| Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya |
2. уд̣̇умб̣аригасуд̇д̇ам̣
2. Udumbarikasuttaṃ
ниг̇род̇хабариб̣б̣ааж̇агавад̇т̇у
Nigrodhaparibbājakavatthu
49. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. д̇зна ко бана самаязна ниг̇род̇хо бариб̣б̣ааж̇аго уд̣̇умб̣аригааяа бариб̣б̣ааж̇агаараамз бадивасад̇и махад̇ияаа бариб̣б̣ааж̇агабарисааяа сад̣̇д̇хим̣ д̇им̣самад̇д̇зхи бариб̣б̣ааж̇агасад̇зхи. ат̇а ко санд̇хаано г̇ахабад̇и д̣̇иваа д̣̇ивасса 1 рааж̇аг̇ахаа нигками бхаг̇аванд̇ам̣ д̣̇ассанааяа. ат̇а ко санд̇хаанасса г̇ахабад̇исса зд̇ад̣̇ахоси – ‘‘агаало ко бхаг̇аванд̇ам̣ д̣̇ассанааяа. бадисаллийно бхаг̇аваа. манобхааванийяаанамби бхигкуунам̣ асамаяо д̣̇ассанааяа. бадисаллийнаа манобхааванийяаа бхигкуу. яам̣нуунаахам̣ язна уд̣̇умб̣аригааяа бариб̣б̣ааж̇агаараамо, язна ниг̇род̇хо бариб̣б̣ааж̇аго д̇знубасан̇гамзяяа’’нд̇и. ат̇а ко санд̇хаано г̇ахабад̇и язна уд̣̇умб̣аригааяа бариб̣б̣ааж̇агаараамо, д̇знубасан̇гами.
49. Evaṃ me sutaṃ – ekaṃ samayaṃ bhagavā rājagahe viharati gijjhakūṭe pabbate. Tena kho pana samayena nigrodho paribbājako udumbarikāya paribbājakārāme paṭivasati mahatiyā paribbājakaparisāya saddhiṃ tiṃsamattehi paribbājakasatehi. Atha kho sandhāno gahapati divā divassa 2 rājagahā nikkhami bhagavantaṃ dassanāya. Atha kho sandhānassa gahapatissa etadahosi – ‘‘akālo kho bhagavantaṃ dassanāya. Paṭisallīno bhagavā. Manobhāvanīyānampi bhikkhūnaṃ asamayo dassanāya. Paṭisallīnā manobhāvanīyā bhikkhū. Yaṃnūnāhaṃ yena udumbarikāya paribbājakārāmo, yena nigrodho paribbājako tenupasaṅkameyya’’nti. Atha kho sandhāno gahapati yena udumbarikāya paribbājakārāmo, tenupasaṅkami.
50. д̇зна ко бана самаязна ниг̇род̇хо бариб̣б̣ааж̇аго махад̇ияаа бариб̣б̣ааж̇агабарисааяа сад̣̇д̇хим̣ нисинно ход̇и уннаад̣̇инияаа ужжаасад̣̇д̣̇амахаасад̣̇д̣̇ааяа анзгавихид̇ам̣ д̇иражчаанагат̇ам̣ гат̇знд̇ияаа. сзяяат̇ид̣̇ам̣ – рааж̇агат̇ам̣ жорагат̇ам̣ махаамад̇д̇агат̇ам̣ сзнаагат̇ам̣ бхаяагат̇ам̣ яуд̣̇д̇хагат̇ам̣ аннагат̇ам̣ баанагат̇ам̣ вад̇т̇агат̇ам̣ саяанагат̇ам̣ маалаагат̇ам̣ г̇анд̇хагат̇ам̣ н̃аад̇игат̇ам̣ яаанагат̇ам̣ г̇аамагат̇ам̣ ниг̇амагат̇ам̣ наг̇арагат̇ам̣ ж̇анабад̣̇агат̇ам̣ ид̇т̇игат̇ам̣ суурагат̇ам̣ висикаагат̇ам̣ гумбхадтаанагат̇ам̣ буб̣б̣абзд̇агат̇ам̣ наанад̇д̇агат̇ам̣ логагкааяигам̣ самуд̣̇д̣̇агкааяигам̣ ид̇ибхаваабхавагат̇ам̣ ид̇и ваа.
50. Tena kho pana samayena nigrodho paribbājako mahatiyā paribbājakaparisāya saddhiṃ nisinno hoti unnādiniyā uccāsaddamahāsaddāya anekavihitaṃ tiracchānakathaṃ kathentiyā. Seyyathidaṃ – rājakathaṃ corakathaṃ mahāmattakathaṃ senākathaṃ bhayakathaṃ yuddhakathaṃ annakathaṃ pānakathaṃ vatthakathaṃ sayanakathaṃ mālākathaṃ gandhakathaṃ ñātikathaṃ yānakathaṃ gāmakathaṃ nigamakathaṃ nagarakathaṃ janapadakathaṃ itthikathaṃ sūrakathaṃ visikhākathaṃ kumbhaṭṭhānakathaṃ pubbapetakathaṃ nānattakathaṃ lokakkhāyikaṃ samuddakkhāyikaṃ itibhavābhavakathaṃ iti vā.
51. ад̣̇д̣̇асаа ко ниг̇род̇хо бариб̣б̣ааж̇аго санд̇хаанам̣ г̇ахабад̇им̣ д̣̇уурад̇ова ааг̇ажчанд̇ам̣. д̣̇исваа сагам̣ барисам̣ сан̣таабзси – ‘‘аббасад̣̇д̣̇аа бхонд̇о хонд̇у, маа бхонд̇о сад̣̇д̣̇амагад̇т̇а. аяам̣ саман̣асса г̇од̇амасса сааваго ааг̇ажчад̇и санд̇хаано г̇ахабад̇и. яаавад̇аа ко бана саман̣асса г̇од̇амасса саавагаа г̇ихий од̣̇аад̇авасанаа рааж̇аг̇ахз бадивасанд̇и, аяам̣ д̇зсам̣ ан̃н̃ад̇аро санд̇хаано г̇ахабад̇и. аббасад̣̇д̣̇агаамаа ко банзд̇з ааяасманд̇о аббасад̣̇д̣̇авинийд̇аа , аббасад̣̇д̣̇асса ван̣н̣аваад̣̇ино. аббзва наама аббасад̣̇д̣̇ам̣ барисам̣ вид̣̇ид̇ваа убасан̇гамид̇аб̣б̣ам̣ ман̃н̃зяяаа’’д̇и. звам̣ вуд̇д̇з д̇з бариб̣б̣ааж̇агаа д̇ун̣хий ахзсум̣.
51. Addasā kho nigrodho paribbājako sandhānaṃ gahapatiṃ dūratova āgacchantaṃ. Disvā sakaṃ parisaṃ saṇṭhāpesi – ‘‘appasaddā bhonto hontu, mā bhonto saddamakattha. Ayaṃ samaṇassa gotamassa sāvako āgacchati sandhāno gahapati. Yāvatā kho pana samaṇassa gotamassa sāvakā gihī odātavasanā rājagahe paṭivasanti, ayaṃ tesaṃ aññataro sandhāno gahapati. Appasaddakāmā kho panete āyasmanto appasaddavinītā , appasaddassa vaṇṇavādino. Appeva nāma appasaddaṃ parisaṃ viditvā upasaṅkamitabbaṃ maññeyyā’’ti. Evaṃ vutte te paribbājakā tuṇhī ahesuṃ.
52. ат̇а ко санд̇хаано г̇ахабад̇и язна ниг̇род̇хо бариб̣б̣ааж̇аго д̇знубасан̇гами, убасан̇гамид̇ваа ниг̇род̇хзна бариб̣б̣ааж̇агзна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко санд̇хаано г̇ахабад̇и ниг̇род̇хам̣ бариб̣б̣ааж̇агам̣ зд̇ад̣̇авожа – ‘‘ан̃н̃ат̇аа ко имз бхонд̇о ан̃н̃ад̇ид̇т̇ияаа бариб̣б̣ааж̇агаа сан̇г̇амма самааг̇амма уннаад̣̇ино ужжаасад̣̇д̣̇амахаасад̣̇д̣̇аа анзгавихид̇ам̣ д̇иражчаанагат̇ам̣ ануяуд̇д̇аа вихаранд̇и. сзяяат̇ид̣̇ам̣ – рааж̇агат̇ам̣…бз… ид̇ибхаваабхавагат̇ам̣ ид̇и ваа. ан̃н̃ат̇аа ко 3 бана со бхаг̇аваа аран̃н̃аванабад̇т̇аани банд̇аани сзнаасанаани бадисзвад̇и аббасад̣̇д̣̇аани аббаниг̇гхосаани виж̇анаваад̇аани мануссараахассзяяагаани бадисаллаанасааруббааний’’д̇и.
52. Atha kho sandhāno gahapati yena nigrodho paribbājako tenupasaṅkami, upasaṅkamitvā nigrodhena paribbājakena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho sandhāno gahapati nigrodhaṃ paribbājakaṃ etadavoca – ‘‘aññathā kho ime bhonto aññatitthiyā paribbājakā saṅgamma samāgamma unnādino uccāsaddamahāsaddā anekavihitaṃ tiracchānakathaṃ anuyuttā viharanti. Seyyathidaṃ – rājakathaṃ…pe… itibhavābhavakathaṃ iti vā. Aññathā kho 4 pana so bhagavā araññavanapatthāni pantāni senāsanāni paṭisevati appasaddāni appanigghosāni vijanavātāni manussarāhasseyyakāni paṭisallānasāruppānī’’ti.
53. звам̣ вуд̇д̇з ниг̇род̇хо бариб̣б̣ааж̇аго санд̇хаанам̣ г̇ахабад̇им̣ зд̇ад̣̇авожа – ‘‘яаг̇гхз г̇ахабад̇и, ж̇аанзяяааси, гзна саман̣о г̇од̇амо сад̣̇д̇хим̣ саллабад̇и, гзна саагажчам̣ самаабаж̇ж̇ад̇и, гзна бан̃н̃аавзяяад̇д̇ияам̣ самаабаж̇ж̇ад̇и? сун̃н̃ааг̇аарахад̇аа саман̣асса г̇од̇амасса бан̃н̃аа абарисааважаро саман̣о г̇од̇амо наалам̣ саллаабааяа. со анд̇аманд̇аанзва сзвад̇и 5. сзяяат̇ааби наама г̇огаан̣аа барияанд̇ажаариний анд̇аманд̇аанзва сзвад̇и. звамзва сун̃н̃ааг̇аарахад̇аа саман̣асса г̇од̇амасса бан̃н̃аа; абарисааважаро саман̣о г̇од̇амо; наалам̣ саллаабааяа. со анд̇аманд̇аанзва сзвад̇и. ин̇гха, г̇ахабад̇и, саман̣о г̇од̇амо имам̣ барисам̣ ааг̇ажчзяяа, згабан̃хзнзва нам̣ сам̣саад̣̇зяяаама 6, д̇ужчагумбхийва нам̣ ман̃н̃з ород̇хзяяаамаа’’д̇и.
53. Evaṃ vutte nigrodho paribbājako sandhānaṃ gahapatiṃ etadavoca – ‘‘yagghe gahapati, jāneyyāsi, kena samaṇo gotamo saddhiṃ sallapati, kena sākacchaṃ samāpajjati, kena paññāveyyattiyaṃ samāpajjati? Suññāgārahatā samaṇassa gotamassa paññā aparisāvacaro samaṇo gotamo nālaṃ sallāpāya. So antamantāneva sevati 7. Seyyathāpi nāma gokāṇā pariyantacārinī antamantāneva sevati. Evameva suññāgārahatā samaṇassa gotamassa paññā; aparisāvacaro samaṇo gotamo; nālaṃ sallāpāya. So antamantāneva sevati. Iṅgha, gahapati, samaṇo gotamo imaṃ parisaṃ āgaccheyya, ekapañheneva naṃ saṃsādeyyāma 8, tucchakumbhīva naṃ maññe orodheyyāmā’’ti.
54. ассоси ко бхаг̇аваа д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа санд̇хаанасса г̇ахабад̇исса ниг̇род̇хзна бариб̣б̣ааж̇агзна сад̣̇д̇хим̣ имам̣ гат̇аасаллаабам̣. ат̇а ко бхаг̇аваа г̇иж̇жхагуудаа баб̣б̣ад̇аа орохид̇ваа язна сумааг̇ад̇хааяа д̇ийрз мораниваабо д̇знубасан̇гами; убасан̇гамид̇ваа сумааг̇ад̇хааяа д̇ийрз мораниваабз аб̣бхогаасз жан̇гами. ад̣̇д̣̇асаа ко ниг̇род̇хо бариб̣б̣ааж̇аго бхаг̇аванд̇ам̣ сумааг̇ад̇хааяа д̇ийрз мораниваабз аб̣бхогаасз жан̇гаманд̇ам̣. д̣̇исваана сагам̣ барисам̣ сан̣таабзси – ‘‘аббасад̣̇д̣̇аа бхонд̇о хонд̇у, маа бхонд̇о сад̣̇д̣̇амагад̇т̇а, аяам̣ саман̣о г̇од̇амо сумааг̇ад̇хааяа д̇ийрз мораниваабз аб̣бхогаасз жан̇гамад̇и. аббасад̣̇д̣̇агаамо ко бана со ааяасмаа, аббасад̣̇д̣̇асса ван̣н̣аваад̣̇ий. аббзва наама аббасад̣̇д̣̇ам̣ барисам̣ вид̣̇ид̇ваа убасан̇гамид̇аб̣б̣ам̣ ман̃н̃зяяа. сажз саман̣о г̇од̇амо имам̣ барисам̣ ааг̇ажчзяяа, имам̣ д̇ам̣ бан̃хам̣ бужчзяяаама – ‘го наама со, бханд̇з, бхаг̇авад̇о д̇хаммо, язна бхаг̇аваа саавагз винзд̇и, язна бхаг̇авад̇аа саавагаа винийд̇аа ассаасаббад̇д̇аа бадиж̇аананд̇и аж̇жхаасаяам̣ аад̣̇иб̣рахмажарияа’нд̇и? звам̣ вуд̇д̇з д̇з бариб̣б̣ааж̇агаа д̇ун̣хий ахзсум̣.
