| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
уд̣̇д̣̇зсабхад̇д̇агат̇аа
Uddesabhattakathā
аяам̣ наяо звам̣ взд̣̇ид̇аб̣б̣од̇и яож̇анаа. ран̃н̃аа ваа бахид̇зд̇и самб̣анд̇хо. сажз ад̇т̇ийд̇и сажз тид̇игаа ад̇т̇и. уд̣̇д̣̇зсагзнаад̇и бхад̇д̇уд̣̇д̣̇зсагзна . на ад̇иггаамзд̇аб̣б̣анд̇и уд̣̇д̣̇зсабхад̇д̇ам̣ на ад̇иггаамзд̇аб̣б̣ам̣. д̇з банаад̇и бин̣д̣абаад̇игаа бана. тид̇игам̣ табзд̇ваад̇и тид̇игам̣ тид̇адтаанз табзд̇ваа мун̃жид̇ваад̇и ад̇т̇о. д̇зсанд̇и махаат̇зраанам̣. яож̇ананд̇аригавихаарад̇обийд̇и яож̇анзна б̣яавад̇хаанз тид̇авихаарад̇оби. тид̇адтаанад̇од̇и тид̇игааяа тид̇адтаанад̇о. асамбад̇д̇аанамбийд̇и бхад̇д̇уд̣̇д̣̇зсадтаанам̣ асамбад̇д̇аанамби. вад̣дхид̇аа наама сиймаад̇и убажаарасиймаа вад̣дхид̇аа наама. сан̇гханавагасса д̣̇иннзбийд̇и яаава д̣̇уд̇ияабхааг̇о на д̣̇аад̇аб̣б̣о, д̇аава сан̇гханавагасса д̣̇иннзби. вассаг̇г̇знаад̇и г̇ан̣ияад̇ийд̇и г̇ам̣, вассамзва г̇ам̣ вассаг̇г̇ам̣, д̇зна вассаг̇г̇зна, вассаг̇ан̣анааяаад̇и вуд̇д̇ам̣ ход̇и. яад̣̇и ‘‘вассаг̇гхзнаа’’д̇и жад̇уд̇т̇агкарзна баато бхавзяяа, звам̣ сад̇и вассабарижчзд̣̇знаад̇и ад̇т̇о д̣̇адтаб̣б̣о, аяамзва яуд̇д̇ад̇аро.
Ayaṃ nayo evaṃ veditabboti yojanā. Raññā vā pahiteti sambandho. Sace atthīti sace ṭhitikā atthi. Uddesakenāti bhattuddesakena . Na atikkāmetabbanti uddesabhattaṃ na atikkāmetabbaṃ. Te panāti piṇḍapātikā pana. Ṭhitikaṃ ṭhapetvāti ṭhitikaṃ ṭhitaṭṭhāne ṭhapetvā muñcitvāti attho. Tesanti mahātherānaṃ. Yojanantarikavihāratopīti yojanena byavadhāne ṭhitavihāratopi. Ṭhitaṭṭhānatoti ṭhitikāya ṭhitaṭṭhānato. Asampattānampīti bhattuddesaṭṭhānaṃ asampattānampi. Vaḍḍhitā nāma sīmāti upacārasīmā vaḍḍhitā nāma. Saṅghanavakassa dinnepīti yāva dutiyabhāgo na dātabbo, tāva saṅghanavakassa dinnepi. Vassaggenāti gaṇiyatīti gaṃ, vassameva gaṃ vassaggaṃ, tena vassaggena, vassagaṇanāyāti vuttaṃ hoti. Yadi ‘‘vassagghenā’’ti catutthakkharena pāṭho bhaveyya, evaṃ sati vassaparicchedenāti attho daṭṭhabbo, ayameva yuttataro.
згасмим̣ вихаарзд̇и згиссам̣ вихаарасиймааяам̣. д̇асмим̣язва бхад̇д̇уд̣̇д̣̇зсадтаанзд̇и зд̇т̇а звасад̣̇д̣̇зна ан̃н̃асмим̣ таанз г̇аахан̣ам̣ бадигкибад̇и. згод̇и зго д̣̇ааяаго. д̇знаад̇и бахид̇абхигкунаа. со ад̇т̇од̇и со хзд̇у. д̇ам̣д̣̇ивасанд̇и д̇асмим̣ бахид̇ад̣̇ивасз. бамуссад̇ийд̇и сад̇ибаваасзна муссад̇и. бхож̇анасаалааяаад̇и бхад̇д̇уд̣̇д̣̇зсадтаанасан̇каад̇ааяа бхож̇анасаалааяа. яаа багад̇идтид̇игаад̇и яож̇анаа. ‘‘згааб̣ад̣̇д̇хаа хонд̇ий’’д̇и вуд̇д̇аважанасса ад̇т̇ам̣ д̣̇ассзнд̇о ааха ‘‘ан̃н̃аман̃н̃ам̣ д̣̇ваад̣̇асахад̇т̇анд̇арам̣ авиж̇ахид̇ваа’’д̇и. навам̣ тид̇иганд̇и бхад̇д̇уд̣̇д̣̇зсадтаанз табид̇абагад̇идтид̇игад̇о ан̃н̃ам̣ навам̣ тид̇игам̣. хийд̇и сажжам̣, яасмаа ваа. зд̇анд̇и уд̣̇д̣̇зсабхад̇д̇ам̣. ‘‘свз’’д̇и нияаамзд̇ваа вуд̇д̇ад̇д̇аа д̣̇уд̇ияад̣̇ивасз на лаб̣бхад̇и.
