| Library / Tipiṭaka / తిపిటక • Tipiṭaka / సంయుత్తనికాయ (టీకా) • Saṃyuttanikāya (ṭīkā) |
౭. ఉడ్డితసుత్తవణ్ణనా
7. Uḍḍitasuttavaṇṇanā
౬౭. ఉల్లఙ్ఘితోతి ఉబ్బన్ధిత్వా లఙ్ఘితో. సద్దాదీసూతి సద్దాదినాగదన్తేసు సోతాదీని ఉడ్డితాని తణ్హారజ్జునా దళ్హబన్ధనేన బద్ధత్తా తదనతివత్తనతో. లోకోతి ఆయతనలోకో. తథా అత్థయోజనాయ కతత్తా ఖన్ధాదిలోకవసేనపి యోజనా కాతబ్బా. న దూరం అనన్తరభవకత్తా. చుతిచిత్తఅన్తరితత్తా ఏకచిత్తన్తరభవస్స కమ్మస్స అబుజ్ఝనం, ఏవం సన్తే కస్మా సత్తా న బుజ్ఝన్తీతి ఆహ ‘‘బలవతియా’’తిఆది.
67.Ullaṅghitoti ubbandhitvā laṅghito. Saddādīsūti saddādināgadantesu sotādīni uḍḍitāni taṇhārajjunā daḷhabandhanena baddhattā tadanativattanato. Lokoti āyatanaloko. Tathā atthayojanāya katattā khandhādilokavasenapi yojanā kātabbā. Na dūraṃ anantarabhavakattā. Cuticittaantaritattā ekacittantarabhavassa kammassa abujjhanaṃ, evaṃ sante kasmā sattā na bujjhantīti āha ‘‘balavatiyā’’tiādi.
ఉడ్డితసుత్తవణ్ణనా నిట్ఠితా.
Uḍḍitasuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౭. ఉడ్డితసుత్తం • 7. Uḍḍitasuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౭-౯. ఉడ్డితసుత్తాదివణ్ణనా • 7-9. Uḍḍitasuttādivaṇṇanā