54. Assosi kho bhagavā dibbāya sotadhātuyā visuddhāya atikkantamānusikāya sandhānassa gahapatissa nigrodhena paribbājakena saddhiṃ imaṃ kathāsallāpaṃ. Atha kho bhagavā gijjhakūṭā pabbatā orohitvā yena sumāgadhāya tīre moranivāpo tenupasaṅkami; upasaṅkamitvā sumāgadhāya tīre moranivāpe abbhokāse caṅkami. Addasā kho nigrodho paribbājako bhagavantaṃ sumāgadhāya tīre moranivāpe abbhokāse caṅkamantaṃ. Disvāna sakaṃ parisaṃ saṇṭhāpesi – ‘‘appasaddā bhonto hontu, mā bhonto saddamakattha, ayaṃ samaṇo gotamo sumāgadhāya tīre moranivāpe abbhokāse caṅkamati. Appasaddakāmo kho pana so āyasmā, appasaddassa vaṇṇavādī. Appeva nāma appasaddaṃ parisaṃ viditvā upasaṅkamitabbaṃ maññeyya. Sace samaṇo gotamo imaṃ parisaṃ āgaccheyya, imaṃ taṃ pañhaṃ puccheyyāma – ‘ko nāma so, bhante, bhagavato dhammo, yena bhagavā sāvake vineti, yena bhagavatā sāvakā vinītā assāsappattā paṭijānanti ajjhāsayaṃ ādibrahmacariya’nti? Evaṃ vutte te paribbājakā tuṇhī ahesuṃ.
д̇абож̇иг̇ужчааваад̣̇о
Tapojigucchāvādo
55. ат̇а ко бхаг̇аваа язна ниг̇род̇хо бариб̣б̣ааж̇аго д̇знубасан̇гами. ат̇а ко ниг̇род̇хо бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘зд̇у ко, бханд̇з, бхаг̇аваа, свааг̇ад̇ам̣, бханд̇з, бхаг̇авад̇о. жирассам̣ ко, бханд̇з, бхаг̇аваа имам̣ барияааяамагааси яад̣̇ид̣̇ам̣ ид̇хааг̇аманааяа. нисийд̣̇ад̇у, бханд̇з, бхаг̇аваа, ид̣̇амаасанам̣ бан̃н̃ад̇д̇а’’нд̇и. нисийд̣̇и бхаг̇аваа бан̃н̃ад̇д̇з аасанз. ниг̇род̇хоби ко бариб̣б̣ааж̇аго ан̃н̃ад̇арам̣ нийжаасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисиннам̣ ко ниг̇род̇хам̣ бариб̣б̣ааж̇агам̣ бхаг̇аваа зд̇ад̣̇авожа – ‘‘гааяа нуд̇т̇а, ниг̇род̇ха, зд̇арахи гат̇ааяа саннисиннаа, гаа жа бана во анд̇араагат̇аа виббагад̇аа’’д̇и? звам̣ вуд̇д̇з, ниг̇род̇хо бариб̣б̣ааж̇аго бхаг̇аванд̇ам̣ зд̇ад̣̇авожа, ‘‘ид̇ха маяам̣, бханд̇з, ад̣̇д̣̇асаама бхаг̇аванд̇ам̣ сумааг̇ад̇хааяа д̇ийрз мораниваабз аб̣бхогаасз жан̇гаманд̇ам̣, д̣̇исваана звам̣ авожумхаа – ‘сажз саман̣о г̇од̇амо имам̣ барисам̣ ааг̇ажчзяяа, имам̣ д̇ам̣ бан̃хам̣ бужчзяяаама – го наама со, бханд̇з, бхаг̇авад̇о д̇хаммо, язна бхаг̇аваа саавагз винзд̇и, язна бхаг̇авад̇аа саавагаа винийд̇аа ассаасаббад̇д̇аа бадиж̇аананд̇и аж̇жхаасаяам̣ аад̣̇иб̣рахмажарияа’нд̇и? аяам̣ ко но, бханд̇з, анд̇араагат̇аа виббагад̇аа; ат̇а бхаг̇аваа ануббад̇д̇о’’д̇и.
55. Atha kho bhagavā yena nigrodho paribbājako tenupasaṅkami. Atha kho nigrodho paribbājako bhagavantaṃ etadavoca – ‘‘etu kho, bhante, bhagavā, svāgataṃ, bhante, bhagavato. Cirassaṃ kho, bhante, bhagavā imaṃ pariyāyamakāsi yadidaṃ idhāgamanāya. Nisīdatu, bhante, bhagavā, idamāsanaṃ paññatta’’nti. Nisīdi bhagavā paññatte āsane. Nigrodhopi kho paribbājako aññataraṃ nīcāsanaṃ gahetvā ekamantaṃ nisīdi. Ekamantaṃ nisinnaṃ kho nigrodhaṃ paribbājakaṃ bhagavā etadavoca – ‘‘kāya nuttha, nigrodha, etarahi kathāya sannisinnā, kā ca pana vo antarākathā vippakatā’’ti? Evaṃ vutte, nigrodho paribbājako bhagavantaṃ etadavoca, ‘‘idha mayaṃ, bhante, addasāma bhagavantaṃ sumāgadhāya tīre moranivāpe abbhokāse caṅkamantaṃ, disvāna evaṃ avocumhā – ‘sace samaṇo gotamo imaṃ parisaṃ āgaccheyya, imaṃ taṃ pañhaṃ puccheyyāma – ko nāma so, bhante, bhagavato dhammo, yena bhagavā sāvake vineti, yena bhagavatā sāvakā vinītā assāsappattā paṭijānanti ajjhāsayaṃ ādibrahmacariya’nti? Ayaṃ kho no, bhante, antarākathā vippakatā; atha bhagavā anuppatto’’ti.
56. ‘‘д̣̇уж̇ж̇аанам̣ ко зд̇ам̣, ниг̇род̇ха, д̇аяаа ан̃н̃ад̣̇идтигзна ан̃н̃аканд̇игзна ан̃н̃аружигзна ан̃н̃ад̇рааяог̇зна ан̃н̃ад̇раажарияагзна, язнаахам̣ саавагз винзми , язна маяаа саавагаа винийд̇аа ассаасаббад̇д̇аа бадиж̇аананд̇и аж̇жхаасаяам̣ аад̣̇иб̣рахмажарияам̣. ин̇гха д̇вам̣ мам̣, ниг̇род̇ха, сагз аажарияагз ад̇хиж̇зг̇ужчз бан̃хам̣ бужча – ‘гат̇ам̣ санд̇аа ну ко, бханд̇з, д̇абож̇иг̇ужчаа барибун̣н̣аа ход̇и, гат̇ам̣ абарибун̣н̣аа’д̇и? звам̣ вуд̇д̇з д̇з бариб̣б̣ааж̇агаа уннаад̣̇ино ужжаасад̣̇д̣̇амахаасад̣̇д̣̇аа ахзсум̣ – ‘‘ажчарияам̣ вад̇а бхо, аб̣бхуд̇ам̣ вад̇а бхо, саман̣асса г̇од̇амасса махид̣̇д̇хигад̇аа махаанубхаавад̇аа, яад̇ра хи наама сагаваад̣̇ам̣ табзссад̇и, бараваад̣̇зна баваарзссад̇ий’’д̇и.
56. ‘‘Dujjānaṃ kho etaṃ, nigrodha, tayā aññadiṭṭhikena aññakhantikena aññarucikena aññatrāyogena aññatrācariyakena, yenāhaṃ sāvake vinemi , yena mayā sāvakā vinītā assāsappattā paṭijānanti ajjhāsayaṃ ādibrahmacariyaṃ. Iṅgha tvaṃ maṃ, nigrodha, sake ācariyake adhijegucche pañhaṃ puccha – ‘kathaṃ santā nu kho, bhante, tapojigucchā paripuṇṇā hoti, kathaṃ aparipuṇṇā’ti? Evaṃ vutte te paribbājakā unnādino uccāsaddamahāsaddā ahesuṃ – ‘‘acchariyaṃ vata bho, abbhutaṃ vata bho, samaṇassa gotamassa mahiddhikatā mahānubhāvatā, yatra hi nāma sakavādaṃ ṭhapessati, paravādena pavāressatī’’ti.
57. ат̇а ко ниг̇род̇хо бариб̣б̣ааж̇аго д̇з бариб̣б̣ааж̇агз аббасад̣̇д̣̇з гад̇ваа бхаг̇аванд̇ам̣ зд̇ад̣̇авожа – ‘‘маяам̣ ко, бханд̇з, д̇абож̇иг̇ужчааваад̣̇аа 9 д̇абож̇иг̇ужчаасаараа д̇абож̇иг̇ужчаааллийнаа вихараама . гат̇ам̣ санд̇аа ну ко, бханд̇з, д̇абож̇иг̇ужчаа барибун̣н̣аа ход̇и, гат̇ам̣ абарибун̣н̣аа’’д̇и?
57. Atha kho nigrodho paribbājako te paribbājake appasadde katvā bhagavantaṃ etadavoca – ‘‘mayaṃ kho, bhante, tapojigucchāvādā 10 tapojigucchāsārā tapojigucchāallīnā viharāma . Kathaṃ santā nu kho, bhante, tapojigucchā paripuṇṇā hoti, kathaṃ aparipuṇṇā’’ti?
‘‘ид̇ха, ниг̇род̇ха, д̇абассий ажзлаго ход̇и муд̇д̇аажааро, хад̇т̇аабалзкано 11, на зхибхад̣̇д̣̇анд̇иго, на д̇идтабхад̣̇д̣̇анд̇иго, наабхихадам̣ , на уд̣̇д̣̇иссагад̇ам̣, на ниманд̇анам̣ саад̣̇ияад̇и, со на гумбхимукаа бадиг̇г̇ан̣хаад̇и, на гал̣обимукаа бадиг̇г̇ан̣хаад̇и, на зл̣агаманд̇арам̣, на д̣̇ан̣д̣аманд̇арам̣, на мусаламанд̇арам̣, на д̣̇виннам̣ бхун̃ж̇амаанаанам̣, на г̇аб̣бхинияаа, на бааяамаанааяа, на бурисанд̇араг̇ад̇ааяа, на сан̇гид̇д̇ийсу, на яад̇т̇а саа убадтид̇о ход̇и, на яад̇т̇а магкигаа сан̣д̣асан̣д̣ажаариний, на мажчам̣, на мам̣сам̣, на сурам̣, на мзраяам̣, на т̇усод̣̇агам̣ бивад̇и, со згааг̇аариго ваа ход̇и згаалобиго, д̣̇вааг̇аариго ваа ход̇и д̣̇ваалобиго, сад̇д̇ааг̇аариго ваа ход̇и сад̇д̇аалобиго, згиссааби д̣̇ад̇д̇ияаа яаабзд̇и, д̣̇вийхиби д̣̇ад̇д̇ийхи яаабзд̇и, сад̇д̇ахиби д̣̇ад̇д̇ийхи яаабзд̇и; згаахигамби аахаарам̣ аахаарзд̇и, д̣̇вийхигамби 12 аахаарам̣ аахаарзд̇и, сад̇д̇аахигамби аахаарам̣ аахаарзд̇и, ид̇и зваруубам̣ ад̣̇д̇хамаасигамби барияааяабхад̇д̇абхож̇анаануяог̇амануяуд̇д̇о вихарад̇и. со саагабхагко ваа ход̇и, саамаагабхагко ваа ход̇и, нийваарабхагко ваа ход̇и, д̣̇ад̣̇д̣̇улабхагко ваа ход̇и, хадабхагко ваа ход̇и, ган̣абхагко ваа ход̇и, аажаамабхагко ваа ход̇и, бин̃н̃аагабхагко ваа ход̇и, д̇ин̣абхагко ваа ход̇и, г̇омаяабхагко ваа ход̇и; ванамуулапалаахааро яаабзд̇и бавад̇д̇апалабхож̇ий. со саан̣ааниби д̇хаарзд̇и , масаан̣ааниби д̇хаарзд̇и, чавад̣̇уссааниби д̇хаарзд̇и, бам̣сугуулааниби д̇хаарзд̇и, д̇ирийдааниби д̇хаарзд̇и, аж̇инамби д̇хаарзд̇и, аж̇инагкибамби д̇хаарзд̇и, гусажийрамби д̇хаарзд̇и, ваагажийрамби д̇хаарзд̇и, палагажийрамби д̇хаарзд̇и, гзсагамб̣аламби д̇хаарзд̇и, ваал̣агамб̣аламби д̇хаарзд̇и, улуугабагкамби д̇хаарзд̇и, гзсамассуложагоби ход̇и гзсамассуложанаануяог̇амануяуд̇д̇о , уб̣бхадтагоби 13 ход̇и аасанабадигкид̇д̇о, уггудигоби ход̇и уггудигаббад̇хаанамануяуд̇д̇о, ган̣дагаабассаяигоби ход̇и ган̣дагаабассаяз сзяяам̣ габбзд̇и, палагасзяяамби габбзд̇и, т̇ан̣д̣иласзяяамби габбзд̇и, згабассаяигоби ход̇и раж̇ож̇аллад̇харо, аб̣бхогаасигоби ход̇и яат̇аасант̇ад̇иго, взгадигоби ход̇и вигадабхож̇анаануяог̇амануяуд̇д̇о, абаанагоби ход̇и абаанагад̇д̇амануяуд̇д̇о, сааяад̇ад̇ияагамби уд̣̇агороханаануяог̇амануяуд̇д̇о вихарад̇и. д̇ам̣ гим̣ ман̃н̃аси, ниг̇род̇ха, яад̣̇и звам̣ санд̇з д̇абож̇иг̇ужчаа барибун̣н̣аа ваа ход̇и абарибун̣н̣аа ваа’’д̇и? ‘‘ад̣̇д̇хаа ко, бханд̇з, звам̣ санд̇з д̇абож̇иг̇ужчаа барибун̣н̣аа ход̇и, но абарибун̣н̣аа’’д̇и. ‘‘звам̣ барибун̣н̣ааяаби ко ахам̣, ниг̇род̇ха, д̇абож̇иг̇ужчааяа анзгавихид̇з убаггилзсз вад̣̇аамий’’д̇и.