Ekasmiṃ vihāreti ekissaṃ vihārasīmāyaṃ. Tasmiṃyeva bhattuddesaṭṭhāneti ettha evasaddena aññasmiṃ ṭhāne gāhaṇaṃ paṭikkhipati. Ekoti eko dāyako. Tenāti pahitabhikkhunā. So atthoti so hetu. Taṃdivasanti tasmiṃ pahitadivase. Pamussatīti satipavāsena mussati. Bhojanasālāyāti bhattuddesaṭṭhānasaṅkhātāya bhojanasālāya. Yā pakatiṭṭhitikāti yojanā. ‘‘Ekābaddhā hontī’’ti vuttavacanassa atthaṃ dassento āha ‘‘aññamaññaṃ dvādasahatthantaraṃ avijahitvā’’ti. Navaṃ ṭhitikanti bhattuddesaṭṭhāne ṭhapitapakatiṭṭhitikato aññaṃ navaṃ ṭhitikaṃ. Hīti saccaṃ, yasmā vā. Etanti uddesabhattaṃ. ‘‘Sve’’ti niyāmetvā vuttattā dutiyadivase na labbhati.
гожийд̇и д̣̇ааяаго. сагавихаарз тийд̇игаавасзнзва г̇аахзд̇аб̣б̣анд̇и яам̣ вихаарам̣ г̇ажчанд̇и, д̇ад̇т̇а абавидтад̇д̇аа сагавихаарз тид̇игаавасзнзва г̇аахзд̇аб̣б̣ам̣. д̣̇иннам̣ бана бхад̇д̇ам̣ г̇аахзд̇аб̣б̣анд̇и самб̣анд̇хо. самбад̇д̇аананд̇и д̣̇иннадтаанам̣ самбад̇д̇аанам̣. д̇ад̇т̇аад̇и д̣̇иннадтаанам̣, самбад̇д̇аанам̣язваад̇и самб̣анд̇хо. д̇асса вихаарассаад̇и бавидтавихаарасса. д̇асмим̣ д̇асмим̣ таанзд̇и г̇аамад̣̇вааравийт̇ижад̇уггасан̇каад̇з д̇асмим̣ д̇асмим̣ таанз. анд̇оубажаараг̇ад̇аананд̇и зд̇т̇а анд̇оубажааро наама д̣̇ваад̣̇асахад̇т̇аб̣бханд̇арам̣.
Kocīti dāyako. Sakavihāre ṭhītikāvaseneva gāhetabbanti yaṃ vihāraṃ gacchanti, tattha apaviṭṭhattā sakavihāre ṭhitikāvaseneva gāhetabbaṃ. Dinnaṃ pana bhattaṃ gāhetabbanti sambandho. Sampattānanti dinnaṭṭhānaṃ sampattānaṃ. Tatthāti dinnaṭṭhānaṃ, sampattānaṃyevāti sambandho. Tassa vihārassāti paviṭṭhavihārassa. Tasmiṃ tasmiṃ ṭhāneti gāmadvāravīthicatukkasaṅkhāte tasmiṃ tasmiṃ ṭhāne. Antoupacāragatānanti ettha antoupacāro nāma dvādasahatthabbhantaraṃ.
г̇аамад̣̇вааруубажаара вийт̇ижад̇уггуубажаара гхаруубажаарзсу д̇ийсу гхаруубажаарасса висзсам̣ д̣̇ассзнд̇о ааха ‘‘гхаруубажааро жзд̇т̇аа’’д̇иаад̣̇и. зд̇т̇аад̇и д̇ийсу убажаарзсу. гхаруубажааро взд̣̇ид̇аб̣б̣од̇и самб̣анд̇хо. зго убажааро зд̇т̇аад̇и згуубажаарам̣ гхарам̣. имзсанд̇и жад̇уннам̣ гхараанам̣. д̇ад̇т̇аад̇и жад̇уусу гхарзсу. згагуласса яам̣ гхаранд̇и самб̣анд̇хо. згавал̣ан̃ж̇анд̇и згад̣̇ваарзна самаанабарибхог̇ам̣. д̇ад̇т̇аад̇и згуубажаарз.
