| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
8. уд̣̇д̣̇зсавибхан̇г̇асуд̇д̇ам̣
8. Uddesavibhaṅgasuttaṃ
313. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘уд̣̇д̣̇зсавибхан̇г̇ам̣ во, бхигкавз, д̣̇зсзссаами. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
313. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘uddesavibhaṅgaṃ vo, bhikkhave, desessāmi. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘д̇ат̇аа д̇ат̇аа, бхигкавз, бхигку убабаригкзяяа яат̇аа яат̇аа 1 убабаригкад̇о б̣ахид̣̇д̇хаа жасса вин̃н̃аан̣ам̣ авигкид̇д̇ам̣ ависадам̣, аж̇жхад̇д̇ам̣ асан̣тид̇ам̣ анубаад̣̇ааяа на барид̇ассзяяа. б̣ахид̣̇д̇хаа, бхигкавз, вин̃н̃аан̣з авигкид̇д̇з ависадз сад̇и аж̇жхад̇д̇ам̣ асан̣тид̇з анубаад̣̇ааяа абарид̇ассад̇о ааяад̇им̣ ж̇аад̇иж̇араамаран̣ад̣̇угкасамуд̣̇аяасамбхаво на ход̇ий’’д̇и. ид̣̇амавожа бхаг̇аваа. ид̣̇ам̣ вад̇ваана суг̇ад̇о удтааяаасанаа вихаарам̣ баависи.
‘‘Tathā tathā, bhikkhave, bhikkhu upaparikkheyya yathā yathā 2 upaparikkhato bahiddhā cassa viññāṇaṃ avikkhittaṃ avisaṭaṃ, ajjhattaṃ asaṇṭhitaṃ anupādāya na paritasseyya. Bahiddhā, bhikkhave, viññāṇe avikkhitte avisaṭe sati ajjhattaṃ asaṇṭhite anupādāya aparitassato āyatiṃ jātijarāmaraṇadukkhasamudayasambhavo na hotī’’ti. Idamavoca bhagavā. Idaṃ vatvāna sugato uṭṭhāyāsanā vihāraṃ pāvisi.
314. ат̇а ко д̇зсам̣ бхигкуунам̣, ажирабагганд̇асса бхаг̇авад̇о, зд̇ад̣̇ахоси – ‘‘ид̣̇ам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘д̇ат̇аа д̇ат̇аа, бхигкавз , бхигку убабаригкзяяа яат̇аа яат̇аа убабаригкад̇о б̣ахид̣̇д̇хаа жасса вин̃н̃аан̣ам̣ авигкид̇д̇ам̣ ависадам̣, аж̇жхад̇д̇ам̣ асан̣тид̇ам̣ анубаад̣̇ааяа на барид̇ассзяяа. б̣ахид̣̇д̇хаа , бхигкавз, вин̃н̃аан̣з авигкид̇д̇з ависадз сад̇и аж̇жхад̇д̇ам̣ асан̣тид̇з анубаад̣̇ааяа абарид̇ассад̇о ааяад̇им̣ ж̇аад̇иж̇араамаран̣ад̣̇угкасамуд̣̇аяасамбхаво на ход̇ий’д̇и. го ну ко имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇зяяаа’’д̇и? ат̇а ко д̇зсам̣ бхигкуунам̣ зд̇ад̣̇ахоси – ‘‘аяам̣ ко ааяасмаа махаагажжаано сад̇т̇у жзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣; баход̇и жааяасмаа махаагажжаано имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. яам̣нууна маяам̣ язнааяасмаа махаагажжаано д̇знубасан̇гамзяяаама; убасан̇гамид̇ваа ааяасманд̇ам̣ махаагажжаанам̣ зд̇амад̇т̇ам̣ бадибужчзяяаамаа’’д̇и.
314. Atha kho tesaṃ bhikkhūnaṃ, acirapakkantassa bhagavato, etadahosi – ‘‘idaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘tathā tathā, bhikkhave , bhikkhu upaparikkheyya yathā yathā upaparikkhato bahiddhā cassa viññāṇaṃ avikkhittaṃ avisaṭaṃ, ajjhattaṃ asaṇṭhitaṃ anupādāya na paritasseyya. Bahiddhā , bhikkhave, viññāṇe avikkhitte avisaṭe sati ajjhattaṃ asaṇṭhite anupādāya aparitassato āyatiṃ jātijarāmaraṇadukkhasamudayasambhavo na hotī’ti. Ko nu kho imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyā’’ti? Atha kho tesaṃ bhikkhūnaṃ etadahosi – ‘‘ayaṃ kho āyasmā mahākaccāno satthu ceva saṃvaṇṇito sambhāvito ca viññūnaṃ sabrahmacārīnaṃ; pahoti cāyasmā mahākaccāno imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Yaṃnūna mayaṃ yenāyasmā mahākaccāno tenupasaṅkameyyāma; upasaṅkamitvā āyasmantaṃ mahākaccānaṃ etamatthaṃ paṭipuccheyyāmā’’ti.