‘‘Idha, nigrodha, tapassī acelako hoti muttācāro, hatthāpalekhano 14, na ehibhaddantiko, na tiṭṭhabhaddantiko, nābhihaṭaṃ , na uddissakataṃ, na nimantanaṃ sādiyati, so na kumbhimukhā paṭiggaṇhāti, na kaḷopimukhā paṭiggaṇhāti, na eḷakamantaraṃ, na daṇḍamantaraṃ, na musalamantaraṃ, na dvinnaṃ bhuñjamānānaṃ, na gabbhiniyā, na pāyamānāya, na purisantaragatāya, na saṅkittīsu, na yattha sā upaṭṭhito hoti, na yattha makkhikā saṇḍasaṇḍacārinī, na macchaṃ, na maṃsaṃ, na suraṃ, na merayaṃ, na thusodakaṃ pivati, so ekāgāriko vā hoti ekālopiko, dvāgāriko vā hoti dvālopiko, sattāgāriko vā hoti sattālopiko, ekissāpi dattiyā yāpeti, dvīhipi dattīhi yāpeti, sattahipi dattīhi yāpeti; ekāhikampi āhāraṃ āhāreti, dvīhikampi 15 āhāraṃ āhāreti, sattāhikampi āhāraṃ āhāreti, iti evarūpaṃ addhamāsikampi pariyāyabhattabhojanānuyogamanuyutto viharati. So sākabhakkho vā hoti, sāmākabhakkho vā hoti, nīvārabhakkho vā hoti, daddulabhakkho vā hoti, haṭabhakkho vā hoti, kaṇabhakkho vā hoti, ācāmabhakkho vā hoti, piññākabhakkho vā hoti, tiṇabhakkho vā hoti, gomayabhakkho vā hoti; vanamūlaphalāhāro yāpeti pavattaphalabhojī. So sāṇānipi dhāreti , masāṇānipi dhāreti, chavadussānipi dhāreti, paṃsukūlānipi dhāreti, tirīṭānipi dhāreti, ajinampi dhāreti, ajinakkhipampi dhāreti, kusacīrampi dhāreti, vākacīrampi dhāreti, phalakacīrampi dhāreti, kesakambalampi dhāreti, vāḷakambalampi dhāreti, ulūkapakkhampi dhāreti, kesamassulocakopi hoti kesamassulocanānuyogamanuyutto , ubbhaṭṭhakopi 16 hoti āsanapaṭikkhitto, ukkuṭikopi hoti ukkuṭikappadhānamanuyutto, kaṇṭakāpassayikopi hoti kaṇṭakāpassaye seyyaṃ kappeti, phalakaseyyampi kappeti, thaṇḍilaseyyampi kappeti, ekapassayikopi hoti rajojalladharo, abbhokāsikopi hoti yathāsanthatiko, vekaṭikopi hoti vikaṭabhojanānuyogamanuyutto, apānakopi hoti apānakattamanuyutto, sāyatatiyakampi udakorohanānuyogamanuyutto viharati. Taṃ kiṃ maññasi, nigrodha, yadi evaṃ sante tapojigucchā paripuṇṇā vā hoti aparipuṇṇā vā’’ti? ‘‘Addhā kho, bhante, evaṃ sante tapojigucchā paripuṇṇā hoti, no aparipuṇṇā’’ti. ‘‘Evaṃ paripuṇṇāyapi kho ahaṃ, nigrodha, tapojigucchāya anekavihite upakkilese vadāmī’’ti.
убаггилзсо
Upakkileso
58. ‘‘яат̇аа гат̇ам̣ бана, бханд̇з, бхаг̇аваа звам̣ барибун̣н̣ааяа д̇абож̇иг̇ужчааяа анзгавихид̇з убаггилзсз вад̣̇ад̇ий’’д̇и? ‘‘ид̇ха, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа ад̇д̇амано ход̇и барибун̣н̣асан̇габбо. яамби, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа ад̇д̇амано ход̇и барибун̣н̣асан̇габбо. аяамби ко, ниг̇род̇ха, д̇абассино убаггилзсо ход̇и.
58. ‘‘Yathā kathaṃ pana, bhante, bhagavā evaṃ paripuṇṇāya tapojigucchāya anekavihite upakkilese vadatī’’ti? ‘‘Idha, nigrodha, tapassī tapaṃ samādiyati, so tena tapasā attamano hoti paripuṇṇasaṅkappo. Yampi, nigrodha, tapassī tapaṃ samādiyati, so tena tapasā attamano hoti paripuṇṇasaṅkappo. Ayampi kho, nigrodha, tapassino upakkileso hoti.
‘‘буна жабарам̣, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа ад̇д̇аануггам̣сзд̇и барам̣ вамбхзд̇и. яамби, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа ад̇д̇аануггам̣сзд̇и барам̣ вамбхзд̇и. аяамби ко, ниг̇род̇ха, д̇абассино убаггилзсо ход̇и.
‘‘Puna caparaṃ, nigrodha, tapassī tapaṃ samādiyati, so tena tapasā attānukkaṃseti paraṃ vambheti. Yampi, nigrodha, tapassī tapaṃ samādiyati, so tena tapasā attānukkaṃseti paraṃ vambheti. Ayampi kho, nigrodha, tapassino upakkileso hoti.
‘‘буна жабарам̣, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа маж̇ж̇ад̇и мужчад̇и бамаад̣̇амаабаж̇ж̇ад̇и 17. яамби, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа маж̇ж̇ад̇и мужчад̇и бамаад̣̇амаабаж̇ж̇ад̇и. аяамби ко, ниг̇род̇ха, д̇абассино убаггилзсо ход̇и.
‘‘Puna caparaṃ, nigrodha, tapassī tapaṃ samādiyati, so tena tapasā majjati mucchati pamādamāpajjati 18. Yampi, nigrodha, tapassī tapaṃ samādiyati, so tena tapasā majjati mucchati pamādamāpajjati. Ayampi kho, nigrodha, tapassino upakkileso hoti.
59. ‘‘буна жабарам̣, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа лаабхасаггаарасилогам̣ абхиниб̣б̣ад̇д̇зд̇и, со д̇зна лаабхасаггаарасилогзна ад̇д̇амано ход̇и барибун̣н̣асан̇габбо. яамби, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа лаабхасаггаарасилогам̣ абхиниб̣б̣ад̇д̇зд̇и, со д̇зна лаабхасаггаарасилогзна ад̇д̇амано ход̇и барибун̣н̣асан̇габбо. аяамби ко, ниг̇род̇ха, д̇абассино убаггилзсо ход̇и.
59. ‘‘Puna caparaṃ, nigrodha, tapassī tapaṃ samādiyati, so tena tapasā lābhasakkārasilokaṃ abhinibbatteti, so tena lābhasakkārasilokena attamano hoti paripuṇṇasaṅkappo. Yampi, nigrodha, tapassī tapaṃ samādiyati, so tena tapasā lābhasakkārasilokaṃ abhinibbatteti, so tena lābhasakkārasilokena attamano hoti paripuṇṇasaṅkappo. Ayampi kho, nigrodha, tapassino upakkileso hoti.
‘‘буна жабарам̣, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа лаабхасаггаарасилогам̣ абхиниб̣б̣ад̇д̇зд̇и, со д̇зна лаабхасаггаарасилогзна ад̇д̇аануггам̣сзд̇и барам̣ вамбхзд̇и. яамби, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа лаабхасаггаарасилогам̣ абхиниб̣б̣ад̇д̇зд̇и, со д̇зна лаабхасаггаарасилогзна ад̇д̇аануггам̣сзд̇и барам̣ вамбхзд̇и. аяамби ко, ниг̇род̇ха, д̇абассино убаггилзсо ход̇и.
‘‘Puna caparaṃ, nigrodha, tapassī tapaṃ samādiyati, so tena tapasā lābhasakkārasilokaṃ abhinibbatteti, so tena lābhasakkārasilokena attānukkaṃseti paraṃ vambheti. Yampi, nigrodha, tapassī tapaṃ samādiyati, so tena tapasā lābhasakkārasilokaṃ abhinibbatteti, so tena lābhasakkārasilokena attānukkaṃseti paraṃ vambheti. Ayampi kho, nigrodha, tapassino upakkileso hoti.
‘‘буна жабарам̣, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа лаабхасаггаарасилогам̣ абхиниб̣б̣ад̇д̇зд̇и, со д̇зна лаабхасаггаарасилогзна маж̇ж̇ад̇и мужчад̇и бамаад̣̇амаабаж̇ж̇ад̇и. яамби, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа лаабхасаггаарасилогам̣ абхиниб̣б̣ад̇д̇зд̇и, со д̇зна лаабхасаггаарасилогзна маж̇ж̇ад̇и мужчад̇и бамаад̣̇амаабаж̇ж̇ад̇и. аяамби ко, ниг̇род̇ха, д̇абассино убаггилзсо ход̇и.
‘‘Puna caparaṃ, nigrodha, tapassī tapaṃ samādiyati, so tena tapasā lābhasakkārasilokaṃ abhinibbatteti, so tena lābhasakkārasilokena majjati mucchati pamādamāpajjati. Yampi, nigrodha, tapassī tapaṃ samādiyati, so tena tapasā lābhasakkārasilokaṃ abhinibbatteti, so tena lābhasakkārasilokena majjati mucchati pamādamāpajjati. Ayampi kho, nigrodha, tapassino upakkileso hoti.
60. ‘‘буна жабарам̣, ниг̇род̇ха, д̇абассий бхож̇анзсу вод̣̇аасам̣ аабаж̇ж̇ад̇и – ‘ид̣̇ам̣ мз камад̇и, ид̣̇ам̣ мз нагкамад̇ий’д̇и. со яан̃жа 19 квасса нагкамад̇и, д̇ам̣ саабзгко баж̇ахад̇и. яам̣ банасса камад̇и, д̇ам̣ г̇ад̇хид̇о 20 мужчид̇о аж̇жхаабанно анаад̣̇ийнавад̣̇ассаавий аниссаран̣абан̃н̃о барибхун̃ж̇ад̇и…бз… аяамби ко, ниг̇род̇ха, д̇абассино убаггилзсо ход̇и.
60. ‘‘Puna caparaṃ, nigrodha, tapassī bhojanesu vodāsaṃ āpajjati – ‘idaṃ me khamati, idaṃ me nakkhamatī’ti. So yañca 21 khvassa nakkhamati, taṃ sāpekkho pajahati. Yaṃ panassa khamati, taṃ gadhito 22 mucchito ajjhāpanno anādīnavadassāvī anissaraṇapañño paribhuñjati…pe… ayampi kho, nigrodha, tapassino upakkileso hoti.
‘‘буна жабарам̣, ниг̇род̇ха, д̇абассий д̇абам̣ самаад̣̇ияад̇и лаабхасаггаарасилоганиганд̇ихзд̇у – ‘саггариссанд̇и мам̣ рааж̇аано рааж̇амахаамад̇д̇аа кад̇д̇ияаа б̣раахман̣аа г̇ахабад̇игаа д̇ид̇т̇ияаа’д̇и…бз… аяамби ко, ниг̇род̇ха, д̇абассино убаггилзсо ход̇и.
‘‘Puna caparaṃ, nigrodha, tapassī tapaṃ samādiyati lābhasakkārasilokanikantihetu – ‘sakkarissanti maṃ rājāno rājamahāmattā khattiyā brāhmaṇā gahapatikā titthiyā’ti…pe… ayampi kho, nigrodha, tapassino upakkileso hoti.
61. ‘‘буна жабарам̣, ниг̇род̇ха, д̇абассий ан̃н̃ад̇арам̣ саман̣ам̣ ваа б̣раахман̣ам̣ ваа абасаад̣̇зд̇аа 23 ход̇и – ‘гим̣ банааяам̣ самб̣ахулааж̇ийво 24 саб̣б̣ам̣ сам̣бхагкзд̇и. сзяяат̇ид̣̇ам̣ – муулаб̣ийж̇ам̣ канд̇хаб̣ийж̇ам̣ пал̣уб̣ийж̇ам̣ аг̇г̇аб̣ийж̇ам̣ б̣ийж̇аб̣ийж̇амзва бан̃жамам̣, асанивижаггам̣ д̣̇анд̇агуудам̣, саман̣аббаваад̣̇знаа’д̇и…бз… аяамби ко, ниг̇род̇ха, д̇абассино убаггилзсо ход̇и.
61. ‘‘Puna caparaṃ, nigrodha, tapassī aññataraṃ samaṇaṃ vā brāhmaṇaṃ vā apasādetā 25 hoti – ‘kiṃ panāyaṃ sambahulājīvo 26 sabbaṃ saṃbhakkheti. Seyyathidaṃ – mūlabījaṃ khandhabījaṃ phaḷubījaṃ aggabījaṃ bījabījameva pañcamaṃ, asanivicakkaṃ dantakūṭaṃ, samaṇappavādenā’ti…pe… ayampi kho, nigrodha, tapassino upakkileso hoti.
‘‘буна жабарам̣, ниг̇род̇ха, д̇абассий бассад̇и ан̃н̃ад̇арам̣ саман̣ам̣ ваа б̣раахман̣ам̣ ваа гулзсу саггарияамаанам̣ г̇аругарияамаанам̣ маанияамаанам̣ бууж̇ияамаанам̣. д̣̇исваа д̇асса звам̣ ход̇и – ‘иман̃хи наама самб̣ахулааж̇ийвам̣ гулзсу саггаронд̇и г̇арум̣ гаронд̇и маанзнд̇и бууж̇знд̇и. мам̣ бана д̇абассим̣ луукааж̇ийвим̣ гулзсу на саггаронд̇и на г̇арум̣ гаронд̇и на маанзнд̇и на бууж̇знд̇ий’д̇и, ид̇и со иссаамажчарияам̣ гулзсу уббаад̣̇зд̇аа ход̇и…бз… аяамби ко, ниг̇род̇ха, д̇абассино убаггилзсо ход̇и.
