Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

3. уг̇г̇ахасуд̇д̇ам̣

3. Uggahasuttaṃ

33. згам̣ самаяам̣ бхаг̇аваа бхад̣̇д̣̇ияз вихарад̇и ж̇аад̇ияаа ванз. ат̇а ко уг̇г̇ахо мзн̣д̣аганад̇д̇аа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко уг̇г̇ахо мзн̣д̣аганад̇д̇аа бхаг̇аванд̇ам̣ зд̇ад̣̇авожа –

33. Ekaṃ samayaṃ bhagavā bhaddiye viharati jātiyā vane. Atha kho uggaho meṇḍakanattā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho uggaho meṇḍakanattā bhagavantaṃ etadavoca –

‘‘ад̇хиваасзд̇у мз, бханд̇з, бхаг̇аваа сваад̇анааяа ад̇д̇ажад̇уд̇т̇о бхад̇д̇а’’нд̇и . ад̇хиваасзси бхаг̇аваа д̇ун̣хийбхаавзна. ат̇а ко уг̇г̇ахо мзн̣д̣аганад̇д̇аа бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами.

‘‘Adhivāsetu me, bhante, bhagavā svātanāya attacatuttho bhatta’’nti . Adhivāsesi bhagavā tuṇhībhāvena. Atha kho uggaho meṇḍakanattā bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi.

ат̇а ко бхаг̇аваа д̇ассаа рад̇д̇ияаа ажжаязна буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна уг̇г̇ахасса мзн̣д̣аганад̇д̇уно нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко уг̇г̇ахо мзн̣д̣аганад̇д̇аа бхаг̇аванд̇ам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси. ат̇а ко уг̇г̇ахо мзн̣д̣аганад̇д̇аа бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ згаманд̇ам̣ нисийд̣̇и. згаманд̇ам̣ нисинно ко уг̇г̇ахо мзн̣д̣аганад̇д̇аа бхаг̇аванд̇ам̣ зд̇ад̣̇авожа – ‘‘имаа мз, бханд̇з, гумаарияо бад̇игулаани г̇амиссанд̇и. овад̣̇ад̇у д̇аасам̣, бханд̇з, бхаг̇аваа; анусаасад̇у д̇аасам̣, бханд̇з, бхаг̇аваа, яам̣ д̇аасам̣ асса д̣̇ийгхарад̇д̇ам̣ хид̇ааяа сукааяаа’’д̇и.

Atha kho bhagavā tassā rattiyā accayena pubbaṇhasamayaṃ nivāsetvā pattacīvaramādāya yena uggahassa meṇḍakanattuno nivesanaṃ tenupasaṅkami; upasaṅkamitvā paññatte āsane nisīdi. Atha kho uggaho meṇḍakanattā bhagavantaṃ paṇītena khādanīyena bhojanīyena sahatthā santappesi sampavāresi. Atha kho uggaho meṇḍakanattā bhagavantaṃ bhuttāviṃ onītapattapāṇiṃ ekamantaṃ nisīdi. Ekamantaṃ nisinno kho uggaho meṇḍakanattā bhagavantaṃ etadavoca – ‘‘imā me, bhante, kumāriyo patikulāni gamissanti. Ovadatu tāsaṃ, bhante, bhagavā; anusāsatu tāsaṃ, bhante, bhagavā, yaṃ tāsaṃ assa dīgharattaṃ hitāya sukhāyā’’ti.

ат̇а ко бхаг̇аваа д̇аа гумаарияо зд̇ад̣̇авожа – ‘‘д̇асмаад̇иха, гумаарияо, звам̣ сигкид̇аб̣б̣ам̣ – ‘яасса во ¹ маад̇аабид̇аро бхад̇д̇уно д̣̇ассанд̇и ад̇т̇агаамаа хид̇зсино анугамбагаа анугамбам̣ убаад̣̇ааяа, д̇асса бхависсаама буб̣б̣удтааяинияо бажчаанибаад̇инияо гим̣гаарабадиссаавинияо манаабажааринияо бияаваад̣̇инияо’д̇и. зван̃хи во, гумаарияо, сигкид̇аб̣б̣ам̣.

Atha kho bhagavā tā kumāriyo etadavoca – ‘‘tasmātiha, kumāriyo, evaṃ sikkhitabbaṃ – ‘yassa vo ² mātāpitaro bhattuno dassanti atthakāmā hitesino anukampakā anukampaṃ upādāya, tassa bhavissāma pubbuṭṭhāyiniyo pacchānipātiniyo kiṃkārapaṭissāviniyo manāpacāriniyo piyavādiniyo’ti. Evañhi vo, kumāriyo, sikkhitabbaṃ.