Gāmadvārūpacāra vīthicatukkūpacāra gharūpacāresu tīsu gharūpacārassa visesaṃ dassento āha ‘‘gharūpacāro cetthā’’tiādi. Etthāti tīsu upacāresu. Gharūpacāro veditabboti sambandho. Eko upacāro etthāti ekūpacāraṃ gharaṃ. Imesanti catunnaṃ gharānaṃ. Tatthāti catūsu gharesu. Ekakulassa yaṃ gharanti sambandho. Ekavaḷañjanti ekadvārena samānaparibhogaṃ. Tatthāti ekūpacāre.
яам̣ бана згам̣ гхарам̣ гад̇анд̇и самб̣анд̇хо. сукавихаарад̇т̇ааяаад̇и галахам̣ вижчинд̣̇ид̇ваа сукавихаарад̇т̇ааяа. д̇асмим̣ д̇асмим̣ таанзд̇и бхид̇д̇ияаа барижчиннз д̇асмим̣ д̇асмим̣ таанз.
Yaṃ pana ekaṃ gharaṃ katanti sambandho. Sukhavihāratthāyāti kalahaṃ vicchinditvā sukhavihāratthāya. Tasmiṃ tasmiṃ ṭhāneti bhittiyā paricchinne tasmiṃ tasmiṃ ṭhāne.
яасмим̣ бана гхарз нисийд̣̇аабзнд̇ийд̇и самб̣анд̇хо. яамби нивзсананд̇и яож̇анаа.
Yasmiṃ pana ghare nisīdāpentīti sambandho. Yampi nivesananti yojanā.
яо бана уд̣̇д̣̇зсалаабхо уббаж̇ж̇ад̇и, со баабун̣аад̇ийд̇и яож̇анаа. гин̃жааби д̣̇иссанд̇и, д̇ат̇аабийд̇и яож̇анаа.
Yo pana uddesalābho uppajjati, so pāpuṇātīti yojanā. Kiñcāpi dissanti, tathāpīti yojanā.
яо банаад̇и бхигку бана, лабхад̇ийд̇и самб̣анд̇хо. ан̃н̃асминд̇и ад̇д̇анаа ан̃н̃асмим̣. д̇знаад̇и уд̣̇д̣̇зсабхад̇д̇ам̣ лабханд̇зна бхигкунаа.
Yo panāti bhikkhu pana, labhatīti sambandho. Aññasminti attanā aññasmiṃ. Tenāti uddesabhattaṃ labhantena bhikkhunā.
гаалам̣ бадимаанзнд̇зсууд̇и бхож̇анагаалам̣ бадимаанзнд̇зсу бхигкуусу, нисиннзсууд̇и самб̣анд̇хо. гожи мануссо вад̣̇ад̇ийд̇и самб̣анд̇хо. сан̇гхуд̣̇д̣̇зсабад̇д̇ам̣ д̣̇зт̇а ид̇и ваад̇и яож̇анаа. ‘‘зсзва наяо’’д̇и иминаа бад̇д̇асса таанз бхигкум̣ багкибид̇ваа вуд̇д̇з ад̇ид̣̇исад̇и.
Kālaṃ paṭimānentesūti bhojanakālaṃ paṭimānentesu bhikkhūsu, nisinnesūti sambandho. Koci manusso vadatīti sambandho. Saṅghuddesapattaṃ detha iti vāti yojanā. ‘‘Eseva nayo’’ti iminā pattassa ṭhāne bhikkhuṃ pakkhipitvā vutte atidisati.
зд̇т̇аад̇и уд̣̇д̣̇зсабхад̇д̇з, звам̣важанз ваа. бзсалод̇и бияасийло. д̇знаад̇и уд̣̇д̣̇зсагзна. гинд̇и ж̇аанаад̇ийд̇и ааха ‘‘д̣̇асавассзна лад̣̇д̇ха’’нд̇и. д̇ассаад̇и уд̣̇д̣̇зсагасса, важананд̇и самб̣анд̇хо. аббасад̣̇д̣̇аад̇и сан̣игасад̣̇д̣̇аа. ‘‘абасад̣̇д̣̇аа’’д̇иби баато, ниссад̣̇д̣̇аад̇и ад̇т̇о. саб̣б̣анавагассаад̇и саб̣б̣зсам̣ бхигкуунам̣ навагасса. чааяааяаби бужчияамаанааяаад̇и анаад̣̇арз бхуммаважанам̣, саамиважанам̣ ваа. на лабхад̇ийд̇и баабун̣аабид̇ад̇д̇аа на лабхад̇и. нисиннассааби нид̣̇д̣̇ааяанд̇ассаабийд̇и анаад̣̇арз саамиважанам̣, бхигкусса нисиннассааби нид̣̇д̣̇ааяанд̇ассаабийд̇и ад̇т̇о. хийд̇и сажжам̣. зд̇ам̣ бхааж̇анийяабхан̣д̣ам̣ наамаад̇и яож̇анаа. д̇ад̇т̇аад̇и ‘‘самбад̇д̇ассзва баабун̣аад̇ий’’д̇и важанз. убажаарзнаад̇и д̣̇ваад̣̇асахад̇т̇уубажаарзна. д̇асминд̇и анд̇обаригкзбз.