‘‘Puna caparaṃ, nigrodha, tapassī passati aññataraṃ samaṇaṃ vā brāhmaṇaṃ vā kulesu sakkariyamānaṃ garukariyamānaṃ māniyamānaṃ pūjiyamānaṃ. Disvā tassa evaṃ hoti – ‘imañhi nāma sambahulājīvaṃ kulesu sakkaronti garuṃ karonti mānenti pūjenti. Maṃ pana tapassiṃ lūkhājīviṃ kulesu na sakkaronti na garuṃ karonti na mānenti na pūjentī’ti, iti so issāmacchariyaṃ kulesu uppādetā hoti…pe… ayampi kho, nigrodha, tapassino upakkileso hoti.
62. ‘‘буна жабарам̣, ниг̇род̇ха, д̇абассий аабаат̇аганисаад̣̇ий ход̇и…бз… аяамби ко, ниг̇род̇ха, д̇абассино убаггилзсо ход̇и.
62. ‘‘Puna caparaṃ, nigrodha, tapassī āpāthakanisādī hoti…pe… ayampi kho, nigrodha, tapassino upakkileso hoti.
‘‘буна жабарам̣, ниг̇род̇ха, д̇абассий ад̇д̇аанам̣ ад̣̇ассаяамаано гулзсу жарад̇и – ‘ид̣̇амби мз д̇абасмим̣ ид̣̇амби мз д̇абасми’нд̇и…бз… аяамби ко, ниг̇род̇ха, д̇абассино убаггилзсо ход̇и.
‘‘Puna caparaṃ, nigrodha, tapassī attānaṃ adassayamāno kulesu carati – ‘idampi me tapasmiṃ idampi me tapasmi’nti…pe… ayampi kho, nigrodha, tapassino upakkileso hoti.
‘‘буна жабарам̣, ниг̇род̇ха, д̇абассий гин̃жид̣̇зва бадижчаннам̣ сзвад̇и. со ‘камад̇и д̇з ид̣̇а’нд̇и будто самаано агкамамаанам̣ ааха – ‘камад̇ий’д̇и. камамаанам̣ ааха – ‘нагкамад̇ий’д̇и. ид̇и со самбаж̇аанамусаа бхаасид̇аа ход̇и…бз… аяамби ко, ниг̇род̇ха, д̇абассино убаггилзсо ход̇и.
‘‘Puna caparaṃ, nigrodha, tapassī kiñcideva paṭicchannaṃ sevati. So ‘khamati te ida’nti puṭṭho samāno akkhamamānaṃ āha – ‘khamatī’ti. Khamamānaṃ āha – ‘nakkhamatī’ti. Iti so sampajānamusā bhāsitā hoti…pe… ayampi kho, nigrodha, tapassino upakkileso hoti.
‘‘буна жабарам̣, ниг̇род̇ха, д̇абассий д̇ат̇ааг̇ад̇асса ваа д̇ат̇ааг̇ад̇асаавагасса ваа д̇хаммам̣ д̣̇зсзнд̇асса санд̇ам̣язва барияааяам̣ анун̃н̃зяяам̣ наануж̇аанаад̇и…бз… аяамби ко, ниг̇род̇ха, д̇абассино убаггилзсо ход̇и.
‘‘Puna caparaṃ, nigrodha, tapassī tathāgatassa vā tathāgatasāvakassa vā dhammaṃ desentassa santaṃyeva pariyāyaṃ anuññeyyaṃ nānujānāti…pe… ayampi kho, nigrodha, tapassino upakkileso hoti.
63. ‘‘буна жабарам̣, ниг̇род̇ха, д̇абассий год̇хано ход̇и убанаахий. яамби, ниг̇род̇ха, д̇абассий год̇хано ход̇и убанаахий. аяамби ко, ниг̇род̇ха, д̇абассино убаггилзсо ход̇и.
63. ‘‘Puna caparaṃ, nigrodha, tapassī kodhano hoti upanāhī. Yampi, nigrodha, tapassī kodhano hoti upanāhī. Ayampi kho, nigrodha, tapassino upakkileso hoti.
‘‘буна жабарам̣, ниг̇род̇ха, д̇абассий магкий ход̇и бал̣аасий 27 …бз… иссугий ход̇и мажчарий… сато ход̇и мааяаавий… т̇ад̣̇д̇хо ход̇и ад̇имааний… баабижчо ход̇и баабигаанам̣ ижчаанам̣ васам̣ г̇ад̇о… мижчаад̣̇идтиго ход̇и анд̇аг̇г̇аахигааяа д̣̇идтияаа саманнааг̇ад̇о… санд̣̇идтибараамаасий ход̇и аад̇хаанаг̇г̇аахий д̣̇уббадиниссаг̇г̇ий. яамби, ниг̇род̇ха, д̇абассий санд̣̇идтибараамаасий ход̇и аад̇хаанаг̇г̇аахий д̣̇уббадиниссаг̇г̇ий. аяамби ко, ниг̇род̇ха, д̇абассино убаггилзсо ход̇и.
‘‘Puna caparaṃ, nigrodha, tapassī makkhī hoti paḷāsī 28 …pe… issukī hoti maccharī… saṭho hoti māyāvī… thaddho hoti atimānī… pāpiccho hoti pāpikānaṃ icchānaṃ vasaṃ gato… micchādiṭṭhiko hoti antaggāhikāya diṭṭhiyā samannāgato… sandiṭṭhiparāmāsī hoti ādhānaggāhī duppaṭinissaggī. Yampi, nigrodha, tapassī sandiṭṭhiparāmāsī hoti ādhānaggāhī duppaṭinissaggī. Ayampi kho, nigrodha, tapassino upakkileso hoti.
‘‘д̇ам̣ гим̣ ман̃н̃аси, ниг̇род̇ха, яад̣̇имз д̇абож̇иг̇ужчаа 29 убаггилзсаа ваа анубаггилзсаа ваа’’д̇и? ‘‘ад̣̇д̇хаа ко имз, бханд̇з, д̇абож̇иг̇ужчаа 30 убаггилзсаа 31, но анубаггилзсаа. таанам̣ ко банзд̇ам̣, бханд̇з, виж̇ж̇ад̇и яам̣ ид̇хзгажжо д̇абассий саб̣б̣зхзва имзхи убаггилзсзхи саманнааг̇ад̇о асса; го бана ваад̣̇о ан̃н̃ад̇аран̃н̃ад̇арзнаа’’д̇и.
‘‘Taṃ kiṃ maññasi, nigrodha, yadime tapojigucchā 32 upakkilesā vā anupakkilesā vā’’ti? ‘‘Addhā kho ime, bhante, tapojigucchā 33 upakkilesā 34, no anupakkilesā. Ṭhānaṃ kho panetaṃ, bhante, vijjati yaṃ idhekacco tapassī sabbeheva imehi upakkilesehi samannāgato assa; ko pana vādo aññataraññatarenā’’ti.
барисуд̣̇д̇хабабадигаббад̇д̇агат̇аа
Parisuddhapapaṭikappattakathā
64. ‘‘ид̇ха, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа на ад̇д̇амано ход̇и на барибун̣н̣асан̇габбо. яамби, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа на ад̇д̇амано ход̇и на барибун̣н̣асан̇габбо. звам̣ со д̇асмим̣ таанз барисуд̣̇д̇хо ход̇и.
64. ‘‘Idha, nigrodha, tapassī tapaṃ samādiyati, so tena tapasā na attamano hoti na paripuṇṇasaṅkappo. Yampi, nigrodha, tapassī tapaṃ samādiyati, so tena tapasā na attamano hoti na paripuṇṇasaṅkappo. Evaṃ so tasmiṃ ṭhāne parisuddho hoti.
‘‘буна жабарам̣, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа на ад̇д̇аануггам̣сзд̇и на барам̣ вамбхзд̇и…бз… звам̣ со д̇асмим̣ таанз барисуд̣̇д̇хо ход̇и.
‘‘Puna caparaṃ, nigrodha, tapassī tapaṃ samādiyati, so tena tapasā na attānukkaṃseti na paraṃ vambheti…pe… evaṃ so tasmiṃ ṭhāne parisuddho hoti.
‘‘буна жабарам̣, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа на маж̇ж̇ад̇и на мужчад̇и на бамаад̣̇амаабаж̇ж̇ад̇и…бз… звам̣ со д̇асмим̣ таанз барисуд̣̇д̇хо ход̇и.
‘‘Puna caparaṃ, nigrodha, tapassī tapaṃ samādiyati, so tena tapasā na majjati na mucchati na pamādamāpajjati…pe… evaṃ so tasmiṃ ṭhāne parisuddho hoti.
65. ‘‘буна жабарам̣, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа лаабхасаггаарасилогам̣ абхиниб̣б̣ад̇д̇зд̇и, со д̇зна лаабхасаггаарасилогзна на ад̇д̇амано ход̇и на барибун̣н̣асан̇габбо…бз… звам̣ со д̇асмим̣ таанз барисуд̣̇д̇хо ход̇и.
65. ‘‘Puna caparaṃ, nigrodha, tapassī tapaṃ samādiyati, so tena tapasā lābhasakkārasilokaṃ abhinibbatteti, so tena lābhasakkārasilokena na attamano hoti na paripuṇṇasaṅkappo…pe… evaṃ so tasmiṃ ṭhāne parisuddho hoti.
‘‘буна жабарам̣, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа лаабхасаггаарасилогам̣ абхиниб̣б̣ад̇д̇зд̇и, со д̇зна лаабхасаггаарасилогзна на ад̇д̇аануггам̣сзд̇и на барам̣ вамбхзд̇и…бз… звам̣ со д̇асмим̣ таанз барисуд̣̇д̇хо ход̇и.
‘‘Puna caparaṃ, nigrodha, tapassī tapaṃ samādiyati, so tena tapasā lābhasakkārasilokaṃ abhinibbatteti, so tena lābhasakkārasilokena na attānukkaṃseti na paraṃ vambheti…pe… evaṃ so tasmiṃ ṭhāne parisuddho hoti.
‘‘буна жабарам̣, ниг̇род̇ха, д̇абассий д̇абам̣ самаад̣̇ияад̇и, со д̇зна д̇абасаа лаабхасаггаарасилогам̣ абхиниб̣б̣ад̇д̇зд̇и, со д̇зна лаабхасаггаарасилогзна на маж̇ж̇ад̇и на мужчад̇и на бамаад̣̇амаабаж̇ж̇ад̇и…бз… звам̣ со д̇асмим̣ таанз барисуд̣̇д̇хо ход̇и.
‘‘Puna caparaṃ, nigrodha, tapassī tapaṃ samādiyati, so tena tapasā lābhasakkārasilokaṃ abhinibbatteti, so tena lābhasakkārasilokena na majjati na mucchati na pamādamāpajjati…pe… evaṃ so tasmiṃ ṭhāne parisuddho hoti.
66. ‘‘буна жабарам̣, ниг̇род̇ха, д̇абассий бхож̇анзсу на вод̣̇аасам̣ аабаж̇ж̇ад̇и – ‘ид̣̇ам̣ мз камад̇и, ид̣̇ам̣ мз нагкамад̇ий’д̇и. со яан̃жа квасса нагкамад̇и, д̇ам̣ анабзгко баж̇ахад̇и. яам̣ банасса камад̇и , д̇ам̣ аг̇ад̇хид̇о амужчид̇о анаж̇жхаабанно аад̣̇ийнавад̣̇ассаавий ниссаран̣абан̃н̃о барибхун̃ж̇ад̇и…бз… звам̣ со д̇асмим̣ таанз барисуд̣̇д̇хо ход̇и.
66. ‘‘Puna caparaṃ, nigrodha, tapassī bhojanesu na vodāsaṃ āpajjati – ‘idaṃ me khamati, idaṃ me nakkhamatī’ti. So yañca khvassa nakkhamati, taṃ anapekkho pajahati. Yaṃ panassa khamati , taṃ agadhito amucchito anajjhāpanno ādīnavadassāvī nissaraṇapañño paribhuñjati…pe… evaṃ so tasmiṃ ṭhāne parisuddho hoti.
‘‘буна жабарам̣, ниг̇род̇ха, д̇абассий на д̇абам̣ самаад̣̇ияад̇и лаабхасаггаарасилоганиганд̇ихзд̇у – ‘саггариссанд̇и мам̣ рааж̇аано рааж̇амахаамад̇д̇аа кад̇д̇ияаа б̣раахман̣аа г̇ахабад̇игаа д̇ид̇т̇ияаа’д̇и…бз… звам̣ со д̇асмим̣ таанз барисуд̣̇д̇хо ход̇и.
‘‘Puna caparaṃ, nigrodha, tapassī na tapaṃ samādiyati lābhasakkārasilokanikantihetu – ‘sakkarissanti maṃ rājāno rājamahāmattā khattiyā brāhmaṇā gahapatikā titthiyā’ti…pe… evaṃ so tasmiṃ ṭhāne parisuddho hoti.
67. ‘‘буна жабарам̣, ниг̇род̇ха, д̇абассий ан̃н̃ад̇арам̣ саман̣ам̣ ваа б̣раахман̣ам̣ ваа наабасаад̣̇зд̇аа ход̇и – ‘гим̣ банааяам̣ самб̣ахулааж̇ийво саб̣б̣ам̣ сам̣бхагкзд̇и. сзяяат̇ид̣̇ам̣ – муулаб̣ийж̇ам̣ канд̇хаб̣ийж̇ам̣ пал̣уб̣ийж̇ам̣ аг̇г̇аб̣ийж̇ам̣ б̣ийж̇аб̣ийж̇амзва бан̃жамам̣, асанивижаггам̣ д̣̇анд̇агуудам̣, саман̣аббаваад̣̇знаа’д̇и…бз… звам̣ со д̇асмим̣ таанз барисуд̣̇д̇хо ход̇и.
67. ‘‘Puna caparaṃ, nigrodha, tapassī aññataraṃ samaṇaṃ vā brāhmaṇaṃ vā nāpasādetā hoti – ‘kiṃ panāyaṃ sambahulājīvo sabbaṃ saṃbhakkheti. Seyyathidaṃ – mūlabījaṃ khandhabījaṃ phaḷubījaṃ aggabījaṃ bījabījameva pañcamaṃ, asanivicakkaṃ dantakūṭaṃ, samaṇappavādenā’ti…pe… evaṃ so tasmiṃ ṭhāne parisuddho hoti.