ат̇а ко д̇з бхигкуу язнааяасмаа махаагажжаано д̇знубасан̇гамим̣су; убасан̇гамид̇ваа ааяасмад̇аа махаагажжаанзна сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу ааяасманд̇ам̣ махаагажжаанам̣ зд̇ад̣̇авожум̣ –
Atha kho te bhikkhū yenāyasmā mahākaccāno tenupasaṅkamiṃsu; upasaṅkamitvā āyasmatā mahākaccānena saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinnā kho te bhikkhū āyasmantaṃ mahākaccānaṃ etadavocuṃ –
‘‘ид̣̇ам̣ ко но, аавусо гажжаана, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘д̇ат̇аа д̇ат̇аа, бхигкавз, бхигку убабаригкзяяа яат̇аа яат̇аа убабаригкад̇о б̣ахид̣̇д̇хаа жасса вин̃н̃аан̣ам̣ авигкид̇д̇ам̣ ависадам̣, аж̇жхад̇д̇ам̣ асан̣тид̇ам̣ анубаад̣̇ааяа на барид̇ассзяяа. б̣ахид̣̇д̇хаа, бхигкавз, вин̃н̃аан̣з авигкид̇д̇з ависадз сад̇и аж̇жхад̇д̇ам̣ асан̣тид̇з анубаад̣̇ааяа абарид̇ассад̇о ааяад̇им̣ ж̇аад̇иж̇араамаран̣ад̣̇угкасамуд̣̇аяасамбхаво на ход̇ий’д̇и. д̇зсам̣ но, аавусо гажжаана, амхаагам̣, ажирабагганд̇асса бхаг̇авад̇о, зд̇ад̣̇ахоси – ‘ид̣̇ам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – д̇ат̇аа д̇ат̇аа, бхигкавз, бхигку убабаригкзяяа, яат̇аа яат̇аа убабаригкад̇о б̣ахид̣̇д̇хаа жасса вин̃н̃аан̣ам̣ авигкид̇д̇ам̣ ависадам̣ аж̇жхад̇д̇ам̣ асан̣тид̇ам̣ анубаад̣̇ааяа на барид̇ассзяяа. б̣ахид̣̇д̇хаа, бхигкавз, вин̃н̃аан̣з авигкид̇д̇з ависадз сад̇и аж̇жхад̇д̇ам̣ асан̣тид̇з анубаад̣̇ааяа абарид̇ассад̇о ааяад̇им̣ ж̇аад̇иж̇араамаран̣ад̣̇угкасамуд̣̇аяасамбхаво на ход̇ий’д̇и. го ну ко имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇зяяаа’’д̇и. ‘‘д̇зсам̣ но, аавусо гажжаана, амхаагам̣ зд̇ад̣̇ахоси – ‘аяам̣ ко ааяасмаа махаагажжаано сад̇т̇у жзва сам̣ван̣н̣ид̇о, самбхаавид̇о жа вин̃н̃уунам̣ саб̣рахмажаарийнам̣. баход̇и жааяасмаа махаагажжаано имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. яам̣нууна маяам̣ язнааяасмаа махаагажжаано д̇знубасан̇гамзяяаама; убасан̇гамид̇ваа ааяасманд̇ам̣ махаагажжаанам̣ зд̇амад̇т̇ам̣ бадибужчзяяаамаа’д̇и – вибхаж̇ад̇ааяасмаа махаагажжаано’’д̇и.
‘‘Idaṃ kho no, āvuso kaccāna, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘tathā tathā, bhikkhave, bhikkhu upaparikkheyya yathā yathā upaparikkhato bahiddhā cassa viññāṇaṃ avikkhittaṃ avisaṭaṃ, ajjhattaṃ asaṇṭhitaṃ anupādāya na paritasseyya. Bahiddhā, bhikkhave, viññāṇe avikkhitte avisaṭe sati ajjhattaṃ asaṇṭhite anupādāya aparitassato āyatiṃ jātijarāmaraṇadukkhasamudayasambhavo na hotī’ti. Tesaṃ no, āvuso kaccāna, amhākaṃ, acirapakkantassa bhagavato, etadahosi – ‘idaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – tathā tathā, bhikkhave, bhikkhu upaparikkheyya, yathā yathā upaparikkhato bahiddhā cassa viññāṇaṃ avikkhittaṃ avisaṭaṃ ajjhattaṃ asaṇṭhitaṃ anupādāya na paritasseyya. Bahiddhā, bhikkhave, viññāṇe avikkhitte avisaṭe sati ajjhattaṃ asaṇṭhite anupādāya aparitassato āyatiṃ jātijarāmaraṇadukkhasamudayasambhavo na hotī’ti. Ko nu kho imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyā’’ti. ‘‘Tesaṃ no, āvuso kaccāna, amhākaṃ etadahosi – ‘ayaṃ kho āyasmā mahākaccāno satthu ceva saṃvaṇṇito, sambhāvito ca viññūnaṃ sabrahmacārīnaṃ. Pahoti cāyasmā mahākaccāno imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Yaṃnūna mayaṃ yenāyasmā mahākaccāno tenupasaṅkameyyāma; upasaṅkamitvā āyasmantaṃ mahākaccānaṃ etamatthaṃ paṭipuccheyyāmā’ti – vibhajatāyasmā mahākaccāno’’ti.
315. ‘‘‘сзяяат̇ааби, аавусо, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва муулам̣ ад̇иггамма канд̇хам̣ саакаабалаасз саарам̣ бариязсид̇аб̣б̣ам̣ ман̃н̃зяяа, звам̣ самбад̣̇амид̣̇ам̣ ааяасманд̇аанам̣ сад̇т̇ари саммукийбхууд̇з д̇ам̣ бхаг̇аванд̇ам̣ ад̇исид̇ваа амхз зд̇амад̇т̇ам̣ бадибужчид̇аб̣б̣ам̣ ман̃н̃ат̇а. со хаавусо, бхаг̇аваа ж̇аанам̣ ж̇аанаад̇и, бассам̣ бассад̇и, жагкубхууд̇о н̃аан̣абхууд̇о д̇хаммабхууд̇о б̣рахмабхууд̇о вад̇д̇аа бавад̇д̇аа ад̇т̇асса ниннзд̇аа амад̇асса д̣̇аад̇аа д̇хаммассаамий д̇ат̇ааг̇ад̇о. со жзва банзд̇асса гаало ахоси яам̣ бхаг̇аванд̇ам̣язва зд̇амад̇т̇ам̣ бадибужчзяяаат̇а; яат̇аа во бхаг̇аваа б̣яаагарзяяа д̇ат̇аа нам̣ д̇хаарзяяаат̇аа’’’д̇и. ‘ад̣̇д̇хаавусо гажжаана, бхаг̇аваа ж̇аанам̣ ж̇аанаад̇и, бассам̣ бассад̇и, жагкубхууд̇о н̃аан̣абхууд̇о д̇хаммабхууд̇о б̣рахмабхууд̇о вад̇д̇аа бавад̇д̇аа ад̇т̇асса ниннзд̇аа амад̇асса д̣̇аад̇аа д̇хаммассаамий д̇ат̇ааг̇ад̇о. со жзва банзд̇асса гаало ахоси яам̣ бхаг̇аванд̇ам̣язва зд̇амад̇т̇ам̣ бадибужчзяяаама; яат̇аа но бхаг̇аваа б̣яаагарзяяа д̇ат̇аа нам̣ д̇хаарзяяаама. аби жааяасмаа махаагажжаано сад̇т̇у жзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣. баход̇и жааяасмаа махаагажжаано имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. вибхаж̇ад̇ааяасмаа махаагажжаано аг̇арум̣ гарид̇ваа’д̇и. ‘д̇зна хаавусо, сун̣аат̇а, саад̇хугам̣ манаси гарот̇а; бхаасиссаамий’д̇и. ‘звамаавусо’д̇и ко д̇з бхигкуу ааяасмад̇о махаагажжаанасса бажжассосум̣. ааяасмаа махаагажжаано зд̇ад̣̇авожа –