Etthāti uddesabhatte, evaṃvacane vā. Pesaloti piyasīlo. Tenāti uddesakena. Kinti jānātīti āha ‘‘dasavassena laddha’’nti. Tassāti uddesakassa, vacananti sambandho. Appasaddāti saṇikasaddā. ‘‘Apasaddā’’tipi pāṭho, nissaddāti attho. Sabbanavakassāti sabbesaṃ bhikkhūnaṃ navakassa. Chāyāyapi pucchiyamānāyāti anādare bhummavacanaṃ, sāmivacanaṃ vā. Na labhatīti pāpuṇāpitattā na labhati. Nisinnassāpi niddāyantassāpīti anādare sāmivacanaṃ, bhikkhussa nisinnassāpi niddāyantassāpīti attho. Hīti saccaṃ. Etaṃ bhājanīyabhaṇḍaṃ nāmāti yojanā. Tatthāti ‘‘sampattasseva pāpuṇātī’’ti vacane. Upacārenāti dvādasahatthūpacārena. Tasminti antoparikkhepe.
гожи убаасаго бахин̣аад̇ийд̇и самб̣анд̇хо. бан̣ийд̇абхож̇анаананд̇и бан̣ийд̇абхож̇анзхи. уд̣̇агассаад̇и уд̣̇агзна, буурзд̇ваад̇и самб̣анд̇хо. ааг̇ад̇аа мануссаад̇и самб̣анд̇хо. язнаад̇и бхигкунаа. яанд̇и вад̇т̇у. д̇ижийварабаривааранд̇и д̇ижийварзна бариваарид̇ам̣, д̇ижийварабариваараванд̇ам̣ ваа уд̣̇д̣̇зсабхад̇д̇анд̇и ад̇т̇о. хи сажжам̣ асса бхигкусса бун̃н̃ависзсо ийд̣̇исод̇и яож̇анаа. нану уд̣̇агам̣бисса бун̃н̃ависзсам̣, гасмаа ан̃н̃ам̣ уд̣̇д̣̇зсабхад̇д̇ам̣ лабхад̇ийд̇и ааха ‘‘уд̣̇агам̣ банаа’’д̇иаад̣̇и.
Koci upāsako pahiṇātīti sambandho. Paṇītabhojanānanti paṇītabhojanehi. Udakassāti udakena, pūretvāti sambandho. Āgatā manussāti sambandho. Yenāti bhikkhunā. Yanti vatthu. Ticīvaraparivāranti ticīvarena parivāritaṃ, ticīvaraparivāravantaṃ vā uddesabhattanti attho. Hi saccaṃ assa bhikkhussa puññaviseso īdisoti yojanā. Nanu udakaṃpissa puññavisesaṃ, kasmā aññaṃ uddesabhattaṃ labhatīti āha ‘‘udakaṃ panā’’tiādi.
г̇ахзд̇ваа ааг̇ад̇аа д̇з мануссаад̇и яож̇анаа. д̇зсанд̇и махаат̇зраад̣̇ийнам̣. д̣̇ахарасааман̣зрзхийд̇и д̣̇ахарзхи сааман̣зрзхи, лад̣̇д̇хзсууд̇и самб̣анд̇хо.
Gahetvā āgatā te manussāti yojanā. Tesanti mahātherādīnaṃ. Daharasāmaṇerehīti daharehi sāmaṇerehi, laddhesūti sambandho.
д̇ад̇т̇аад̇и уд̣̇д̣̇зсабхад̇д̇з. бурад̇од̇и махаат̇зраанам̣ бурад̇о. бад̇д̇зд̇и сан̇гхуд̣̇д̣̇зсабад̇д̇з, аг̇аахид̇зязваад̇и самб̣анд̇хо. аахадамби уд̣̇д̣̇зсабхад̇д̇анд̇и самб̣анд̇хо.
Tatthāti uddesabhatte. Puratoti mahātherānaṃ purato. Patteti saṅghuddesapatte, agāhiteyevāti sambandho. Āhaṭampi uddesabhattanti sambandho.