‘‘буна жабарам̣, ниг̇род̇ха, д̇абассий бассад̇и ан̃н̃ад̇арам̣ саман̣ам̣ ваа б̣раахман̣ам̣ ваа гулзсу саггарияамаанам̣ г̇ару гарияамаанам̣ маанияамаанам̣ бууж̇ияамаанам̣. д̣̇исваа д̇асса на звам̣ ход̇и – ‘иман̃хи наама самб̣ахулааж̇ийвам̣ гулзсу саггаронд̇и г̇арум̣ гаронд̇и маанзнд̇и бууж̇знд̇и. мам̣ бана д̇абассим̣ луукааж̇ийвим̣ гулзсу на саггаронд̇и на г̇арум̣ гаронд̇и на маанзнд̇и на бууж̇знд̇ий’д̇и, ид̇и со иссаамажчарияам̣ гулзсу нуббаад̣̇зд̇аа ход̇и…бз… звам̣ со д̇асмим̣ таанз барисуд̣̇д̇хо ход̇и.
‘‘Puna caparaṃ, nigrodha, tapassī passati aññataraṃ samaṇaṃ vā brāhmaṇaṃ vā kulesu sakkariyamānaṃ garu kariyamānaṃ māniyamānaṃ pūjiyamānaṃ. Disvā tassa na evaṃ hoti – ‘imañhi nāma sambahulājīvaṃ kulesu sakkaronti garuṃ karonti mānenti pūjenti. Maṃ pana tapassiṃ lūkhājīviṃ kulesu na sakkaronti na garuṃ karonti na mānenti na pūjentī’ti, iti so issāmacchariyaṃ kulesu nuppādetā hoti…pe… evaṃ so tasmiṃ ṭhāne parisuddho hoti.
68. ‘‘буна жабарам̣, ниг̇род̇ха, д̇абассий на аабаат̇аганисаад̣̇ий ход̇и…бз… звам̣ со д̇асмим̣ таанз барисуд̣̇д̇хо ход̇и.
68. ‘‘Puna caparaṃ, nigrodha, tapassī na āpāthakanisādī hoti…pe… evaṃ so tasmiṃ ṭhāne parisuddho hoti.
‘‘буна жабарам̣, ниг̇род̇ха, д̇абассий на ад̇д̇аанам̣ ад̣̇ассаяамаано гулзсу жарад̇и – ‘ид̣̇амби мз д̇абасмим̣, ид̣̇амби мз д̇абасми’нд̇и…бз… звам̣ со д̇асмим̣ таанз барисуд̣̇д̇хо ход̇и.
‘‘Puna caparaṃ, nigrodha, tapassī na attānaṃ adassayamāno kulesu carati – ‘idampi me tapasmiṃ, idampi me tapasmi’nti…pe… evaṃ so tasmiṃ ṭhāne parisuddho hoti.
‘‘буна жабарам̣, ниг̇род̇ха, д̇абассий на ган̃жид̣̇зва бадижчаннам̣ сзвад̇и, со – ‘камад̇и д̇з ид̣̇а’нд̇и будто самаано агкамамаанам̣ ааха – ‘нагкамад̇ий’д̇и. камамаанам̣ ааха – ‘камад̇ий’д̇и. ид̇и со самбаж̇аанамусаа на бхаасид̇аа ход̇и…бз… звам̣ со д̇асмим̣ таанз барисуд̣̇д̇хо ход̇и.
‘‘Puna caparaṃ, nigrodha, tapassī na kañcideva paṭicchannaṃ sevati, so – ‘khamati te ida’nti puṭṭho samāno akkhamamānaṃ āha – ‘nakkhamatī’ti. Khamamānaṃ āha – ‘khamatī’ti. Iti so sampajānamusā na bhāsitā hoti…pe… evaṃ so tasmiṃ ṭhāne parisuddho hoti.
‘‘буна жабарам̣, ниг̇род̇ха, д̇абассий д̇ат̇ааг̇ад̇асса ваа д̇ат̇ааг̇ад̇асаавагасса ваа д̇хаммам̣ д̣̇зсзнд̇асса санд̇ам̣язва барияааяам̣ анун̃н̃зяяам̣ ануж̇аанаад̇и…бз… звам̣ со д̇асмим̣ таанз барисуд̣̇д̇хо ход̇и.
‘‘Puna caparaṃ, nigrodha, tapassī tathāgatassa vā tathāgatasāvakassa vā dhammaṃ desentassa santaṃyeva pariyāyaṃ anuññeyyaṃ anujānāti…pe… evaṃ so tasmiṃ ṭhāne parisuddho hoti.
69. ‘‘буна жабарам̣, ниг̇род̇ха, д̇абассий аггод̇хано ход̇и анубанаахий. яамби, ниг̇род̇ха, д̇абассий аггод̇хано ход̇и анубанаахий звам̣ со д̇асмим̣ таанз барисуд̣̇д̇хо ход̇и.
69. ‘‘Puna caparaṃ, nigrodha, tapassī akkodhano hoti anupanāhī. Yampi, nigrodha, tapassī akkodhano hoti anupanāhī evaṃ so tasmiṃ ṭhāne parisuddho hoti.
‘‘буна жабарам̣, ниг̇род̇ха, д̇абассий амагкий ход̇и абал̣аасий…бз… аниссугий ход̇и амажчарий… асато ход̇и амааяаавий… ад̇т̇ад̣̇д̇хо ход̇и анад̇имааний… на баабижчо ход̇и на баабигаанам̣ ижчаанам̣ васам̣ г̇ад̇о… на мижчаад̣̇идтиго ход̇и на анд̇аг̇г̇аахигааяа д̣̇идтияаа саманнааг̇ад̇о… на санд̣̇идтибараамаасий ход̇и на аад̇хаанаг̇г̇аахий суббадиниссаг̇г̇ий. яамби, ниг̇род̇ха, д̇абассий на санд̣̇идтибараамаасий ход̇и на аад̇хаанаг̇г̇аахий суббадиниссаг̇г̇ий. звам̣ со д̇асмим̣ таанз барисуд̣̇д̇хо ход̇и.
‘‘Puna caparaṃ, nigrodha, tapassī amakkhī hoti apaḷāsī…pe… anissukī hoti amaccharī… asaṭho hoti amāyāvī… atthaddho hoti anatimānī… na pāpiccho hoti na pāpikānaṃ icchānaṃ vasaṃ gato… na micchādiṭṭhiko hoti na antaggāhikāya diṭṭhiyā samannāgato… na sandiṭṭhiparāmāsī hoti na ādhānaggāhī suppaṭinissaggī. Yampi, nigrodha, tapassī na sandiṭṭhiparāmāsī hoti na ādhānaggāhī suppaṭinissaggī. Evaṃ so tasmiṃ ṭhāne parisuddho hoti.
‘‘д̇ам̣ гим̣ ман̃н̃аси, ниг̇род̇ха, яад̣̇и звам̣ санд̇з д̇абож̇иг̇ужчаа барисуд̣̇д̇хаа ваа ход̇и абарисуд̣̇д̇хаа ваа’’д̇и? ‘‘ад̣̇д̇хаа ко, бханд̇з, звам̣ санд̇з д̇абож̇иг̇ужчаа барисуд̣̇д̇хаа ход̇и но абарисуд̣̇д̇хаа, аг̇г̇аббад̇д̇аа жа саараббад̇д̇аа жаа’’д̇и. ‘‘на ко, ниг̇род̇ха, зд̇д̇аавад̇аа д̇абож̇иг̇ужчаа аг̇г̇аббад̇д̇аа жа ход̇и саараббад̇д̇аа жа; аби жа ко бабадигаббад̇д̇аа 35 ход̇ий’’д̇и.
‘‘Taṃ kiṃ maññasi, nigrodha, yadi evaṃ sante tapojigucchā parisuddhā vā hoti aparisuddhā vā’’ti? ‘‘Addhā kho, bhante, evaṃ sante tapojigucchā parisuddhā hoti no aparisuddhā, aggappattā ca sārappattā cā’’ti. ‘‘Na kho, nigrodha, ettāvatā tapojigucchā aggappattā ca hoti sārappattā ca; api ca kho papaṭikappattā 36 hotī’’ti.
барисуд̣̇д̇хад̇ажаббад̇д̇агат̇аа
Parisuddhatacappattakathā
70. ‘‘гид̇д̇аавад̇аа бана, бханд̇з, д̇абож̇иг̇ужчаа аг̇г̇аббад̇д̇аа жа ход̇и саараббад̇д̇аа жа? саад̇ху мз, бханд̇з, бхаг̇аваа д̇абож̇иг̇ужчааяа аг̇г̇ан̃н̃зва баабзд̇у, сааран̃н̃зва баабзд̇уу’’д̇и. ‘‘ид̇ха, ниг̇род̇ха, д̇абассий жаад̇уяаамасам̣варасам̣вуд̇о ход̇и. гат̇ан̃жа, ниг̇род̇ха, д̇абассий жаад̇уяаамасам̣варасам̣вуд̇о ход̇и? ид̇ха, ниг̇род̇ха, д̇абассий на баан̣ам̣ ад̇ибаад̇зд̇и 37, на баан̣ам̣ ад̇ибаад̇аяад̇и, на баан̣амад̇ибаад̇аяад̇о саманун̃н̃о ход̇и . на ад̣̇иннам̣ аад̣̇ияад̇и, на ад̣̇иннам̣ аад̣̇ияаабзд̇и, на ад̣̇иннам̣ аад̣̇ияад̇о саманун̃н̃о ход̇и. на мусаа бхан̣ад̇и, на мусаа бхан̣аабзд̇и, на мусаа бхан̣ад̇о саманун̃н̃о ход̇и. на бхаавид̇амаасийсад̇и 38, на бхаавид̇амаасийсаабзд̇и, на бхаавид̇амаасийсад̇о саманун̃н̃о ход̇и. звам̣ ко, ниг̇род̇ха, д̇абассий жаад̇уяаамасам̣варасам̣вуд̇о ход̇и.
70. ‘‘Kittāvatā pana, bhante, tapojigucchā aggappattā ca hoti sārappattā ca? Sādhu me, bhante, bhagavā tapojigucchāya aggaññeva pāpetu, sāraññeva pāpetū’’ti. ‘‘Idha, nigrodha, tapassī cātuyāmasaṃvarasaṃvuto hoti. Kathañca, nigrodha, tapassī cātuyāmasaṃvarasaṃvuto hoti? Idha, nigrodha, tapassī na pāṇaṃ atipāteti 39, na pāṇaṃ atipātayati, na pāṇamatipātayato samanuñño hoti . Na adinnaṃ ādiyati, na adinnaṃ ādiyāpeti, na adinnaṃ ādiyato samanuñño hoti. Na musā bhaṇati, na musā bhaṇāpeti, na musā bhaṇato samanuñño hoti. Na bhāvitamāsīsati 40, na bhāvitamāsīsāpeti, na bhāvitamāsīsato samanuñño hoti. Evaṃ kho, nigrodha, tapassī cātuyāmasaṃvarasaṃvuto hoti.
‘‘яад̇о ко, ниг̇род̇ха, д̇абассий жаад̇уяаамасам̣варасам̣вуд̇о ход̇и, ад̣̇ум̣ жасса ход̇и д̇абассид̇ааяа. со абхихарад̇и но хийнааяаавад̇д̇ад̇и. со вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. со бажчаабхад̇д̇ам̣ бин̣д̣абаад̇аббадигганд̇о нисийд̣̇ад̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа. со абхиж̇жхам̣ логз бахааяа виг̇ад̇аабхиж̇жхзна жзд̇асаа вихарад̇и, абхиж̇жхааяа жид̇д̇ам̣ барисод̇хзд̇и. б̣яаабаад̣̇аббад̣̇осам̣ бахааяа аб̣яаабаннажид̇д̇о вихарад̇и саб̣б̣абаан̣абхууд̇ахид̇аанугамбий, б̣яаабаад̣̇аббад̣̇осаа жид̇д̇ам̣ барисод̇хзд̇и. т̇инамид̣̇д̇хам̣ 41 бахааяа виг̇ад̇ат̇инамид̣̇д̇хо вихарад̇и аалогасан̃н̃ий сад̇о самбаж̇аано, т̇инамид̣̇д̇хаа жид̇д̇ам̣ барисод̇хзд̇и. уд̣̇д̇хажжагуггужжам̣ бахааяа ануд̣̇д̇хад̇о вихарад̇и аж̇жхад̇д̇ам̣ вуубасанд̇ажид̇д̇о, уд̣̇д̇хажжагуггужжаа жид̇д̇ам̣ барисод̇хзд̇и. вижигижчам̣ бахааяа д̇ин̣н̣авижигижчо вихарад̇и агат̇ам̣гат̇ий гусалзсу д̇хаммзсу, вижигижчааяа жид̇д̇ам̣ барисод̇хзд̇и.
‘‘Yato kho, nigrodha, tapassī cātuyāmasaṃvarasaṃvuto hoti, aduṃ cassa hoti tapassitāya. So abhiharati no hīnāyāvattati. So vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. So pacchābhattaṃ piṇḍapātappaṭikkanto nisīdati pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. So abhijjhaṃ loke pahāya vigatābhijjhena cetasā viharati, abhijjhāya cittaṃ parisodheti. Byāpādappadosaṃ pahāya abyāpannacitto viharati sabbapāṇabhūtahitānukampī, byāpādappadosā cittaṃ parisodheti. Thinamiddhaṃ 42 pahāya vigatathinamiddho viharati ālokasaññī sato sampajāno, thinamiddhā cittaṃ parisodheti. Uddhaccakukkuccaṃ pahāya anuddhato viharati ajjhattaṃ vūpasantacitto, uddhaccakukkuccā cittaṃ parisodheti. Vicikicchaṃ pahāya tiṇṇavicikiccho viharati akathaṃkathī kusalesu dhammesu, vicikicchāya cittaṃ parisodheti.
71. ‘‘со имз бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇и. д̇ат̇аа д̣̇уд̇ияам̣. д̇ат̇аа д̇ад̇ияам̣. д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ мзд̇д̇аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и. гарун̣аасахаг̇ад̇зна жзд̇асаа…бз… муд̣̇ид̇аасахаг̇ад̇зна жзд̇асаа…бз… убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇и. д̇ат̇аа д̣̇уд̇ияам̣. д̇ат̇аа д̇ад̇ияам̣. д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ убзгкаасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и.