315. ‘‘‘Seyyathāpi, āvuso, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva mūlaṃ atikkamma khandhaṃ sākhāpalāse sāraṃ pariyesitabbaṃ maññeyya, evaṃ sampadamidaṃ āyasmantānaṃ satthari sammukhībhūte taṃ bhagavantaṃ atisitvā amhe etamatthaṃ paṭipucchitabbaṃ maññatha. So hāvuso, bhagavā jānaṃ jānāti, passaṃ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato. So ceva panetassa kālo ahosi yaṃ bhagavantaṃyeva etamatthaṃ paṭipuccheyyātha; yathā vo bhagavā byākareyya tathā naṃ dhāreyyāthā’’’ti. ‘Addhāvuso kaccāna, bhagavā jānaṃ jānāti, passaṃ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato. So ceva panetassa kālo ahosi yaṃ bhagavantaṃyeva etamatthaṃ paṭipuccheyyāma; yathā no bhagavā byākareyya tathā naṃ dhāreyyāma. Api cāyasmā mahākaccāno satthu ceva saṃvaṇṇito sambhāvito ca viññūnaṃ sabrahmacārīnaṃ. Pahoti cāyasmā mahākaccāno imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Vibhajatāyasmā mahākaccāno agaruṃ karitvā’ti. ‘Tena hāvuso, suṇātha, sādhukaṃ manasi karotha; bhāsissāmī’ti. ‘Evamāvuso’ti kho te bhikkhū āyasmato mahākaccānassa paccassosuṃ. Āyasmā mahākaccāno etadavoca –
‘яам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – д̇ат̇аа д̇ат̇аа, бхигкавз, бхигку убабаригкзяяа, яат̇аа яат̇аа убабаригкад̇о б̣ахид̣̇д̇хаа жасса вин̃н̃аан̣ам̣ авигкид̇д̇ам̣ ависадам̣ аж̇жхад̇д̇ам̣ асан̣тид̇ам̣ анубаад̣̇ааяа на барид̇ассзяяа, б̣ахид̣̇д̇хаа, бхигкавз, вин̃н̃аан̣з авигкид̇д̇з ависадз сад̇и аж̇жхад̇д̇ам̣ асан̣тид̇з анубаад̣̇ааяа абарид̇ассад̇о ааяад̇им̣ ж̇аад̇иж̇араамаран̣ад̣̇угкасамуд̣̇аяасамбхаво на ход̇ий’д̇и. имасса ко ахам̣, аавусо, бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса звам̣ вид̇т̇аарзна ад̇т̇ам̣ ааж̇аанаами.
‘Yaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – tathā tathā, bhikkhave, bhikkhu upaparikkheyya, yathā yathā upaparikkhato bahiddhā cassa viññāṇaṃ avikkhittaṃ avisaṭaṃ ajjhattaṃ asaṇṭhitaṃ anupādāya na paritasseyya, bahiddhā, bhikkhave, viññāṇe avikkhitte avisaṭe sati ajjhattaṃ asaṇṭhite anupādāya aparitassato āyatiṃ jātijarāmaraṇadukkhasamudayasambhavo na hotī’ti. Imassa kho ahaṃ, āvuso, bhagavatā saṃkhittena uddesassa uddiṭṭhassa vitthārena atthaṃ avibhattassa evaṃ vitthārena atthaṃ ājānāmi.
316. ‘‘гат̇ан̃жаавусо, б̣ахид̣̇д̇хаа вин̃н̃аан̣ам̣ вигкид̇д̇ам̣ висаданд̇и вужжад̇и? ид̇хаавусо, бхигкуно жагкунаа руубам̣ д̣̇исваа руубанимид̇д̇аанусаари вин̃н̃аан̣ам̣ ход̇и руубанимид̇д̇ассаад̣̇аг̇ад̇хид̇ам̣ 3 руубанимид̇д̇ассаад̣̇авиниб̣анд̇хам̣ 4 руубанимид̇д̇ассаад̣̇асам̣яож̇анасам̣яуд̇д̇ам̣ б̣ахид̣̇д̇хаа вин̃н̃аан̣ам̣ вигкид̇д̇ам̣ висаданд̇и вужжад̇и. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа д̇хамманимид̇д̇аанусаарий вин̃н̃аан̣ам̣ ход̇и; д̇хамманимид̇д̇ассаад̣̇аг̇ад̇хид̇ам̣ д̇хамманимид̇д̇ассаад̣̇авиниб̣анд̇хам̣ д̇хамманимид̇д̇ассаад̣̇асам̣яож̇анасам̣яуд̇д̇ам̣ б̣ахид̣̇д̇хаа вин̃н̃аан̣ам̣ вигкид̇д̇ам̣ висаданд̇и вужжад̇и. звам̣ ко аавусо, б̣ахид̣̇д̇хаа вин̃н̃аан̣ам̣ вигкид̇д̇ам̣ висаданд̇и вужжад̇и.
316. ‘‘Kathañcāvuso, bahiddhā viññāṇaṃ vikkhittaṃ visaṭanti vuccati? Idhāvuso, bhikkhuno cakkhunā rūpaṃ disvā rūpanimittānusāri viññāṇaṃ hoti rūpanimittassādagadhitaṃ 5 rūpanimittassādavinibandhaṃ 6 rūpanimittassādasaṃyojanasaṃyuttaṃ bahiddhā viññāṇaṃ vikkhittaṃ visaṭanti vuccati. Sotena saddaṃ sutvā…pe… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya dhammanimittānusārī viññāṇaṃ hoti; dhammanimittassādagadhitaṃ dhammanimittassādavinibandhaṃ dhammanimittassādasaṃyojanasaṃyuttaṃ bahiddhā viññāṇaṃ vikkhittaṃ visaṭanti vuccati. Evaṃ kho āvuso, bahiddhā viññāṇaṃ vikkhittaṃ visaṭanti vuccati.