‘‘д̇асмаад̇иха, гумаарияо, звам̣ сигкид̇аб̣б̣ам̣ – ‘яз д̇з бхад̇д̇у г̇аруно ³ бхависсанд̇и маад̇аад̇и ваа бид̇аад̇и ваа саман̣аб̣раахман̣аад̇и ваа, д̇з саггариссаама г̇арум̣ гариссаама ⁴ маанзссаама бууж̇зссаама аб̣бхааг̇ад̇з жа аасанод̣̇агзна бадибууж̇зссаамаа’д̇и ⁵. зван̃хи во, гумаарияо, сигкид̇аб̣б̣ам̣.

‘‘Tasmātiha, kumāriyo, evaṃ sikkhitabbaṃ – ‘ye te bhattu garuno ⁶ bhavissanti mātāti vā pitāti vā samaṇabrāhmaṇāti vā, te sakkarissāma garuṃ karissāma ⁷ mānessāma pūjessāma abbhāgate ca āsanodakena paṭipūjessāmā’ti ⁸. Evañhi vo, kumāriyo, sikkhitabbaṃ.

‘‘д̇асмаад̇иха , гумаарияо, звам̣ сигкид̇аб̣б̣ам̣ – ‘яз д̇з бхад̇д̇у аб̣бханд̇араа гамманд̇аа ун̣н̣аад̇и ваа габбаасаад̇и ваа, д̇ад̇т̇а д̣̇агкаа бхависсаама аналасаа , д̇ад̇рубааяааяа виймам̣сааяа саманнааг̇ад̇аа, алам̣ гаад̇ум̣ алам̣ сам̣вид̇хаад̇у’нд̇и. зван̃хи во, гумаарияо, сигкид̇аб̣б̣ам̣.

‘‘Tasmātiha , kumāriyo, evaṃ sikkhitabbaṃ – ‘ye te bhattu abbhantarā kammantā uṇṇāti vā kappāsāti vā, tattha dakkhā bhavissāma analasā , tatrupāyāya vīmaṃsāya samannāgatā, alaṃ kātuṃ alaṃ saṃvidhātu’nti. Evañhi vo, kumāriyo, sikkhitabbaṃ.

‘‘д̇асмаад̇иха, гумаарияо, звам̣ сигкид̇аб̣б̣ам̣ – ‘яо со бхад̇д̇у аб̣бханд̇аро ⁹ анд̇ож̇ано д̣̇аасаад̇и ваа бзссаад̇и ваа гаммагараад̇и ваа, д̇зсам̣ гад̇ан̃жа гад̇ад̇о ж̇ааниссаама агад̇ан̃жа агад̇ад̇о ж̇ааниссаама, г̇илаанагаанан̃жа б̣алааб̣алам̣ ж̇ааниссаама, каад̣̇анийяам̣ бхож̇анийяан̃жасса бажжам̣сзна ¹⁰ сам̣вибхаж̇иссаамаа’д̇и ¹¹. зван̃хи во, гумаарияо, сигкид̇аб̣б̣ам̣.

‘‘Tasmātiha, kumāriyo, evaṃ sikkhitabbaṃ – ‘yo so bhattu abbhantaro ¹² antojano dāsāti vā pessāti vā kammakarāti vā, tesaṃ katañca katato jānissāma akatañca akatato jānissāma, gilānakānañca balābalaṃ jānissāma, khādanīyaṃ bhojanīyañcassa paccaṃsena ¹³ saṃvibhajissāmā’ti ¹⁴. Evañhi vo, kumāriyo, sikkhitabbaṃ.

‘‘д̇асмаад̇иха, гумаарияо, звам̣ сигкид̇аб̣б̣ам̣ – ‘яам̣ бхад̇д̇аа аахариссад̇и д̇ханам̣ ваа д̇хан̃н̃ам̣ ваа раж̇ад̇ам̣ ваа ж̇аад̇аруубам̣ ваа, д̇ам̣ аарагкзна ¹⁵ г̇уд̇д̇ияаа самбаад̣̇зссаама, д̇ад̇т̇а жа бхависсаама ад̇худ̇д̇ий ат̇зний асон̣д̣ий авинаасигааяо’д̇и. зван̃хи во, гумаарияо, сигкид̇аб̣б̣ам̣. имзхи ко, гумаарияо, бан̃жахи д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа манаабагааяигаанам̣ д̣̇зваанам̣ сахаб̣яад̇ам̣ убабаж̇ж̇ад̇ий’’д̇и.