зго вад̣̇ад̇ийд̇и самб̣анд̇хо. сод̇и мануссо, бхан̣ад̇ийд̇и самб̣анд̇хо. яат̇аа д̇з ружжад̇и, д̇ат̇аа вад̇ваа аахараад̇и яож̇анаа. виссадтад̣̇ууд̇о наамаад̇и ад̇д̇ано ружим̣ виссаж̇ж̇ид̇ваа д̇асса ружияаа виссадто д̣̇ууд̇о наама. бадибаадибад̇д̇ам̣ ваад̇и сан̇гхад̇о бадибаадияаа лад̣̇д̇хам̣ бад̇д̇ам̣ ваа, ид̣̇ам̣ ниманд̇анабхад̇д̇ам̣ санд̇хааяа вуд̇д̇ам̣. яам̣ ижчад̇ийд̇и виссадтад̣̇ууд̇о яам̣ ижчад̇и. сод̇и б̣аало, на вад̇д̇аб̣б̣од̇и самб̣анд̇хо. бужчаасабхааг̇зна вад̣̇зяяаад̇и самб̣анд̇хо. д̇ад̇од̇и вад̣̇анагааран̣аа.
Eko vadatīti sambandho. Soti manusso, bhaṇatīti sambandho. Yathā te ruccati, tathā vatvā āharāti yojanā. Vissaṭṭhadūto nāmāti attano ruciṃ vissajjitvā tassa ruciyā vissaṭṭho dūto nāma. Paṭipāṭipattaṃ vāti saṅghato paṭipāṭiyā laddhaṃ pattaṃ vā, idaṃ nimantanabhattaṃ sandhāya vuttaṃ. Yaṃ icchatīti vissaṭṭhadūto yaṃ icchati. Soti bālo, na vattabboti sambandho. Pucchāsabhāgena vadeyyāti sambandho. Tatoti vadanakāraṇā.
гуудадтид̇игаа наамаад̇и ан̃н̃зхи уд̣̇д̣̇зсабхад̇д̇зхи миссзд̇ваа уж̇угадтид̇игааяа бавад̇д̇ид̇ваа гуудзна бавад̇д̇аа тид̇игаа наама ход̇и. д̇амзвад̇т̇ам̣ вид̇т̇аарзнд̇о ааха ‘‘ран̃н̃о ваа хий’’д̇иаад̣̇и. згажааригабхад̇д̇аанийд̇и бад̇и згам̣ гад̇ваа жарид̇аб̣б̣аани бхагкид̇аб̣б̣аанийд̇и згажааригаани, ан̃н̃зхи уд̣̇д̣̇зсабхад̇д̇зхи амиссзд̇ваа бад̇и згам̣ гад̇ваа бхагкид̇аб̣б̣аанийд̇и вуд̇д̇ам̣ ход̇и, д̇ааниязва бхад̇д̇аани згажааригабхад̇д̇аани. згажжз бхигкуу г̇ад̇аад̇и самб̣анд̇хо. д̇зсууд̇и згажжзсу бхигкуусу. д̇ан̇кан̣ам̣язваад̇и д̇асмим̣ нисиннагкан̣зязва. буна д̇ан̇кан̣ам̣язваад̇и д̇асмим̣ г̇аахан̣агкан̣зязва. ‘‘бан̣ийд̇абхад̇д̇а’’нд̇и вуд̇д̇з ‘‘гад̇ивассад̇о бадтааяаа’’д̇и вад̣̇анд̇и, ‘‘зд̇д̇агавассад̇о наамаа’’д̇и вуд̇д̇зд̇и яож̇анаа. г̇аахид̇зд̇и тид̇игам̣ аж̇аананд̇зхи ааг̇анд̇угзхи бад̇д̇з г̇аахид̇з. ааг̇ад̇зхиби тид̇игам̣ ж̇аананагабхигкуухийд̇и самб̣анд̇хо. зсзва наяо барад̇оби. бхигкууязва ааг̇ажчанд̇ууд̇и бад̇д̇ам̣ аг̇г̇ахзд̇ваа бхигкууязва ааг̇ажчанд̇ууд̇и ад̇хиббааяо.