317. ‘‘гат̇ан̃жаавусо, б̣ахид̣̇д̇хаа вин̃н̃аан̣ам̣ авигкид̇д̇ам̣ ависаданд̇и вужжад̇и ? ид̇хаавусо, бхигкуно жагкунаа руубам̣ д̣̇исваа на руубанимид̇д̇аанусаари вин̃н̃аан̣ам̣ ход̇и руубанимид̇д̇ассаад̣̇аг̇ад̇хид̇ам̣ на руубанимид̇д̇ассаад̣̇авиниб̣анд̇хам̣ на руубанимид̇д̇ассаад̣̇асам̣яож̇анасам̣яуд̇д̇ам̣ б̣ахид̣̇д̇хаа вин̃н̃аан̣ам̣ авигкид̇д̇ам̣ ависаданд̇и вужжад̇и . сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа на д̇хамманимид̇д̇аанусаарий вин̃н̃аан̣ам̣ ход̇и на д̇хамманимид̇д̇ассаад̣̇аг̇ад̇хид̇ам̣ на д̇хамманимид̇д̇ассаад̣̇авиниб̣анд̇хам̣ на д̇хамманимид̇д̇ассаад̣̇асам̣яож̇анасам̣яуд̇д̇ам̣ б̣ахид̣̇д̇хаа вин̃н̃аан̣ам̣ авигкид̇д̇ам̣ ависаданд̇и вужжад̇и. звам̣ ко, аавусо, б̣ахид̣̇д̇хаа вин̃н̃аан̣ам̣ авигкид̇д̇ам̣ ависаданд̇и вужжад̇и.
317. ‘‘Kathañcāvuso, bahiddhā viññāṇaṃ avikkhittaṃ avisaṭanti vuccati ? Idhāvuso, bhikkhuno cakkhunā rūpaṃ disvā na rūpanimittānusāri viññāṇaṃ hoti rūpanimittassādagadhitaṃ na rūpanimittassādavinibandhaṃ na rūpanimittassādasaṃyojanasaṃyuttaṃ bahiddhā viññāṇaṃ avikkhittaṃ avisaṭanti vuccati . Sotena saddaṃ sutvā…pe… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya na dhammanimittānusārī viññāṇaṃ hoti na dhammanimittassādagadhitaṃ na dhammanimittassādavinibandhaṃ na dhammanimittassādasaṃyojanasaṃyuttaṃ bahiddhā viññāṇaṃ avikkhittaṃ avisaṭanti vuccati. Evaṃ kho, āvuso, bahiddhā viññāṇaṃ avikkhittaṃ avisaṭanti vuccati.
318. ‘‘гат̇ан̃жаавусо, аж̇жхад̇д̇ам̣ 7 сан̣тид̇анд̇и вужжад̇и? ид̇хаавусо, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. д̇асса вивзгаж̇абийд̇исукаанусаари вин̃н̃аан̣ам̣ ход̇и вивзгаж̇абийд̇исукассаад̣̇аг̇ад̇хид̇ам̣ вивзгаж̇абийд̇исукассаад̣̇авиниб̣анд̇хам̣ вивзгаж̇абийд̇исукассаад̣̇асам̣яож̇анасам̣яуд̇д̇ам̣ аж̇жхад̇д̇ам̣ жид̇д̇ам̣ сан̣тид̇анд̇и вужжад̇и.
318. ‘‘Kathañcāvuso, ajjhattaṃ 8 saṇṭhitanti vuccati? Idhāvuso, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Tassa vivekajapītisukhānusāri viññāṇaṃ hoti vivekajapītisukhassādagadhitaṃ vivekajapītisukhassādavinibandhaṃ vivekajapītisukhassādasaṃyojanasaṃyuttaṃ ajjhattaṃ cittaṃ saṇṭhitanti vuccati.
‘‘буна жабарам̣, аавусо, бхигку вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. д̇асса самаад̇хиж̇абийд̇исукаанусаари вин̃н̃аан̣ам̣ ход̇и самаад̇хиж̇абийд̇исукассаад̣̇аг̇ад̇хид̇ам̣ самаад̇хиж̇абийд̇исукассаад̣̇авиниб̣анд̇хам̣ самаад̇хиж̇абийд̇исукассаад̣̇асам̣яож̇анасам̣яуд̇д̇ам̣ аж̇жхад̇д̇ам̣ жид̇д̇ам̣ сан̣тид̇анд̇и вужжад̇и.
‘‘Puna caparaṃ, āvuso, bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Tassa samādhijapītisukhānusāri viññāṇaṃ hoti samādhijapītisukhassādagadhitaṃ samādhijapītisukhassādavinibandhaṃ samādhijapītisukhassādasaṃyojanasaṃyuttaṃ ajjhattaṃ cittaṃ saṇṭhitanti vuccati.
‘‘буна жабарам̣, аавусо, бхигку бийд̇ияаа жа вирааг̇аа убзгкаго жа вихарад̇и сад̇о жа самбаж̇аано сукан̃жа гааязна бадисам̣взд̣̇зд̇и, яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и. д̇асса убзгкаанусаари вин̃н̃аан̣ам̣ ход̇и убзгкаасукассаад̣̇аг̇ад̇хид̇ам̣ убзгкаасукассаад̣̇авиниб̣анд̇хам̣ убзгкаасукассаад̣̇асам̣яож̇анасам̣яуд̇д̇ам̣ аж̇жхад̇д̇ам̣ жид̇д̇ам̣ сан̣тид̇анд̇и вужжад̇и.