‘‘Tasmātiha, kumāriyo, evaṃ sikkhitabbaṃ – ‘yaṃ bhattā āharissati dhanaṃ vā dhaññaṃ vā rajataṃ vā jātarūpaṃ vā, taṃ ārakkhena ¹⁶ guttiyā sampādessāma, tattha ca bhavissāma adhuttī athenī asoṇḍī avināsikāyo’ti. Evañhi vo, kumāriyo, sikkhitabbaṃ. Imehi kho, kumāriyo, pañcahi dhammehi samannāgato mātugāmo kāyassa bhedā paraṃ maraṇā manāpakāyikānaṃ devānaṃ sahabyataṃ upapajjatī’’ti.

‘‘яо нам̣ бхарад̇и саб̣б̣ад̣̇аа, нижжам̣ аад̇ааби уссуго;

‘‘Yo naṃ bharati sabbadā, niccaṃ ātāpi ussuko;

саб̣б̣агаамахарам̣ босам̣, бхад̇д̇аарам̣ наад̇иман̃н̃ад̇и.

Sabbakāmaharaṃ posaṃ, bhattāraṃ nātimaññati.

‘‘на жааби сод̇т̇и бхад̇д̇аарам̣, иссаажаарзна ¹⁷ росаяз;

‘‘Na cāpi sotthi bhattāraṃ, issācārena ¹⁸ rosaye;

бхад̇д̇у жа г̇аруно саб̣б̣з, бадибууж̇зд̇и бан̣д̣ид̇аа.

Bhattu ca garuno sabbe, paṭipūjeti paṇḍitā.

‘‘удтаахигаа ¹⁹ аналасаа, сан̇г̇ахид̇абариж̇ж̇анаа;

‘‘Uṭṭhāhikā ²⁰ analasā, saṅgahitaparijjanā;

бхад̇д̇у манаабам̣ ²¹ жарад̇и, самбхад̇ам̣ анурагкад̇и.

Bhattu manāpaṃ ²² carati, sambhataṃ anurakkhati.

‘‘яаа звам̣ вад̇д̇ад̇ий наарий, бхад̇д̇учанд̣̇авасаануг̇аа;

‘‘Yā evaṃ vattatī nārī, bhattuchandavasānugā;

манаабаа наама д̇з д̣̇зваа, яад̇т̇а саа убабаж̇ж̇ад̇ий’’д̇и. д̇ад̇ияам̣;

Manāpā nāma te devā, yattha sā upapajjatī’’ti. tatiyaṃ;

Next: 4. сийхасзнаабад̇исуд̇д̇ам̣ • 4. Sīhasenāpatisuttaṃ

Footnotes:

1. яасса ко (сий. сяаа. гам̣.)

2. yassa kho (sī. syā. kaṃ.)

3. г̇уруно (га.)

4. г̇аругариссаама (сий. сяаа. гам̣. бий.)

5. бууж̇зссаамаад̇и (сий.)

6. guruno (ka.)

7. garukarissāma (sī. syā. kaṃ. pī.)

8. pūjessāmāti (sī.)

9. аб̣бханд̇арз (га.)

10. бажжаяам̣ д̇зна (га. сий.), бажжаяам̣сзна (сяаа. гам̣.), бажжаяам̣ сзнаасанам̣ бажжад̇д̇ам̣сзна (га.) а. ни. 8.46

11. вибхаж̇иссаамаад̇и (сий. сяаа. гам̣.)

12. abbhantare (ka.)

13. paccayaṃ tena (ka. sī.), paccayaṃsena (syā. kaṃ.), paccayaṃ senāsanaṃ paccattaṃsena (ka.) a. ni. 8.46

14. vibhajissāmāti (sī. syā. kaṃ.)

15. д̇ам̣ аарагкааяа (сий.)

16. taṃ ārakkhāya (sī.)

17. ижчаажаарзна (сий.), иссааваад̣̇зна (бий.)

18. icchācārena (sī.), issāvādena (pī.)

19. удтааяигаа (сяаа. гам̣. га.)

20. uṭṭhāyikā (syā. kaṃ. ka.)

21. манаабаа (сий.)

22. manāpā (sī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. уг̇г̇ахасуд̇д̇аван̣н̣анаа • 3. Uggahasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. уг̇г̇ахасуд̇д̇аван̣н̣анаа • 3. Uggahasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact