| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
5. விமொக்க²கதா²
5. Vimokkhakathā
1. உத்³தே³ஸோ
1. Uddeso
209. புரிமனிதா³னங் . ‘‘தயோமே , பி⁴க்க²வே, விமொக்கா². கதமே தயோ? ஸுஞ்ஞதோ விமொக்கோ², அனிமித்தோ விமொக்கோ², அப்பணிஹிதோ விமொக்கோ² – இமே கோ², பி⁴க்க²வே, தயோ விமொக்கா².
209. Purimanidānaṃ . ‘‘Tayome , bhikkhave, vimokkhā. Katame tayo? Suññato vimokkho, animitto vimokkho, appaṇihito vimokkho – ime kho, bhikkhave, tayo vimokkhā.
‘‘அபி ச, அட்ட²ஸட்டி² விமொக்கா² – ஸுஞ்ஞதோ விமொக்கோ², அனிமித்தோ விமொக்கோ², அப்பணிஹிதோ விமொக்கோ²; அஜ்ஜ²த்தவுட்டா²னோ விமொக்கோ², ப³ஹித்³தா⁴வுட்டா²னோ விமொக்கோ², து³ப⁴தோ வுட்டா²னோ விமொக்கோ²; அஜ்ஜ²த்தவுட்டா²னா சத்தாரோ விமொக்கா², ப³ஹித்³தா⁴வுட்டா²னா சத்தாரோ விமொக்கா², து³ப⁴தோ வுட்டா²னா சத்தாரோ விமொக்கா²; அஜ்ஜ²த்தவுட்டா²னானங் அனுலோமா சத்தாரோ விமொக்கா², ப³ஹித்³தா⁴வுட்டா²னானங் அனுலோமா சத்தாரோ விமொக்கா², து³ப⁴தோ வுட்டா²னானங் அனுலோமா சத்தாரோ விமொக்கா²; அஜ்ஜ²த்தவுட்டா²னபடிப்பஸ்ஸத்³தீ⁴ 1 சத்தாரோ விமொக்கா², ப³ஹித்³தா⁴வுட்டா²னபடிப்பஸ்ஸத்³தீ⁴ சத்தாரோ விமொக்கா², து³ப⁴தோ வுட்டா²னபடிப்பஸ்ஸத்³தீ⁴ சத்தாரோ விமொக்கா²; ரூபீ ரூபானி பஸ்ஸதீதி விமொக்கோ², அஜ்ஜ²த்தங் அரூபஸஞ்ஞீ ப³ஹித்³தா⁴ ரூபானி பஸ்ஸதீதி விமொக்கோ², ஸுப⁴ங் தேவ அதி⁴முத்தோ ஹோதீதி விமொக்கோ²; ஆகாஸானஞ்சாயதனஸமாபத்தி விமொக்கோ², விஞ்ஞாணஞ்சாயதனஸமாபத்தி விமொக்கோ², ஆகிஞ்சஞ்ஞாயதனஸமாபத்தி விமொக்கோ²; நேவஸஞ்ஞானாஸஞ்ஞாயதனஸமாபத்தி விமொக்கோ², ஸஞ்ஞாவேத³யிதனிரோத⁴ஸமாபத்தி விமொக்கோ²; ஸமயவிமொக்கோ², அஸமயவிமொக்கோ²; ஸாமயிகோ விமொக்கோ², அஸாமயிகோ விமொக்கோ²; குப்போ விமொக்கோ², அகுப்போ விமொக்கோ²; லோகியோ விமொக்கோ², லோகுத்தரோ விமொக்கோ²; ஸாஸவோ விமொக்கோ², அனாஸவோ விமொக்கோ²; ஸாமிஸோ விமொக்கோ², நிராமிஸோ விமொக்கோ²; நிராமிஸானிராமிஸதரோ விமொக்கோ², பணிஹிதோ விமொக்கோ², அப்பணிஹிதோ விமொக்கோ², பணிஹிதப்படிப்பஸ்ஸத்³தி⁴ விமொக்கோ²; ஸஞ்ஞுத்தோ விமொக்கோ², விஸஞ்ஞுத்தோ விமொக்கோ²; ஏகத்தவிமொக்கோ², நானத்தவிமொக்கோ² , ஸஞ்ஞாவிமொக்கோ², ஞாணவிமொக்கோ²; ஸீதிஸியாவிமொக்கோ² 2, ஜா²னவிமொக்கோ², அனுபாதா³சித்தஸ்ஸ விமொக்கோ²’’.
‘‘Api ca, aṭṭhasaṭṭhi vimokkhā – suññato vimokkho, animitto vimokkho, appaṇihito vimokkho; ajjhattavuṭṭhāno vimokkho, bahiddhāvuṭṭhāno vimokkho, dubhato vuṭṭhāno vimokkho; ajjhattavuṭṭhānā cattāro vimokkhā, bahiddhāvuṭṭhānā cattāro vimokkhā, dubhato vuṭṭhānā cattāro vimokkhā; ajjhattavuṭṭhānānaṃ anulomā cattāro vimokkhā, bahiddhāvuṭṭhānānaṃ anulomā cattāro vimokkhā, dubhato vuṭṭhānānaṃ anulomā cattāro vimokkhā; ajjhattavuṭṭhānapaṭippassaddhī 3 cattāro vimokkhā, bahiddhāvuṭṭhānapaṭippassaddhī cattāro vimokkhā, dubhato vuṭṭhānapaṭippassaddhī cattāro vimokkhā; rūpī rūpāni passatīti vimokkho, ajjhattaṃ arūpasaññī bahiddhā rūpāni passatīti vimokkho, subhaṃ teva adhimutto hotīti vimokkho; ākāsānañcāyatanasamāpatti vimokkho, viññāṇañcāyatanasamāpatti vimokkho, ākiñcaññāyatanasamāpatti vimokkho; nevasaññānāsaññāyatanasamāpatti vimokkho, saññāvedayitanirodhasamāpatti vimokkho; samayavimokkho, asamayavimokkho; sāmayiko vimokkho, asāmayiko vimokkho; kuppo vimokkho, akuppo vimokkho; lokiyo vimokkho, lokuttaro vimokkho; sāsavo vimokkho, anāsavo vimokkho; sāmiso vimokkho, nirāmiso vimokkho; nirāmisānirāmisataro vimokkho, paṇihito vimokkho, appaṇihito vimokkho, paṇihitappaṭippassaddhi vimokkho; saññutto vimokkho, visaññutto vimokkho; ekattavimokkho, nānattavimokkho , saññāvimokkho, ñāṇavimokkho; sītisiyāvimokkho 4, jhānavimokkho, anupādācittassa vimokkho’’.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 1. விமொக்கு²த்³தே³ஸவண்ணனா • 1. Vimokkhuddesavaṇṇanā