‘‘Puna caparaṃ, āvuso, bhikkhu pītiyā ca virāgā upekkhako ca viharati sato ca sampajāno sukhañca kāyena paṭisaṃvedeti, yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharati. Tassa upekkhānusāri viññāṇaṃ hoti upekkhāsukhassādagadhitaṃ upekkhāsukhassādavinibandhaṃ upekkhāsukhassādasaṃyojanasaṃyuttaṃ ajjhattaṃ cittaṃ saṇṭhitanti vuccati.
‘‘буна жабарам̣, аавусо, бхигку сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. д̇асса ад̣̇угкамасукаанусаари вин̃н̃аан̣ам̣ ход̇и ад̣̇угкамасукассаад̣̇аг̇ад̇хид̇ам̣ ад̣̇угкамасукассаад̣̇авиниб̣анд̇хам̣ ад̣̇угкамасукассаад̣̇асам̣яож̇анасам̣яуд̇д̇ам̣ аж̇жхад̇д̇ам̣ жид̇д̇ам̣ сан̣тид̇анд̇и вужжад̇и. звам̣ ко, аавусо, аж̇жхад̇д̇ам̣ 9 сан̣тид̇анд̇и вужжад̇и.
‘‘Puna caparaṃ, āvuso, bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Tassa adukkhamasukhānusāri viññāṇaṃ hoti adukkhamasukhassādagadhitaṃ adukkhamasukhassādavinibandhaṃ adukkhamasukhassādasaṃyojanasaṃyuttaṃ ajjhattaṃ cittaṃ saṇṭhitanti vuccati. Evaṃ kho, āvuso, ajjhattaṃ 10 saṇṭhitanti vuccati.
319. ‘‘гат̇ан̃жаавусо , аж̇жхад̇д̇ам̣ 11 асан̣тид̇анд̇и вужжад̇и? ид̇хаавусо, бхигку вивижжзва гаамзхи вивижжа агусалзхи д̇хаммзхи…бз… батамам̣ жхаанам̣ убасамбаж̇ж̇а вихарад̇и. д̇асса на вивзгаж̇абийд̇исукаанусаари вин̃н̃аан̣ам̣ ход̇и на вивзгаж̇абийд̇исукассаад̣̇аг̇ад̇хид̇ам̣ на вивзгаж̇абийд̇исукассаад̣̇авиниб̣анд̇хам̣ на вивзгаж̇абийд̇исукассаад̣̇асам̣яож̇анасам̣яуд̇д̇ам̣ аж̇жхад̇д̇ам̣ жид̇д̇ам̣ асан̣тид̇анд̇и вужжад̇и.
319. ‘‘Kathañcāvuso , ajjhattaṃ 12 asaṇṭhitanti vuccati? Idhāvuso, bhikkhu vivicceva kāmehi vivicca akusalehi dhammehi…pe… paṭhamaṃ jhānaṃ upasampajja viharati. Tassa na vivekajapītisukhānusāri viññāṇaṃ hoti na vivekajapītisukhassādagadhitaṃ na vivekajapītisukhassādavinibandhaṃ na vivekajapītisukhassādasaṃyojanasaṃyuttaṃ ajjhattaṃ cittaṃ asaṇṭhitanti vuccati.
‘‘буна жабарам̣, аавусо, бхигку вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихарад̇и. д̇асса на самаад̇хиж̇абийд̇исукаанусаари вин̃н̃аан̣ам̣ ход̇и на самаад̇хиж̇абийд̇исукассаад̣̇аг̇ад̇хид̇ам̣ на самаад̇хиж̇абийд̇исукассаад̣̇авиниб̣анд̇хам̣ на самаад̇хиж̇абийд̇исукассаад̣̇асам̣яож̇анасам̣яуд̇д̇ам̣ аж̇жхад̇д̇ам̣ жид̇д̇ам̣ асан̣тид̇анд̇и вужжад̇и .
‘‘Puna caparaṃ, āvuso, bhikkhu vitakkavicārānaṃ vūpasamā…pe… dutiyaṃ jhānaṃ upasampajja viharati. Tassa na samādhijapītisukhānusāri viññāṇaṃ hoti na samādhijapītisukhassādagadhitaṃ na samādhijapītisukhassādavinibandhaṃ na samādhijapītisukhassādasaṃyojanasaṃyuttaṃ ajjhattaṃ cittaṃ asaṇṭhitanti vuccati .
‘‘буна жабарам̣, аавусо, бхигку бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихарад̇и. д̇асса на убзгкаанусаари вин̃н̃аан̣ам̣ ход̇и на убзгкаасукассаад̣̇аг̇ад̇хид̇ам̣ на убзгкаасукассаад̣̇авиниб̣анд̇хам̣ на убзгкаасукассаад̣̇асам̣яож̇анасам̣яуд̇д̇ам̣ аж̇жхад̇д̇ам̣ жид̇д̇ам̣ асан̣тид̇анд̇и вужжад̇и.
‘‘Puna caparaṃ, āvuso, bhikkhu pītiyā ca virāgā…pe… tatiyaṃ jhānaṃ upasampajja viharati. Tassa na upekkhānusāri viññāṇaṃ hoti na upekkhāsukhassādagadhitaṃ na upekkhāsukhassādavinibandhaṃ na upekkhāsukhassādasaṃyojanasaṃyuttaṃ ajjhattaṃ cittaṃ asaṇṭhitanti vuccati.
‘‘буна жабарам̣, аавусо, бхигку сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. д̇асса на ад̣̇угкамасукаанусаари вин̃н̃аан̣ам̣ ход̇и на ад̣̇угкамасукассаад̣̇аг̇ад̇хид̇ам̣ на ад̣̇угкамасукассаад̣̇авиниб̣анд̇хам̣ на ад̣̇угкамасукассаад̣̇асам̣яож̇анасам̣яуд̇д̇ам̣ аж̇жхад̇д̇ам̣ жид̇д̇ам̣ асан̣тид̇анд̇и вужжад̇и. звам̣ ко, аавусо, аж̇жхад̇д̇ам̣ 13 асан̣тид̇анд̇и вужжад̇и.
‘‘Puna caparaṃ, āvuso, bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Tassa na adukkhamasukhānusāri viññāṇaṃ hoti na adukkhamasukhassādagadhitaṃ na adukkhamasukhassādavinibandhaṃ na adukkhamasukhassādasaṃyojanasaṃyuttaṃ ajjhattaṃ cittaṃ asaṇṭhitanti vuccati. Evaṃ kho, āvuso, ajjhattaṃ 14 asaṇṭhitanti vuccati.