Kūṭaṭṭhitikānāmāti aññehi uddesabhattehi missetvā ujukaṭṭhitikāya pavattitvā kūṭena pavattā ṭhitikā nāma hoti. Tamevatthaṃ vitthārento āha ‘‘rañño vā hī’’tiādi. Ekacārikabhattānīti pati ekaṃ katvā caritabbāni bhakkhitabbānīti ekacārikāni, aññehi uddesabhattehi amissetvā pati ekaṃ katvā bhakkhitabbānīti vuttaṃ hoti, tāniyeva bhattāni ekacārikabhattāni. Ekacce bhikkhū gatāti sambandho. Tesūti ekaccesu bhikkhūsu. Taṅkhaṇaṃyevāti tasmiṃ nisinnakkhaṇeyeva. Puna taṅkhaṇaṃyevāti tasmiṃ gāhaṇakkhaṇeyeva. ‘‘Paṇītabhatta’’nti vutte ‘‘kativassato paṭṭhāyā’’ti vadanti, ‘‘ettakavassato nāmā’’ti vutteti yojanā. Gāhiteti ṭhitikaṃ ajānantehi āgantukehi patte gāhite. Āgatehipi ṭhitikaṃ jānanakabhikkhūhīti sambandho. Eseva nayo paratopi. Bhikkhūyeva āgacchantūti pattaṃ aggahetvā bhikkhūyeva āgacchantūti adhippāyo.
нзд̇и тид̇игам̣ аж̇аананд̇з ааг̇анд̇угз. рааж̇аа бхож̇зд̇ваад̇и рааж̇аа ад̇д̇ано г̇зхз бхож̇зд̇ваа. нзсанд̇и ааг̇анд̇угаанам̣, бад̇д̇збийд̇и самб̣анд̇хо. яам̣ аахаданд̇и яам̣ бхад̇д̇ам̣ абхун̃ж̇ид̇ваа аахадам̣. д̇ам̣ на г̇аахзд̇аб̣б̣анд̇и д̇ам̣ бхад̇д̇ам̣ тид̇игааяа на г̇аахзд̇аб̣б̣ам̣ т̇огад̇д̇аа. нзсанд̇и ааг̇анд̇угаанам̣. г̇ийваа ход̇ийд̇и ин̣ам̣ ход̇и. ин̣ам̣ наама бадид̣̇аад̇аб̣б̣асабхааво ход̇и, д̇асмаа бадид̣̇аад̇аб̣б̣анд̇и ад̇хиббааяо. зд̇т̇аад̇и тид̇игам̣ аж̇аанид̇ваа бхуд̇д̇адтаанз. д̇аава нисийд̣̇ид̇аб̣б̣анд̇и д̇аава ааг̇амзд̇ваа нисийд̣̇ид̇аб̣б̣ам̣. бад̇д̇адтаанзна г̇аахан̣амби г̇ийваасад̣̇исод̇и буримат̇зрасса мад̇и бхавзяяа. зван̃хи сад̇и д̣̇виннам̣ т̇зраанам̣ ваад̣̇о сад̣̇исоязва.
Neti ṭhitikaṃ ajānante āgantuke. Rājā bhojetvāti rājā attano gehe bhojetvā. Nesanti āgantukānaṃ, pattepīti sambandho. Yaṃ āhaṭanti yaṃ bhattaṃ abhuñjitvā āhaṭaṃ. Taṃ na gāhetabbanti taṃ bhattaṃ ṭhitikāya na gāhetabbaṃ thokattā. Nesanti āgantukānaṃ. Gīvā hotīti iṇaṃ hoti. Iṇaṃ nāma paṭidātabbasabhāvo hoti, tasmā paṭidātabbanti adhippāyo. Etthāti ṭhitikaṃ ajānitvā bhuttaṭṭhāne. Tāva nisīditabbanti tāva āgametvā nisīditabbaṃ. Pattaṭṭhānena gāhaṇampi gīvāsadisoti purimatherassa mati bhaveyya. Evañhi sati dvinnaṃ therānaṃ vādo sadisoyeva.
зго бин̣д̣абаад̇од̇и самб̣анд̇хо. д̇ат̇ааруубод̇и д̇ижийварабаривааро сад̇аг̇гханаго. аяанд̇и бин̣д̣абаад̇о. ид̇и вуд̇д̇ам̣ адтагат̇аасу.
Eko piṇḍapātoti sambandho. Tathārūpoti ticīvaraparivāro satagghanako. Ayanti piṇḍapāto. Iti vuttaṃ aṭṭhakathāsu.