71. ‘‘So ime pañca nīvaraṇe pahāya cetaso upakkilese paññāya dubbalīkaraṇe mettāsahagatena cetasā ekaṃ disaṃ pharitvā viharati. Tathā dutiyaṃ. Tathā tatiyaṃ. Tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyāpajjena pharitvā viharati. Karuṇāsahagatena cetasā…pe… muditāsahagatena cetasā…pe… upekkhāsahagatena cetasā ekaṃ disaṃ pharitvā viharati. Tathā dutiyaṃ. Tathā tatiyaṃ. Tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ upekkhāsahagatena cetasā vipulena mahaggatena appamāṇena averena abyāpajjena pharitvā viharati.
‘‘д̇ам̣ гим̣ ман̃н̃аси, ниг̇род̇ха. яад̣̇и звам̣ санд̇з д̇абож̇иг̇ужчаа барисуд̣̇д̇хаа ваа ход̇и абарисуд̣̇д̇хаа ваа’’д̇и? ‘‘ад̣̇д̇хаа ко, бханд̇з, звам̣ санд̇з д̇абож̇иг̇ужчаа барисуд̣̇д̇хаа ход̇и но абарисуд̣̇д̇хаа, аг̇г̇аббад̇д̇аа жа саараббад̇д̇аа жаа’’д̇и. ‘‘на ко, ниг̇род̇ха, зд̇д̇аавад̇аа д̇абож̇иг̇ужчаа аг̇г̇аббад̇д̇аа жа ход̇и саараббад̇д̇аа жа; аби жа ко д̇ажаббад̇д̇аа ход̇ий’’д̇и.
‘‘Taṃ kiṃ maññasi, nigrodha. Yadi evaṃ sante tapojigucchā parisuddhā vā hoti aparisuddhā vā’’ti? ‘‘Addhā kho, bhante, evaṃ sante tapojigucchā parisuddhā hoti no aparisuddhā, aggappattā ca sārappattā cā’’ti. ‘‘Na kho, nigrodha, ettāvatā tapojigucchā aggappattā ca hoti sārappattā ca; api ca kho tacappattā hotī’’ti.
барисуд̣̇д̇хапзг̇г̇уббад̇д̇агат̇аа
Parisuddhaphegguppattakathā
72. ‘‘гид̇д̇аавад̇аа бана, бханд̇з, д̇абож̇иг̇ужчаа аг̇г̇аббад̇д̇аа жа ход̇и саараббад̇д̇аа жа? саад̇ху мз, бханд̇з, бхаг̇аваа д̇абож̇иг̇ужчааяа аг̇г̇ан̃н̃зва баабзд̇у, сааран̃н̃зва баабзд̇уу’’д̇и. ‘‘ид̇ха, ниг̇род̇ха, д̇абассий жаад̇уяаамасам̣варасам̣вуд̇о ход̇и. гат̇ан̃жа, ниг̇род̇ха, д̇абассий жаад̇уяаамасам̣варасам̣вуд̇о ход̇и…бз… яад̇о ко, ниг̇род̇ха, д̇абассий жаад̇уяаамасам̣варасам̣вуд̇о ход̇и, ад̣̇ум̣ жасса ход̇и д̇абассид̇ааяа. со абхихарад̇и но хийнааяаавад̇д̇ад̇и. со вивид̇д̇ам̣ сзнаасанам̣ бхаж̇ад̇и…бз… со имз бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з мзд̇д̇аасахаг̇ад̇зна жзд̇асаа…бз… гарун̣аасахаг̇ад̇зна жзд̇асаа…бз… муд̣̇ид̇аасахаг̇ад̇зна жзд̇асаа…бз… убзгкаасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и. со анзгавихид̇ам̣ буб̣б̣зниваасам̣ ануссарад̇и сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо д̣̇асаби ж̇аад̇ияо вийсамби ж̇аад̇ияо д̇им̣самби ж̇аад̇ияо жад̇д̇аалийсамби ж̇аад̇ияо бан̃н̃аасамби ж̇аад̇ияо ж̇аад̇исад̇амби ж̇аад̇исахассамби ж̇аад̇исад̇асахассамби анзгзби сам̣ваддагаббз анзгзби виваддагаббз анзгзби сам̣ваддавиваддагаббз – ‘амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о амуд̇ра уд̣̇абаад̣̇им̣, д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о ид̇хуубабанно’д̇и. ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и.
72. ‘‘Kittāvatā pana, bhante, tapojigucchā aggappattā ca hoti sārappattā ca? Sādhu me, bhante, bhagavā tapojigucchāya aggaññeva pāpetu, sāraññeva pāpetū’’ti. ‘‘Idha, nigrodha, tapassī cātuyāmasaṃvarasaṃvuto hoti. Kathañca, nigrodha, tapassī cātuyāmasaṃvarasaṃvuto hoti…pe… yato kho, nigrodha, tapassī cātuyāmasaṃvarasaṃvuto hoti, aduṃ cassa hoti tapassitāya. So abhiharati no hīnāyāvattati. So vivittaṃ senāsanaṃ bhajati…pe… so ime pañca nīvaraṇe pahāya cetaso upakkilese paññāya dubbalīkaraṇe mettāsahagatena cetasā…pe… karuṇāsahagatena cetasā…pe… muditāsahagatena cetasā…pe… upekkhāsahagatena cetasā vipulena mahaggatena appamāṇena averena abyāpajjena pharitvā viharati. So anekavihitaṃ pubbenivāsaṃ anussarati seyyathidaṃ – ekampi jātiṃ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṃsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekepi saṃvaṭṭakappe anekepi vivaṭṭakappe anekepi saṃvaṭṭavivaṭṭakappe – ‘amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto amutra udapādiṃ, tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto idhūpapanno’ti. Iti sākāraṃ sauddesaṃ anekavihitaṃ pubbenivāsaṃ anussarati.
‘‘д̇ам̣ гим̣ ман̃н̃аси, ниг̇род̇ха, яад̣̇и звам̣ санд̇з д̇абож̇иг̇ужчаа барисуд̣̇д̇хаа ваа ход̇и абарисуд̣̇д̇хаа ваа’’д̇и? ‘‘ад̣̇д̇хаа ко, бханд̇з, звам̣ санд̇з д̇абож̇иг̇ужчаа барисуд̣̇д̇хаа ход̇и, но абарисуд̣̇д̇хаа, аг̇г̇аббад̇д̇аа жа саараббад̇д̇аа жаа’’д̇и. ‘‘на ко, ниг̇род̇ха, зд̇д̇аавад̇аа д̇абож̇иг̇ужчаа аг̇г̇аббад̇д̇аа жа ход̇и саараббад̇д̇аа жа; аби жа ко пзг̇г̇уббад̇д̇аа ход̇ий’’д̇и.
‘‘Taṃ kiṃ maññasi, nigrodha, yadi evaṃ sante tapojigucchā parisuddhā vā hoti aparisuddhā vā’’ti? ‘‘Addhā kho, bhante, evaṃ sante tapojigucchā parisuddhā hoti, no aparisuddhā, aggappattā ca sārappattā cā’’ti. ‘‘Na kho, nigrodha, ettāvatā tapojigucchā aggappattā ca hoti sārappattā ca; api ca kho phegguppattā hotī’’ti.
барисуд̣̇д̇хааг̇г̇аббад̇д̇асаараббад̇д̇агат̇аа
Parisuddhaaggappattasārappattakathā
73. ‘‘гид̇д̇аавад̇аа бана, бханд̇з, д̇абож̇иг̇ужчаа аг̇г̇аббад̇д̇аа жа ход̇и саараббад̇д̇аа жа? саад̇ху мз, бханд̇з, бхаг̇аваа д̇абож̇иг̇ужчааяа аг̇г̇ан̃н̃зва баабзд̇у, сааран̃н̃зва баабзд̇уу’’д̇и. ‘‘ид̇ха, ниг̇род̇ха, д̇абассий жаад̇уяаамасам̣варасам̣вуд̇о ход̇и. гат̇ан̃жа, ниг̇род̇ха, д̇абассий жаад̇уяаамасам̣варасам̣вуд̇о ход̇и…бз… яад̇о ко, ниг̇род̇ха, д̇абассий жаад̇уяаамасам̣варасам̣вуд̇о ход̇и, ад̣̇ум̣ жасса ход̇и д̇абассид̇ааяа. со абхихарад̇и но хийнааяаавад̇д̇ад̇и. со вивид̇д̇ам̣ сзнаасанам̣ бхаж̇ад̇и…бз… со имз бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з мзд̇д̇аасахаг̇ад̇зна жзд̇асаа…бз… убзгкаасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и. со анзгавихид̇ам̣ буб̣б̣зниваасам̣ ануссарад̇и. сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и. со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з, яат̇аагаммуубаг̇з сад̇д̇з баж̇аанаад̇и – ‘имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа важийд̣̇ужжарид̇зна саманнааг̇ад̇аа манод̣̇ужжарид̇зна саманнааг̇ад̇аа арияаанам̣ убаваад̣̇агаа мижчаад̣̇идтигаа мижчаад̣̇идтигаммасамаад̣̇аанаа. д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа. имз ваа бана бхонд̇о сад̇д̇аа гааяасужарид̇зна саманнааг̇ад̇аа важийсужарид̇зна саманнааг̇ад̇аа маносужарид̇зна саманнааг̇ад̇аа арияаанам̣ анубаваад̣̇агаа саммаад̣̇идтигаа саммаад̣̇идтигаммасамаад̣̇аанаа. д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа’д̇и. ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з, яат̇аагаммуубаг̇з сад̇д̇з баж̇аанаад̇и.
73. ‘‘Kittāvatā pana, bhante, tapojigucchā aggappattā ca hoti sārappattā ca? Sādhu me, bhante, bhagavā tapojigucchāya aggaññeva pāpetu, sāraññeva pāpetū’’ti. ‘‘Idha, nigrodha, tapassī cātuyāmasaṃvarasaṃvuto hoti. Kathañca, nigrodha, tapassī cātuyāmasaṃvarasaṃvuto hoti…pe… yato kho, nigrodha, tapassī cātuyāmasaṃvarasaṃvuto hoti, aduṃ cassa hoti tapassitāya. So abhiharati no hīnāyāvattati. So vivittaṃ senāsanaṃ bhajati…pe… so ime pañca nīvaraṇe pahāya cetaso upakkilese paññāya dubbalīkaraṇe mettāsahagatena cetasā…pe… upekkhāsahagatena cetasā vipulena mahaggatena appamāṇena averena abyāpajjena pharitvā viharati. So anekavihitaṃ pubbenivāsaṃ anussarati. Seyyathidaṃ – ekampi jātiṃ dvepi jātiyo tissopi jātiyo catassopi jātiyo pañcapi jātiyo…pe… iti sākāraṃ sauddesaṃ anekavihitaṃ pubbenivāsaṃ anussarati. So dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate, yathākammūpage satte pajānāti – ‘ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā. Te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā. Ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṃ anupavādakā sammādiṭṭhikā sammādiṭṭhikammasamādānā. Te kāyassa bhedā paraṃ maraṇā sugatiṃ saggaṃ lokaṃ upapannā’ti. Iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate, yathākammūpage satte pajānāti.
‘‘д̇ам̣ гим̣ ман̃н̃аси, ниг̇род̇ха, яад̣̇и звам̣ санд̇з д̇абож̇иг̇ужчаа барисуд̣̇д̇хаа ваа ход̇и абарисуд̣̇д̇хаа ваа’’д̇и? ‘‘ад̣̇д̇хаа ко, бханд̇з, звам̣ санд̇з д̇абож̇иг̇ужчаа барисуд̣̇д̇хаа ход̇и но абарисуд̣̇д̇хаа, аг̇г̇аббад̇д̇аа жа саараббад̇д̇аа жаа’’д̇и.
‘‘Taṃ kiṃ maññasi, nigrodha, yadi evaṃ sante tapojigucchā parisuddhā vā hoti aparisuddhā vā’’ti? ‘‘Addhā kho, bhante, evaṃ sante tapojigucchā parisuddhā hoti no aparisuddhā, aggappattā ca sārappattā cā’’ti.
74. ‘‘зд̇д̇аавад̇аа ко, ниг̇род̇ха, д̇абож̇иг̇ужчаа аг̇г̇аббад̇д̇аа жа ход̇и саараббад̇д̇аа жа. ид̇и ко, ниг̇род̇ха 43, яам̣ мам̣ д̇вам̣ аважааси – ‘го наама со, бханд̇з, бхаг̇авад̇о д̇хаммо, язна бхаг̇аваа саавагз винзд̇и, язна бхаг̇авад̇аа саавагаа винийд̇аа ассаасаббад̇д̇аа бадиж̇аананд̇и аж̇жхаасаяам̣ аад̣̇иб̣рахмажарияа’нд̇и. ид̇и ко д̇ам̣, ниг̇род̇ха, таанам̣ уд̇д̇арид̇аран̃жа бан̣ийд̇ад̇аран̃жа, язнаахам̣ саавагз винзми, язна маяаа саавагаа винийд̇аа ассаасаббад̇д̇аа бадиж̇аананд̇и аж̇жхаасаяам̣ аад̣̇иб̣рахмажарияа’’нд̇и.
74. ‘‘Ettāvatā kho, nigrodha, tapojigucchā aggappattā ca hoti sārappattā ca. Iti kho, nigrodha 44, yaṃ maṃ tvaṃ avacāsi – ‘ko nāma so, bhante, bhagavato dhammo, yena bhagavā sāvake vineti, yena bhagavatā sāvakā vinītā assāsappattā paṭijānanti ajjhāsayaṃ ādibrahmacariya’nti. Iti kho taṃ, nigrodha, ṭhānaṃ uttaritarañca paṇītatarañca, yenāhaṃ sāvake vinemi, yena mayā sāvakā vinītā assāsappattā paṭijānanti ajjhāsayaṃ ādibrahmacariya’’nti.
звам̣ вуд̇д̇з, д̇з бариб̣б̣ааж̇агаа уннаад̣̇ино ужжаасад̣̇д̣̇амахаасад̣̇д̣̇аа ахзсум̣ – ‘‘зд̇т̇а маяам̣ анассаама саажарияагаа, на маяам̣ ид̇о бхияяо уд̇д̇арид̇арам̣ баж̇аанаамаа’’д̇и.