320. ‘‘гат̇ан̃жаавусо, анубаад̣̇аа барид̇ассанаа ход̇и? ид̇хаавусо, ассуд̇аваа бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о руубам̣ ад̇д̇ад̇о саманубассад̇и руубаванд̇ам̣ ваа ад̇д̇аанам̣ ад̇д̇ани ваа руубам̣ руубасмим̣ ваа ад̇д̇аанам̣. д̇асса д̇ам̣ руубам̣ вибарин̣амад̇и, ан̃н̃ат̇аа ход̇и. д̇асса руубавибарин̣ааман̃н̃ат̇аабхааваа руубавибарин̣аамаанубаривад̇д̇и вин̃н̃аан̣ам̣ ход̇и. д̇асса руубавибарин̣аамаанубаривад̇д̇аж̇аа барид̇ассанаа д̇хаммасамуббаад̣̇аа жид̇д̇ам̣ барияаад̣̇ааяа д̇идтанд̇и. жзд̇асо барияаад̣̇аанаа уд̇д̇аасаваа жа ход̇и вигхаад̇аваа жа абзгкаваа жа анубаад̣̇ааяа жа барид̇ассад̇и. взд̣̇анам̣ …бз… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇и вин̃н̃аан̣аванд̇ам̣ ваа ад̇д̇аанам̣ ад̇д̇ани ваа вин̃н̃аан̣ам̣ вин̃н̃аан̣асмим̣ ваа ад̇д̇аанам̣. д̇асса д̇ам̣ вин̃н̃аан̣ам̣ вибарин̣амад̇и, ан̃н̃ат̇аа ход̇и. д̇асса вин̃н̃аан̣авибарин̣ааман̃н̃ат̇аабхааваа вин̃н̃аан̣авибарин̣аамаанубаривад̇д̇и вин̃н̃аан̣ам̣ ход̇и. д̇асса вин̃н̃аан̣авибарин̣аамаанубаривад̇д̇аж̇аа барид̇ассанаа д̇хаммасамуббаад̣̇аа жид̇д̇ам̣ барияаад̣̇ааяа д̇идтанд̇и. жзд̇асо барияаад̣̇аанаа уд̇д̇аасаваа жа ход̇и вигхаад̇аваа жа абзгкаваа жа анубаад̣̇ааяа жа барид̇ассад̇и. звам̣ ко, аавусо, анубаад̣̇аа барид̇ассанаа ход̇и.
320. ‘‘Kathañcāvuso, anupādā paritassanā hoti? Idhāvuso, assutavā puthujjano ariyānaṃ adassāvī ariyadhammassa akovido ariyadhamme avinīto sappurisānaṃ adassāvī sappurisadhammassa akovido sappurisadhamme avinīto rūpaṃ attato samanupassati rūpavantaṃ vā attānaṃ attani vā rūpaṃ rūpasmiṃ vā attānaṃ. Tassa taṃ rūpaṃ vipariṇamati, aññathā hoti. Tassa rūpavipariṇāmaññathābhāvā rūpavipariṇāmānuparivatti viññāṇaṃ hoti. Tassa rūpavipariṇāmānuparivattajā paritassanā dhammasamuppādā cittaṃ pariyādāya tiṭṭhanti. Cetaso pariyādānā uttāsavā ca hoti vighātavā ca apekkhavā ca anupādāya ca paritassati. Vedanaṃ …pe… saññaṃ… saṅkhāre… viññāṇaṃ attato samanupassati viññāṇavantaṃ vā attānaṃ attani vā viññāṇaṃ viññāṇasmiṃ vā attānaṃ. Tassa taṃ viññāṇaṃ vipariṇamati, aññathā hoti. Tassa viññāṇavipariṇāmaññathābhāvā viññāṇavipariṇāmānuparivatti viññāṇaṃ hoti. Tassa viññāṇavipariṇāmānuparivattajā paritassanā dhammasamuppādā cittaṃ pariyādāya tiṭṭhanti. Cetaso pariyādānā uttāsavā ca hoti vighātavā ca apekkhavā ca anupādāya ca paritassati. Evaṃ kho, āvuso, anupādā paritassanā hoti.
321. ‘‘гат̇ан̃жаавусо, анубаад̣̇аанаа абарид̇ассанаа ход̇и? ид̇хаавусо, суд̇аваа арияасааваго арияаанам̣ д̣̇ассаавий арияад̇хаммасса говид̣̇о арияад̇хаммз сувинийд̇о саббурисаанам̣ д̣̇ассаавий саббурисад̇хаммасса говид̣̇о саббурисад̇хаммз сувинийд̇о на руубам̣ ад̇д̇ад̇о саманубассад̇и на руубаванд̇ам̣ ваа ад̇д̇аанам̣ на ад̇д̇ани ваа руубам̣ на руубасмим̣ ваа ад̇д̇аанам̣. д̇асса д̇ам̣ руубам̣ вибарин̣амад̇и, ан̃н̃ат̇аа ход̇и. д̇асса руубавибарин̣ааман̃н̃ат̇аабхааваа на жа руубавибарин̣аамаанубаривад̇д̇и вин̃н̃аан̣ам̣ ход̇и. д̇асса на руубавибарин̣аамаанубаривад̇д̇аж̇аа барид̇ассанаа д̇хаммасамуббаад̣̇аа жид̇д̇ам̣ барияаад̣̇ааяа д̇идтанд̇и. жзд̇асо барияаад̣̇аанаа на жзвуд̇д̇аасаваа 15 ход̇и на жа вигхаад̇аваа на жа абзгкаваа анубаад̣̇ааяа жа на барид̇ассад̇и. на взд̣̇анам̣… на сан̃н̃ам̣… на сан̇каарз… на вин̃н̃аан̣ам̣ ад̇д̇ад̇о саманубассад̇и на вин̃н̃аан̣аванд̇ам̣ ваа ад̇д̇аанам̣ на ад̇д̇ани ваа вин̃н̃аан̣ам̣ на вин̃н̃аан̣асмим̣ ваа ад̇д̇аанам̣. д̇асса д̇ам̣ вин̃н̃аан̣ам̣ вибарин̣амад̇и, ан̃н̃ат̇аа ход̇и. д̇асса вин̃н̃аан̣авибарин̣ааман̃н̃ат̇аабхааваа на жа вин̃н̃аан̣авибарин̣аамаанубаривад̇д̇и вин̃н̃аан̣ам̣ ход̇и. д̇асса на вин̃н̃аан̣авибарин̣аамаанубаривад̇д̇аж̇аа барид̇ассанаа д̇хаммасамуббаад̣̇аа жид̇д̇ам̣ барияаад̣̇ааяа д̇идтанд̇и. жзд̇асо барияаад̣̇аанаа на жзвуд̇д̇аасаваа ход̇и на жа вигхаад̇аваа на жа абзгкаваа, анубаад̣̇ааяа жа на барид̇ассад̇и. звам̣ ко, аавусо, анубаад̣̇аа абарид̇ассанаа ход̇и.