зго бхигкууд̇и самб̣анд̇хо. анд̇араабхадтагод̇и уд̣̇д̣̇зсабхад̇д̇асса анд̇арз взмаж̇жхз бхассад̇и г̇алад̇ийд̇и анд̇араабхадтаго. барибун̣н̣авассо яо бана сааман̣зрод̇и яож̇анаа. д̇асса убасамбаж̇ж̇ид̇асааман̣зрасса тид̇игаа ад̇игганд̇аад̇и самб̣анд̇хо. сод̇и уд̣̇д̣̇зсабхад̇д̇абад̇д̇о бхигку. самийбзд̇и ад̇д̇ано самийбз. д̇ан̃жз т̇зяяааяа харанд̇ийд̇и д̇ам̣ бад̇д̇ам̣ бад̇д̇ахаарагаа т̇зяяааяа харанд̇и жз. г̇ийваа ход̇ийд̇и бад̇д̇ад̣̇аабагасса г̇ийваа ход̇и. со бхигкууд̇и самийбз нисинно со бхигку. ассаад̇и бад̇д̇ад̣̇аабагасса. ‘‘аяа’’нд̇и бод̇т̇агзсу баато ад̇т̇и, со на сунд̣̇аро. д̇ад̇од̇и уд̣̇д̣̇зсабхад̇д̇агхарад̇о. ‘‘сухадо’’д̇и важанасса ад̇т̇ам̣ д̣̇ассзнд̇о ааха ‘‘бхад̇д̇асса д̣̇иннад̇д̇аа г̇ийваа на ход̇ий’’д̇и.
Eko bhikkhūti sambandho. Antarābhaṭṭhakoti uddesabhattassa antare vemajjhe bhassati galatīti antarābhaṭṭhako. Paripuṇṇavasso yo pana sāmaṇeroti yojanā. Tassa upasampajjitasāmaṇerassa ṭhitikā atikkantāti sambandho. Soti uddesabhattapatto bhikkhu. Samīpeti attano samīpe. Tañce theyyāya harantīti taṃ pattaṃ pattahārakā theyyāya haranti ce. Gīvā hotīti pattadāpakassa gīvā hoti. So bhikkhūti samīpe nisinno so bhikkhu. Assāti pattadāpakassa. ‘‘Aya’’nti potthakesu pāṭho atthi, so na sundaro. Tatoti uddesabhattagharato. ‘‘Suhaṭo’’ti vacanassa atthaṃ dassento āha ‘‘bhattassa dinnattā gīvā na hotī’’ti.
саад̣̇ияанагод̇и уд̣̇д̣̇зсабхад̇д̇асаад̣̇ияанаго, ход̇ийд̇и самб̣анд̇хо. д̣̇асахиби бад̇д̇зхи бхад̇д̇ам̣ аахараабзд̇ваад̇и яож̇анаа. бхигкуд̣̇ад̇д̇ияам̣ наамаад̇и бхигкунаа д̣̇ад̇д̇ияам̣ наама. со бхигкууд̇и саад̣̇ияанаго со бхигку. д̇з бхигкууд̇и бин̣д̣абаад̇игз д̇з бхигкуу. зт̇а бханд̇з маяхам̣ сахааяаа хот̇а ид̇и вад̇ваад̇и самб̣анд̇хо. д̇ассаад̇и убаасагасса. д̇ад̇т̇аад̇и убаасагасса гхарз. д̇ассзваад̇и саад̣̇ияанагассзва. ид̇арзд̇и навабин̣д̣абаад̇игаа. нзсанд̇и д̣̇асаннам̣ бхигкуунам̣. д̇асса бхигкунод̇и саад̣̇ияанагасса бхигкуно. бхуд̇д̇аавийнанд̇и бхуд̇д̇аванд̇аанам̣.
Sādiyanakoti uddesabhattasādiyanako, hotīti sambandho. Dasahipi pattehi bhattaṃ āharāpetvāti yojanā. Bhikkhudattiyaṃ nāmāti bhikkhunā dattiyaṃ nāma. So bhikkhūti sādiyanako so bhikkhu. Te bhikkhūti piṇḍapātike te bhikkhū. Etha bhante mayhaṃ sahāyā hotha iti vatvāti sambandho. Tassāti upāsakassa. Tatthāti upāsakassa ghare. Tassevāti sādiyanakasseva. Itareti navapiṇḍapātikā. Nesanti dasannaṃ bhikkhūnaṃ. Tassa bhikkhunoti sādiyanakassa bhikkhuno. Bhuttāvīnanti bhuttavantānaṃ.
д̇зд̇и навабин̣д̣абаад̇игаа, вуд̇д̇аа г̇ажчанд̇ийд̇и самб̣анд̇хо. д̇ад̇т̇аад̇и убаасагасса гхарз. д̇ад̇раад̇и д̣̇асасу бхигкуусу. мад̇хурзна сарзна анумод̣̇анам̣ гаронд̇асса згасса д̇хаммагат̇ам̣ суд̇ваад̇и яож̇анаа. агад̇абхааг̇о наамаад̇и буб̣б̣з на гарияид̇т̇аад̇и агад̇о, соязва бхааг̇о годтаасод̇и агад̇абхааг̇о, ааг̇анд̇угабхааг̇о наамаад̇и ад̇т̇о.