Evaṃ vutte, te paribbājakā unnādino uccāsaddamahāsaddā ahesuṃ – ‘‘ettha mayaṃ anassāma sācariyakā, na mayaṃ ito bhiyyo uttaritaraṃ pajānāmā’’ti.
ниг̇род̇хасса баж̇жхааяанам̣
Nigrodhassa pajjhāyanaṃ
75. яад̣̇аа ан̃н̃ааси санд̇хаано г̇ахабад̇и – ‘‘ан̃н̃ад̣̇ад̇т̇у ко д̣̇аанимз ан̃н̃ад̇ид̇т̇ияаа бариб̣б̣ааж̇агаа бхаг̇авад̇о бхаасид̇ам̣ суссуусанд̇и, сод̇ам̣ од̣̇аханд̇и, ан̃н̃аажид̇д̇ам̣ убадтаабзнд̇ий’’д̇и. ат̇а 45 ниг̇род̇хам̣ бариб̣б̣ааж̇агам̣ зд̇ад̣̇авожа – ‘‘ид̇и ко, бханд̇з ниг̇род̇ха, яам̣ мам̣ д̇вам̣ аважааси – ‘яаг̇гхз, г̇ахабад̇и, ж̇аанзяяааси, гзна саман̣о г̇од̇амо сад̣̇д̇хим̣ саллабад̇и, гзна саагажчам̣ самаабаж̇ж̇ад̇и, гзна бан̃н̃аавзяяад̇д̇ияам̣ самаабаж̇ж̇ад̇и, сун̃н̃ааг̇аарахад̇аа саман̣асса г̇од̇амасса бан̃н̃аа, абарисааважаро саман̣о г̇од̇амо наалам̣ саллаабааяа, со анд̇аманд̇аанзва сзвад̇и; сзяяат̇ааби наама г̇огаан̣аа барияанд̇ажаариний анд̇аманд̇аанзва сзвад̇и. звамзва сун̃н̃ааг̇аарахад̇аа саман̣асса г̇од̇амасса бан̃н̃аа, абарисааважаро саман̣о г̇од̇амо наалам̣ саллаабааяа; со анд̇аманд̇аанзва сзвад̇и; ин̇гха, г̇ахабад̇и, саман̣о г̇од̇амо имам̣ барисам̣ ааг̇ажчзяяа, згабан̃хзнзва нам̣ сам̣саад̣̇зяяаама, д̇ужчагумбхийва нам̣ ман̃н̃з ород̇хзяяаамаа’д̇и. аяам̣ ко со, бханд̇з, бхаг̇аваа арахам̣ саммаасамб̣уд̣̇д̇хо ид̇хаануббад̇д̇о, абарисааважарам̣ бана нам̣ гарот̇а, г̇огаан̣ам̣ барияанд̇ажаариним̣ гарот̇а, згабан̃хзнзва нам̣ сам̣саад̣̇зт̇а, д̇ужчагумбхийва нам̣ ород̇хзт̇аа’’д̇и. звам̣ вуд̇д̇з, ниг̇род̇хо бариб̣б̣ааж̇аго д̇ун̣хийбхууд̇о ман̇губхууд̇о бад̇д̇агканд̇хо ад̇хомуко баж̇жхааяанд̇о аббадибхаано нисийд̣̇и.
75. Yadā aññāsi sandhāno gahapati – ‘‘aññadatthu kho dānime aññatitthiyā paribbājakā bhagavato bhāsitaṃ sussūsanti, sotaṃ odahanti, aññācittaṃ upaṭṭhāpentī’’ti. Atha 46 nigrodhaṃ paribbājakaṃ etadavoca – ‘‘iti kho, bhante nigrodha, yaṃ maṃ tvaṃ avacāsi – ‘yagghe, gahapati, jāneyyāsi, kena samaṇo gotamo saddhiṃ sallapati, kena sākacchaṃ samāpajjati, kena paññāveyyattiyaṃ samāpajjati, suññāgārahatā samaṇassa gotamassa paññā, aparisāvacaro samaṇo gotamo nālaṃ sallāpāya, so antamantāneva sevati; seyyathāpi nāma gokāṇā pariyantacārinī antamantāneva sevati. Evameva suññāgārahatā samaṇassa gotamassa paññā, aparisāvacaro samaṇo gotamo nālaṃ sallāpāya; so antamantāneva sevati; iṅgha, gahapati, samaṇo gotamo imaṃ parisaṃ āgaccheyya, ekapañheneva naṃ saṃsādeyyāma, tucchakumbhīva naṃ maññe orodheyyāmā’ti. Ayaṃ kho so, bhante, bhagavā arahaṃ sammāsambuddho idhānuppatto, aparisāvacaraṃ pana naṃ karotha, gokāṇaṃ pariyantacāriniṃ karotha, ekapañheneva naṃ saṃsādetha, tucchakumbhīva naṃ orodhethā’’ti. Evaṃ vutte, nigrodho paribbājako tuṇhībhūto maṅkubhūto pattakkhandho adhomukho pajjhāyanto appaṭibhāno nisīdi.
76. ат̇а ко бхаг̇аваа ниг̇род̇хам̣ бариб̣б̣ааж̇агам̣ д̇ун̣хийбхууд̇ам̣ ман̇губхууд̇ам̣ бад̇д̇агканд̇хам̣ ад̇хомукам̣ баж̇жхааяанд̇ам̣ аббадибхаанам̣ вид̣̇ид̇ваа ниг̇род̇хам̣ бариб̣б̣ааж̇агам̣ зд̇ад̣̇авожа – ‘‘сажжам̣ гира, ниг̇род̇ха, бхаасид̇аа д̇з зсаа ваажаа’’д̇и? ‘‘сажжам̣ , бханд̇з, бхаасид̇аа мз зсаа ваажаа, яат̇ааб̣аалзна яат̇аамуул̣хзна яат̇ааагусалзнаа’’д̇и. ‘‘д̇ам̣ гим̣ ман̃н̃аси, ниг̇род̇ха. гинд̇и д̇з суд̇ам̣ бариб̣б̣ааж̇агаанам̣ вуд̣дхаанам̣ махаллагаанам̣ аажарияабаажарияаанам̣ бхаасамаанаанам̣ – ‘яз д̇з ахзсум̣ ад̇ийд̇амад̣̇д̇хаанам̣ араханд̇о саммаасамб̣уд̣̇д̇хаа, звам̣ су д̇з бхаг̇аванд̇о сам̣г̇амма самааг̇амма уннаад̣̇ино ужжаасад̣̇д̣̇амахаасад̣̇д̣̇аа анзгавихид̇ам̣ д̇иражчаанагат̇ам̣ ануяуд̇д̇аа вихаранд̇и. сзяяат̇ид̣̇ам̣ – рааж̇агат̇ам̣ жорагат̇ам̣…бз… ид̇ибхаваабхавагат̇ам̣ ид̇и ваа. сзяяат̇ааби д̇вам̣ зд̇арахи саажарияаго. уд̣̇ааху, звам̣ су д̇з бхаг̇аванд̇о аран̃н̃аванабад̇т̇аани банд̇аани сзнаасанаани бадисзванд̇и аббасад̣̇д̣̇аани аббаниг̇гхосаани виж̇анаваад̇аани мануссараахассзяяагаани бадисаллаанасааруббаани, сзяяат̇аабаахам̣ зд̇арахий’д̇и.
76. Atha kho bhagavā nigrodhaṃ paribbājakaṃ tuṇhībhūtaṃ maṅkubhūtaṃ pattakkhandhaṃ adhomukhaṃ pajjhāyantaṃ appaṭibhānaṃ viditvā nigrodhaṃ paribbājakaṃ etadavoca – ‘‘saccaṃ kira, nigrodha, bhāsitā te esā vācā’’ti? ‘‘Saccaṃ , bhante, bhāsitā me esā vācā, yathābālena yathāmūḷhena yathāakusalenā’’ti. ‘‘Taṃ kiṃ maññasi, nigrodha. Kinti te sutaṃ paribbājakānaṃ vuḍḍhānaṃ mahallakānaṃ ācariyapācariyānaṃ bhāsamānānaṃ – ‘ye te ahesuṃ atītamaddhānaṃ arahanto sammāsambuddhā, evaṃ su te bhagavanto saṃgamma samāgamma unnādino uccāsaddamahāsaddā anekavihitaṃ tiracchānakathaṃ anuyuttā viharanti. Seyyathidaṃ – rājakathaṃ corakathaṃ…pe… itibhavābhavakathaṃ iti vā. Seyyathāpi tvaṃ etarahi sācariyako. Udāhu, evaṃ su te bhagavanto araññavanapatthāni pantāni senāsanāni paṭisevanti appasaddāni appanigghosāni vijanavātāni manussarāhasseyyakāni paṭisallānasāruppāni, seyyathāpāhaṃ etarahī’ti.
‘‘суд̇ам̣ мзд̇ам̣, бханд̇з. бариб̣б̣ааж̇агаанам̣ вуд̣дхаанам̣ махаллагаанам̣ аажарияабаажарияаанам̣ бхаасамаанаанам̣ – ‘яз д̇з ахзсум̣ ад̇ийд̇амад̣̇д̇хаанам̣ араханд̇о саммаасамб̣уд̣̇д̇хаа , на звам̣ су 47 д̇з бхаг̇аванд̇о сам̣г̇амма самааг̇амма уннаад̣̇ино ужжаасад̣̇д̣̇амахаасад̣̇д̣̇аа анзгавихид̇ам̣ д̇иражчаанагат̇ам̣ ануяуд̇д̇аа вихаранд̇и. сзяяат̇ид̣̇ам̣ – рааж̇агат̇ам̣ жорагат̇ам̣…бз… ид̇ибхаваабхавагат̇ам̣ ид̇и ваа, сзяяат̇аабаахам̣ зд̇арахи саажарияаго. звам̣ су д̇з бхаг̇аванд̇о аран̃н̃аванабад̇т̇аани банд̇аани сзнаасанаани бадисзванд̇и аббасад̣̇д̣̇аани аббаниг̇гхосаани виж̇анаваад̇аани мануссараахассзяяагаани бадисаллаанасааруббаани, сзяяат̇ааби бхаг̇аваа зд̇арахий’’’д̇и.
‘‘Sutaṃ metaṃ, bhante. Paribbājakānaṃ vuḍḍhānaṃ mahallakānaṃ ācariyapācariyānaṃ bhāsamānānaṃ – ‘ye te ahesuṃ atītamaddhānaṃ arahanto sammāsambuddhā , na evaṃ su 48 te bhagavanto saṃgamma samāgamma unnādino uccāsaddamahāsaddā anekavihitaṃ tiracchānakathaṃ anuyuttā viharanti. Seyyathidaṃ – rājakathaṃ corakathaṃ…pe… itibhavābhavakathaṃ iti vā, seyyathāpāhaṃ etarahi sācariyako. Evaṃ su te bhagavanto araññavanapatthāni pantāni senāsanāni paṭisevanti appasaddāni appanigghosāni vijanavātāni manussarāhasseyyakāni paṭisallānasāruppāni, seyyathāpi bhagavā etarahī’’’ti.
‘‘д̇асса д̇з, ниг̇род̇ха, вин̃н̃усса сад̇о махаллагасса на зд̇ад̣̇ахоси – ‘б̣уд̣̇д̇хо со бхаг̇аваа б̣од̇хааяа д̇хаммам̣ д̣̇зсзд̇и, д̣̇анд̇о со бхаг̇аваа д̣̇амат̇ааяа д̇хаммам̣ д̣̇зсзд̇и, санд̇о со бхаг̇аваа самат̇ааяа д̇хаммам̣ д̣̇зсзд̇и, д̇ин̣н̣о со бхаг̇аваа д̇аран̣ааяа д̇хаммам̣ д̣̇зсзд̇и, бариниб̣б̣уд̇о со бхаг̇аваа бариниб̣б̣аанааяа д̇хаммам̣ д̣̇зсзд̇ий’’’д̇и?
‘‘Tassa te, nigrodha, viññussa sato mahallakassa na etadahosi – ‘buddho so bhagavā bodhāya dhammaṃ deseti, danto so bhagavā damathāya dhammaṃ deseti, santo so bhagavā samathāya dhammaṃ deseti, tiṇṇo so bhagavā taraṇāya dhammaṃ deseti, parinibbuto so bhagavā parinibbānāya dhammaṃ desetī’’’ti?