321. ‘‘Kathañcāvuso, anupādānā aparitassanā hoti? Idhāvuso, sutavā ariyasāvako ariyānaṃ dassāvī ariyadhammassa kovido ariyadhamme suvinīto sappurisānaṃ dassāvī sappurisadhammassa kovido sappurisadhamme suvinīto na rūpaṃ attato samanupassati na rūpavantaṃ vā attānaṃ na attani vā rūpaṃ na rūpasmiṃ vā attānaṃ. Tassa taṃ rūpaṃ vipariṇamati, aññathā hoti. Tassa rūpavipariṇāmaññathābhāvā na ca rūpavipariṇāmānuparivatti viññāṇaṃ hoti. Tassa na rūpavipariṇāmānuparivattajā paritassanā dhammasamuppādā cittaṃ pariyādāya tiṭṭhanti. Cetaso pariyādānā na cevuttāsavā 16 hoti na ca vighātavā na ca apekkhavā anupādāya ca na paritassati. Na vedanaṃ… na saññaṃ… na saṅkhāre… na viññāṇaṃ attato samanupassati na viññāṇavantaṃ vā attānaṃ na attani vā viññāṇaṃ na viññāṇasmiṃ vā attānaṃ. Tassa taṃ viññāṇaṃ vipariṇamati, aññathā hoti. Tassa viññāṇavipariṇāmaññathābhāvā na ca viññāṇavipariṇāmānuparivatti viññāṇaṃ hoti. Tassa na viññāṇavipariṇāmānuparivattajā paritassanā dhammasamuppādā cittaṃ pariyādāya tiṭṭhanti. Cetaso pariyādānā na cevuttāsavā hoti na ca vighātavā na ca apekkhavā, anupādāya ca na paritassati. Evaṃ kho, āvuso, anupādā aparitassanā hoti.
‘‘яам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘д̇ат̇аа д̇ат̇аа, бхигкавз, бхигку убабаригкзяяа яат̇аа яат̇аа убабаригкад̇о б̣ахид̣̇д̇хаа жасса вин̃н̃аан̣ам̣ авигкид̇д̇ам̣ ависадам̣, аж̇жхад̇д̇ам̣ асан̣тид̇ам̣ анубаад̣̇ааяа на барид̇ассзяяа. б̣ахид̣̇д̇хаа, бхигкавз, вин̃н̃аан̣з авигкид̇д̇з ависадз сад̇и аж̇жхад̇д̇ам̣ асан̣тид̇з анубаад̣̇ааяа абарид̇ассад̇о ааяад̇им̣ ж̇аад̇иж̇араамаран̣ад̣̇угкасамуд̣̇аяасамбхаво на ход̇ий’д̇и. имасса ко ахам̣, аавусо, бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса звам̣ вид̇т̇аарзна ад̇т̇ам̣ ааж̇аанаами. ааган̇камаанаа жа бана д̇умхз ааяасманд̇о бхаг̇аванд̇ам̣язва убасан̇гамид̇ваа зд̇амад̇т̇ам̣ бадибужчзяяаат̇а; яат̇аа во бхаг̇аваа б̣яаагарод̇и д̇ат̇аа нам̣ д̇хаарзяяаат̇аа’’д̇и.
‘‘Yaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘tathā tathā, bhikkhave, bhikkhu upaparikkheyya yathā yathā upaparikkhato bahiddhā cassa viññāṇaṃ avikkhittaṃ avisaṭaṃ, ajjhattaṃ asaṇṭhitaṃ anupādāya na paritasseyya. Bahiddhā, bhikkhave, viññāṇe avikkhitte avisaṭe sati ajjhattaṃ asaṇṭhite anupādāya aparitassato āyatiṃ jātijarāmaraṇadukkhasamudayasambhavo na hotī’ti. Imassa kho ahaṃ, āvuso, bhagavatā saṃkhittena uddesassa uddiṭṭhassa vitthārena atthaṃ avibhattassa evaṃ vitthārena atthaṃ ājānāmi. Ākaṅkhamānā ca pana tumhe āyasmanto bhagavantaṃyeva upasaṅkamitvā etamatthaṃ paṭipuccheyyātha; yathā vo bhagavā byākaroti tathā naṃ dhāreyyāthā’’ti.
322. ат̇а ко д̇з бхигкуу ааяасмад̇о махаагажжаанасса бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ –
322. Atha kho te bhikkhū āyasmato mahākaccānassa bhāsitaṃ abhinanditvā anumoditvā uṭṭhāyāsanā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ –
‘‘яам̣ ко но, бханд̇з, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘д̇ат̇аа д̇ат̇аа, бхигкавз, бхигку убабаригкзяяа яат̇аа яат̇аа убабаригкад̇о б̣ахид̣̇д̇хаа жасса вин̃н̃аан̣ам̣ авигкид̇д̇ам̣ ависадам̣, аж̇жхад̇д̇ам̣ асан̣тид̇ам̣ анубаад̣̇ааяа на барид̇ассзяяа. б̣ахид̣̇д̇хаа, бхигкавз, вин̃н̃аан̣з авигкид̇д̇з ависадз сад̇и аж̇жхад̇д̇ам̣ асан̣тид̇з анубаад̣̇ааяа абарид̇ассад̇о ааяад̇им̣ ж̇аад̇иж̇араамаран̣ад̣̇угкасамуд̣̇аяасамбхаво на ход̇ий’’’д̇и.
