gaṇitāyo vibhāvibhi.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೧೦. ತುವರದಾಯಕತ್ಥೇರಅಪದಾನಾದಿವಣ್ಣನಾ • 1-10. Tuvaradāyakattheraapadānādivaṇṇanā