б̣рахмажарияабарияосаанасажчигирияаа
Brahmacariyapariyosānasacchikiriyā
77. звам̣ вуд̇д̇з, ниг̇род̇хо бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘ажжаяо мам̣, бханд̇з, ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яваахам̣ звам̣ бхаг̇аванд̇ам̣ аважаасим̣. д̇асса мз, бханд̇з, бхаг̇аваа ажжаяам̣ ажжаяад̇о бадиг̇г̇ан̣хаад̇у ааяад̇им̣ сам̣варааяаа’’д̇и. ‘‘д̇аг̇гха д̇вам̣ 49, ниг̇род̇ха, ажжаяо ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яо мам̣ д̇вам̣ звам̣ аважааси. яад̇о жа ко д̇вам̣, ниг̇род̇ха, ажжаяам̣ ажжаяад̇о д̣̇исваа яат̇аад̇хаммам̣ бадигароси, д̇ам̣ д̇з маяам̣ бадиг̇г̇ан̣хаама. вуд̣̇д̇хи хзсаа, ниг̇род̇ха, арияасса винаяз, яо ажжаяам̣ ажжаяад̇о д̣̇исваа яат̇аад̇хаммам̣ бадигарод̇и ааяад̇им̣ сам̣варам̣ аабаж̇ж̇ад̇и. ахам̣ ко бана, ниг̇род̇ха, звам̣ вад̣̇аами –
77. Evaṃ vutte, nigrodho paribbājako bhagavantaṃ etadavoca – ‘‘accayo maṃ, bhante, accagamā yathābālaṃ yathāmūḷhaṃ yathāakusalaṃ, yvāhaṃ evaṃ bhagavantaṃ avacāsiṃ. Tassa me, bhante, bhagavā accayaṃ accayato paṭiggaṇhātu āyatiṃ saṃvarāyā’’ti. ‘‘Taggha tvaṃ 50, nigrodha, accayo accagamā yathābālaṃ yathāmūḷhaṃ yathāakusalaṃ, yo maṃ tvaṃ evaṃ avacāsi. Yato ca kho tvaṃ, nigrodha, accayaṃ accayato disvā yathādhammaṃ paṭikarosi, taṃ te mayaṃ paṭiggaṇhāma. Vuddhi hesā, nigrodha, ariyassa vinaye, yo accayaṃ accayato disvā yathādhammaṃ paṭikaroti āyatiṃ saṃvaraṃ āpajjati. Ahaṃ kho pana, nigrodha, evaṃ vadāmi –
‘зд̇у вин̃н̃уу бурисо асато амааяаавий уж̇уж̇аад̇иго, ахаманусаасаами ахам̣ д̇хаммам̣ д̣̇зсзми. яат̇аанусидтам̣ д̇ат̇аа 51 бадибаж̇ж̇амаано, яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и, д̇ад̣̇ануд̇д̇арам̣ б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссад̇и сад̇д̇авассаани. д̇идтанд̇у, ниг̇род̇ха, сад̇д̇а вассаани. зд̇у вин̃н̃уу бурисо асато амааяаавий уж̇уж̇аад̇иго, ахаманусаасаами ахам̣ д̇хаммам̣ д̣̇зсзми. яат̇аанусидтам̣ д̇ат̇аа бадибаж̇ж̇амаано, яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и, д̇ад̣̇ануд̇д̇арам̣ б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссад̇и ча вассаани. бан̃жа вассаани… жад̇д̇аари вассаани… д̇ийн̣и вассаани… д̣̇вз вассаани… згам̣ вассам̣. д̇идтад̇у, ниг̇род̇ха, згам̣ вассам̣. зд̇у вин̃н̃уу бурисо асато амааяаавий уж̇уж̇аад̇иго ахаманусаасаами ахам̣ д̇хаммам̣ д̣̇зсзми. яат̇аанусидтам̣ д̇ат̇аа бадибаж̇ж̇амаано, яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и, д̇ад̣̇ануд̇д̇арам̣ б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссад̇и сад̇д̇а маасаани. д̇идтанд̇у, ниг̇род̇ха, сад̇д̇а маасаани… ча маасаани… бан̃жа маасаани … жад̇д̇аари маасаани… д̇ийн̣и маасаани… д̣̇вз маасаани… згам̣ маасам̣… ад̣дхамаасам̣. д̇идтад̇у, ниг̇род̇ха, ад̣дхамаасо. зд̇у вин̃н̃уу бурисо асато амааяаавий уж̇уж̇аад̇иго, ахаманусаасаами ахам̣ д̇хаммам̣ д̣̇зсзми. яат̇аанусидтам̣ д̇ат̇аа бадибаж̇ж̇амаано, яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и, д̇ад̣̇ануд̇д̇арам̣ б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссад̇и сад̇д̇аахам̣’.
‘Etu viññū puriso asaṭho amāyāvī ujujātiko, ahamanusāsāmi ahaṃ dhammaṃ desemi. Yathānusiṭṭhaṃ tathā 52 paṭipajjamāno, yassatthāya kulaputtā sammadeva agārasmā anagāriyaṃ pabbajanti, tadanuttaraṃ brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharissati sattavassāni. Tiṭṭhantu, nigrodha, satta vassāni. Etu viññū puriso asaṭho amāyāvī ujujātiko, ahamanusāsāmi ahaṃ dhammaṃ desemi. Yathānusiṭṭhaṃ tathā paṭipajjamāno, yassatthāya kulaputtā sammadeva agārasmā anagāriyaṃ pabbajanti, tadanuttaraṃ brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharissati cha vassāni. Pañca vassāni… cattāri vassāni… tīṇi vassāni… dve vassāni… ekaṃ vassaṃ. Tiṭṭhatu, nigrodha, ekaṃ vassaṃ. Etu viññū puriso asaṭho amāyāvī ujujātiko ahamanusāsāmi ahaṃ dhammaṃ desemi. Yathānusiṭṭhaṃ tathā paṭipajjamāno, yassatthāya kulaputtā sammadeva agārasmā anagāriyaṃ pabbajanti, tadanuttaraṃ brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharissati satta māsāni. Tiṭṭhantu, nigrodha, satta māsāni… cha māsāni… pañca māsāni … cattāri māsāni… tīṇi māsāni… dve māsāni… ekaṃ māsaṃ… aḍḍhamāsaṃ. Tiṭṭhatu, nigrodha, aḍḍhamāso. Etu viññū puriso asaṭho amāyāvī ujujātiko, ahamanusāsāmi ahaṃ dhammaṃ desemi. Yathānusiṭṭhaṃ tathā paṭipajjamāno, yassatthāya kulaputtā sammadeva agārasmā anagāriyaṃ pabbajanti, tadanuttaraṃ brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharissati sattāhaṃ’.
бариб̣б̣ааж̇агаанам̣ баж̇жхааяанам̣
Paribbājakānaṃ pajjhāyanaṃ
78. ‘‘сияаа ко бана д̇з, ниг̇род̇ха, звамасса – ‘анд̇зваасигамяад̇аа но саман̣о г̇од̇амо звамаахаа’д̇и. на ко банзд̇ам̣, ниг̇род̇ха, звам̣ д̣̇адтаб̣б̣ам̣. яо зва во 53 аажарияо, со зва во аажарияо ход̇у. сияаа ко бана д̇з, ниг̇род̇ха, звамасса – ‘уд̣̇д̣̇зсаа но жаавзд̇угаамо саман̣о г̇од̇амо звамаахаа’д̇и. на ко банзд̇ам̣, ниг̇род̇ха , звам̣ д̣̇адтаб̣б̣ам̣. яо зва во уд̣̇д̣̇зсо со зва во уд̣̇д̣̇зсо ход̇у. сияаа ко бана д̇з, ниг̇род̇ха, звамасса – ‘ааж̇ийваа но жаавзд̇угаамо саман̣о г̇од̇амо звамаахаа’д̇и. на ко банзд̇ам̣, ниг̇род̇ха, звам̣ д̣̇адтаб̣б̣ам̣. яо зва во ааж̇ийво, со зва во ааж̇ийво ход̇у. сияаа ко бана д̇з, ниг̇род̇ха, звамасса – ‘яз но д̇хаммаа агусалаа агусаласан̇каад̇аа саажарияагаанам̣, д̇зсу бад̇идтаабзд̇угаамо саман̣о г̇од̇амо звамаахаа’д̇и. на ко банзд̇ам̣, ниг̇род̇ха, звам̣ д̣̇адтаб̣б̣ам̣. агусалаа жзва во д̇з д̇хаммаа 54 хонд̇у агусаласан̇каад̇аа жа саажарияагаанам̣. сияаа ко бана д̇з , ниг̇род̇ха, звамасса – ‘яз но д̇хаммаа гусалаа гусаласан̇каад̇аа саажарияагаанам̣, д̇зхи вивзжзд̇угаамо саман̣о г̇од̇амо звамаахаа’д̇и. на ко банзд̇ам̣, ниг̇род̇ха, звам̣ д̣̇адтаб̣б̣ам̣. гусалаа жзва во д̇з д̇хаммаа хонд̇у гусаласан̇каад̇аа жа саажарияагаанам̣. ид̇и кваахам̣, ниг̇род̇ха, нзва анд̇зваасигамяад̇аа звам̣ вад̣̇аами, наби уд̣̇д̣̇зсаа жаавзд̇угаамо звам̣ вад̣̇аами, наби ааж̇ийваа жаавзд̇угаамо звам̣ вад̣̇аами, наби яз во д̇хаммаа 55 агусалаа агусаласан̇каад̇аа саажарияагаанам̣, д̇зсу бад̇идтаабзд̇угаамо звам̣ вад̣̇аами, наби яз во д̇хаммаа 56 гусалаа гусаласан̇каад̇аа саажарияагаанам̣, д̇зхи вивзжзд̇угаамо звам̣ вад̣̇аами. санд̇и жа ко, ниг̇род̇ха, агусалаа д̇хаммаа аббахийнаа сам̣гилзсигаа боноб̣бхавигаа 57 сад̣̇араа 58 д̣̇угкавибаагаа ааяад̇им̣ ж̇аад̇иж̇араамаран̣ияаа, язсаахам̣ бахаанааяа д̇хаммам̣ д̣̇зсзми. яат̇аабадибаннаанам̣ во сам̣гилзсигаа д̇хаммаа бахийяиссанд̇и, вод̣̇аанийяаа д̇хаммаа абхивад̣дхиссанд̇и, бан̃н̃аабаарибуурим̣ взбуллад̇д̇ан̃жа д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссат̇аа’’д̇и.
78. ‘‘Siyā kho pana te, nigrodha, evamassa – ‘antevāsikamyatā no samaṇo gotamo evamāhā’ti. Na kho panetaṃ, nigrodha, evaṃ daṭṭhabbaṃ. Yo eva vo 59 ācariyo, so eva vo ācariyo hotu. Siyā kho pana te, nigrodha, evamassa – ‘uddesā no cāvetukāmo samaṇo gotamo evamāhā’ti. Na kho panetaṃ, nigrodha , evaṃ daṭṭhabbaṃ. Yo eva vo uddeso so eva vo uddeso hotu. Siyā kho pana te, nigrodha, evamassa – ‘ājīvā no cāvetukāmo samaṇo gotamo evamāhā’ti. Na kho panetaṃ, nigrodha, evaṃ daṭṭhabbaṃ. Yo eva vo ājīvo, so eva vo ājīvo hotu. Siyā kho pana te, nigrodha, evamassa – ‘ye no dhammā akusalā akusalasaṅkhātā sācariyakānaṃ, tesu patiṭṭhāpetukāmo samaṇo gotamo evamāhā’ti. Na kho panetaṃ, nigrodha, evaṃ daṭṭhabbaṃ. Akusalā ceva vo te dhammā 60 hontu akusalasaṅkhātā ca sācariyakānaṃ. Siyā kho pana te , nigrodha, evamassa – ‘ye no dhammā kusalā kusalasaṅkhātā sācariyakānaṃ, tehi vivecetukāmo samaṇo gotamo evamāhā’ti. Na kho panetaṃ, nigrodha, evaṃ daṭṭhabbaṃ. Kusalā ceva vo te dhammā hontu kusalasaṅkhātā ca sācariyakānaṃ. Iti khvāhaṃ, nigrodha, neva antevāsikamyatā evaṃ vadāmi, napi uddesā cāvetukāmo evaṃ vadāmi, napi ājīvā cāvetukāmo evaṃ vadāmi, napi ye vo dhammā 61 akusalā akusalasaṅkhātā sācariyakānaṃ, tesu patiṭṭhāpetukāmo evaṃ vadāmi, napi ye vo dhammā 62 kusalā kusalasaṅkhātā sācariyakānaṃ, tehi vivecetukāmo evaṃ vadāmi. Santi ca kho, nigrodha, akusalā dhammā appahīnā saṃkilesikā ponobbhavikā 63 sadarā 64 dukkhavipākā āyatiṃ jātijarāmaraṇiyā, yesāhaṃ pahānāya dhammaṃ desemi. Yathāpaṭipannānaṃ vo saṃkilesikā dhammā pahīyissanti, vodānīyā dhammā abhivaḍḍhissanti, paññāpāripūriṃ vepullattañca diṭṭheva dhamme sayaṃ abhiññā sacchikatvā upasampajja viharissathā’’ti.
79. звам̣ вуд̇д̇з, д̇з бариб̣б̣ааж̇агаа д̇ун̣хийбхууд̇аа ман̇губхууд̇аа бад̇д̇агканд̇хаа ад̇хомукаа баж̇жхааяанд̇аа аббадибхаанаа нисийд̣̇им̣су яат̇аа д̇ам̣ маарзна барияудтид̇ажид̇д̇аа. ат̇а ко бхаг̇авад̇о зд̇ад̣̇ахоси – ‘‘саб̣б̣з бимз могхабурисаа пудтаа баабимад̇аа. яад̇ра хи наама згассаби на звам̣ бхависсад̇и – ‘ханд̣̇а маяам̣ ан̃н̃аан̣ад̇т̇амби саман̣з г̇од̇амз б̣рахмажарияам̣ жараама, гим̣ гариссад̇и сад̇д̇аахо’’’д̇и? ат̇а ко бхаг̇аваа уд̣̇умб̣аригааяа бариб̣б̣ааж̇агаараамз сийханаад̣̇ам̣ над̣̇ид̇ваа взхаасам̣ аб̣бхуг̇г̇анд̇ваа г̇иж̇жхагуудз баб̣б̣ад̇з бажжубадтааси 65. санд̇хаано бана г̇ахабад̇и д̇аавад̣̇зва рааж̇аг̇ахам̣ баависийд̇и.
79. Evaṃ vutte, te paribbājakā tuṇhībhūtā maṅkubhūtā pattakkhandhā adhomukhā pajjhāyantā appaṭibhānā nisīdiṃsu yathā taṃ mārena pariyuṭṭhitacittā. Atha kho bhagavato etadahosi – ‘‘sabbe pime moghapurisā phuṭṭhā pāpimatā. Yatra hi nāma ekassapi na evaṃ bhavissati – ‘handa mayaṃ aññāṇatthampi samaṇe gotame brahmacariyaṃ carāma, kiṃ karissati sattāho’’’ti? Atha kho bhagavā udumbarikāya paribbājakārāme sīhanādaṃ naditvā vehāsaṃ abbhuggantvā gijjhakūṭe pabbate paccupaṭṭhāsi 66. Sandhāno pana gahapati tāvadeva rājagahaṃ pāvisīti.
уд̣̇умб̣аригасуд̇д̇ам̣ нидтид̇ам̣ д̣̇уд̇ияам̣.
Udumbarikasuttaṃ niṭṭhitaṃ dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 2. уд̣̇умб̣аригасуд̇д̇аван̣н̣анаа • 2. Udumbarikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 2. уд̣̇умб̣аригасуд̇д̇аван̣н̣анаа • 2. Udumbarikasuttavaṇṇanā