‘‘Yaṃ kho no, bhante, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘tathā tathā, bhikkhave, bhikkhu upaparikkheyya yathā yathā upaparikkhato bahiddhā cassa viññāṇaṃ avikkhittaṃ avisaṭaṃ, ajjhattaṃ asaṇṭhitaṃ anupādāya na paritasseyya. Bahiddhā, bhikkhave, viññāṇe avikkhitte avisaṭe sati ajjhattaṃ asaṇṭhite anupādāya aparitassato āyatiṃ jātijarāmaraṇadukkhasamudayasambhavo na hotī’’’ti.
‘‘д̇зсам̣ но, бханд̇з, амхаагам̣, ажирабагганд̇асса бхаг̇авад̇о, зд̇ад̣̇ахоси – ‘ид̣̇ам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – д̇ат̇аа д̇ат̇аа, бхигкавз, бхигку убабаригкзяяа, яат̇аа яат̇аа убабаригкад̇о б̣ахид̣̇д̇хаа жасса вин̃н̃аан̣ам̣ авигкид̇д̇ам̣ ависадам̣, аж̇жхад̇д̇ам̣ асан̣тид̇ам̣ анубаад̣̇ааяа на барид̇ассзяяа. б̣ахид̣̇д̇хаа, бхигкавз, вин̃н̃аан̣з авигкид̇д̇з ависадз сад̇и аж̇жхад̇д̇ам̣ асан̣тид̇з анубаад̣̇ааяа абарид̇ассад̇о ааяад̇им̣ ж̇аад̇иж̇араамаран̣ад̣̇угкасамуд̣̇аяасамбхаво на ход̇ийд̇и. го ну ко имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇зяяаа’д̇и? д̇зсам̣ но, бханд̇з, амхаагам̣ зд̇ад̣̇ахоси – ‘аяам̣ ко ааяасмаа махаагажжаано сад̇т̇у жзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣. баход̇и жааяасмаа махаагажжаано имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. яам̣нууна маяам̣ язнааяасмаа махаагажжаано д̇знубасан̇гамзяяаама; убасан̇гамид̇ваа ааяасманд̇ам̣ махаагажжаанам̣ зд̇амад̇т̇ам̣ бадибужчзяяаамаа’д̇и.
‘‘Tesaṃ no, bhante, amhākaṃ, acirapakkantassa bhagavato, etadahosi – ‘idaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – tathā tathā, bhikkhave, bhikkhu upaparikkheyya, yathā yathā upaparikkhato bahiddhā cassa viññāṇaṃ avikkhittaṃ avisaṭaṃ, ajjhattaṃ asaṇṭhitaṃ anupādāya na paritasseyya. Bahiddhā, bhikkhave, viññāṇe avikkhitte avisaṭe sati ajjhattaṃ asaṇṭhite anupādāya aparitassato āyatiṃ jātijarāmaraṇadukkhasamudayasambhavo na hotīti. Ko nu kho imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyā’ti? Tesaṃ no, bhante, amhākaṃ etadahosi – ‘ayaṃ kho āyasmā mahākaccāno satthu ceva saṃvaṇṇito sambhāvito ca viññūnaṃ sabrahmacārīnaṃ. Pahoti cāyasmā mahākaccāno imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Yaṃnūna mayaṃ yenāyasmā mahākaccāno tenupasaṅkameyyāma; upasaṅkamitvā āyasmantaṃ mahākaccānaṃ etamatthaṃ paṭipuccheyyāmā’ti.
‘‘ат̇а ко маяам̣, бханд̇з, язнааяасмаа махаагажжаано д̇знубасан̇гамимха; убасан̇гамид̇ваа ааяасманд̇ам̣ махаагажжаанам̣ зд̇амад̇т̇ам̣ бадибужчимха. д̇зсам̣ но, бханд̇з, ааяасмад̇аа махаагажжаанзна имзхи аагаарзхи имзхи бад̣̇зхи имзхи б̣яан̃ж̇анзхи ад̇т̇о вибхад̇д̇о’’д̇и.
‘‘Atha kho mayaṃ, bhante, yenāyasmā mahākaccāno tenupasaṅkamimha; upasaṅkamitvā āyasmantaṃ mahākaccānaṃ etamatthaṃ paṭipucchimha. Tesaṃ no, bhante, āyasmatā mahākaccānena imehi ākārehi imehi padehi imehi byañjanehi attho vibhatto’’ti.
‘‘бан̣д̣ид̇о, бхигкавз, махаагажжаано; махаабан̃н̃о, бхигкавз, махаагажжаано. мам̣ жзби д̇умхз, бхигкавз, зд̇амад̇т̇ам̣ бадибужчзяяаат̇а, ахамби звамзвам̣ б̣яаагарзяяам̣ яат̇аа д̇ам̣ махаагажжаанзна б̣яаагад̇ам̣. зсо жзвзд̇асса 17 ад̇т̇о. зван̃жа нам̣ д̇хаарзяяаат̇аа’’д̇и.
‘‘Paṇḍito, bhikkhave, mahākaccāno; mahāpañño, bhikkhave, mahākaccāno. Maṃ cepi tumhe, bhikkhave, etamatthaṃ paṭipuccheyyātha, ahampi evamevaṃ byākareyyaṃ yathā taṃ mahākaccānena byākataṃ. Eso cevetassa 18 attho. Evañca naṃ dhāreyyāthā’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
уд̣̇д̣̇зсавибхан̇г̇асуд̇д̇ам̣ нидтид̇ам̣ адтамам̣.
Uddesavibhaṅgasuttaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. уд̣̇д̣̇зсавибхан̇г̇асуд̇д̇аван̣н̣анаа • 8. Uddesavibhaṅgasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. уд̣̇д̣̇зсавибхан̇г̇асуд̇д̇аван̣н̣анаа • 8. Uddesavibhaṅgasuttavaṇṇanā