Teti navapiṇḍapātikā, vuttā gacchantīti sambandho. Tatthāti upāsakassa ghare. Tatrāti dasasu bhikkhūsu. Madhurena sarena anumodanaṃ karontassa ekassa dhammakathaṃ sutvāti yojanā. Akatabhāgo nāmāti pubbe na kariyitthāti akato, soyeva bhāgo koṭṭhāsoti akatabhāgo, āgantukabhāgo nāmāti attho.
зго убаасаго д̣̇зд̇ийд̇и самб̣анд̇хо. иманд̇и каад̣̇анийяабхож̇анийяам̣. бад̇д̇асаамигасса д̣̇аад̇аб̣б̣анд̇и яож̇анаа. табзд̇ваад̇и багад̇ияаа табзд̇ваа. ‘‘саб̣б̣о сан̇гхо бхун̃ж̇ад̇уу’’д̇и вад̇ваа жа гин̃жи авад̇ваа жа г̇ад̇зби батамамзва ‘‘саб̣б̣ам̣ сан̇гхигам̣ бад̇д̇ам̣ д̣̇зт̇аа’’д̇и вуд̇д̇ад̇д̇аа бхааж̇зд̇ваа барибхун̃ж̇ид̇аб̣б̣ам̣.
Eko upāsako detīti sambandho. Imanti khādanīyabhojanīyaṃ. Pattasāmikassa dātabbanti yojanā. Ṭhapetvāti pakatiyā ṭhapetvā. ‘‘Sabbo saṅgho bhuñjatū’’ti vatvā ca kiñci avatvā ca gatepi paṭhamameva ‘‘sabbaṃ saṅghikaṃ pattaṃ dethā’’ti vuttattā bhājetvā paribhuñjitabbaṃ.
баад̇ияаа аахарид̇ваад̇и самб̣анд̇хо. згзгам̣ аалобанд̇и згзгасса бхигкусса згзгам̣ аалобам̣. ажчад̇ийд̇и васад̇и. гасса д̇зд̇и гасса ад̇т̇ааяа д̇аяаа, аанийд̇анд̇и яож̇анаа. ‘‘згзна бхигкунаа’’д̇и бад̣̇ам̣ ‘‘г̇аахзд̇аб̣б̣а’’нд̇и бад̣̇з гаарид̇агаммам̣, ‘‘бхад̇д̇а’’нд̇и д̇хаад̇угаммам̣ д̇аб̣б̣абажжаяо вад̣̇ад̇и.
Pātiyā āharitvāti sambandho. Ekekaṃ ālopanti ekekassa bhikkhussa ekekaṃ ālopaṃ. Acchatīti vasati. Kassa teti kassa atthāya tayā, ānītanti yojanā. ‘‘Ekena bhikkhunā’’ti padaṃ ‘‘gāhetabba’’nti pade kāritakammaṃ, ‘‘bhatta’’nti dhātukammaṃ tabbapaccayo vadati.
гим̣ аахарийяад̇ийд̇и авад̇ваад̇и гим̣ вад̇т̇у д̇аяаа аахарийд̇ийд̇и убаасагам̣ абужчид̇ваа. ‘‘гим̣ аахариссасий’’д̇иби баато, гим̣ вад̇т̇ум̣ д̇вам̣ аахариссасийд̇и ад̇т̇о. сабариваарааяа яааг̇уяаа жа махаг̇гхаанам̣ палаанан̃жа бан̣ийд̇аанам̣ каж̇ж̇агаанан̃жа д̇ат̇аа аавзн̣игаа тид̇игаа гаад̇аб̣б̣аад̇и яож̇анаа . згаа зва тид̇игаад̇и самаанаа зва тид̇игаа. д̇ат̇аа паан̣ид̇ассаад̇и зд̇т̇а д̇ат̇аасад̣̇д̣̇зна ‘‘згаа зва тид̇игаа ваддад̇ий’’д̇и бад̣̇ам̣ ад̇ид̣̇исад̇и.
Kiṃ āharīyatīti avatvāti kiṃ vatthu tayā āharītīti upāsakaṃ apucchitvā. ‘‘Kiṃ āharissasī’’tipi pāṭho, kiṃ vatthuṃ tvaṃ āharissasīti attho. Saparivārāya yāguyā ca mahagghānaṃ phalānañca paṇītānaṃ khajjakānañca tathā āveṇikā ṭhitikā kātabbāti yojanā . Ekā eva ṭhitikāti samānā eva ṭhitikā. Tathā phāṇitassāti ettha tathāsaddena ‘‘ekā eva ṭhitikā vaṭṭatī’’ti padaṃ atidisati.
ид̇и уд̣̇д̣̇зсабхад̇д̇агат̇ааяа яож̇анаа самад̇д̇аа.
Iti uddesabhattakathāya yojanā samattā.
